Cabinet d'endocrinologie, diabète et obésité - Dr Wafa Badr

15/12/2025

أجهزة الـ CGM (الكابتور): نقلة نوعية في مراقبة السكري، لكن الحذر واجب!

في المدة لخرة، برشة مرضى سكري ولاو يستعملو في أجهزة القياس المستمر (CGM). هي ثورة تكنولوجية بأتم معنى الكلمة، تعطيك فيلم كامل لمستويات السكر 24/24 .

لكن، لضمان السلامة والاستفادة القصوى، لازم الانتباه لنقاط تقنية هامة:

1. أهمية دقة الجهاز (Accuracy & Validation)
السوق اليوم تعبّى بأنواع مختلفة، مش كلها بنفس الكفاءة.

النصيحة: ستعمل كان الأجهزة المصادق عليها طبياً او المعروفة بدقتها. الاعتماد على أجهزة غير دقيقة ممكن يعرضك لمخاطر صحية حقيقية نتيجة جرعات خاطئة.

2. دور تحليل الدم التقليدي (وخز الإصبع)
تركيب الكابتور ما يعنيش الاستغناء نهائياً عن جهاز قياس السكر بالدم (Glucomètre). التكنولوجيا، مهما تطورت، تجم تخطئ . وقتاش لازمك تحلل بGlucomètre؟

- كي تبدأ الأعراض ما تقابلش مع الرقم (مثلاً: الجهاز يقرأ سكر طبيعي وأنت تشعر بأعراض هبوط).

- في الفترات التي تتغير فيها مستويات السكر بسرعة كبيرة.

- عند الشك في دقة الجهاز أو في اليوم الأول للتركيب.

3. فهم "فارق التوقيت" (The Lag Time)
الـ CGM ما يقيسش السكر في الدم! هو يقيس السكر في "الماء اللي بين الخلايا" (Liquide interstitiel).

الفرق؟ فمّا ديما تأخير زمني (بين 10 إلى 15 دقيقة) بين سكر الدم وسكر الجهاز.

المشكل: عند الارتفاع المفاجئ أو الهبوط السريع، تكون قراءة الجهاز "متأخرة" عن الواقع. وقتها لازمك تحلل بالدم باش تعرف الصحيح.

4. فخ "الضغط أثناء النوم" (Compression Lows)
ساعات تلقى الكابتور سجل إنو سكرك طاح للـ 0.50 وأنت راقد وما فماش علامات! في أغلب الحالات، هذا يتسمى "Compression Low". يعني أنت رقدت على يدك وين الكابتور، والضغط حبس السوائل، فالكابتور قرأ "هبوط خاطئ".

الحل: حلّل بصبعك وتأكد الساعة قبل تناول السكريات.

#سكري ̀tel

04/12/2025

"الكابتور" (CGM): كيفاش تستعمله بذكاء حتى كانه غالي!

تسمع برشة عباد تحكي على "الكابتور" (Freestyle, Dexcom..)، وتشوف رياضيين ومرضى سكري مركبينو في يدهم.

1️⃣ شنوة هو الـ CGM؟ (Continuous Glucose Monitor)
هو جهاز صغير يلصق في اليد (أو البطن)، فيه ابره جويدة تدخل تحت الجلد.

يقيس السكر كل دقيقة ويبعثه لتليفونك أو لماكينة خاصة.

الـ CGM يعطيك "فيلم كامل": تشوف السكر كيفاش طلع، كيفاش هبط، ووين ماشي (بالفلاشات ↗️↘️➡️).

2️⃣ "الدقة" (Accuracy)
موش أي "كابتور" رخيص تشريه من الإنترنت راهو باهي. في عالم الـ CGM، كلمة الدقة نقيسوها بحاجة اسمها MARD.

كل ما الـ MARD يكون أقل، كل ما الجهاز أدق وأقرب لتحليل الدم الحقيقي.

نصيحة: اشري الماركات المعروفة والمجربة (Validé). بعض الأجهزة تنجم تعطيك أرقام غالطة وتخليك تاخو دواء بالزايد أو بالناقص.

