06/08/2024
حماية الملكية الفكرية :
الملكية الفكرية او ال Intellectual property IP هي اي فكرة انت ابتكرتها و ممكن إذا نشرت او عرضت هاتكون نتيجتها مال او شهرة او انتاج فني او علمي .
الملكية الفكرية ممكن كمان تكون سر الصنعة او Trade secret
الملكية الفكرية إذا أنتهكت فأنت بتخسر فكرتك لشخص او مجموعة أشخاص او كيان و بيسرقوا مجهودهم لغرض تحقيق مال او شهرة بأسهل الطرق.
الحماية لازم تتم عن طريق الحفظ و التدوين و التسجيل .
لازم تحفظ الملكية الفكرية زي ما بتحفظ اي شي له قيمه و عدم عرضه علي اي شخص مش موثوق فيه و لو محتاج تعرضه لازم تكون حريص و ما تعرضتش اسرار الصنعة و تمضي اتفاقية عدم الإفشاء او ما يسمي بال non disclosure agreement NDA
التدوين كمان مهم كده يعني لازم تكتب مكونات الفكرة بتاعتك و ازاي وصلتلها حتي لو كانت شخبطة علشان يكون دليل انك اللي بدات الفكرة. التسجيل طبعا شي مقدس و معناه ان تسجل براءة اختراع في بلد المنشأ او الاتحاد الأوربي او امريكا زي الUSPTO
كمان اي علامة تجارية او لوجو لازم تسجل كعلامة تجارية
لما تيجي تسجل لازم الاول تعمل بحث عن علامات مشابهة او براءات اختراع مشابهة و هي مواقع بحث زي ال TEAS اللي هي تابعة لل USPTO United States patent and trade mark office
لو الموضوع معقد و كبير لازم تعين محامي علامات تجارية او براءات اختراع لان فيه عملية بحث كبيرة جدا و خصوصا في براءات الاختراع
براءات الاختراع ممكن تاخد من ست شهر الي سنين مع وجود محامي متخصص .
براءات الاختراع ممكن تكون مؤقتة Provisional و دي بتعطيك حماية لمدة سنة لحد ما تعمل تسجيل نهائي او نهائية و دي بتحميك مدة طويلة اعتقد في حدود ٢٠ سنة
موضوع ال NDA موضوع كبير اوي و هو مش ملزم في البلاد اللي مافيهاش قوانين ملكية صارمة بس علي الأقل فيها حفظ حق. لازم يكون في بند استرجاع مستندات او تدميرها بعد ما اتعملها شير مع حد بعد نفاذ مدة الاتفاقية او إلغاء الاتفاقية من احد او كلي الطرفين.
عقود الشراكة مهم جدا إثبات ملكية الأفكار و العلامات التجارية و محاكم النزاع تكون فين إذا حصل اختلاف و امتي تلجأ للقضاء و ازاي نلجأ له
في امريكا محاكم النزاع بتكون لكل ولاية بمعني ان ممكن محل النزاع ممكن يكون في ولاية معينة زي ولاية نيويورك او ديلاوير و الي هي اشهر ولاية علشان معظم الشركات تلناشئة بتتأسس فيها.
طبعا يفضل ان فيه محامي معاك علشان يكتب العقود لك و يتأكد ان حقوقك محمية.
شورة في بلاد المعمورة
