أخصائية تغذية علاجية 🇨🇦
نصائح غذائية بلا تعقيد
مستندة على العلم وأكلنا الحقيقي
نمط صحي | حياة متوازنة | توازن هرمونات
للاستشارة عالواتساب 0013432622229
أنا صيدلانية، حاصلة على ماجستير في إدارة الأعمال، وماجستير في الصيدلة السريرية، إضافة إلى دبلوم في التغذية العلاجية.
رحلتي مع التغذية لم تكن اختيارًا عابرًا، بل نتيجة سنوات من الدراسة العلمية والتجربة العملية، وتجربة شخصية مع اضطرابات هضمية دفعتني للبحث العميق في علاقة الغذاء بالجسم والصحة.
إيماني بالتغذية يتجاوز مفهوم خسارة الوزن، فهي علم يُبنى عليه نمط حياة متوازن وصحة مستدامة.
وأؤمن أن غذاءنا العربي، عند فهمه وتطبيقه بطريقة صحيحة، هو غذاء متكامل ومتوازن، وأقرب لأجسامنا من أنماط غذائية مستوردة لا تشبه بيئتنا ولا ثقافتنا.
التغذية بالنسبة لي ليست حمية مؤقتة، بل نهج علمي متكامل يعالج الجذور، ويعزز التوازن الصحي على المدى الطويل.
وأرى أن المطبخ العربي، حين يُعاد إليه اعتباره العلمي، يشكّل أساسًا قويًا لصحة أفضل.
22/02/2026
قدّيش تاكل كنافة.. وبدون ما تشطّب على دايت الأسبوع بلحظة! 🥧🔥
🌙 كملت السفرة.. بس دير بالك من "الفخ"! 🥧
بعد القطايف، أكيد ما بنستغني عن الكنافة والبسبوسة. بس عشان ما تطلع من رمضان "دبدوب"، هاي الحصة المثالية لكل نوع:
1️⃣ الكنافة (الناعمة أو الخشنة) 🍯
سلطانة الحلويات، بس القطر والسمنة فيها "بحر"!
الحصة: قطعة بعرض (3-4 أصابع) يعني تقريباً (6-8 سم).
دير بالك: إذا كانت القطعة سميكة ومغرقة قطر، صغرها لـ (2-3 أصابع) عشان تضل بالسليم.
السعرات: حوالي 350 - 450 سعرة.
2️⃣ كنافة بالقشطة ☁️
أغنى بالدهون والسكر بسبب القشطة، فالحذر منها واجب.
الحصة: قطعة أصغر شوي (حوالي 2-3 أصابع).
السعرات: ممكن توصل لـ 400 - 500 سعرة.
✨ نصيحة "من الآخر":
دايماً اطلب "قطر خفيف"، وبالبيت استبدل السمنة بكميات أقل من الزبدة.. وصحتين وعافية! ❤️
اعترفوا.. كم قطعة كنافة "شطّبتوا" اليوم؟ 😂👇
#كنافة #بسبوسة #نمورة #تغذية #الأردن #عمان #سعرات
21/02/2026
🌙 القطايف.. "نجمة السفرة" بس دير بالك على السعرات! 😅
كلنا بنستنى رمضان عشان "حبة هالقطايف"، بس عشان تضل بالسليم وما تطلع من الشهر بوزن زايد، شوف كل حبة (حصة) كم فيها سعرات تقريباً:
1️⃣ قطايف الجبنة (مقلية ومغطسة بالقطر) 🧀
هاي الحبة "الغدارة"، طيبة بس سعراتها عالية لأنها مقلية.
الحصة: حبة وحدة متوسطة، أو 2-3 حبات "عصافيري".
السعرات: حوالي 280 - 320 سعرة.
نصيحة: إذا بدك توفر، اشويها بالفرن بتطلع خرافية وبسعرات أقل بكتير!
2️⃣ قطايف الجوز (مقلية وبالقطر) 🥜
ملك السفرة الرمضانية، الجوز مفيد بس مع القلي والقطر بصير "قنبلة" سعرات.
الحصة: حبة وحدة متوسطة.
السعرات: حوالي 300 - 340 سعرة.
3️⃣ قطايف القشطة (عصافيري أو مقلية) ☁️
العصافيري (النية): الحبة الواحدة فيها حوالي 80 - 100 سعرة (يعني 3 حبات بطلعوا حصة وحدة ممتازة).
السعرات: الحبتين مع بعض فيهم حوالي 200 - 240 سعرة.
💡 شوية حركات عشان تخفف السعرات:
استخدم القطر المخفف أو رشة عسل بسيطة.
الشوي بالفرن بدل القلي بوفر عليك بلاوي سعرات.
حاول ما تاكلها مباشرة بعد الفطور، استنى ساعة لتريح معدتك.
صيام مقبول وإفطار شهي.. وطمنونا، انتوا من جماعة الجوز ولا الجبنة؟ 👇
#قطايف #رمضانيات #الأردن #عمان #عصافيري
20/02/2026
شو بصير بجسمنا وإحنا صايمين؟ 🧠✨
كثير منا بفكر إنه الصيام مجرد "تعب وجوع"، بس الحقيقة إنه الجسم بستغل هالساعات ليعمل "صيانة شاملة" لكل خلية فيه! 🛠️
بهاد البوست (Carousel) لخصت الكم أهم 4 تغييرات بتصير بجسامنا من اللحظة اللي بنخلص فيها سكر الدم، للحظة اللي بنبدأ فيها نحرق دهون وننظف الجهاز الهضمي.
