Cabinet Insaf Charaf - Psychologue Clinicienne & Psychothérapeute

27/11/2025

26/11/2025

الطفل ما يكذبش على خاطر يتلاعب بيك... الطفل يكذب خاطر يخاف.
⬅️ يخاف يتعاقب.
⬅️ يخاف يخيّب آمال والديه.
⬅️ يخاف يفقد الحب ولا القبول.

↩️ الكذب يولّي طريقة نفسية يحمي بيها روحه… موش عيب أخلاقي.

السؤال الصحيح ما هوش : "علاش يكذب؟" و لكن...
"علاش ما حسّش بالأمان باش يقول الحقيقة؟"

كي الوالدين يرظوا الفعل على الطفل بالصوت العالي، التهديد، العقاب ولا الاهانة، الصغير يتعلّم حاجة واحدة : "قول الحقيقة ما هيش حاجة آمنة."

المعادلة اذا هي كالآتي: باش انقصوا الكذب، يلزم انقصوا العقاب و العنف و نزيدوا احساس الأمان عند الطفل.

كيفاش؟

✔ تواصل بلا عنف (Communication Non Violente)
✔ تقبّل المشاعر بلا حكم
✔ نشجّعوا الصراحة في بلاصة ما نعاقبوا على الغلطة
✔ نحميوا قيمة الطفل في عينين روحه
✔ نبنيوا بيئة اللي فيها تكون الغلطة فرصة للتعلّم موش سبب للخوف

الطفل وقت اللي يحسّ بالتقدير و الامان ما عادش يحتاج يكذب باش يحمي روحه.

21/11/2025

اكتئاب ما بعد الولادة و علاقته بالصحة النفسية للأم، الأب و الرضيع...

إكتئاب ما بعد الولادة🌸 حلقة جديدة من بودكاست شفاء مع إنصاف شرف أخصائية في علم النفس السريري في هالحلقة نحكيو على الأسباب، الأعراض، هل الأب يتأثر زادة بالمرح...

21/11/2025

Merci Auzy - الصحة النفسيّة pour les efforts que vous fournissez pour la sensibilisation en matière de santé mentale. حكينا على اكتئاب ما بعد الولادة.

21/10/2025

السرطان موش كان مرض في الجسد، هو تجربة تمسّ النفس والعائلة الكل.
فيها خوف، وجيعة، وقلق…
أما زادة فيها شجاعة، تضامن، وأمل.

كل كلمة حنان، كل حضن، كل لحظة صدق تنجم تكون جرعة شفاء.

الصمود النفسي ما يتبنيش في نهار،
يتبنى خطوة بخطوة، و كل دعم صغير يولد قوة أكبر.

حتى في وسط الوجيعة، ينجم الإنسان يكتشف معنى جديد للحياة، معنى فيه قوة، حب، وتوازن.

Le cancer n’est pas seulement une maladie du corps, c’est une épreuve qui touche l’âme et toute la famille.
Elle réveille la peur, la douleur et l’inquiétude…
Mais aussi le courage, la solidarité et l’espoir.

Chaque mot de tendresse, chaque étreinte, chaque moment sincère peut devenir une dose de guérison.

La résilience psychologique ne se construit pas en un jour, elle se forge pas à pas, et chaque geste de soutien fait grandir l’âme.

Même au cœur de la douleur, l’être humain peut redécouvrir un sens à sa vie, un sens fait de force, d’amour et d’équilibre.
Auzy - الصحة النفسيّة

18/10/2025

برشا الناس ولات تسأل الذكاء الاصطناعي على كل شي:
“علاش نحس هكا؟”،
"أهل انا مكتئب؟
“عندي قلق؟”

خليني نقولك حاجة:
الذكاء الاصطناعي ما هوش طبيبك، ما هوش الpsy متاعك و ما هوش صاحبك!

هو يعطيك معلومات، أما ما يعرفكش.
ما يعرفش قصتك، لا طفولتك، لا وجيعتك.
يجاوبك بكلام مبني على احتمالات، مش على واقعك الحقيقي.
و هكا، تنجم تغلط في فهم حالتك، تخاف بلا سبب، ولا بالعكس، تستهين بحالة تستحقّ علاج.

و ما تنساش حاجة مهمّة برشا :
الكلام اللي تكتبو للذكاء الاصطناعي ما هوش سرّ.
ينجم يتسجّل، يتحلّل، و يتخزّن في سيرفرات ما تعرفهاش.

أمّا وقت تحكي مع طبيبك أو الpsy متاعك اللي هوما مربوطين بالسرّ المهني، فهوما يسمعوك، يفهموك و يحترموا خصوصيتك.

الطبيب ولا الأخصائي النفسي يشوفك كإنسان، مش كمعلومة ولا ككلمات في شاشة.

خاطر في الأخير، الذكاء الاصطناعي ما يعوّضش الإنسان.

ما تنساش، chatgpt
ما هوش طبيبك،
ما هوش الPsy متاعك
ما هوش صاحبك.

إنسانيّتك تستحقّ سماع إنساني.. 🫴