Njombe RRH

24/02/2026

Karibu kila Siku za Wiki kuanzia Jumatatu hadi Ijumaa uweze kukutana na Madaktari Bingwa katika Maeneo mbalimbali ikiwemo

➡️ Ubingwa katika Upasuaji wa Mifupa

➡️ Ubingwa katika Magonjwa ya Watoto

➡️ Ubingwa katika Magonjwa ya Ndani

➡️ Ubingwa katika Upasuaji wa Jumla

➡️ Ubingwa katika Magonjwa ya Wanawake na Uzazi

➡️ Ubingwa katika Tiba ya Pua, Koo na Sikio

➡️ Ubingwa katika Dawa za Usingizi na Ganzi salama.

19/02/2026

AUGUSTINO SANGA ACHAGULIWA MWENYEKITI MPYA TUGHE, NJOMBE RRH

Wanachama wa TUGHE, Tawi la Njombe RRH, wamechagua Uongozi mpya hapo jana Februari 18 katika ngazi mbalimbali.

Augustino Sanga amechaguliwa kuwa Mwenyekiti, Irene Kayombo kuwa Katibu.

Pia wamechaguliwa viongozi wa Kamati za Wanawake ambapo Mwenyekiti wake ni Monique Eliut Kimbago, huku Katibu wake akiwa Nuru Msanga.

Wengine walioteuliwa ni wajumbe 15 na mwakilishi wa walemavu na mwakilishi wa Vijana/Mwenezi wa tawi.

Tunawatakia Majukumu Mema.
"Mshik**ano Daima"

12/02/2026

Timu ya Usimamizi wa Hospitali ya Rufaa ya Mkoa wa Njombe (RRHMT) wametakiwa kusikiliza changamoto za watumishi walio chini yao na kuzitatua ili kujenga mahusiano mazuri na kujenga uwajibikaji mahali pa kazi.
‎
‎
‎Akizungumza na Timu ya Usimamizi wa Hospitali leo Februari 12, 2026 Bi. Kisa Mwamaso - Afisa Rasilimali Watu, kutoka Wizara ya Afya amesema ipo haja ya kuzingatia usiri wa taarifa/changamoto za watumishi wakati wa utatuzi ili kuwajengea imani dhidi ya viongozi wao.
‎
‎
‎Ameongeza kuwa changamoto za kuhama kwa watumishi kwa kiasi zinachangiwa na kukosekana kwa masikilizano mazuri baina ya viongozi na watumishi waliopo chini yao, hali inayosukuma kuhama na kutafuta suluhisho la matatizo yao mahali pengine.
‎
‎
‎Amewataka Viongozi na watumishi waliopo chini yao kufuata sheria na utaratibu wa Utumishi wa Umma kwa kusimamia maadili pamoja na kutatua changamoto za watumishi ili kuhakikisha watumishi waliopo chini yao wanafuata pia sheria hizo.
‎
‎
‎Mathalani; ameshauri watumishi wasisitizwe kufuata mnyororo sahihi wa mawasiliano,uvaaji unaofuata miongozo ya Utumishi wa Umma, kuepuka matumizi ya pombe na lugha isiyo na staha, kufika kazini kwa wakati, kutojihusisha na tabia zinazovunja sheria za nchi k**a rushwa.

06/02/2026

‎TUNATAKA NJOMBE RRH IWE KINARA WA HUDUMA BORA, NYANDA ZA JUU KUSINI - BALOZI MPUMILWA

Mwenyekiti wa Bodi ya Ushauri, Hospitali ya Rufaa ya Mkoa wa Njombe, Balozi Danford Mpumilwa amesema Bodi ya Ushauri na Timu ya Uendeshaji wa Hospitali (RRHMT) watashirikiana kuhakikisha Njombe RRH inaboresha huduma zake hadi kuwa Kinara wa huduma bora Nyanda za Juu Kusini. ‎ ‎ ‎

Balozi Mpumilwa ameyasema hayo leo Ijumaa, Februari 6, 2026 aliposhiriki Kikao cha Maandalizi ya Bajeti ya Hospitali kwa mwaka wa Fedha 2026/2027 kinachofanyika Halmashauri ya Mji Njombe. ‎ ‎

Amesema kuwa k**a Bodi wanao wajibu wa kuendelea kujenga mahusiano mazuri baina ya Taasisi, wananchi, na wadau wa maendeleo kwa kuwa sehemu ya Utatuzi wa changamoto ambazo zinaweza kuwa kikwazo cha kukwamisha utoaji wa Huduma bora, mathalani amesema Bodi imeanza mazungumzo na wadau mbalimbali kuhakikisha wanachangia katika utekelezaji wa Bajeti ya Hospitali ili iweze kuwa Bajeti inayotekelezeka.

