27/06/2025
Ubwoko Butandukanye Bw' imiti Ukoresha Wivura Infections Vaginales na Urinaires,...
Hari itandukaniro rinini cane hagati ya infections vaginales( P.I.D) na infections urinaires ( U.T.I),...
Infection urinaire ni ubwandu bufatira mu nzira zicamwo umwanda muto,...
Ibimenyetso
✍️. Kwumva urushe no kwiyumva nabi,
✍️. Gusoba bikugoye ndetse ugasanga uranahatiriza,
✍️. Kubabara igihe uriko urasoba,
✍️. Gusoba amasobwa make maze ukabikora umwanya ku mwanya,
✍️. Gusoba amasobwa anuka cane,
✍️. Amasobwa kuza afise irangi ritandukanye nk' akarorero ugasanga ashaka gutukura,
✍️. Gusesemwa canke kudahwa,
✍️. Kubabara munda,
✍️. Urashibora no kwaka umuriro,
✍️etc,
Ariko Infections vaginales yo ni ubwandu bufatira munzira y'irondoka,
Ibimenyetso vyayo,
✍️. Kubabara musi y'umukondo umwanya ku mwanya,
✍️. Kubabara umugongo, mu kibuno no mu kayunguyungu,
✍️. Kubona ubucafu bumeze nk'amata yavuze, ugasanga vyera, bisa n'umuhondo, canke bisa n'urwatsi rubisi ndetse hari naho biza binuka,
✍️. Kugira akamoto kabi mu bihimba vyirondoka,
✍️. Gusasatwa mugitsina mu nzira yagenewe irondoka,
✍️. Kubabara mu gihe c'amabanga y'abubatse,
✍️. Etc
Ndibaza naho twogeza hano urashobora kubona ishusho nyayo n'itandukaniro rihari hagati ya infections vaginales na infections urinaires.
Ni gute rero wozivura?
1. Infections urinaires
• Guteka icanda ukaza uranywa amazi waritetsemwo, navyo nyene biravura infection urinaire
• Guteka imishatsi y'ikigori ukaza uranywa nayo nyene iravura ainfection urinaire,
• Gufata amababi y'ipera ugaca ufata indimu n'ibishishwa vyayo ugaca ubitekana n'ayo mababi y'ipera , vyose biravura infections urinaires,
•etc
2. Infections vaginales
Akenshi umuti uvura infections vaginales usanga uvura na infections urinaires,
Turabire hamwe imiti ivura infections vaginales na infections urinaires zose hamwe,
• Guteka umucayicayi uhiye ugaca ukanyiramwo indimu ukaza uranywa, navyo nyene vyose biravura infections vaginales na urinaires
• Guteka akaziraruguma maze ukaza uranywa amazi wagatetsemwo, bivura infections urinaires na vaginales
• guteka amababi y'umuravumba ukaza uranywa amazi wawutetsemwo( MN: uteka amababi make cane ndetse ukaza uranywa igice ca karya gakombe gato kuko urakaze cane)
• Ukundi kuntu wivura infections vaginales, urinaires, na barya haza ibintu vyera,...
Ufata indimu 2 zitozito, Udutete 3 twa tungurusumu n'agapande k'ikinzari. Uca ubironga neza vyose ugaca ubikatagura mu dupande duto duto kandi indimu uzikekana n'ibishishwa, ugaca ubiteka mu gice c'iritiro y'amazi. Bibize uca ubikurako bigahora ugaca rero ubimimina ugaca uwunywa. Ubikora nka gatatu mundwi. Uyu muti wowo uranavura amafyigo, igitigu,...
Muriyo miti yose twavuze aho hejuru kirazira kuyifata wibungenze; ubaye wibungenze,
• Ukaba ugwaye infections vaginales uteka ikinzari maze ukaza uranywa amazi wagitetsemwo,
• Kuri infections urinaires nayo uteka umucayicayi wonyene maze ukaza uranywa amazi wawutetsemwo.
Hari imiti myishi ivuga kuri infections ndetse myishi twaragiye turayigisha, nshimye kubagirira iyi liste ya mikeya kugira ngo uyigerageze uyibona hafi.
Urashobora rero gufata umuti umwe muriyo ntibigende neza, ariko naho yoba yaragusesereje gute, ntucike intege imiti irahari, uzokira ikibi ni gutereranq burundu ugaheba kuko ingaruka za infections nimbi cane twarabibonye mu nyigisho zatanguriye, ariko kandi twibuke kwikingira , kuko kwivuza biravuna cane.
Hagati aho nagira ndabahamagarire mwebwe mutaragura ca gitabu, nukuri murahomba, izi nyigisho zose mubona ndabaha zirimwo kuko mukucandika twaracitondeye cane dufatiye ku bibazo vyinshi mukunda kubaza . Abatarakigura muriko murahomba vyinshi.
Ndabibutseko abanyandikira ari benshi cane ku buryo ntobamara kandi ndanaruha cane , hari benshi muri mwebwe ntarishura ariko si jewe nuko ntobishobora ndumwe. Umuhinga rero nuwuca yiyegereza izo nyishu ziba ziri murico gitabu maze vyose akavyisomera.
Inkuru itari nziza nuko naba bake nahora nishura bigiye kugabanuka kuko hari ivyo ngomba kujamwo mu minsi iza bizotuma ntaronka umwanya ukwiye wo kwishura message zanyu, ariko kandi si nkurumbi kuko uwuzoba akeneye ubufasha bwacu vyose twabishize murako gatabu.
Mu kwizihiza hamwe n'abandi umusi mu kuru wo kwikukira kw'igihugu cacu,
Guhera ku musi wa kabiri itariki 1/7/2025 kugeza ku wa Mungu itariki 6/7/2025 tuzoba dufise iyindi promotion ya ca gitabu, mube muritegura ntize ibacike.
Mubandanye rero mugira ibihe Umukama abahezagire, abagwaye namwe abakize.
Ihangiro ryacu ni
✍️. Kumenya kwivura no kwikingira Ingwara zitandukanye dukoresheje ibimera
Harico ubaza twandikire inbox uciye kuriyi numero yacu wa.me/25765622246
