OCC Doctors

12/01/2026

02/01/2026

Kumeza paracetamol kupita kiasi kunaweza kusababisha uharibifu mkubwa wa ini, na mara chache pia kuharibu figo. Dalili za mwanzo za sumu ni kichefuchefu na kutapika. Dalili hizi hupungua ndani ya siku moja, lakini uharibifu wa ini unaendelea bila mtu kujua. Ini huathirika zaidi baada ya siku 3 hadi 4 tangu kumeza paracetamol kupita kiasi, na madhara yanaweza kuwa kuchanganyikiwa au kupoteza fahamu, kutokwa damu, kushuka kwa sukari mwilini, kuvimba kwa ubongo na hata kifo.

Watu wanaokunywa pombe, wanaotumia dawa fulani kwa muda mrefu, au walio na lishe duni k**a wale wanaokula vibaya au wanaoishi na VVU wanaweza kupata madhara hata kwa kiasi kidogo cha paracetamol.

02/01/2026

DAWA ZA HOSPITALI

02/01/2026

Maumivu wakati wa kukojoa hutokea pale ambapo kibofu cha mkojo au mrija wa mkojo unapoathrika, Mara nyingi husababishwa na maambukizi ya njia ya mkojo (UTI). Katika UTI sugu, figo hushindwa kukusanya mkojo vizuri, ndiyo maana mtu hukojowa mara nyingi. Hali ya kuchoma au kuwaka hutokea sana kwa wanawake, lakini pia inaweza kuwapata wanaume na kwa umri wowote. Inaweza kuambatana na maumivu chini ya tumbo eneo la kibofu au katika eneo la msamba (perineum).

Dalili zinazoambatana nazo ni homa, maumivu ya mgongo au ubavuni eneo la figo, kutoka uchafu kwenye mrija wa mkojo au ukeni, kukojoa mara kwa mara au kuhisi mkojo unakuja ghafla. Kuchelewa kuanza kukojoa au mkojo kutoka kidogo kidogo.

02/01/2026

FIGO NA NJIA YA MKOJO

31/12/2025

Ugonjwa wa macho unaosababishwa na kisukari (Diabetic retinopathy) hutokea wakati mishipa midogo ya damu iliyo nyuma ya jicho (retina) inapoharibika. Ni sababu kubwa ya upofu kwa watu wazima. Mishipa midogo ya damu huanza kudhoofika na kuvimba. Hakuna dalili za haraka, mtu mwenye kisukari anaweza asiwe na maumivu wala kuona mabadiliko.

Baadaye ugonjwa ukizidi Jicho huanza kuona ukungu, maji au damu huweza kujikusanya ndani ya jicho, pazia ya jicho (Retina) inaweza kujitenga na kupelea upofu katika sehemu ya jicho au jicho lote.

31/12/2025

MAGONJWA YA MACHO

28/12/2025

Hali ya tezi kuvimba na kuongezeka ukubwa (Lymphadenitis) mara nyingi husababishwa na maambukizi ya sehemu fulani ya mwili au ya mwili mzima. inaweza kuathiri tezi moja, kikundi cha tezi zilizo karibu, Au tezi nyingi mwilini. Inaweza kuwa upande mmoja au pande zote mbili za mwili. Inaweza kuanza ghafla, polepole. Au kudumu muda mrefu.

Tezi za mfumo wa kinga ya mwili huweza kuongezeka ukubwa kwa sababu ya kuongezeka kwa seli ndani ya tezi, k**a seli za kinga (lymphocytes), kuingia kwa seli kutoka nje ya tezi, k**a seli za saratani, Tezi kuchuja na kukusanya vijidudu kutoka sehemu yenye maambukizi.

28/12/2025

MIFUPA NA VIUNGO

27/12/2025

Ugonjwa wa presha unahesabika kuwa ni ugonjwa wa dharura pale ambapo shinikizo la damu ni kubwa sana na tayari kuna uharibifu wa viungo muhimu k**a ubongo, moyo, figo na hali ya kifafa cha mimba kwa mjamzito (eclampsia). Maharibiko hutokea haraka na mara nyingi ni sababu ya kifo.

Ubongo hupata uharibifu kutokana na kushindwa kwa mfumo wa kudhibiti mtiririko wa damu (cerebral autoregulation). Hali hii husababisha kuvuja kwa damu kwenye ubongo na kupelekea stroke, mara nyingi ni matokeo ya presha ya juu.

27/12/2025

PRESHA na KISUKARI

27/12/2025

Kutokwa na damu isiyo ya kawaida kwa wanawake wenye uvimbe kwenye mfuko wa uzazi husababishwa na kukosekana kwa upevukaji wa yai (anovulation), mabadiliko ya uwezo wa mfuko wa uzazi kukaza na kulegea, uvimbe kubana mishipa ya damu iliyo karibu, kuongezeka kwa eneo la ndani la mfuko wa uzazi, kuchubuka kwa uvimbe uliopo ndani ya mfuko wa uzazi, pamoja na kudhoofika kwa tishu zinazozunguka mfuko wa uzazi kushindwa kusimamisha damu ipasavyo.

Baadhi ya wanawake wenye uvimbe kwenye mfuko wa uzazi (fibroids) hupata tatizo la kutokwa na damu isiyo ya kawaida ukeni. Tatizo hili huonekana zaidi kwa uvimbe uliopo ndani ya mfuko wa uzazi (submucous myomas), ambapo damu inaweza kutoka kwa wingi au kwa muda mrefu kuliko kawaida.