Ahmed Emara أحمد عمارة

Ahmed Emara أحمد عمارة استشاري صحة نفسية بالطاقة الحيوية، رسالتي إرشاد الناس لتذوق بهجة النعيم استشاري صحة نفسية بالطاقة الحيوية ، رسالتي : إرشاد الناس لتذوق بهجة النعيم
(1387)

هل حضرت معنا لايف: النجاح يبدأ من الداخل؟ما هو شعورك أثناء السحب على الفائزين بالهداياوإيه أكتر معلومة نورت معاك؟
07/28/2025

هل حضرت معنا لايف: النجاح يبدأ من الداخل؟
ما هو شعورك أثناء السحب على الفائزين بالهدايا
وإيه أكتر معلومة نورت معاك؟

ألقاكم بكل الحب بعد أقل من ساعتين، لايف انستجرام
07/28/2025

ألقاكم بكل الحب بعد أقل من ساعتين، لايف انستجرام

07/28/2025

همسة كدة على الماشي بعد دراسة نفسية لأكثر من ثلاثين سنة:
أول ما تلاقي نفسك (متلخبط + مش عارف تتصرف + مضغوط + مخنوق ـ متوتر + مودك مش مضبوط)
اعرف إن دي أحد معاني (جهنم) في القرآن
ودي إشارة (بعذاب أدنى) لعلك ترجع وأن دا تمهيد لعذاب أكبر لو لم تنتبه وتعيد حساباتك
تمهيد عشان كدة ربنا قال (جهنم يصلونها فبئس المهاد)
وأول ما تلاقي نفسك (موجوع + عايش بألم شديد + بتخاف لدرجة الرعب + مشاعرك السلبية واصلة لدرجة مخلياك متعذب)
اعرف أن دي أحد معاني (الجحيم) في القرآن
واعرف إنك وقعت فيها لأنك لم تنتبه لمرحلة جهنم الماضية، واستمريت في نفس الأعمال بنفس الطريقة فتعديت مرحلة التمهيد لتقع في المرحلة الأسوأ (يسلكه عذابا صعدا) فالعذاب متصاعد دايما ودي نعمة من ربنا عشان تبقى مركز من الأول وواخد بالك
وأول ما تلاقي نفسك (الدنيا في ذهنك واضحة وعارف تتصرف ازاي + عايش بيسر وبنظام + هادئ + مودك مسترخي ورايق)
اعرف إن دي أحد معاني (الجنة) في القرآن
وإن دي أول درجات الجنة لأن فيها درجات أعلى بكتير مش هنتكلم عنها دلوقتي
وأول ما تلاقي نفسك (بتوصل لكل حاجة بيسر + مستمتع بكل حاجة حواليك + حاسس بقمة الأمان والاطمئنان التام + الحزن قل عندك جدا جدا لدرجة أنه أصبح شبه معدوم وكذلك الخوف تلاشى تماما) (لا خوف عليهم ولا هم يحزنون)
اعرف أن دي أحد معاني (جنات النعيم) في القرآن
أهم حاجة من كل دا أنك تروح تفتح بقى القرآن وتعمل سيرش على كل مصطلح من دول عشان تعرف أسبابه، وإيه اللي بيوصل ليه وهتلاقي نفسك أمامك خريطة من أروع وأجمل ما يكون، خريطة تطبقها هنا، وتعيشها هنا قبل هناك
نصيحة من القلب باقولها بقالي سنين:
- أول درجاتك في الجنة بتبدأ من دلوقتي وتتدرج فيها حتى جنة الآخرة
ـ وأول درجاتك في النار بتبدأ من دلوقتي وتتدرج فيها حتى نار الآخرة
فانتبه بالله عليك لأنك بتضيع وقت وعمر وممكن تتصدم في الآخر وتحس بغبن شديد لذلك ربنا سماه (يوم التغابن)
اللي هيحس بالغبن، هو اللي أقنعه الشيطان إن المصطلحات دي في الآخرة بس، إن الجنة والنار في الآخر بس، إن الدنيا دار مشقة والراحة في الآخر، فكذب كلام ربنا (ما أنزلنا عليك القرآن لتشقى) وعاش موهوم في الشقاء في الدنيا وعاش بألم ومعاناة وهو يحسب أنه يحسن صنعا وموهوم إنه هيعيش جنة في الآخر
لذلك الشيطان يعدنا الفقر، فقر الدنيا وفقر الآخرة كمان بإبعاد الناس عن معاني الكتاب.
لذا طبيعي اللي هيعيش كدة هيتصدم صدمة عمره هناك وهيحس بقمة الغبن، لأنه سلم نفسه لناس ومشي وراهم من غير ما يستخدم عقله اللي ربنا ألهمه بيه
نسي إن مصطلحات القرآن تقع في كل زمان ومكان !
لأنه أصلا كتاب من خارج الزمان والمكان !
فكل ما فيه يقع باستمرار على مر التاريخ الماضي والحاضر والمستقبل
يبدأ الخلق ثم يعيده !!
شد حيلك واعرف إن أمامك وقت وجهاد عقلي بنتائج رائعة لن يحصل عليها إلا من ينفق جهدا ووقتا وعقلا ونفسا وجسدا
وصباحك عسل
ملحوظة مهمة:
عارف إن المقال قد يكون صادم للبعض، وخاصة اللي بدأوا يتابعوا صفحتي حديثا لذا انتبه للآتي:
١- انتبه لأن الشيطان هيخليك تحط حكم سلبي فورا لكي يمنعك من إدراك معنى المقال والاستفادة منه
٢- اقرأ التعليقات وردودي عليها عشان لو في عندك لبس، هتلاقي التوضيع في تعليقاتي بالأسفل على الشباب
٣- أي تجاوز للأدب هتاخد بلوك فورا، عشان الصفحة عندنا نظيفة ونختلف في الرأي بود ورقي وأخلاق، ولا نسمح بتواجد من يتجاوز الأدب في الصفحة

