07/26/2025
ဒီစာအုပ်ကို မူရင်းရေးသားသူမှာ ဂျပန်နိုင်ငံရဲ့ သုတေသီ စာရေးဆရာ Ken Watanabe ဖြစ်ပြီး သူဟာ ဂျပန်နိုင်ငံအစိုးရရဲ့ အလွတ်ကျက်မှတ်တဲ့ပညာရေးမှ ပြဿနာဖြေရှင်းမှုကို အာရုံစူးစိုက်တဲ့ ပညာရေးသို့ ပြောင်းလဲရန် ကြိုးပမ်းမှုအတွက် သင်ရိုးညွှန်းတမ်းထုတ်၍ ရေးသားခဲ့ခြင်း ဖြစ်ပါတယ်။
ဂျပန်လူငယ်များကို ပြဿနာတစ်ရပ် ဘယ်လိုဖြေရှင်းသလဲ တွေးတတ်အောင်၊ ပညာရေးတွင် တက်ကြွစွာ လုပ်ဆောင်နိုင်အောင်၊ မိမိတို့ဘဝကို ကောင်းမွန်စွာ ပုံဖော်ထုဆစ်နိုင်အောင် စတဲ့ ရည်ရွယ်ချက်များနဲ့ ရေးသားထုတ်ဝေခဲ့တယ်။ ဒီစာအုပ်လေးက ဂျပန်နိုင်ငံရဲ့ ပညာရေးစနစ်ကို ပြောင်းလဲနိုင်ခြင်း၊ စာရေးဆရာရဲ့ ရည်ရွယ်ချက်ရောက်အောင် ပြီးမြောက်စေခဲ့ခြင်းများအပြင် မိဘများ၊ ဆရာများ၊ ကုမ္ပဏီဝန်ထမ်းများ၊ ကုမ္ပဏီ CEO များ စတဲ့လူတိုင်းလူတိုင်းအတွက် ပြဿနာဖြေရှင်းနည်းတွေက ရိုးရှင်းပြီး အသုံးဝင်တဲ့ လမ်းညွှန်ချက်တစ်ခုအဖြစ် ထောက်ခံခဲ့ကြပြီး လက်စွဲစာအုပ်တစ်အုပ် ဖြစ်ခဲ့တဲ့အထိ အောင်မြင်မှု ရရှိခဲ့ပါတယ်။
ထိုသို့ အောင်မြင်မှုများကြောင့် အမေရိကန်နိုင်ငံမှာ အင်္ဂလိပ်ဘာသာဖြင့် ထုတ်ဝေနိုင်ခဲ့သလို အရှေ့တောင်အာရှနိုင်ငံများမှာလည်း ၄င်းတို့နိုင်ငံများအတွက် ဘာသာပြန် အသီးသီး ထုတ်ဝေခဲ့ရတဲ့ စာအုပ်တစ်အုပ်လည်း ဖြစ်ပါတယ်။
ဒီစာအုပ်မှာ စာရေးဆရာ Ken Watanabe က ဘာကြောင့် ပြဿနာများကို ဖြေရှင်းရသလဲ၊ ဒီစာအုပ်ကို ဘာကြောင့် ရေးရသလဲနဲ့ ပတ်သက်ပြီး ဦးစွာ ရှင်းလင်းထားပါတယ်။ အခန်း (၁) ရဲ့ လူငယ်များအတွက် ပြဿနာ ဖြေရှင်းနိုင်တဲ့ အခြေခံများ ခေါင်းစဉ်ငယ်အောက်၌ စိတ်အားငယ်သူ၊ စိတ်ကူးယဉ်သူ၊ ဝေဖန်သူ၊ စိတ်မြန်သူ၊ ပြဿနာ ဖြေရှင်းသူ စတဲ့ စိတ်နေသဘောထား အမျိုးမျိုးရှိကြပုံကို ပုံများ၊ ဂရပ်များ၊ ဇယားများနဲ့ အသေးစိတ်ရှင်းလင်း ဖော်ပြထားပါတယ်။ အခန်း (၂) ရဲ့ ရော့ခ်ဂီတအဖွဲ့နဲ့ ပြဿနာအရင်းအမြစ် အကြောင်းတရားများ ခေါင်းစဉ်ငယ်အောက်၌ အားပေးသူ ပရိတ်သတ် နည်းပါးမှု ပြဿနာကို ပရိတ်သတ်များ တိုးပွါးလာအောင် လက်တွေ့ကျကျ တစ်ဆင့်ချင်း အဖြေရှာပြီး လုပ်ဆောင်ပုံများကို ပုံများ၊ ဇယားများ၊ ဂရပ်များနဲ့ အသေးစိတ် ရှင်းလင်းဖော်ပြထားပါတယ်။
