05/02/2026
تحليل بالساهل | مخزون السكر (HbA1c)
برشا ناس يعملو تحليل السكر ويقولك:
👉 “اليوم السكر طالع”
👉 “اليوم السكر هابط”
❗ أمّا مخزون السكر يحكيلك الحكاية الكل، موش نهار واحد برك 😉
🔍 شنوّة مخزون السكر ؟
هو تحليل يورّيك معدّل السكر في الدم متاعك خلال آخر 3 شهور
يعني يشوف:
☑ أكلك
☑ أدويتك
☑ طريقة عيشك
🕒 علاش 3 شهور ؟
خاطر الكرية الحمراء تعيش تقريبًا 3 شهور،
والسكر يتلصّق فيها،
والتحليل هذا يقيس قداش كان موجود طول الفترة هاذي.
🍽 يلزم صيام ؟
❌ لا
تنجم تجي في أي وقت
حتى كان فطرت ولا شربت قهوة ☕😉
📊 كيفاش نقرا النتيجة ؟
• أقل من 5.7 ٪ → كل شي باهي
• بين 5.7 و 6.4 ٪ → راهو يلزم الانتباه
• 6.5 ٪ و أكثر → سكري، يلزم متابعة
⚠ معلومة مهمّة برشا
كان السكر يطلع نهار ويهبط نهار،
التحليل العادي ينجم يضحك عليك،
أمّا مخزون السكر ما يكذبش 👀
👨⚕️ لشكون مهم ؟
✔ للي عندهم سكري
✔ للي في عايلتهم سكري
✔ للي يحبو يطمّنو على صحتهم
🏥 🤍
العنوان:عمارة الحاج سالم مترق مستشفى المكنين
Laboratoire d'analyses médicales Dr Slah Eddine liouane Moknine
الهاتف 97094053
