Dr. Reşad Hüseynov

22/06/2020

30/09/2019

Statistikaya əsasən, bir çox xəstəliklərin kəskinləşməsi məhz payız aylarında baş verir.

Bu fenomenin səbəbini həkimlər hələ ki dəqiq təyin etməyiblər. Alimlər güman edirlər ki, bunun səbəbi insan orqanizmində bioritmlərin kəskin dəyişilməsi ola bilər (günəşli günlərin sayı azalır, gün qısalır, insan daha tez yatmağa gedir və s.). Hər bir dəyişilmə orqanizmi stress vəziyyətinə salır. Bundan əlavə dəyişkən yağışlı hava, daim dəyişilən meteoşərait insanda stresin inkişafına təkan verir. Stress isə immun sistemini zəiflədir. Nəticədə insanda olan xroniki xəstəliklər kəskinləşməyə başılayır.

Bu xəstəliklərin arasında:

- Ürək-damar sistemi xəstəlikləri.

Bu xəstəliklərin bir çox hissəsi payızda kəskinləşir. Arterial təzyiqinizə fikir verin, düzgün qidalanın, güclü fiziki və emosional gərginliklərdən uzaq olun, tez-tez açıq havada gəzin.

Kardioloqun profilaktik müayinəsindən keçin. Lazım olduqda həkim müalicə kursu təyin edəcək.

UZM. DR. RƏŞAD HÜSEYNOV - Kardioloq
Əlaqə nömrəsi: 050 444 75 75

27/09/2019

Aortal qapaq çatışmazlığının əmələ gəlməsinə aorta qapaq taylarının natamam qapanması səbəb olur. Xəstəliyə qazanılmış ürək qüsurları içərisində 14% rast gəlinir. Aortal qapaq çatışmazlığından əziyyət çəkən xəstələrin 75%-dən çoxunu kişilər təşkil edir. Xəstəliyin əmələ gəlməsinin əsas səbəbləri aşağıdakılardır:
- revmatizm (70% hallarda)
- infeksion endokardit
- ateroskleroz
- siflitik aortit
- birləşdirici toxumanın sistem xəstəlikləri
- arterial hipertenziya
- aortanın anevrizması
- revmatoid spondilit.
UZM. DR. RƏŞAD HÜSEYNOV - Kardioloq
Əlaqə nömrəsi: 050 444 75 75

25/09/2019

Ürəkdə yad cisim — orqanın toxuma və ya boşluğunda yad maddənin olmasıdır. Adətən invaziv tibbi manipulyasiyaların fəsadı sayılır, bəzən isə mexaniki travmalar nəticəsində müşahidə edilir. Yad cisim orqan divarının perforasiyası, aritmiya, ağciyər arteriyasının tromboemboliyası, septiki ağırlaşmalara səbəb ola bilər. Klinik şəkil təngnəfəslik, sinə nahiyəsində deşici ağrılar, ürəyin müxtəlif ifadə dərəcəsinə malik funksional pozğunluqlarından ibarətdir. Diaqnoz rentgenoqrafiya, kompüter tomoqrafiya, exokardioqrafiya, angioqrafiyanın nəticələrinə əsasən qoyulur.

Müalicə cərrahi yolla: endovaskulyar xaric edilmə və ya ürəyə birbaşa müdaxilə edilməklə icra olunan əməliyyatlarla həyata keçirilir.

UZM. DR. RƏŞAD HÜSEYNOV - Kardioloq
Əlaqə nömrəsi: 050 444 75 75

23/09/2019

Miokardit - ürək əzələ qatının (miokardın) iltihabına deyilir. İnfeksion infeksion-allergik toksiki metabolik allergik və ya immun xarakterli ola bilirlər. Lokalizasiyasına görə ocaqlı və diffuz miokarditlər var. Ən çox infeksion mənşəli və ya infeksion – toksik mənşəli miokarditlərə rast gəlinir. Virus etiologiyalı miokarditlər də nisbətən geniş yayılmışdır.