3️⃣ غالي برشة؟ موش لازم تلبسو ديما! 💸
نعرفو اللي الـ CGM يتكلف برشة فلوس وموش الناس الكل تنجم عليه كل شهر.

موش لازم تلبسو 365 يوم في العام باش تستنفع بيه! (إلا في حالات معينة ينصح بيها الطبيب للنوع 1).

تنجم تعمل "استراتيجية الأسبوعين": ركّب كابتور واحد (يخدم 14 يوم مثلاً) والهدف متاعو موش المراقبة أكهو، بل التعليم وفهم النمط.

4️⃣ كيفاش "تفهم النمط" في هاك الجمعتين؟
استغل الأيامات هاكي باش تجرب وتتعلم كيفاش بدنك يتفاعل:

كول "كسكروت" وشوف السكر كيفاش يطير للسماء وقداش يبقى باش يهبط.

كول صحن "برغل" ولا "سلاطة" وشوف الفرق.

شوف تأثير "الستراس" والخدمة على سكرك.

شوف كيفاش "المشي" يطيح السكر بسرعة.

الفايدة: بعد ما تنحي الكابتور، تبدأ حفظت بدنك. تولي تعرف وحدك: "الماكلة هاذي تطلعلي السكر، لازمني نبعد عليها".

📝 الخلاصة: الـ CGM أداة تعليمية قوية برشة. حتى كان ما تنجمش تشريه ديما، حاول تشريه مرة ولا اثنين في العام باش تعمل Mise à jour لفهم بدنك وتصلّح ماكلتك.

#سكري #تكنولوجيا

26/11/2025

"نقصت الملح وباقي التنوسيون طالعة؟"...

أول كلمة يسمعها أي حد عندو ضغط الدم: "نحّي الملح" (Regime sans sel). صحيح الملح الزايد خايب، أما برشة ناس يحرمو رواحهم سنين، ومع ذلك "التنوسيون" تبقى طالعة والدواء ديما يزيد. علاش؟

1. السكّر يجم يكون اخطر من الملح! (علاقة الأنسولين) 🍬
كي تاكل برشة عجين، خبز، وحلو، هرمون الأنسولين يطلع في الدم. الأنسولين يعطي الكلاوي أمر باش "يشدّوا الملح والماء" وما يخرجوهوش في البولة.

المعنى: تنجم تاكل شوية ملح، أما على خاطر الأنسولين طالع، بدنك "يحبس" الملح هذاكا، وحجم الدم يزيد، والضغط يطلع.

نقص السكر والنشويات، تو الكلاوي تخرج الماء والملح الزايد وحدها.

2. نقص البوتاسيوم والمغنيزيوم 🥬
الضغط هو توازن بين "الصوديوم" (الملح) و"البوتاسيوم". باش العروق تترخف والضغط يطيح، لازمك بوتاسيوم. المشكلة إنو أغلب التوانسة ياكلو برشة عجين (فقير بالمعادن) وما ياكلوش برشة خضرة.

كي ينقص البوتاسيوم والمغنيزيوم، العروق "تتشنج" (Vasoconstriction) والضغط يطلع حتى كان ما كليتش ملح.

الحل: كول خضرة،...معدنوس، سلق، سبناخ (الخضروات الورقية).

3. العروق يابسة (Rigidité artérielle)
ضغط الدم يطلع كي العروق تولي "يابسة" و ما فيهاش souplesse. شنوة اللي يبيّس العروق؟

الالتهاب المزمن: اللي يجي من الزيوت النباتية (زيت حاكم، مقلي) والماكلة المصنعة. السكر يجرح العروق من داخل، يخلي البدن يرقّع بالكولسترول والكالسيوم، لين العرق يولي يابس.

4. الستراس وقلة النوم
كانك ديما "على أعصابك" وما ترقدش مليح، الكورتيزول (Cortisol) باش يخلي عروقك ديما مكبوسة والضغط طالع.

🩺 الخلاصة:
ريجيم "المسّوس" وحدو حل ناقص . باش تعدّل الضغط وتتجنب الجلطات:

نقص السكر والعجين.

