06/02/2025
أنا بقدر أبعد عن أي حد ومش فارق معايا حد.”
وبيفتكروا إن دي قوة…
بس الحقيقة؟
دي مش قوة، دي قوة مزيفة.
غالبًا القوة الظاهرة دي مش نابعة من راحة نفسية وقوة حقيقية، لكنها وسيلة دفاع.
وسيلة لحماية الشخص من الخذلان، من الجرح، من الخوف من الارتباط والتعلق، أو من تكرار تجارب مؤلمة.
💔 “أنا مش فارق معايا” = “أنا تعبت أتألم.”
💔 “أنا بقطع العلاقات بسهولة” = “أنا بخاف أرتبط وأتوجع تاني.”
💔 “أنا ما بحتاجش حد” = “أنا فقدت الأمل في حد يحتوي احتياجي.”
في فرق كبير بين القوة الحقيقية ✨
اللي بتخليني أعرف أواجه، وأتواصل، وأتحمل مشاعري ومشاعر غيري
وبين القوة المزيفة
اللي بتخليني أهرب، أقطع، أصد، وأمثل إني مش فارق معايا… وأنا من جوايا محتاج جدًا.
أوقات إحنا بنلبس “قناع القوة”
عشان خايفين نبان ضعاف.
بس القوة الحقيقية مش في إننا ما نحسش وما نتعلقش…
القوة الحقيقية في إننا نحس، ونحب ,ونفهم، ونتصرف بوعي مش برد فعل.