Xəstəlik zamanı ürək əzələsində aşağıdakı dəyişikliklər baş verir:

Iltihabi hüceyrə infiltratı, stromanın ödemi, nekrozu, distrofiyası.
Miokardın yığılması və sol mədəciyin sistolik funksiyasının zəifləməsi.
Sol mədəciyin diastolik funksiyasının zəifləməsi.
Kiçik və böyük qan dövranında durğunluq.
Miokardit zamanı xəstədə zəiflik, başağrısı, tez yorulma, tərləmə, əzələ və oynaqlarında ağrılar, mədə – bağırsaq sistemində dəyişikliklər müşayiət olunur. Xəstədə zökəm əlamətləri meydana çıxır. Xəstələr ürək nahiyyəsində ağrıdan, tənginəfəslikdən, ürəkdöyünmədən, ayaqlarda ödemdən baş dönməsindən şikayət edirlər.

UZM. DR. RƏŞAD HÜSEYNOV - Kardioloq
Əlaqə nömrəsi: 050 444 75 75


и

20/09/2019

Ateroskleroz xroniki xəstəlikdir. Bu xəstəlik zamanı arteriyaların divarında lipidlərin və kalsium duzlarının toplanması və birləşdirici toxumanın inkişafı ilə əlaqədar damarların sərtləşməsi baş verir. Son nəticədə orqanizmdə qan dövranı pozulur.

Aterosklerozun patogenezi – aterogenez adlandırılır. Aterogenez mərhələli gedişə malikdir: aterosklerotik zədələnmənin inkişafı, lipoproteidlərin və leykositlərin intimaya daxil və xaric olması proseslərinin birgəliyi, hüceyrələrin proliferasiyası və ölümü, hüceyrəarası maddənin əmələ gəlməsi və yenidən qurulması, həmçinin damarların artması və kirəcləşmə. Həmin proseslər müxtəlif istiqamətli siqnallar çoxluğu ilə idarə olunur. Patogenezdə damar divarı hüceyrələrinin funksiyasının dəyişməsi və ora leykositlərin miqrasiyası və aterosklerozun risk amillərinin arasında mürəkkəb patogenetik əlaqənin rolu var.

Risk amilləri: • Siqaret çəkmə • Arterial hipertenziya (arterial təzyiqin (AT) 140/90 mm.c.süt-dan yuxarı qalxmasına deyilir) (Sistolik AT > 140 mm c. s., Diastolik AT > 90 mm c. s.) • Şəkərli diabet • Piylənmə • Az hərəkətli həyat tərzi • Emosional gərginlik • Böyük dozada alkoqol qəbulu • Qeyri-düzgün qidalanma • İrsi meyillik • Postmenopauza
Aterosklerozun diaqnozunda vacib cəhət onun lokalizasiyasını (tac damarlar, aorta, beyin arteriyaları və s.) müəyyənləşdirməkdir. Diaqnoz ilk növbədə klinik simptomlar və laborator müayinəyə əsasən qoyulur. Əsasən, lipid mübadiləsinin pozulmasına və xolesterinin artmasına fikir verilir. Rentgenoqrama və angioqrafiya diaqnozun dəqiqləşdirilməsində kömək edir.

UZM. DR. RƏŞAD HÜSEYNOV - Kardioloq
Əlaqə nömrəsi: 050 444 75 75

11/09/2019

Diabetli xəstələrdə hipertoniyanın erkən müalicəsi xüsusi əhəmiyyət kəsb edir. Belə ki, bu ürək-damar xəstəliklərinin profilaktikasına və böyrək xöstəliyi ilə diabetik retinopatiyanın inkişafını ləngidir. T2DM xəstələrində arteriyal qan təzyiqinin daha effektiv kontrolu və dar çərçivədə saxlanması bəzən qlikemiyanın sıx kontrolundan daha önəmli hesab edilə bilər.

T2DM xəstələrində hipertoniyanın ilkin terapiyası qeyri-farmakoloji metodlarla, məs., bədən çəkisinin azaldılması, təzə meyvə və tərəvəzin qəbulunun artırılması, az yağlı süd məhsullarından istifadə, fiziki fəaliyyət və ya idman, duz qəbulunun azaldılması, siqaretdən istifadə etməmə və alkoqoldan artıq dərəcədə istifadə etməməklə, nail olmaq olar. Bir sıra qabaqcıl diabet və kardioloji cəmiyyətlərin tövsiyələrinə görə sistolik arteriyal qan təzyiqi (SAT) 130-139 mm c.s. və ya diastolik arteriyal qan təzyiqi (DAT) 80-89 mm c.s. olan xəstələrdə ilkin terapiya məhz qeyri-farmakoloji metodlarla və ya həyat tərzinin modifikasiyası ilə aparılmalıdır. Qeyri-farmakoloji terapiyanın ən azı 3 ay ərzində tətbiqinə baxmayaraq qan təzyiqinin lazımi səviyyədə kontrol edilməməsi müəyyən edilərsə, həmin xəstələrdə farmakoloji terapiya əlavə edilir.

