https://www.facebook.com/105157214260847/

Cabinet d'Orthophonie Frikha Ons, Manouba (2025)

23/04/2025

19/04/2025

طبيب يكتب:

كانت لباس… حتى طاحت.

كانت "لباس".
حتى نهار، طاحت.
بالمعنى الحرفي للكلمة.

عمرها 39 سنة.
عندها زوز صغار.
مديرة في خدمة تحبها برشا
نمط عيش جيد، ما عليه حتى كلام :
❌ تتكيف.. لا
❌ تشرب.. لا
❌ ڨازوز.. لا
❌ ماكلة مالشارع.. لا
✅مشي كل نهار احد
✅و عندها smart watch تقيّسلها ال stress متاعها
✅كانت مثالية باتم معنى الكلمة!

لكن في الكواليس:

🔴نوم متقطع، مشوّش، غير كامل
🔴تقوم يوميا 3 متاع الصباح وقلبها يدق مفجوعة
🔴تشرب 3 قهاوي بش تنجم تاقف على ساقيها

وكلمتها اليومية: "أنا نخدم.. ما عنديش حل آخر."

البدن عطاها إنذارات :
⚠️تعب ما يزولش
⚠️خفقان للقلب
⚠️دوخة
⚠️صعوبات في التنفس
⚠️أوجاع في الصدر
⚠️وناس تقلها: "راهُو يلزمك ترتاح شوية."

أما هي، ما اعطاتش اهمية للي صاير.. في بالها حاجة عادية.. حتى جاء نهار، ومخّها قالها يزي!

الصباح في الكوجينة :
🔵كاس يطيح
🔵كلام يتلخبط
🔵نظرة حزن قدّام صغارها
🔵وساق ما عادش تتحرّك

ال urgence.. ال scanner.. بووم.. التشخيص؟
⚠️سكتة دماغية AVC

⚠️السكتة الدماغية هي السبب الأوّل للموت عند النساء.

الخلطة ؟
ستراس، ضغط ذهني، قلة نوم…
هذا موش mode de vie كيما يعتقدوا برشا.. هذا عدّاد حياتك قاعد ينقصلك في عمرك بشويا بشويا..

المشكل ما كانش في شنوّة تاكل،
المشكل كانت في شنوّة تتحمّل المسكينة!!

الخدمة، الصغار، الالتزامات، المواعيد، التطييب، المدرسة، الروضة، ما نحبش نوخر على خدمتي، نحب نكون اللولة في خدمتي..
هذا هو الضغط الكبير الي إنها لازم تكون "parfaite" في كل شي، في كل بلاصة، و في كل وقت..

عادي توا نتصرف و نجاري ال stress متاعي 🧘 .. ومن بعد بووم 💥.. تفيق الصباح تلقى روحك معاش تمشي على ساقيك..

نطمنكم انو حالتها خير اليوم..
قصّت 30% من مواعيدها في الخدمة متاعها..
و فسخت 100% من تأنيب الضمير اللي كانت عليه.. الضمير اللي كل يوم كان يوسوسلها: "ما يهمكشي في ال stress.. حاجة بسيطة، كاس قهوة، توا تتفرهد.. المفيد لازمك تكون مثالية!"

و على خاطر مريضتنا في الاخر فهمت حاجة مهمّة برشا :
✅حتى واحد ما هو بش يحس في بلاصتها..
✅هي لازم تسمع روحها..
✅قبل ما بدنها يعيط عليها بصوت عالي و يعطي في الانذارات

للاسف، البارح، كانت تعيش للناس..
اما اليوم.. ما فما حتى حد ينجم يمشي في بلاصتها.

ردوا بالكم على صحتكم النفسية.