الخلاصة:
الجسم ذكي جداً وبقدر يتأقلم، بس المهم إحنا ما "نخرب" هاد الشغل بالأكل العشوائي وقت الإفطار. اعطوا جسمكم فرصة يترمم صح! 🌱
مرروا الصور لتعرفوا التفاصيل ➡️
💬 سؤالي الكم اليوم:
مين منكم بحس إنه طاقته وتركيزه بكونوا أعلى وهو صايم؟ احكولي تجاربكم بالتعليقات! 👇
#رمضان #صيام #صحة #الأردن
19/02/2026
🌙 أكبر 3 أخطاء تغذوية بنوقع فيها برمضان!
رمضان فرصة ذهبية ليرتاح جسمنا ونستعيد توازنا، بس أحياناً عاداتنا "بتخرب علينا". تعال نشوف شو هنّ وكيف نصلحهم:
1️⃣ الهجوم أول ما يأذن المغرب 🏃♀️💨
بعد يوم صيام طويل، بننزل بالأكل بسرعة وبكميات كبيرة.
النتيجة: نفخة، خمول، وثقل بخلّيكي مش قادرة تتحركي.
الحل: بلش بـ "حبة تمر وكاسة مي"، خدي استراحة صغيرة (صلي المغرب مثلاً)، وبعدين كمل وجبتك برواق وهدوء.
2️⃣ "حلي يا حلو".. الإفراط بالحلويات والعصائر 🍡🥤
عصائر رمضان المليانة سكر والقطايف يومياً وبكميات كبيرة..
النتيجة: سعرات خيالية بدون شبع حقيقي، وارتفاع مفاجئ بسكر الدم.
الحل: استمتع بقطعة صغيرة بعد وجبة متوازنة، وجربي قللي السكر بالعصائر أو استبدليهم بالمي واللبن.
3️⃣ سحور "أي كلام" أو إهماله بالمرة 💤
تسحرت خبز أبيض وأشياء سكرية؟ أو نمت بدون سحور؟
النتيجة: رح تجوع وتعطش بسرعة البرق وتفصل شحن بنص اليوم.
الحل: سحورك لازم يكون فيه "بروتين + ألياف + دهون صحية" (زي البيض، اللبنة، الأفوكادو، والخضار). هيك بتضمن طاقة وشبع لأطول فترة.
رمضان فرصة لنرّجع التوازن لجسامنا، مش لنتذبذب بين الحرمان والإفراط.
💬 احكيلي.. أي خطأ من هدول حاسة إنك بتوقع فيه أكثر شي؟ 👇
بهل الأيام المباركة، بنباركلكن بقدوم شهر الخير والبركة.
يا رب ينعاد علينا وعليكم بالصحة والسلامة، وتكون أيامكم كلها فرحة ولمة حلوة.
صياماً مقبولاً وإفطاراً هنيئاً للجميع! 🌸💙
#رمضان2026
15/02/2026
🥗 ليش أسعار الأكل الهيلثي مختلفة؟
1️⃣ الجودة والقيمة الغذائية (مش بس حشو بطن):
الأكل الصحي غالباً بكون غني بالعناصر الغذائية (فيتامينات، معادن، ألياف) اللي بتشبعك لفترة طويلة، عكس الأكل الجاهز اللي سعره قليل بس قيمته الغذائية صفر، فبتجوع بسرعة وتصرف تاني. 🤷♂️
2️⃣ تكلفة الإنتاج والزراعة:
المنتجات الطبيعية أو اللي مزروعة بعناية بتاخد مجهود ووقت وتكلفة أعلى في الرعاية، بعيداً عن الكيماويات والمبيدات. 🌿
3️⃣ العرض والطلب:
لحد وقت قريب، الطلب على الأكل الصحي كان قليل، فكانت تكلفة إنتاجه وتوزيعه عالية. بس الخبر الحلو.. إن الطلب بيزيد، والأسعار بتبدأ تظبط مع الوقت! 📉
💡 "بس أنا ميزانيتي محدودة!" .. شو أعمل؟
مين حكى إن الهيلثي لازم يكون سيمون فيميه وكينوا؟ 😉
✅ اعتمد على البدائل المحلية: الفول، العدس، البيض، البطاطا، الخضار والفاكهة الموسمية أرخص بكتير وأفيد من المستورد.
✅ قلل الـ "Processed Food": السناكس، الشيبسي، والمشروبات الغازية تكلفتها على مدار الشهر بتعمل مبلغ ضخم، استبدلها بفاكهة أو فشار.
✅ التخطيط (Meal Prep): لما تطبخ في البيت، بتوفر تمن التوصيل، وتمن الخدمة، وبتشتري المكونات بسعر الجملة.
خلاصة الكلام:
الأكل الصحي مش "رفاهية"، هو "استثمار" في صحتك عشان توفر تمن العلاج والدكاترة بعدين. 🩺✨
بدل ما تفكر في "تكلفة الوجبة"، فكر في "قيمة الوجبة" لجسمك. 💪
Be the first to know and let us send you an email when O’Live Nutrition posts news and promotions. Your email address will not be used for any other purpose, and you can unsubscribe at any time.