كول الخضرة في كل وجبة (باش تعبي بوتاسيوم).

صلّح مقاومة الأنسولين (الصيام المتقطع يعاون برشة).

ابعد على الزيوت المهدرجة والمقلي.

الضغط راهو "إنذار" من البدن إنو فمّا خلل في الميتابوليزم الكل، موش مجرد "ملح زايد".

#ملح #بوتاسيوم

19/11/2025

"ناكل كان الصحي أما الميزان حابس"... علاش؟ السر في Calories/ السعرات

برشة عباد تبدأ ريجيم، تنحّي العشاء، توقّف المقلي، تاكل كان السلايط... أما الميزان يبقى واقف في بلاصته. والمشكل يتكرر: "علاه مانيش نطيّح؟"

الحقيقة ساهلة، أما برشة ناس تغفل عليها: تنقيص الوزن ( الشحم بالذات) عندو قاعدة علمية واحدة: العجز في السعرات الحرارية (Calorie Deficit).

خلّينا نفسروها بالدارجة...

1. بدنك كيف "الماكينة"
البدن متاعك يحرق (سعرات حرارية / Calories) باش يعيش ويتحرّك. الوقود هذا يجيبو من الماكلة.

كان عطيته وقود (ماكلة) أكثر ملي يحرق = الفايض هذاكا يتخبى في البدن (أغلبه شحم). الميزان يطلع.

كان عطيته ماكلة قد اللي يحرق = يبقى كيما هو. الميزان واقف.

كان عطيته ماكل أقل ملي يحرق = البدن يلوّج على طاقة، يضطر يمشي "للمخزون" (الشحم) ويحرق منو. الميزان يطيح.

هذي هي حكاية "العجز في السعرات".

2. "أما ناكل كان الصحي!" ... وين المشكل؟
هنا المغالطة الكبيرة. ما فماش ماكلة "تسمّن" وماكلة "تضعّف". فمّا ماكلة "فيها برشة سعرات" وماكلة "فيها شوية سعرات".

تنجم تاكل "صحي" وتزيد في الميزان؟ إيه، تنجم.

مثال: اللوز، الأفوكادو، وزيت الزيتونة... صحّيين ومفيدين برشة. أما زادة "غنيين" برشة بالسعرات الحرارية.

كان كليت برشة منهم (حفنة لوز كبيرة + كعبة أفوكادو + برشة زيت على السلاطة)، تنجم بالسهل تفوت حاجتك اليومية من السعرات، وبدنك يخبّي الفايض... حتى كان الماكلة هذيكة "صحّية".

3. الحكاية موش "نوع" الماكلة، الحكاية "كمية" السعرات
الميزان ما يفرّقش بين 500 كالوري متاع شوكولاطة، و 500 كالوري متاع دجاج وسلاطة. في زوز حالات، إنت دخّلت 500 كالوري.

- أما ... (وهذا المهم برشة)...

فمّا فرق كبير في "الشبع" وفي "الحجم"

500 كالوري متاع شوكولاطة (أو كرواسون أو بيتزا): حجمهم صغير في المعدة. ما يشبعوش برشة، بالعكس، يخليوك تحب تزيد تاكل و "سكّرت" بيهم جزء كبير من ميزانيتك متاع السعرات في نهارك.

500 كالوري متاع دجاج وخضرة وسلاطة: حجمهم كبير برشة (يعبّي صحن كبير). فيهم ألياف (Fibre) وبروتين، يخليوك شبعان بالسوايع. "قنّعوك" وشبعوك بنفس عدد السعرات.

- الخلاصة ليك:
ما فماش ماكلة ممنوعة: تنجم تضعاف وإنت تاكل في كل شيء، أما بكميات معقولة وتحت "سقف" السعرات متاعك.

ركّز على الماكلة اللي "تشبّع": علاش ديما ننصحو بالخضرة والبروتين (دجاج، حوت، بيض)؟ موش خاطرهم "يضعّفوا"، أما خاطرهم يعاونوك باش تشبع بأقل عدد ممكن متاع سعرات، ويخليو عملية "العجز" ساهلة وما فيهاش جوع.

