Head2Toe

10/13/2024

Gabdheheenna aan jecelnahayoow , waan ognahay inaad mararka qaar dareentaan
Kalsooni darro maqaarka iyo naftiina ah, kaddib marka aad u fiirsataan Hal-beega ay bulshadu u dajisay quruxda , taas oo aydaan lahayn.

Waxaan laga yaabaa in aad aaminteen in quruxdu u muuqato qaab gaar ah sidda midab cad, caato ama dherer. Waan ognahay in ay bulshadeenu idiin muujisay qurux aan nabarro lahayn iyo boorsooyin indhaha Hoostooda ah.

Waan ognahay, waxaa jira dad bulshada ku jira oo caddaanta kali ah qurux mooday idinkulana dhaqmin xushmada aad u qalantiin waayo iyagu waxaa ukeenaaya arrinkaas faham la’aan iyo aqoon la’aan. Waxaa jira kuwo idinka iibiya wax asal ahaantooda aan lahubin, waayo dan k**a laha caafimaadka maskaxdiina iyo jirkiina.

Laakiin Gabdhaha Soomaaliyeedoow, waxaad si hagrasho la’aan ah uga shaqayseen inaad mustaqbal wanaagsan u samaysaan naftiina, qoyskiina iyo Kuwa idinku hareeraysan Ee aad jeceshihiin. In kasta oo aad la kullantaan caqabdo sinaan la’aan iyo tageero la'aan ah, haddana waxa aad had iyo jeer samaysaan sidda ugu fiican nolosha.

waan idinku faanaynaa Haweenkeenoow, Waqtiyadiina badan ee aad runta ku taagantihiin ayaan idinku bogaadineynaa. Waxaanad ogaataan , waxaad ku socon jirteen dariiqa saxan si sharaf iyo xurmo leh weligiin, waxaadna abuurteen jawi maanta aynu dhihi karno waxaa lajoogaa waqtigii laga tagi lahaa kalsooni darrada iyo qanaaca la’aantii qofnimo. Waad nala qaadateen in laga tago iscaddeyntii Waanad ku mahadsantihiin ajiibista uyeeriddeena, wadaagida jaceylkiina iyo naxariistiina, Waa noo sharaf inaan markhaati ka ahaano xooggaagiina, tamartiina iyo adkeysigiina. Fadlan sii wada dhiirrigelinta kulligeen, ku dhiirigaliya saaxiibadiin joojinta iscaddeyaka kaas oo sababa dhibaato badan oo caafimaad oo siiwad inaad naftiina jeclaataan - hana u oggolaanina kuwa iloobey inay naftooda jeclaadaan inay isku dayaan inay idinka joojiyaan hankiina ama idinka bedalaan maqaarkiina .

Ogsoonaada haweenkeenoow, in Farxadda iyo weynaantaadu idinku dhex jiraan.nina idin ma dhihi karo kalarkaan ama kaas baad ku qurux badantahay. Waxaad tihiin awooda aan xadka lahayn.

Ogsoonaada Haweenkeenoow inaad tihiin Hoggaamiye, Nina yuusan shaki kaaga abuurin quruxdaada iyo muuqaaga. Hadii uu nin kahadlo kalarkaaga, wuxuu ilaaway jiritaankiisu inuu ku tiirsanyahay Haweenka wuxuu ilooobay qurux tii ugu sareeysay inaad leedahay. Qofkii aanan Xamili karin siduu eebbe kuu qurxiyay, markaas dhibbaatadu adiga maaha, qofkaas kartidarradiisa ayaa hadlaysa.

Haweenkoonoow! Waxaad tihiin farxada guri walba iyo qalbi kasta, waan idin jecelnahay oo waan ognahay doorkiinna Nolosha e, Guulo badan gaadha.

Faafiya iftiinka , quruxa iyo Jacaylka oo u muuji quruxdaada si dabiici ah❤

10/05/2024

KU GUBASHADA QORAXDU WAA DHAB!

1- Ka fogoow in uu si toos ah kuu soo gaadho iftiinka qorraxdu.

In uu ku soo gaadho iftiinka qoraxdu aad bay muhiim ugu tahay soo saarista fiitamiin D-ga jidhka, si kastaba ha ahaatee, waa in laga fogaado xad-dhaafka iyo iftiinka qorraxda tooska ah, taas beddelkeedana qofku wuxuu ku raaxaysan karaa qorraxda isagoo fadhiya hooska, sida dallad, geed weyn ama teendho.

2- ka fogoow in iftiinka iyo fallaadhaha qoraxdu si toos ah kuugu soo dhacaan inta u dhaxaysa 10:00 subaxnimo ilaa 4:00 galabnimo. Sababta oo ah fallaadha qoraxdu Waa Kuwa ugu sarreeya wakhtiyadan. Falaadhaha ultraviolet B ayaa ah kuwa ugu xooggan, waana tan ugu badan Ee keenta cuncunka maqaarka iyo gubashada. Haddii ay tahay in aad baxdo walhtiyadan, waa in aad qaadaa tallaabooyin aad uga hortagayso ku gubashada Cadceeda.

3- Xidho dhar kugu habboon.

Had iyo jeer waxaa habboon in la doorto nooca dharka ku habboon markaad guriga ka baxayso , waliba maalmaha qorraxdu jirto si looga fogaado gubashada. Noocyada dharka lagu taliyay in la xidho waxaa ka mid ah kuwan soo socda.

Dharka laga sameeyay marooyinka adag Ee tidcan, sidda jiinis, dhogor, ama polyester.
Isku soo wada duuboo xidho Dharka daboolaya inta ugu badan ee suurtogalka ah ee jidhka , sida shaati-gacmeedyo dhaadheer iyo surwaallo dhaadheer ama goonnooyin. Waxa kale oo mihiim ah in aad xidhatid koofiyado waaweyn iyo muraayadaha indhaha.

4- Isticmaal Kiriimka qorraxda Ee saxda ah.

Isticmaalka Kiriimyada qorraxdu waa mid ka mid ah siyaabaha ugu muhiimsan ee looga hortago ku gubashada qorraxda . Si loo gaadho ilaalinta ugu wanaagsan ee maqaarka iyo iska ilaalinta fallaadhaha qorraxda kulul na, qodobbada soo socda waa in la tixgeliyaa marka la dooranayo oo la isticmaalayo kiriimyada qorraxda:

*. Marso Kiriimka cadceedda dhammaan meelaha ay cadceedu soo gaadho 20-30 daqiiqo kahor inta aannad bixin.

*•Si joogto ah u marso kiriimka qorraxda labadii saacadoodba mar.

*•Hubi inaad isticmaasho kiriimka qorraxda xilliga cimiladu daruuro tahay, sababtoo ah fallaadhaha ultraviolet waxay dhex maraan daruuraha waxayna sababi karaan gubasho.

*• Marso kiriimka qorraxda ka hor inta aanad wajiga marin waxyaalaha la isku qurxiyo, kuna tiirsanoow waxyaalaha sasalka ah ee ay ku jiraan kiriimyada qorraxdu.

Caafimaadka maqaarkaagu Waa noo Muhiim.

Qoyska Aboosto, aan qaybino quruxda, Caafimaadka iyo Jacaylka

11/15/2022