اكاديمية الطفل الذكي

17/12/2025

..شكرا لكل من قال كلمة خير فيا 🥰اللحضة الي شفت فيها تعبي معاهم

16/12/2025

02/12/2025

عسلامة، هذي كلمة نحب نساند بيها الأمهات اللي توة أولادهم يعديوا سنة أولى.
إذا انت تابعت مع ولدك بالقدر الأدنى في الشهرين اللي فاتوا ولقيتو باهي ما تضغطش روحك وما تضغطوش في فترة الإمتحانات.
غالبا المعلمين قراوه بما يكفي والامتحان بش يجي تقريبا كيف اللي قراوه.
تذكروا انو هوما قراو شهرين ونصف فقط، تعلموا فيها حاجات جديدة عليهم، تفكروا صغارنا قداش قعدوا بش تعلموا يمشيوا وتعلموا ياكلوا وتعلموا يتكلموا... كل شي بالمتابعة والمداومة يتحسن ويتطور.
فترة الامتحانات ما يلزمهاش تكون فترة ضغط. بالعكس لازم تكون فترة تقييم بش نعرفوا النقائص ونتجاوزوها في العطلة والثلاثي الجاي.
ونتذكر عن تجربة شخصية كنت ديما الثلاثي الأول ديما أقل من الثاني والثالث.
الغش لا والضغط لا. الهدف انه الصغير يتعلم والحاجة ترسخ في مخه مش يصبها نهار الامتحان وينساها. وهذا يتحقق بالقراية كل يوم وعلى طول العام حتى في أسبوع الإصلاح وحتى في العطلة مش كان فترة الامتحانات
وربي ينجح الصغيرات الكل