ماكلة "الجاهز" (Fast food) موش خايبة في ذاتها: أما هي "كثيفة" برشة بالسعرات. تاكل حاجة صغيرة، تلقى روحك كليت سعرات متاع نهار كامل، وزيد تبقى جيعان.

الريجيم الناجح هو اللي يخليك شبعان وفي نفس الوقت عامل "عجز" في السعرات.

#تغذية

10/11/2025

علاش التلقيح ضد القريب ضروري لمرضى السكري؟

مع دخولنا في فصل الشتاء، يبدأ موسم "القريب" (Grippe). برشة ناس تشوف القريب كمرض عادي، أما الحكاية تختلف عند الناس اللي تعاني من السكري (Diabète).

- السكري والقريب: علاقة خطيرة
برشا ناس ما تعرفش اللي مرض السكري، حتى كان "معدّل" بالدوايات، يخلّي مناعة البدن أضعف شوية.

هذا يعني أن مريض السكري عُرضة أكثر باش يمرض بالقريب. المرض يكون أقوى و المضاعفات أخطر.

⚠️ علاش القريب خطير على مريض السكري بالذات؟
كي يمرض مريض السكري بالقريب، بدنو يدخل في حالة Stress باش يقاوم الفيروس. هذا يعمل زوز مشاكل:
- القريب يطلّع السكر في الدم، وحتى كان تاخو في دواك، يصعب تعديل السكر.

- المناعة الضعيفة مع السكر الطالع تزيد في خطورة المضاعفات، كيما:

* الالتهاب في الرية (Pneumonie): اللي ينجم يوصل للسبيطار.

* التهاب القصبات الهوائية (Bronchite).

* تدهور حالة القلب (للي عندو مشاكل في القلب).

✅ الحل ساهل: التلقيح
أحسن حماية لمريض السكري من المشاكل هذه الكل هي التلقيح ضد القريب.

معلومات مهمة على التلقيح:

آمن: التلقيح آمن جداً لمرضى السكري، وما عندوش حتى علاقة بمرض السكري.

ما يمرّضكش: التلقيح ما يعملش القريب. هو يحفّز المناعة متاعك باش تدافع على روحها ضد الفيروس.

يحمي: التلقيح ينقص من خطورة إنك تمرض، وحتى كان مرضت، المرض يجي خفيف والمضاعفات تكون شبه معدومة.

👨‍⚕️ نصيحة
إذا عندك السكري (سواء النوع 1 أو النوع 2)، ما تخمّمش برشا.

التلقيح هذا يتعمل مرة في العام (عادة في شهر أكتوبر أو نوفمبر).

29/07/2022

Hypothyroïdie et grossesse

- Les hormones thyroïdiennes jouent un rôle important sur le développement cérébral et une T4 basse est à l’origine de désordres irréversibles chez le fœtus. La propre thyroïde de l’enfant ne prend le relais qu’à partir de la 16e semaine d’aménorrhée.

- Donc, il est essentiel de dépister une éventuelle hypothyroïdie en début de grossesse, idéalement avant même la conception, en particulier chez les femmes qui ont un antécédent personnel ou familial de dysthyroïdie.

- Si l’hypothyroïdie est déjà connue avant la grossesse, il est impératif de consulter dès le début de la grossesse pour augmenter la dose du traitement, car les objectifs thérapeutiques et les besoins en hormones thyroïdiennes ne sont pas les mêmes!

- Par ailleurs, un contrôle plus rapproché du bilan thyroïdien sera nécessaire pendant la grossesse.

29/06/2022

ما هي أفضل طريقة لفقدان الوزن بنفسي؟

لفقدان الوزن، يجب عليك تناول عدد أقل من السعرات والقيام بمزيد من الحركة.

قارنت الدراسات بين النظم الغذائية المختلفة. ليس هناك نظام غذائي أفضل من الأنظمة الغذائية الأخرى. فأي نظام غذائي يقلل عدد السعرات الحرارية التي تتناولها يمكنه مساعدتك على إنقاص الوزن - طالما أنك ملتزم به. يجب عليك اختيار النظام الغذائي أو نمط الأكل الذي يناسبك.

