إسأل طبيبك #ask your doctor

06/01/2020

Chaque année en France, on estime que 8000 bébés – soit un sur 100 – naissent avec un trouble autistique. Plus le diagnostic est posé tôt, plus vite les enfa...

06/01/2020

Que faire en cas de brûlure, les gestes qui sauvent - premiers secours. Le reflex à avoir pour toute brûlure domestique est de mettre la partie brûlée le plu...

05/01/2020

نصيحة اليوم : كيفاه تتصرف إذا اللطف عليك تحرقت في الدار بحاجة سخونة
أول حاجة و أهم حاجة و إلي واحدها تنجم تداوي الحرق و إذا ما عملناهاش الحرق ينتشر و ياخذ مساحة أكبر و أعمق إلي هي التبريد بالماء البارد لمدة 30 دقيقة على الأقل .. تحط يدك و لا مكان الحرق تحت السبالة و تخلي الماء يجري .. في نفس الوقت العملية هذه تنقص من الوجيعة
نحو الخواتم و المناقل و ال bracelets ولا أي حاجة تنجم تشد السخانة
إذا لابسين دبش نحوه تحت الماء باش ما يلصقش و يجبد معاه الجلد المحروق
فما بعض المراهم إلي تسرع في عملية ترميم الجلد نجمو نستعملوهم إذا الحرق موش عميق
إذا الحرق عميق ولا مساحته كبيرة و لا في مكان حساس كيما الوجه و الرقبة و المفاصل و الصدر. .لازمنا نتوجهوا إلى أقرب استعجالي .. و اللطف عليكم

03/01/2020

نصيحة اليوم على التهاب الجيوب الأنفية
توا وقتها و برشا ناس تعاني منها
شنوة الأعراض؟
جريان الخشم. . العطسان. ..الخشم المسكر
الشعور بحكة بالخشم و سعات في العينين
عنين حمر
شبيني ما نرتاحش منها ؟
على خاطر فما زوز أنواع .. النوع لول التهاب ناتج على حساسية ضد مكون من مكونات الهواء كيما البلايص المندية و الملوثة و وقتها الأعراض تبقى مستمرة لفترة طويلة كل ما تتنفس في الهواء المندي كل ما الحساسية تزيد و خاصة في فصل الربيع اذاك علاش لازم التهوية المستمرة للدار و لازم يتم علاج الحساسية باش ينقص القلق
النوع الثاني الي هو ساهل و فيسع يرتاح على خاطر متسبب فيه عدوى فيروسية من عبد مريض بحذاك.. الأعراض تبقى من اسبوع إلى 10 أيام و تبرا حتى من غير دواء

02/01/2020

نصيحة اليوم: أشرب الماء .. أشرب برشا ماء
البدن متكون من 60% من الماء إلي لازم ديما تتجدد ما كانش البدن يشيح و يذبل
لشنوا يصلح الماء؟
الماء مهم برشا في عملية الهضم و يساعد باش يخرج الشوائب من البدن الكل و مهم في نضارة البشرة و إشراقتها و يحمي المفاصل من الشياح إلي يهلك العظم والcartilage
قداش لازم نشرب؟
لتر و نصف إلى لتران في النهار كافي
الماء يضعف؟
الماء لا يضعف ولا يسمن خاطر ما فيهش لا سكريات ولا بروتيدات و لا دهون أما كي نشربو برشا ماء المعدة تتعبى نولو نحسو بالشبع و ناكلو شوية. .. 😘

01/01/2020

نصيحة اليوم على الفيتامين c
الفيتامين c هو من الفيتامينات المهمة لجسم الإنسان و اللي لازمو يكون موجود في الماكلة متاعنا
على خاطر يقوي مناعة الجسم و يساعد في امتصاص الحديد من الماكلة متاعنا.و زيد مضاد للأكسدة معناها يحمينا من الأمراض السرطانية و أمراض القلب و الشرايين كيما ضغط الدم و غيرو و يساهم في نضارة البشرة و صناعة الcollagene فيها
وين نلقاوه؟
نلقاوه في الخضرا و الغلا الملونة يعني كيما البرتقال و الفراز و الطماطم و الدلاع و السفناريا و البروكلي أما ردو بالكم راهو كي طيبوهم في درجة حرارة عالية يتحرق الفيتامين إلي فيهم و يولي غير مفيد..
قداه لازمنا ناكلو؟
ما يعادل زوز كعبات برتقال في نهار كمية كافية جدا للجسم...

30/12/2019

30/12/2019

C'est quoi la grippe ? - 1 jour, 1 question propose de répondre chaque jour à une question d'enfant, en une minute et trente secondes. Le commentaire explica...

30/12/2019

كيفاش تحمي روحك من نزلات البرد

1 أشرب برشا ماء حتى كي تبدى مش عطشان
2 فما vaccin يتعمل كل عام في أول الشتاء للناس إلي تمرض برشا ولا مناعتها ضعيفة ينجم يتعمل في سبيطار ولا في الخاص
3 هوي الدار بالباهي باش يتبدل الهواء المعبي بالفيروسات
4 كول ماكلة صحية فيها برشا فيتامينات يعني برشا خضرا و غلا خاصة القوارص
5 اغسل ايدك برشا مرات في النهار خاطر الايد أكثر المناطق إلي تتلم فيها الفيروسات
6 ابعد على الصغيرات الي أقل من عام ولا الكبار في السن خاطر مناعتهم ضعيفة و تنجم تسببلهم خطر
7 نزلة البرد العادية ما تفوتش أسبوع إذا فاتت لازم تمشي تشوف طبيب 😀 و انشالله اللطف عليكم

30/12/2019

#كل يوم نصيحة طبية