Kwa upande wake Mganga Mfawidhi, Hospitali ya Rufaa ya Mkoa wa Njombe, Dkt. Gilbert Kwesi amesema utekelezaji wa Bajeti pendekezwa utakwenda kutatua changamoto mbalimbali katika utoaji huduma k**a vile;- uimarishwaji zaidi wa huduma za Kibingwa kwa kuongeza manunuzi ya vifaatiba vya kisasa, Malipo ya Motisha na Stahiki za watumishi, kuwajengea uwezo watumishi na kuwapeleka masomoni, ukarabati wa miundombinu na Upanuzi wa Huduma za Tiba na Huduma saidizi.

Kikao cha Maoteo ya Awali kuiendea Bajeti ya Hospitali, kimefanyika kwa siku nne kikihusisha wakuu wa Idara na Vitengo, Hospitali ya Rufaa ya Mkoa wa Njombe.

27/01/2026

ELIMU YA BIMA YA AFYA KWA WOTE NI ENDELEVU – DKT. MFANGA

Mganga Mkuu wa Mkoa wa Njombe, Juma Mfanga amesema kuwa Elimu ya Bima ya Afya kwa wote inapaswa kuwa endelevu ili kuleta matokeo yaliyokusudiwa na serikali.

Akizungumza jana jioni Januari 26, katika Kikao chake na Menejimenti ya Hospitali ya Rufaa ya Mkoa wa Njombe, amesema kuwa ipo haja kubwa ya Uongozi wa Hospitali kupitia wakuu wa Idara na vitengo, kuwafikishia watumishi walio chini yao Elimu ya Bima ya Afya kwa wote, ili kuendana na kasi ya Utekelezaji wa mpango huo ambao umeanza rasmi hapo jana.

Miongoni mwa sababu zilizotajwa kuchangia uanzishwaji wa Bima ya Afya kwa wote ni pamoja na kuwezesha malengo ya kisera, k**a vile kupunguza vifo vitokanavyo na uzazi yaani vifo vya mama na mtoto, kutengeneza uwiano katika utoaji huduma kwa kujumuisha makundi maalumu k**a vile Watoto, wajawazito, wasio na uwezo, na wazee;Ujumuishaji wa huduma za magonjwa yanayochangia/kusababisha vifo na madhara makubwa ya kiafya kwa haraka.

Menejimenti ya Njombe RRH ilipitishwa katika maeneo mbalimbali ikiwemo utekelezaji wa Sheria ya Bima ya Afya kwa wote,namna mifumo ya TEHAMA itakavyotakiwa kufanya kazi kuanzia Ngazi ya Afya ya Msingi hadi Taifa kwa kusisitiza kuwa mifumo hiyo lazima iboreshwe na ikiwezekana uwepo mfumo mmoja ambao utasaidia kusomana kwa Taarifa kuanzia Zahanati hadi Hospitali ya Taifa, ikiwa ni agizo la Waziri wa Afya, Mhe. Mohamed Mchengerwa,kuimarisha upatikanaji wa huduma bora za Afya; mfano upatikanaji wa dawa za kutosha, kuimarisha mifumo ya Tiba mtandao (Telemedicine) pamoja na utaratibu wa Rufaa.

Mganga Mfawidhi wa Hospitali ya Rufaa ya Mkoa wa Njombe, Gilbert Kwesi amesisitiza wakuu wa Idara na Vitengo kushusha elimu hiyo kwa watumishi waliopo chini yao, pamoja na kuagiza Mratibu wa Mafunzo na Tafiti kuandaa kipindi ambacho kitasaidia kutoa elimu kwa watumishi wote kuhusu Bima ya Afya kwa wote.

Kupitia Bima ya Afya kwa wote Kaya yenye watu wasiozidi sita (6) wataweza kufaidika na huduma ya matibabu kwa gharama ya 150,000/= kwa mwaka.

