https://youtube.com/@unbusyliving

Forward Food Tech MM, Denver, NC (2026)

05/20/2026

တစ်လကို US$ 12,000 ကျော်ရမယ့် အလုပ်လုပ်ပြီး ကမ္ဘာရဲ့ အစားအသောက်ထုတ်လုပ်တဲ့ နည်းလမ်းကို ပြောင်းလဲမယ်၊ 🇬🇧

📚သိပ္ပံပညာကို သုံးပြီး အစားအသောက်ထုတ်လုပ်တဲ့စနစ်ကို ပိုကောင်းအောင်ပြောင်းလဲနေတဲ့ သိပ္ပံပညာရှင်တွေရှိသလို၊ ငွေအင်အားကို သုံးပြီး ပြောင်းလဲပေးနေတဲ့ ရင်းနှီးမြှုပ်နှံသူတွေလဲရှိတယ်၊ အဲဒါနဲ့ဆက်စပ်တဲ့ Finance နယ်ပယ်က အခွင့်အရေးတခုအကြောင်းပြောပြချင်ပါတယ်၊

📚တိရိစ္ဆာန်ကို မွေးမြူသ-တ်ဖြတ်ပြီး အသားထုတ်တဲ့ လုပ်ငန်းတွေကို လျော့နည်းပပျောက်အောင် လုပ်နေတဲ့ Private Equity Fund (PE) တစ်ခုရှိပါတယ်၊

📚PE ဆိုတာက အလားအလာရှိတယ်လို့ထင်တဲ့ ကုပ္ပဏီတွေကို ငွေကြေးရင်းနှီးမြှုပ်နှံတဲ့ ကုပ္ပဏီဖြစ်ပါတယ်၊
သူတို့က ယခုခေါ်နေတဲ့ position တခုအကြောင်းလဲပြောပြပေးပါမယ်၊

သူ့နာမည်က Synthesis Capital ပါ၊ သူတို့မှာ ရင်းနှီးမြှုပ်နှံဖို့ US$ 300 million ရှိပါတယ်၊ ဒီ US$ 300 million ကို သူတို့ရဲ့ asset under management (AUM) လို့ခေါ်ပါတယ်၊ သူတို့က ဒီငွေပမာဏများစွာကိုသုံးပြီး animal agriculture (တိရိစ္ဆာန်မွေးမြူသ-တ်ဖြ-တ်ရေး)ကို အားမကိုးတဲ့ food technology တွေမှာ ရင်းနှီးမြှုပ်နှံမယ်ဆိုတာပါ။

📚 သူတို့ ရင်းနှီးမြှုပ်နှံထားပြီးဖြစ်တဲ့ company တချို့က ဘယ်လို ကုပ္ပဏီလဲ?

❤️ UPSIDE Foods (US) — ကြက်ကလေးတွေကို မသုံးပဲ ကြက်လေးတွေရဲ့ cell ကနေပဲ ကြက်သားထုတ်တဲ့ ကုပ္ပဏီ၊ ဒီကုပ္ပဏီအကြောင်း post တွေရေးဖူးပါတယ်၊ comment မှာကြည့်ပါ၊

❤️ Savor (US) — နွားနို့ထွက်ပစ္စည်းမဟုတ်တဲ့ ထောပတ်ကို ထုတ်တာ။

❤️ Perfect Day (US) — နွားး မပါဘဲ precision fermentation နဲ့ နွားနို့ ထွက်ပစ္စည်းနဲ့ တပုံစံတည်းတူတဲ့ dairy protein ထုတ်တာ

❤️ Redefine Meat (Israel) — အပင်တွေသုံးပြီး သက်သတ်လွတ် steak ထုတ်တဲ့ ကုပ္ပဏီ

📚တိရိစ္ဆာန်လေးတွေကို ကုန်ပစ္စည်းလို မွေးမြူအသုံးပြုနေတဲ့ ခေတ်ကုန်သွားဖို့က သိပ္ပံပညာရှင်တွေပဲ လုပ်နေတာမဟုတ်ဘူး၊ vegan တွေကလည်းပဲ ကြိုးစားနေတာမဟုတ်တော့ဘူး၊ လုပ်ငန်းရှင်တွေ၊ ရင်းနှီးမြှုပ်နှံမယ့် ငွေကြေးကိုင်ဆိုင်ထားသူ PE Fund တွေပါပါဝင်လာတာပါ၊

📚Synthesis Capital မှာ အခုလဲ အလုပ်ခေါ်နေပါတယ်၊ Finance background ရှိတဲ့ သူတွေ အတွက်အထူးသင့်တော်ပါတယ်၊

📚Senior Associate role ပါ၊

-ရင်းနှီးမြှုပ်နှံဖို့ အထူးသင့်တော်တဲ့ လုပ်ငန်းတွေကိုရှာရမယ့် position ဖြစ်ပါတယ်၊

-5-7 years of experience in finance

-London မှာ အခြေစိုက်အလုပ်လုပ်ရမယ်၊

-ယခုလက်ရှိ တိရိစ္ဆာန်ကို အသုံးပြုနေတဲ့အစားအသောက်ထုတ်လုပ်တဲ့ နည်းလမ်းကို အမှန်တကယ်ပြောင်းလဲချင်တဲ့ စိတ်ရှိရမယ်

-လစာက အလုပ်ခေါ်စာမှာ ထည့်သွင်းမပြောထားပေးမယ် တစ်လကို US$ 12,000 လောက်ထိရတက်တယ်၊ PE fund တွေရဲ့ senior associate ရဲ့ လစာက အဲဒီလောက်ပါ၊

