D.asma_ abuna

04/27/2026

بعد كل شتاء في ربيع🧚‍♀️بعد البرد في دفأ وبعد الغيوم في شمس تطلع من تاني ❤️تنور وتدفي وتبهج قلوبنا❤️

01/26/2026

من وقت فعّلت المراقب
ريّحت راسي
ما عاد نركض ورا الكلام
ولا نبرّر للناس تصرّفاتهم

نراقب… ونفهم
نسمع… ونعدّي
ونخلّي كل واحد يبان على حقيقته

المراقب علّمني
إن الهدوء مش برود
والسكوت مش ضعف
هو قوّة اللي عرف نفسه
وما عاد يعطي طاقته في غير محلّها✨

01/13/2026

الانتقال مش بس تغيير مكان🌎✈️
الانتقال زلزال.

يهدّ فيك حاجات
كنتِ تظني أنها ثابتة،
ويطلعك من نفسك القديمة غصب.

البيئة الجديدة ما ترحمش،
ما تسألكش شكون كنتِ،
تسألك:
شن تبي تكوني توا؟

وفي نص الرحله وخلالها ح تتعلمي التسليم،
مش لأنك ضعيفة،
بل لأن المقاومة تعبتك.
تسلمي إنك مش لازم تفهمي كل شيء توا،
وإن الضياع مرحلة،
مش فشل.

التأقلم موجع،
يوجع لأنك كل يوم
تودّعي نسخة منك،
وتلبسي وحدة جديدة مازال ما تعودتيش عليها.

والبدء من جديد؟
مش حكاية بداية ناعمه ✨
هو قرار شجاع إنك ما ترجعيش للي يكسر روحك
حتى لو كان مألوف ومريح ليك.

وبعد مخاض طويل مؤلم وممتع !
ح تنولد هوية جديدة✨
أقل مجاملة،
أكثر صدق،
وأجرأ في الاختيار.

لو حاسة روحك تغيّرتي،
وما عادش تشبهي روحك القديمة؟
مبروك.
انت في رحله جديده ممكن تكون مؤلمه لكنها ممتعه ما تنسيش تستمتعي بيها😊

01/09/2026

في هدوء يوم الجمعة…
نحتاجوا نبطّوا شوي
ونسمعوا لروحنا 🤍

مش كل شيء لازم نفهموه اليوم
ومش كل تعب لازم نصلّحوه توّا!

أحيانًا يكفي
نطمنوا قلوبنا
ونسلّموا أمرنا لله.

الراحة تبدأ
لما القلب يهدأ
والنية تصفى
والروح تقول:
يا رب أنا بين إيديك💚

خلّي الجمعة تكون نفس عميق
ودعوة صادقة
وسلام داخلي ✨

01/08/2026

أول مرة وعيتي فيها
ما كانتش فرحه عالاغلب!
كانت علي الأغلب صدمه أو وجع عشتيه✨

لما فهمتي إنك
مش ضعيفة،
ولا حساسيتك زيادة،
ولا الغلط منك.

أول وعي حقيقي
يجي لما تسألي روحك:
“علاش نتعب على ناس
ما يتعبوش علينا؟

ومن اللحظة هذي يبدأ التغيير…
مش لأنك قسيتي،
لكن لأنك تعلمتي تحطي حدّك
وتحبي روحك من غير إحساس بالذنب 🤍

الوعي ما يوجعش،
اللي يوجع انك تستمري في وجعك وتختاري تكوني المظلومه وتعيشي الدور✨

لو تحبي تكوني معانا وتكملي رحلتك في الوعي،
اشتركي في رحلة وعي✨💛
حتشوفي محتوى خاص، تدريبات، ونصائح يومية حتساعدك تكبري وعيك بكل حب 💫