Diabetli xəstələrdə hipertoniya ürək-damar sisteminin ağırlaşmaları riskini artırmış olduğu səbəbindən, davamlı olaraq AT >140/90 mm c.s.-dan yuxarı olan diabetli xəstələrdə anti-hipertenziv preparatla terapiyaya start verilməsi tövsiyə edilir. Bununla yanaşı həmin xəstələrdə həyat tərzinin modifikasiyası və ya qeyri-farmakoloji terapiya da başlanmalıdır (davam etdirilməlidir). Qeyri-farmakoloji terapiyanın uğurlu tətbiqi isə sonradan antihipertenziv preparatın dozasının və ya bir neçə preparat istifadə edildikdə, onların sayının azaldılmasına imkan verə bilər.

İntensiv farmakoloji terapiyanın tətbiqi birmənalı olaraq faydalı və qoruyucu funksiya daşıyır. Bir çox kliniki tədqiqatlarda, o cümlədən, UKPDS, ADVANCE və HOT tədqiqatlarında, T2DM olan xəstələrdə arteriyal təzyiqinin daha sıx kontrol edilməsinin faydası sübuta yetirilmişdir.

UZM. DR. RƏŞAD HÜSEYNOV - Kardioloq
Əlaqə nömrəsi: 050 444 75 75

04/09/2019

Normal perikardium ürəyi əhatə edən və içində kiçik həcmdə maye olan fibroelastik bir kisədir. Fizioloji miqdardan artıq mayenin perikard boşluğunda toplanması perikardial effuziya adlanır. Perikarda təsir edən istənilən xəstəliklər (o cümlədən, kəskin perikardit və müxtəlif sistem kollaqen xəstəlikləri) nəticəsində perikard boşluğunda effuziya yarana bilər. Perikardial effuziyanın olması xəstəliyin proqnozuna (məs, döş boşluğu daxili törəmə olan xəstələrdə), diaqnostikasına (məs., mioperikardit və ya kəskin perikarditdə) və ya hər ikinisə (məs., qalxan aortanın disseksiyasında) əhəmiyyətli dərəcədə təsir göstərə bilər.
Perikardial boşluqda maye sürətlə (kəskin) və ya tədricən (yarıkəskin və ya xroniki) toplana bilər. Perikard boşluğuna yığılan maye tədricən toplanırsa, normal perikard toxuması tədricən arta maye həcminin təzyiqi nəticəsində yavaş-yavaş dartılıb genişlənə bilir. Lakin perikardın dartılması bacarığı perikardial effuziyanın toplanması sürəti ilə əks mütanasibdir. Lakin, perikardın dartılıb genişlənməsi imkanı da məhduddur və genişlənmə bacarığı tükəndikdə isə perikardın daxilində intraperikardial təzyiq artmağa başlayır. Tədricən isə intraperikardial təzyiq o dərəcədə yüksək olur ki, ürəyin dolmasına maneə olur, ürəyin funksiyası pozulur və ürəyin tamponadası baş verir.