07/26/2025

انت عارف إن أخطر وأهم قناعة حياتية عن أسباب اللي بيحصل لك في الحياة هي أنك تكون من الداخل مقر أنك (أنت المسئول)
طيب دي خطيرة ومهمة جدا جدا ليه؟ شوف يا سيدي
١- ربنا أعطانا سر من أسراره وهو أن كل إجابات أي سؤال موجودة جواك
٢- الإجابات دي ليها مفتاحين سريين أولهما (أنا المسئول) اللي ربنا قالهالنا في القرآن بالصياغة القرآنية (لا إله إلا أنت سبحانك إني كنت من الظالمين)
٣- أول ما عقلك يلاقيك موافق ومتأكد وواعي أنك المسئول بيشتغل جواه برنامج إخراج الإجابات والحلول تدريجيا، وتزداد يوميا بزيادة قناعتك بأنك المسئول
٤- إخراج الإجابات والحلول دي محتاجة كلمة سر ثانية وهي (مشاعر هدوء وسكينة ورضا)
٥- عقلك اللاواعي أول ما يلاقي كلمتين السر دول (أنا المسئول + مشاعر سكينة) يقوم فورا عامل تدفق لا نهائي من الأفكار والحلول لكل حاجة انت فيها أيا كانت (وفق ظروفك - بلدك - دخلك - جنسك - جنسيتك - طولك - جسمك) أي حاجة، بتكون حلول ليك انت بس، بحسب كل تفاصيل حياتك (من حيث لا تحتسب)
٦- لما تطلع الإجابات بقى يا سيدي، محتاجة استقبال، محتاجة واحد مركز، مش مشتت، بيسمع بعقله، وبيشوف بوعيه وببصيرته، عشان يعي الحلول دي في عقله ومخيلته وتصوره الذهني بالتفصيل، ودا اللي عمله كل حد في الأرض وصل لأعلى النجاحات

