25/08/2024
عسلامة 🙂
حسب إذاعة Radio Canada حكومة الكيبك خرجت زوز قرارات باش ينقصو من الناس الي قاعدة تدخل للمقاطعة الناطقة باللغة الفرنسية بعقد عمل أو قاعدة تدخل باش تقرى.
باش نحاول نفسر القرارات هاذي بطريقة مبسطة و خاصة بدون مبالغة.
🟢 القرار لول :
انطلاقا من 3 سبتمبر الجاي و لمدة 6 اشهر فقط ماعاش يعطيو حتى Permis de travail fermé لشخص لقى عقد عمل في جزيرة مونتريال و هنا فما ثلاثة استثناءات :
- الناس الي قرات داخل المقاطعة ما يشملهمش القرار هذا.
- الي يلقاو عقد عمل في مجال الصحة، التعليم، الهندسة المعمارية، البناء، Transformation alimentaire ما يشملهمش القرار هذا لكن للاسف يشمل قطاع الطفولة ( Les éducatrices de la petite enfance ).
- الي يلقاو عقد عمل مهما كان المجال يكون الخلاص فيه 27,47 دولار كندي في الساعة ما يشملهمش زادا القرار هذا.
🔵 ملاحظة مهمة : القرار يشمل فقط مدينة مونتريال لحد الان
و لكن للاسف باش يشمل الناس الي باش تجدد permis de travail fermé و الحل متاعهم هاذم هو validation d'offre d'emploi.
المناطق الي يشملها القرار في مونتريال :
Baie‑d’Urfé, Beaconsfield, Côte‑Saint‑Luc, Dollard‑des‑Ormeaux, Dorval, Hampstead, Kirkland, L’Île‑Dorval, Montréal, Montréal‑Est, Montréal‑Ouest, Mont‑Royal, Pointe‑Claire, Sainte‑Anne‑de‑Bellevue, Senneville et Westmount.
🟢 القرار الثاني :
لم يتم بلورته بعد و لكن الاتجاه لتخفيض عدد الطلبة الأجانب في المقاطعة و الأمور ستصبح رسمية بعد بعض الأشهر وقتها باش يعطيو شنوا باش يعملو باش يوصلو للهدف هذا.
اسباب هذه القرارات:
اولا يوجد أزمة سكن كبيرة في جزيرة مونتريال وهي لا تحتمل وافدين جدد مع عدد اللاجئين الكبير في المدينة بصفة خاصة
و المقاطعة الفرنكوفونية بصفة عامة مع كثرة القادمين من الجنسيات الآسيوية و الذين لا علاقة لهم باللغة الفرنسية.
المصدر : تلقاوه في أول تعليق
ربي يوفقكم في ما فيه خير لكم ♥️
