29/05/2024
Döş xərçəngi diaqnozu qoyulan xəstələrin ömrü bir çox amillərdən asılı olaraq dəyişə bilər.
1-Xərçəngin Mərhələsi: Erkən mərhələdə diaqnoz qoyulan döş xərçəngi adətən daha yaxşı proqnoza malikdir (xəstəliyin gedişatının qiymətləndirilməsi). İrəli mərhələ döş xərçəngləri, xüsusilə metastaz verən xərçənglər (bədənin digər hissələrinə yayılır) daha çətin müalicə prosesi və çox vaxt daha qısa ömür ilə əlaqələndirilir.
2-Xərçəng növü: TNM təsnifatı və kliniki evrelemeden sonra ən əhəmiyyətli proqnoz faktoru xəstənin hormon reseptorlarıdır (immun reseptorları). Hormon reseptorları patoloji cədvəlinin altında yazılır və döş xərçəngi olan hər bir xəstədə mütləq baxılmalıdır.
3-Hormon reseptorları xəstəliyin nə qədər aqressiv olduğunu göstərməklə yanaşı, müalicə planı qurmağa və kimyaterapiya dərmanlarını seçməyə kömək edir. Döş xərçəngi hormon reseptor müsbət, HER2 müsbət, üçlü mənfi kimi müxtəlif alt tiplərə bölünür. Bu növlərin hər biri fərqli müalicə yanaşmalarını tələb edir və onların proqnozları fərqlidir.
4-Xəstənin Ümumi Sağlamlıq Vəziyyəti: Xəstənin yaşı, ümumi sağlamlıq vəziyyəti və digər mövcud sağlamlıq problemləri xərçəngin müalicəsinə və ümumi sağlamlığına təsir göstərə bilər.
5-Müalicədə istifadə edilən dərmanlar və verilən cavab: Bəzi xəstələrin şişləri müalicəyə daha yaxşı cavab versə də, bəzi xəstələrin şişləri dərmanlara daha davamlıdır. İstifadə olunan dərmanların keyfiyyəti də çox önəmlidir.
6-Erkən Diaqnoz: Döş xərçənginin gözlənilən ömür uzunluğunda və ya tam müalicənin müvəffəqiyyətində ən əhəmiyyətli meyar, adətən daha təsirli müalicə variantları və daha yaxşı proqnozla əlaqəli erkən diaqnozdur.
Ümumiyyətlə, döş xərçəngi xəstələrinin orta ömür uzunluğu haqqında dəqiq rəqəm söyləmək çətindir, çünki hər bir xəstə və hər bir xərçəng hadisəsi bənzərsizdir. Müasir tibbin inkişafı ilə bir çox süd vəzi xərçəngi xəstəsi effektiv müalicələr sayəsində uzun illər yaşaya bilir.
https://www.sudvezi.com/sud-vezi-xercengi-nece-il-yasayir