أوم بقى الشيطان يعمل إيه يا غالي عشان ماتعرفش تطلع الحلول دي؟ لأنه (يعدكم الفقر) ؟
١- يخليك تقول أنا زي الفل دا ربنا اللي عامل لي كدة ومقدر لي كدة (شكلها الديني حلو بس لم تعترف بالمسئولية فالبرنامج مش هيشتغل)، هو علميا طبعا ربنا اللي قدر كدة (كنتيجة للي انت عملته)(فلكل سعي قدر ونتيجة) مش عمل لك كدة وخلاص من غير ما تكون عامل حاجة. المهم أن تقر وعيا وعقلا بالمسئولية وأنك أنت اللي ظلمت نفسك بأعمالك (ولا تجزون إلا ما كنتم تعملون) وربنا أكدها علينا بصياغات مختلفة في ٩ آيات، لعلك تتذكر!
٢- أكيد أنا محسود أو مسحور أو معمول لي عمل (المهم حد تاني من برا لكن مش أنا المسئول)، وأكثر شيء مضحك مبكي إني عمري ما لقيت حد بيقول البند الثاني دا إلا لما بيكون (قال إيه متدين) تخيل ؟!!!!! والله عمري ما شفت ملحد بيقول محسود ولا مسحور ولا معمول لي عمل، الشيطان عامل بلاوي أقسم بالله باسم الدين، وتلاقي اللي عرفك على السحر والحسد والأعمال هم (اللي كانوا بيظهروا بمظهر رجال الدين) فإنت زي الباشا وثقت فيهم، ولهذا أنا بقالي سنين بانسف النوع دا من الوعي الكاذب بإسم الدين، وهو الموروث
٣- لو اجتمع فيك حاجتين بقى تانيين بيلعب لعبة ألعن وأشد مكرا، لو لقاك (مصر على إنك المسئول + الثقة عندك ضعيفة) يقوم محول لك الموضوع لتأنيب شديد وتوتر وقلق، عشان يضرب كلمة السر الثانية (الروقان والهدوء والسكينة) فتعيش في لوم وألم، يقوم بعد كدة يقول لك: شفت، انت كنت قبل كدة رايق، لما دخلت مجال الوعي بقيت أشد ألم، ارجع بقى للي كنت عليه يا حبيبي !!!! والمصيبة إن ناس كتييييييير بتقع هنا أو بتقف هنا على الألم ويستمر معاهم ومش عارفين يستقبلوا الحلول بسبب التأنيب، (التأنيب من الشيطان مش من المعلومات ولا الوعي فانتبه)، والتأنيب في القرآن اسمه (ملوم) (فتقعد ملوما محسورا) (الملوم هو من يلوم نفسه بشدة وتأنيب) (والمليم هو من يلوم غيره ودي النقطة اللي جاية)
٤- لوم الغير، تقعد تلوم اللي برا (أبواك - شريك حياتك - زملائك - البلد - الحكومة - ولاد الكلب - الظالمين - الكفار - النصابين) أي حاجة المهم مش إنت، وخلي بالك عشان كدة ربنا أمرنا بوعد يحميك من البند الرابع دا (يا أيها الذين آمنوا عليكم أنفسكم لا يضركم من ضل إذا اهتديتم)، والمليم بقى هو دا اللي حصل ليونس فابتلعه الحوت (احتوته المشاكل والمصايب) (فالتقمه الحوت وهو مليم)
٥- الرفض الشديد والتعلق الشديد، ودا بيدمر المشاعر ويشتتها ودا برضو يضرب كلمة السر الثانية
٦- إلهاءك عن إنك تقعد رايق مع نفسك بلا أي مشتتات (عشان الريسيفر بتاعك ما يلقطش الحلول وإجابات الأسئلة) والريسيفر دا يا غالي بيشتغل بالتركيز وإيقاف الانشغال الفكري المشتت للأشياء، لذا يعتبر التركيز هو الهدف الأسمى والأعظم من (التأمل والتفكر) اللي ربنا مسميهم في القرآن (الصلاة) التي تطورت على مر العصور والأنبياء والشرائع وكلها ربنا مسميها صلاة مع كل نبي حتى محمد صلى الله عليه وسلم، لذا من لا يفهم التأمل لا يستطيع أصلا الخشوع العميق الحقيقي في الصلاة لجني ثمارها
٧- الأكل غير الصحي والمصنع وغيره (بيضرب كل عوامل الاستقبال عندك)
المقالة دي قد تكون أهم مقالات حياتك، مخمخ فيها وابعتها للي بتحبهم وربنا يجعل كل أيامك جنات ونعيم، تأكيد: مخمخ فيها وارجع اقرأها تاني عشان كل مرة هتاخد بالك من حتة شكل، لأنها مكتوبة بطريقة هتفتح حاجات في مخك وتجعلها تنمو، لذا بعد كذا ليلة نوم لما هترجع تقرأها هتكتشف اللي قلتهولك
صحيح نسيت أصدمك!!
أهم حاجة سوف تسأل عنها يوم القيامة هي (إن السمع والبصر والفؤاد كل أولئك كان عنه مسئولا)
تخيل بقى في التراث كله نجح الشيطان يشيل كل ما يتعلق باللي أنا كتبته فوق دا، لأنه لب معنى الآية دي !! فالفؤاد هو المسجل فيه كل الإجابات (وآتاكم من كل ما سألتموه، وإن تعدوا نعمة الله لا تحصوها إن الإنسان لظلوم كفار)
والفؤاد هو العقل اللاواعي قرآنيا، والسمع والبصر هم أدوات التقاط واستقبال الإجابات دي (زي الدش كدة)، شوف بقى كم واحد ظالم نفسه في الحياة؟
يعني يوم القيامة، هيقول لك ربنا، كنت معطيك إجابات كل الأسئلة، ومعطيك أدوات تستخدمها عشان تدرك الإجابات دي فتتزكى وتجعل حياتك جنة، عملت بيها إيه؟ وليه عشت عيشة أقل بكتيييييير من اللي كان ممكن تعيشها؟!!! رغم إني وريتك ناس كتير بشر زيك قدروا يستخدموها ويحولوا حياتهم جنة؟!!
(شوف بقى الرد اللي طلع في عقلك على آخر جملة، واعرف الشيطان عامل جواك إيه)
(معلومة مسربة من دورات (منهج النعيم) - أكاديمية عمارة
مساءك عسل