23/01/2026

BIMA YA AFYA KWA WOTE SHILINGI 150,000 KWA KAYA, WASIO NA UWEZO KUGHARAMIWA NA SERIKALI

Na WAF - Dodoma

Serikali imetangaza rasmi kuanza utekelezaji wa Bima ya Afya kwa wote awamu ya kwanza kwa kundi la wananchi wasio na uwezo (wazee, watoto, wajawazito na walemavu) ambao watagharamiwa na Serikali pamoja na kutangaza kitita cha huduma muhimu kitakachotolewa na skimu za Bima ya Afya kwa gharama ya Shilingi 150,000 kwa Kaya ya watu wasiozidi 6.

Hayo yamesemwa Waziri wa Afya Mhe. Mohamed Mchengerwa leo Januari 23, 2026 Jijini Dodoma kwenye kikao cha kujadili utekelezaji wa Bima ya Afya kwa Wote na Viongozi na Watendaji ngazi ya Mikoa, Wilaya pamoja na Serikali za Mitaa.

Wazir Mchengerwa ametangaza kuanza rasmi kwa Bima ya Afya kwa wote Januari 26, 2026 na kuwataka watendaji kuhakikisha wananchi wanapata elimu kabla ya kujiunga na huduma bora za afya kuendelea kutolewa kwa wananchi wakiwa kwenye vituo vya kutolea huduma za afya kote nchini.

Waziri Mchengerwa amesema kuwa kwa gharama ya Shiligni 150,000 watu 6 walio kwenye kaya moja watajiunga na Bima ya Afya kwa wote kwa itakayojumuisha mwanachama mchangiaji, mwenza wa mwanachama na wategemezi wanne (4).

“Wategemezi hao wanne wanaweza kuwa ni mzazi wa mwanachama au mzazi wa mwenza wa mwanachama; mtoto wa mwanachama wa kuzaa, kuasili au wa kambo aliye na umri chini ya miaka ishirini na moja au ndugu wa damu wa mwanachama aliye na umri wa chini ya miaka ishirini na moja” amefafanua Waziri Mchengerwa.

Amesema kuwa kitita cha Huduma Muhimu kitatolewa kwa kuzingatia utaratibu wa rufaa katika vituo vya kutolea huduma za Afya vitakavyoingia Mkataba na skimu za Bima ya Afya.

Waziri Mchengerwa amesema ili kufikia azma ya uhakika wa matibabu kwa wananchi wote kupitia Bima ya Afya Viongozi na Watendaji hawana budi kuhakikisha kuwa elimu sahihi inawafikia wananchi waweze kujua umuhimu wa kuwa na Bima ya Afya.

19/01/2026

Fuatilia katika Vyombo vya Habari ikiwemo TBC na kurasa za mitandao ya kijamii ili kushuhudia Jukwaa la Uwekezaji wa Viwanda vya Dawa Tanzania

19/01/2026

FUATILIA MUBASHARA

13/01/2026

Pata kufahamu huduma za Kliniki ya Pua, Koo na Sikio

Daktari, Elionora Sitta kutoka Hospitali ya Rufaa ya Mkoa wa Njombe leo Januari 13 anatupitisha katika moja ya Huduma za Kliniki hiyo, yaani Dondoo kuhusu Sikio.

05/01/2026

Bw. Eusebius Mbilinyi kutoka Halmashauri ya Madaba amefika katika Hospitali ya Rufaa ya Mkoa wa Njombe baada ya Taarifa iliyosambazwa katika kurasa za Mitandao ya kijamii za Hospitali ya Rufaa ya Mkoa wa Njombe kutangazwa kwa mwananchi aliyefikishwa akiwa Mahututi kisha kuhudumiwa kwa siku 42 pasipo ndugu zake kujitokeza baada ya kufikishwa na watu wema akiwa mahututi.

Uongozi wa Hospitali ya Rufaa ya Mkoa wa Njombe unaungana na wazazi, ndugu, jamaa na Marafiki wa Steven Eusebius Mbilinyi (anayetibiwa) kwa jamii, na wananchi wema waliosambaza taarifa hii iliyofanikisha kupatikana kwa ndugu zake.

Mungu awabariki na akawakumbuke.

Asante.

01/01/2026

30/12/2025

TAARIFA KWA UMMA