Cabinet Dr Mohamed Lotfi Mhenni

28/06/2023

عيدكم مبارك

22/03/2023

27/06/2021

أرقام على ذمة الجميع لتجيب على كل تساؤلاتكم و تمكنكم بالإتصال باطباء متطوعين للعناية بمرضا الكورونا. شفاكم الله جميعا

23/04/2020

رمضان مبارك

23/04/2020

Romdhankom mabrouk

01/11/2019

important

آداب الاتصال بالطبيب

1- لما تتصل بالطبيب و مايردش عليك موش لازم تشد صحيح و تعاود تطلبو 20 مرة لأنه ممكن يكون لاهي يشوف في مريض آخر أو ممكن يكون راقد أو ياخد دوش كبقية الخلق.

2- موش معقول تتصل بالطبيب بعد منتصف الليل باش تقولو أنا جيت عديت عندك جمعة للتالي نحس روحي خير برشة أما مازالت عندي شوية فشلة شنوة نعمل..؟

3- موش معقول تتصل بالطبيب سواء في أوقات العمل أو خارجه باش تسألو : بربي يا دكتور نحس بهاكة و هاكة زعمة شنوة ناخد؟!، الطبيب لا يجري فحوصات عبر الهاتف.

4- موش معقول أنك تتصل بالطبيب 7 صباحا باش تسألو : أنت موجود فالعيادة دكتور أو وقتاش نلقاك؟ وكيف تسألو شنوة عندك لاباس؟ يقولك نحب نجيبلك ورقة لاسورانس تطبعهالي... هناك كاتبة يمكنها الرد على هذه المكالمات على الهاتف القار أثناء أوقات العمل.

5- موش معقول تتصل بالطبيب في اليوم الأول بعد الفحص باش تقولو ولدي ماحبتش طيحلو السخانة أو مازال يكح و هو مازال كيف خدا جرعة وحدة من الدوا أو مازال ما بداش ياخد فيه أصلا.
6- موش معقول أنك تتصل بالطبيب باش تقولو راني ما تحسنتش و كيف يسألك خديت دواك؟ تقولو لا ما خديتش خاطر الصيدلي قالي كذا أو قريت عليه فالانثرنيت كذا و كذا، منو هاكة من الأول داوي روحك عند الصيدلي مباشرة أو عبر الإنترنت.

7- موش معقول أنك تتصل بالطبيب في يوم الراحة أو في الأعياد الرسمية و تقولو هاني قدام العيادة و تلح عليه باش يجيك و يفتح العيادة على خاطرك، ممكن فالحالات المستعجلة تطلبو يجيك زيارة منزلية أو انك تمشي للاستعجالي.

8- موش معقول تتصل بالطبيب بالليل و بعد أوقات العمل باش تقولو أنك بعد الفحص نسيت ما خديتش راحة مرضية و تعلمو أنك باش تتعدى لغدوة 8 متاع الصباح باش تاخد الشهادة المرضية.

9- موش معقول تتصل بالطبيب في أوقات غير مناسبة بعد لشافك و فهمك كل شي باش تسألو : بربي كيفاش ناخد الدوا هذا؟ و قبل و لا بعد الأكل؟ و ناخد الدوا الكل مع بعضو ولا كيفاش..؟ المعلومات هاذي تاخدها من عند الصيدلي.

10- موش معقول أنك تتصل بالطبيب بعد لشاف المريض و فهم المرافق متاعو على كل شي و تقولو أنا خو المريض لي جبتهولك ليوم الصباح و أنا لي بابا كان يحكي معاك ثوة نحب نعديلك أختي تفهمها شنيا حالتو بالظبط، الطبيب ليس مطالب باش يلف على العيلة فرد فرد.

الإتصال بالطبيب على هاتفه المحمول يكون فقط عند الضرورة القصوى و في الحالات المستعجلة، ما عدا ذلك الرجاء الإتصال بالكاتبة على الهاتف القار.

12/01/2019

A méditer

06/01/2019

Important

بلاغ حول الوقاية من الالتهابات التنفسيّة الحادّة الفيروسيّة خلال فصل الشتاء

تعتبر الالتهابات التنفسيّة الحادّة الفيروسيّة كالنزلة الموسميّة (Grippe) من أكثر الأمراض المعدية انتشارا خلال فصل الشّتاء، وهي تصيب جميع الفئات العمريّة، لكن كبار السنّ والأطفال والمصابين بأمراض مزمنة هم من أكثر المعرّضين للإصابة بها.
ومع انخفاض درجات الحرارة فإن احتمال الإصابة بهذا المرض قد يتزايد، لذا تدعو وزارة الصحّة المواطنين إلى اتّباع طرق الوقاية التالية :
• تجنّب الاتصال الوثيق بمرضى النزلة الموسميّة أو القريب،
• غسل اليدين بالماء والصابون عدّة مرّات في اليوم،
• استعمال المنديل الورقي عند السّعال والعطس ورميه مباشرة في سلّة المهملات،
• التلقيح ضدّ القريب خاصّة بالنسبة لكبار السنّ والأطفال والمصابين بأمراض مزمنة والنّساء الحوامل.

أمّا في حال الإصابة بعدوى القريب تنصح وزارة الصحّة بـ :
• وضع كمّامة على الفم والأنف وإبدالها عدّة مرّات في اليوم،
• رمي المناديل الورقيّة التي تستخدمها في سلّة المهملات المخصّصة لذلك،
• تناول الحساء السّاخن والمشروبات الدافئة،
• استهلاك الغلال الغنيّة بفيتامين "ج" مثل البرتقال المتوفر بكثرة في هذا الفصل،
• تناول كميّات كافية من المياه مع التزام الراحة إذا لزم الأمر،
• عدم مشاركة الآخرين في استعمال أدواتهم اليوميّة كالمناشف أو أدوات الأكل والشّرب،
• تهوئة المنازل باستمرار ولمدّة نصف ساعة في اليوم على الأقل،
• زيارة الطبيب إذا شعر المريض بضيق التنفّس على سبيل المثال أو عند تسجيل حرارة مرتفعة رغم استعمال الدّواء.