الإثنين القادم لايف بروقان عن النجاح النجاح لكل إنسان في أي ظرف وفي أي مكانسواء كنت في (فل طن) الحبيبة أو في أي مكان آخر...
07/25/2025

الإثنين القادم لايف بروقان عن النجاح
النجاح لكل إنسان في أي ظرف وفي أي مكان
سواء كنت في (فل طن) الحبيبة أو في أي مكان آخر
النجاح بوعي حقيقي، النجاح رغم أنف أي ظرف
النجاح من الأبسط للأعلى
من الداخل للخارج
من الأول للآخر
وهنوزع الجوايز ونفرح بفرح الفائزين في السحب
الحاضر يفيد الغائب، أراكم بكل الحب

07/20/2025

عمرك تخيلت إنك ممكن تكون بتخسر يوميا الآلاف؟
من يفهم بعمق دورة مدمن نجاح، يدرك بوعي هذا الشيء، ويستطيع بسهولة إيقاف هذا النزيف
الخسارة ليست دائما ضياع ما عندك، أكبر أنواع الخسارات هو ضياع مئات الفرص اليومية التي يهدينا الله إياها (إن هذا لرزقنا ما له من نفاد)
معلومات مكثفة عن دورة مدمن نجاح وكيفية الاستفادة منها على الرابط في أول تعليق

فقرة جديدة بطريقة جديدة ستبدأ منذ اليومبإمكانك وضع أسئلتك في التعليقات بكل النفع دايما 😍
07/20/2025

فقرة جديدة بطريقة جديدة ستبدأ منذ اليوم
بإمكانك وضع أسئلتك في التعليقات
بكل النفع دايما 😍