ويؤدي النشاط البدني نفس المهمة. يمكنك المشي، أو الرقص، أو الاعتناء بالحديقة،... فالمهم هو زيادة عدد السعرات الحرارية التي تحرقها عن طريق زيادة الحركة. ويجب عليك الاستمرار في ممارسة النشاط الإضافي.

إذا اتبعت نظامًا غذائيًا لفترة قصيرة أو زدت من نشاطك لفترة من الوقت، فقد تفقد الوزن. لكنك ستستعيد هذا الوزن مرة أخرى إذا عدت إلى عاداتك القديمة. ففقدان الوزن يرتبط بتغيير عاداتك على المدى الطويل.

وأفضل طريقة للبدء هي إجراء تغييرات صغيرة والالتزام بها. وبعد ذلك، يمكنك إضافة تغييرات جديدة شيئًا فشيئًا والالتزام بها.

17/06/2022

14/06/2022

Sommeil et obésité : quel lien les unis ?

La proportion de gens obèses est passée de 10 % à 25 %, tandis que nos nuits de sommeil ont été écourtées de plus de 2 heures et demie en moyenne.

Selon plusieurs chercheurs, la privation de sommeil est le principal facteur à l’origine de l’épidémie d’obésité actuelle. En effet, un gain de poids et une augmentation du tour de taille seraient associés à un sommeil insuffisant et de mauvaise qualité.

Un sommeil inadéquat peut affecter le poids d’un individu de différentes manières :
- D’abord, lorsque vous vous sentez fatigués, vous êtes moins enclin à faire de l’exercice (et cela peut mener à un cercle vicieux : manque d’exercice ->manque de sommeil -> manque d’exercice).
- Ensuite, moins de temps au lit veut dire plus de temps pour manger.
- Enfin, le lien entre le manque de sommeil et l’obésité est la perturbation des hormones du sommeil et du métabolisme. Les individus manquant de sommeil ont un niveau plus élevé de cortisol (une hormone de stress qui est reliée au gain de poids) et de ghréline (une hormone qui stimule l’appétit et augmente le désire de manger). De plus, le manque de sommeil mène à une réduction de l’hormone leptine, qui habituellement dicte au cerveau que l’on a plus d’appétit, ce qui rend difficile de savoir quand s’arrêter de manger.
Essentiellement, votre corps subit un déséquilibre énergétique qui peut mener au gain de poids et, à la longue, à l’obésité.

30/05/2022

Les glandes majeures du système endocrinien, dont chacune produit une ou plusieurs hormones spécifiques, sont les suivantes :

- Hypophyse
- Thyroïde
- Glandes parathyroïdes
- Cellules des îlots pancréatiques
- Glandes surrénales
- Les testicules chez les hommes et les ovaires chez les femmes

L’hypophyse est parfois appelée glande maîtresse parce qu’elle sécrète des hormones qui contrôlent les fonctions des autres glandes endocrines.

28/05/2022

QU’EST-CE QUE LE DIABETE GESTATIONNEL ?
Ce diabète apparaît en général vers la fin du 6e mois de grossesse.
Il est causé en grande partie par les changements hormonaux qui se produisent pendant la grossesse.

COMMENT SE FAIT LE DIAGNOSTIC D’UN DIABETE DE GROSSESSE ?
On mesure le taux de sucre, d’abord à jeun, puis après avoir bu un liquide sucré (test d’hyperglycémie orale provoquée).
Toutes les femmes enceintes passent ce test en général entre la 24e et la 28e semaine de grossesse.

QUELS SONT LES RISQUES QUE LE DIABETE REVIENNE ?
Chez la majorité des femmes, le diabète de grossesse disparaît après l’accouchement.
Cependant, 1 femme sur 5 développe un diabète de type 2 dans les années qui suivent.
Conserver de saines habitudes de vie, perdre votre poids de grossesse et maintenir un poids santé sont les meilleurs moyens de prévenir cette maladie.

25/04/2022