UZM. DR. RƏŞAD HÜSEYNOV - Kardioloq
Əlaqə nömrəsi: 050 444 75 75

02/09/2019

OKSİGEN TERAPİYASI — Əlavə oksigenin verilməsi kəskin terapiyanın mühüm komponenti hesab edlir. Oksigenin verilməsi ilə aşağıdakı hədəflərə nail olmaq tələb olunur: arterial qanda oksigenin parsial təzyiqinin (PaO2) 60-70 mm c.s. və oksihemoqlobinin saturasiyasının 90-94% olması.
Xəstəyə oksigenin çatdırılması üçün müxtəlif vasitələr mövcuddur.
Venturi maskalarına imkan olduqda üstünlük verilir, çünki onlar nəfəsalma zamanı qəbul edilən oksigen fraksiyasının (FiO2) daha dəqiq çatdırılmasına imkan verir. Venturi maskaları ilə xəstəyə çatdırılan FiO2 24, 28, 31, 35, 40 və ya 60% ola bilər.
Nazal kannula ilə maksimal olaraq dəqiqədə 6 L O2 xəstəyə verilə bilər. Bu zaman FiO2 40% olur. Nazak kannulalar komfort baxımından daha əlverişli hesab edilir və xəstənin qidalanmasına da imkan verir.
Oksigenin yüksək konsentrasiyası tələb olunduqda, sadə oksigen maskaları ilə dəqiqədə 6-10 L sürətlə oksigenin verilməsi ilə FiO2 55%-dək çatdırıla bilər. Lakin, xəstənin dəqiqədə ağ ciyərlərinin ventilyasiyasında olan dəyişkənlik və ətraf havanın təsiri FiO2-ya təsir etmiş olur.
Rezervuarlı klapanlı Oksigen maskaları üzə sıx otuzdurulduqda xəstətə 90%-dək FiO2-nun çatdırılmasına imkan verə bilər.

UZM. DR. RƏŞAD HÜSEYNOV - Kardioloq
Əlaqə nömrəsi: 050 444 75 75

29/08/2019

Xroniki Obstruktiv Ağ Ciyər Xəstəliyinin kəskinləşməsi hallarının 70-80% respirator infeksiyaların səbəbindən baş verir. Virus və bakteriyal infeksiyalar bu hallarda çoxluq təşkil edir. Atipik bakteriyalar isə çox az hallarda xəstəliyin kəskinləşməsinə səbəb olur. XOAX-ın kəskinləşməsi hallarının yerdə qalan 20-30% ətraf mühitin çirklənməsi və ya digər naməlum etiologiya ilə bağlıdır.

XOAX-ın kəskinləşməsi həm də digər xəstəliklərlə əlaqədardır, məs., miokard infarktı, ürək çatışmazlığı, aspirasiya və ya ağ ciyər arteriyasının emboliyası. XOAX-la ağ ciyər arteriyasının emboliyası arasında olan əlaqə xüsusi araşdırmada bir daha təsdiqini tapmışdır. Belə ki, XOAX-ın kəskinləşməsi diaqnozu qoyulmuş xəstələrin 20%-da müayinədə ağciyər arteriyasının emboliyası da müəyyən edilmişdir.

UZM. DR. RƏŞAD HÜSEYNOV - Kardioloq
Əlaqə nömrəsi: 050 444 75 75

27/08/2019

Çoxsaylı epidemioloji tədqiqatlar göstərib ki, hipertoniya önü xəstələrdə ürək-damar xəstəlikləri riskini artırır. Təxminən 1 mln-ə yaxın xəstənin iştirak etdiyi perspektiv koqort tipli tədqiqatların nəticələrinin meta-analizi göstərmişdir ki, hipertoniya önü vəziyyətdən əziyyət çəkən xəstələrdə ürəyin Koronar damar xəstəliyi daha çox yayılıb. Hipertoniya önü olan xəstələrdə ürək-damar xəstəliklərinin inkişafı ilə bağlı digər risk faktorları da tez-tez müşahidə edilir. Lakin hipertoniya önü ilə ürək-damar xəstəliklərinin inkişafı riskini yalnız digər risk faktorlarının olması ilə əlaqələndirmək düzgün deyil. Strong Heart Study adlı tədqiqatdan məlum olmuşdur ki, hipertoniya önü və diabeti olan xəstələrdə 12 ildən sonra ürək-damar xəstəliklərinin inkişafı riski daha yüksəkdir.
Hipertoniya önü ilə albuminuriya (əvvəll "mikroalbuminuriya" kimi qeyd edilib) arasında da əlaqə vardır. Ümumiyyətlə, albuminuriya ürək-damar xəstəliklərinin inkişafı və ürək-damar xəstəlikləri səbəbindən baş verən ölüm riskini artırır. Arteriyal qan təzyiqi normal olan şəxslərlə müqayisədə, hipertoniya önü xəstələrində orta dərəcəli albuminuriyanın olduğu müəyyən edilib.

UZM. DR. RƏŞAD HÜSEYNOV - Kardioloq
Əlaqə nömrəsi: 050 444 75 75