07/18/2025

يا ترى جربت تعرف نفسك قبل كدة ؟

07/15/2025

خطوات ثابتة تحدث ملايين المرات طوال اليوم لا تتبدل ولا تتغير منذ خلق الله البشر وهي كالتالي:
فكرة في عقلك + تنتج مشاعر + المشاعر تقود السلوك = السلوك يقود النتائج (والنتائج هي الواقع الذي تعيشه)
تخيل بقى بما إن معظم الناس بتحب تكون تابعة ولا تستخدم نعمة العقل والتفكر التي وهبها الله لهم فيسلمون عقولهم لأشخاص دون تبين وبتكاسل عن استخدام هذه النعمة التي هي الميزة بين البشر وباقي المخلوقات
بعدها يأتي شخص، يضع في عقولهم فكرة وقناعة معينة، ثم يترك لهم الباقي، وبهذا يكون قد تحكم في واقعهم دون حتى أن يدرون هم !
لهذا اجعلها دوما نصب عينيك، إذا كان واقعك عكس ما تريد فما في نفسك هو أهم وأخطر سبب، عندها راجع قناعاتك واعلم أن هذا هو أعظم أنواع الجهاد !! ولأنه الأعظم والأكثر تأثيرا إيجابيا لذا سيكون الأكثر محاربة من الشيطان (الأفكار المعرقلة) لذا طبيعي تجد أن معظم البشر لا يحبون أن يفعلونه، بل دوما يردون بسؤال استنكاري بالغ : هو أنا هافكر في كل حاجة؟!!! وأقنعه الشيطان إن سؤاله دا منطقي وطبيعي !!!
لذا من الطبيعي أن القلة البسيطة التي تفعله من البشر هم الذين يعيشون في كل نعيم الدنيا ! والأكثر تفكرا وأولي الألباب منهم هم الأكثر نعيما في الدنيا والآخرة
اقرأ ما سبق مرة واثنين وثلاثة وتفكر فيها بعمق
أقول لك على سر هيضايقك؟ أكثر الأفكار التي تؤثر على واقعك هي أكثر الأفكار التي تتمسك بها ولا تتخيل أنها ممكن تطلع غلط :)
لذا قلها بيقين وقلب خاشع صادق (اللهم ارزقني الحكمة وفصل الخطاب، اللهم اجعلني من أولي الألباب)
فمن يؤت الحكمة فقد أوتي خيرا كثيرا وما يذكر إلا أولوا الألباب يا غالي
أنت المسئول .. اختر

06/17/2025

لأول مرة منذ إطلاقه منذ ثمان سنوات، مدمن نجاح الآن أونلاين على موقع أكاديمية عمارة
إن أردت أن تكون مشاركا في السحب على الفوز بدورات الأكاديمية جميعها مدى الحياة، بإمكانك الاشتراك من الآن حتى ليل يوم ١٩-٦ الجاري
انسف الكسل، ودع التسويف، استمتع بالسعي المشكور، أتقن الإدمان الإيجابي واجعل الفترة القادمة من حياتك مليئة بالنجاحات الحقيقية المختلفة
دورة مدمن نجاح .. مهما تصورت عنها، حتما ستفاجئك بقوة معلوماتها وتدريباتها العملية العميقة والمكثفة
متاحة الآن على موقع أكاديمية عمارة، الرابط في أول تعليق

هل كنت من السابقين معنا في لايف إطلاق الدورة؟ هل حضرت الضرب😂إيه أكتر ضربة وجعتك ؟ وما الذي تنوي فعله الآن؟
06/16/2025

هل كنت من السابقين معنا في لايف إطلاق الدورة؟
هل حضرت الضرب😂
إيه أكتر ضربة وجعتك ؟ وما الذي تنوي فعله الآن؟

Address

Dallas, TX

Opening Hours

Monday 11am - 6pm
Tuesday 11am - 6pm
Wednesday 11am - 6pm
Thursday 11am - 6pm
Saturday 11am - 6pm
Sunday 11am - 6pm

Website

Alerts

Be the first to know and let us send you an email when Ahmed Emara أحمد عمارة posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Ahmed Emara أحمد عمارة:

Shortcuts

Share

Category