01/07/2026

كل بداية جديدة تحمل في طياتها فرصة لاكتشاف جزء جديد منك ومن حياتك 💛
لا تقللي أبدًا من قوة خطوة صغيرة، أو من فكرة بسيطة قد تغيّر يومك كله.
اليوم هو فرصتك لتزرعي لحظات سعادة، لتتعلمي شيئًا جديدًا، لتكوني أقرب من نفسك 💫
ابتسمي لنفسك وللعالم، واسمحي للطاقة الإيجابية أن ترافقك في كل لحظة 🌱✨
تابعيني لننطلق معًا في رحلة وعي، فرح، وتحفيز، ونصنع أجمل الذكريات 💕

#احبكم #بدايات ِ

01/06/2026

في يوم من الأيام…
كنت أظن إن القوة تعني التحمل،
وإن الصبر يعني الصمت،
وإن الحب لازم يوجع عشان يكون حقيقي.

لين بدأت الصفعات تقوي وتقوي علي ، وصلت لحد الانهيااار التاام وعشت تجارب اكتئاب وحزن ومحاولات حتي للخروج من هذه الحياه لأنها أصبحت لا تعني لي شيء ذلك الوقت 🥹
جاءت اللحظه التي وقفت كل شيء وسألت نفسي:

ليش أكرر نفس الشعور والتجارب وأنا أستاهل الأفضل والأجمل ؟

وهنا غيرت السؤال :

كيف ممكن أكون افضل نسخه مني في كل شيء ؟✨

هنا بدأ الوعي.
مو بانقلاب…
بل بخطوة صغيرة:
إني أختار نفسي بدون ذنب،
وأسمع قلبي بدون خوف،
وأسمح لحياتي تكون أهدى… وأصدق.

الوعي مو إنك تصيري مثالية،
الوعي إنك تصيري صادقة مع نفسك 🤍

ولو تحسين إن هذا الكلام لامس شي داخلك…
فأنتِ في الطريق الصح ✨

إذا تحس إن الوقت حان
توقف عن التكرار
واختار نفسك بوعي وهدوء ✨

🌿 رحلة وعي خاصة (مدفوعة)،اشتراك شهري رمزي جداً ✨
مساحة آمنة للفهم، والشفاء، والبدايات الصادقة✨

01/05/2026

أحيانًا ما نحتاج سنة جديدة…
بس نحتاج قرار صادق 🤍
قرار نعيش بوعي، نهدأ، ونختار نفسنا بدون ذنب.

اليوم أبدأ من جديد… مش لأن الماضي كان خطأ،
بل لأني استحق حياة أهدأ وأجمل ✨

اسأل الآن:
إيش أول شي حاب تغيّره في حياتك؟

01/01/2026

new year

10/24/2025

My favorite season 🍁

10/24/2025

04/13/2024

العيد🌙 دائمًا كان يجي في بالي سؤال،، شن هوا شعور العيد اللي مفروض نكونوا عليه؟؟ وربما يكون عندك نفس التساؤل وخصوصًا مع السوشيال ميديا والصور والفيديوز ل فعاليات العيد ممكن يجيك سؤال انه اني مش زي الناس هذه اللي قادره تبتهج وتعيش هلبا فعاليات ولمات ووو هل الخطأ فيا ولا هل في شي ناقصني باش نحس ونعيش اللي يعيشوا فيه كل هذه الناس؟؟ وممكن جدًا انه تضيع فرحة العيد وسط كل هالتساؤلات وشعورك انك اقل من الناس وناقصك هلبا !!؟ الحقيقه انه مافي شيء ابدا ناقصك،، كل اللي تحتاجه باش تكون سعيد ومبتهج وتعيش فرحة العيد موجود داخلك،، ركز داخلك مش حتي حواليك،، كل المشاعر اللي معتقد انها ناقصاتك و ل ربما تبحث عنها ف الناس او ف البلاد او او كل هذه المشاعر موجوده أصلًا داخلك✨ انت مش ناقصك شيء ابدا ✨ وكل اللي تحتاجه حتي تكون سعيد موجود داخلك ✨ انت محتاج بس تدور عليه داخلك وتوجهله النور وتخليه ينتعش من جديد✨