အခန်း (၃) ရည်မှန်းချက် ပန်းတိုင်များနဲ့ ခိုင်မာတဲ့ အောင်မြင်မှုများ ခေါင်းစဉ်ငယ်အောက်၌ ဂရပ်ဖစ် ကာတွန်းဆရာ ဖြစ်ချင်လို့ ကွန်ပျူတာဝယ်ရန် လိုအပ်နေတဲ့ လူငယ်လေးက လက်တွေ့ကျနစွာ တစ်ဆင့်ချင်း အဖြေထုတ်ပြီး ကွန်ပျူတာ ဘယ်လိုဝယ်နိုင်ခဲ့သလဲဆိုတာကို ပုံများ၊ ဇယားများ၊ ဂရပ်များနဲ့ လုပ်ဆောင်ပုံများကို အသေးစိတ် ရှင်းလင်းဖော်ပြထားပါတယ်။ အခန်း (၄) ဘောလုံးသင်တန်းကျောင်းရဲ့ အားသာချက်များနဲ့ အားနည်းချက်များ ခေါင်းစဉ်ငယ်အောက်၌ အကောင်းဆုံး လေ့ကျင့်ရေးကျောင်းကို ရှာဖွေနေတဲ့ လူငယ်လေးရဲ့ ရည်ရွယ်ချက်တွေ ပြည့်မြောက်ဖို့အတွက် ဝေခွဲမရခြင်း ပြဿနာတွေကို ဘယ်လိုကျော်လွှားသွားသလဲ ဆိုတာ ရိုးရှင်းတဲ့ နည်းလမ်းများ အဆင့်ဆင့်နဲ့အတူ ပုံများ၊ ဇယားများ၊ ဂရပ်များအပါအဝင် အသေးစိတ် ရှင်းလင်းဖော်ပြထားပါတယ်။
စာရေးသူအနေနဲ့ ဒီစာအုပ်မှာ နှစ်ခြိုက်သဘောကျစရာ အကြောင်းအရာများစွာထဲမှ အကြောင်းအရာတစ်ခုကို ထုတ်နုတ်ဖော်ပြလိုပါတယ်။ ဒါကတော့ ကျွန်တော်တို့နိုင်ငံမှာ သုတေသနဆိုတဲ့ စကားကြားရင် သာမန်လူများနဲ့မဆိုင်ဘဲ ပညာတတ်များကိုသာ ပြေးမြင်မိလေ့ရှိကြတယ်။ တကယ်တော့ လူတိုင်းလူတိုင်းအတွက် ရိုးရှင်းတဲ့ သုတေသနပုံစံနဲ့ ပြဿနာရပ်တိုင်းကို ဖြေရှင်းနိုင်ကြောင်း ယခုစာအုပ်မှာ ကွက်ကွက်ကွင်းကွင်း ရှင်းလင်းဖော်ပြထားတာပဲ ဖြစ်ပါတယ်။
◾ပြဿနာများ ဖြေရှင်းခြင်း (ဒုတိယအကြိမ်)
◾ချစ်ဦးမောင်
◾စာမျက်နှာ - ၁၃၄
◾တန်ဖိုး - ၈၀၀၀ ကျပ်..............
2-8-2025 မှာ ထွက်ရှိမှာပါ။ မှာယူလိုပါက sarpaylann.com မှဖြစ်စေ၊ Page ရဲ့ Chat Box မှဖြစ်စေ၊ 09 772 611 394, 09 790 857 431, 09 761 899294 တို့မှဖြစ်စေ မှာယူနိုင်ပါကြောင်း …
#ပြဿနာများဖြေရှင်းခြင်း
#ချစ်ဦးမောင်
