10/07/2022
من اول ما تعلمت كيفاش نقرا الوقت و انا نسال في روحي باش نفعنا, ماظيساعة متاع الليل عندي كيما الثمنية متاع الصباح, نجم نقرا فيهم الزوز ولا نخدم ولا نعمل لي نحب عليه, مبعد بحكم انا مسلمة فهمت الي الليل للراحة مش لل nudes, هذا ما يمنعش انو فكرة الوقت في حد ذاتها خلاتني ديما مزروبة و على اعصابي لا تفوتني القراية ولا الكوميك لي نتبع ولا الي هو, عادة كي بديت نتغرم بالابراج اول حاجة حبيت نفهمها علاه الأبراج
مربوطة بالكواكب؟ وقتلي العلم يقول الي الكواكب ماعندها حتى تاثير عالارض و ماهي الا جزء مالمجموعة الشمسية في حين انو الأبراج مجرد خرافة مفماش منها؟ مالا علاش ناس بكري و كي نقول ناس بكري نقصد الحضارات القديمة كيما البابلية و السومارية و غيرها ربطت بين حاجتين ما ينجموش يكونوا مربوطين؟ طلعت الحكاية و ما فيها انو ناس بكري اظطروا انهم يقعدوا يعسوا عالسماء بش يعرفوا الوقت, الحضارة البابلية قسمت العام على 12 شهر كل شهر فيه 30,29 يوم , بداو يعسوا عالشمس و القمرة و بعد كبر الموضوع كي شافوا كوكب الزهرة, المريخ, عطارد, المشتري و saturn و قلك مدام ماهمش يتحركوا كيف كيف يعني فمة إن, زيد الظواهر الغريبة كيما الخسوف و الكسوف خلاتهم يركزوا اكثر خاصة الي الأرض تتأثر تأثير واضح كي يجي وقتهم, يعني وقتلي انت تضحك على برج الجوزاء و تقول ماخيبو, غيرك الاف السنوات قبل الميلاد قعد يتبع في كوكب كيفاه يتحرك و وين يتحرك و قداش يحبلو بش يوصل و يعس عالحاجات و العباد في الأرض شنية يصير فيها بش يقلك راهو عطارد يحكم في برج الجوزاء على خاطر هكة يصير.
الحكاية كملت مع السوماريين و الفراعنة الي حتى ولو التقويم اختلف شوية عندهم اما لكلهم ثبتوا عالمبدأ, مبدأ انو السماء و طاقة المجموعة الشمسية تنجم تعاونك كيما تنجم تعكلنلك حياتك,
من هنا ظهرت فكرة الساعة الفلكية, المنقالة هاذي توريك مش الوقت اكهو, اما زاده saison البرج الي انت فيه, الشمس وين و القمرة وين, الخسوف و الكسوف و الطاقات العامة. بش تعرف الحاجة الي تحب تعملها وقتاش وقتها, كيما وقت الزراعة, الحصيدة, الحبالة, الميديتاسيون, البخوخو, و غيرها مال les activites الي مارستها الحضارات القديمة , في اطار اخر الاهرامات هي اكثر منقالة وقتها صحيح اما هذا موضوع كبييير
المنقالة الي في التصويرة هي اخر منقالة فلكية مازالت تخدم, موجودة في براغ,
