18/09/2025
💥الصبر.. سلاح القلوب القوية
في رحلة الحياة، ما فيش طريق مفروش بالورود. هنقابل وجع، خذلان، ظلم، وكلمات جارحة يمكن تسيب في قلوبنا أثر عمره ما يروح. لكن هنا بييجي معنى الصبر.. الصبر مش ضعف ولا استسلام، بالعكس، هو قوة داخلية بتثبت إننا أقوى من أي أذى، وأقدر من أي جرح.
الصبر هو إنك توقف قدام الألم وما تخليش الألم يكسرك. هو إنك تتحمل الأذى الجسدي أو النفسي أو حتى كلام الناس، وتفضل ثابت لأنك عارف إن ربنا شايفك، وإن لكل لحظة تعب نهاية، ولكل جرح علاج، ولكل صبر جزاء.
إحنا في حملة وما وهنوا اخترنا الصبر لأنه مش مجرد كلمة، ده أسلوب حياة. كل مرة حد آذاك وما رديتش، كل مرة دموعك نزلت وانت ساكت، كل مرة حلمك اتأخر وانت فضلت متمسك بيه، دي لحظة صبر.. واللحظات دي هي اللي بتبني فيك إنسان مختلف، إنسان أقوى، إنسان ما بيتكسرش.
الصبر بيعلّمنا إن الألم مش نهاية، وإن الضيق عمره ما يستمر. وبيخلينا نصدق إن “بعد العسر يُسر”، وإنه مهما طالت ليالي التعب، لازم ييجي فجر جديد.
خلّوا شعاركم في مواجهة الأذى: لن نهزم، لن ننكسر، وما وهنّا. لأن اللي بيصبر مش بس بينجو، ده كمان بيطلع من التجربة أنقى وأقوى، واللي آذاه بيتحول لسبب من أسباب قوته