-Deadline: 29th May

📚Finance အတွေ့အကြုံရှိပေမယ့် ဒီ food tech နယ်ပယ်ကို မရင်းနှီးဖူးဆိုရင်
၁)၃-၄ နာရီပဲ အချိန်ရင်းပြီး အခမဲ့ တက်လို့ရတဲ့ Online class ရှိပါတယ်၊
၂)ဒီ page ဖြစ်တဲ့ Forward Food Tech MM က post တွေအခမဲ့ဖတ်ရှုလေ့လာပါ၊
၃)Free resource guide တွေရှိတဲ့ Telegram channel ကို join ပါ၊

📚 Student တွေ၊ career changers တွေအတွက်နောက်ပိုင်းအခွင့်အရေးတွေ ကိုမျှဝေသွားပါမယ်၊

Science degree မရှိပဲလဲစိတ်ပူစရာမလိုပါဘူး၊ ဒီနယ်ပယ်မှာ အခွင့်အရေးရှိပါတယ်၊
ဒီ sector ထဲ ဘယ်နေရာကနေ ဝင်ချင်တယ် — science, business, policy, finance — ဘယ်ဟာ? Comment မှာ ပြောပြပါ 👇

ဒီ field ထဲ ဝင်ချင်တဲ့ လူတွေအတွက် free career resources တွေ Telegram မှာ ရပါတယ် — link in bio 🌿

05/20/2026

📚2040 ဆိုရင် Europe မှာ အသားအစားထိုး alternative proteins က US$ 128 billion ထိ စျေးကွက်ရှိလာန်ုင်တယ်၊

ဒါက Europe တစ်ခုလုံးရဲ့ ဝိုင်စျေးကွက် နဲ့တူညီတဲ့ အရွယ်အစားဖြစ်တယ်

ဒီအကြောင်းရှင်းပြထားတဲ့ video ကို Telegram မှာ အရင်တင်ပေးထားပါတယ်၊ 📚
Link in the comment ⬇️

05/18/2026

Thailand, Germany, UK မှာရှိတဲ့ အလုပ်ခေါ်စာတွေ

📚အလုပ်ရှာနေသူဖြစ်ဖြစ်၊ alternative protein သားသတ်လွတ်နယ်ပယ်က အလုပ်အကိုင်တွေအကြောင်းပိုသိချင်လို့ပဲဖြစ်ဖြစ် ဖတ်ကြည့်လို့ရအောင် ဒီ post ကိုရေးလိုက်ပါတယ်၊ လစာတွေလည်းပါတယ်

📚Social Media Video Editor (Germany)
-Video editing 2 + years အတွေ့အကြုံရှိရမယ်၊
-German ဘာသာရပ်ကျွမ်းကျင်ရမယ်၊
-ကုပ္ပဏီနာမည်က Every လ်ု့ခေါ်တယ်၊ -သက်သတ်လွတ် အသင့်စား အစားအစာတွေကို ရောင်းတဲ့ ကုပ္ပဏီပါ၊

📚Senior Sustainability Data Consultant (UK, Hybrid)
-Salary: GBP 55,000 - 60,000/ year
ဒီအလုပ်မှာက Python and SQL skills လိုအပ်တယ်၊
-Datasets တွေကို ကြည့်ပြီး ဘာတွေ့လဲဆိုတာကို client ကို ရှင်းရှင်းလင်းလင်းပြောပြနိုင်ရမယ်၊
Company နာမည်က Foodsteps လို့ခေါ်တယ်၊
-အစားအစာထုတ်လုပ်နည်း အမျိုးမျိုးကပတ်ဝန်းကျင်အပေါ်ဘယ်လိုသက်ရောက်လဲဆိုတာကို လေ့လာသုံးသပ်တဲ့ company ဖြစ်တယ်၊
-အသားအစားထိုး သက်သတ်လွတ်သီးသန့်မဟုတ်ဘူး၊ ဒါပေမယ့် ဒီလုပ်ငန်းကနေ sustainability အကြောင်းသင်ယူလို့ရမယ်၊ -အစားအသောက်ထုတ်လုပ်တဲ့ company တွေရဲ့ supply chain အကြောင်းလေ့လာခွင့်ရမယ်။ -ပတ်ဝန်းကျင်ပေါ်ထိခိုက်တာနည်းတဲ့ အစားအစာထုတ်လုပ်နည်းတွေကို client နဲ့အတူ ရှာဖွေသင်ယူခွင့်ရမယ်၊

📚Manager of Programs (Hybrid, Bangkok)
ထိုင်းဘာသာကျွမ်းကျင်ရပါမယ်၊
-ဒီ အလုပ်က Thailand က NGO တခုအတွက်ပါ၊ Sinergia Animals လို့ခေါ်ပါတယ်၊ Southeast Asia ရယ် Latin America ရယ်မှာ အဓိကရှိပါတယ်
-တိရိစ္ဆာန်မွေးမြူသ-တ်ဖြ-တ်ပြီးအစာထုတ်တာကို လျှော့ချန်ုင်ဖို့၊ ရပ်တန့်နိုင်ဖို့ကြိုးစားနေတဲ့ အဖွဲ့အစည်း တခုပါ၊

📚ဒီလိုမျိုး Sustainable Food Tech နယ်ပယ်၊ အသားအစားထိုးနယ်ပယ်က အလုပ်အကိုင်အခွင့်အလမ်းတွေကိုသိချင်ရင်၊ လိုအပ်တဲ့ skill တွေကိုတည်ဆောက်ချင်ရင် Telegram မှာ Free guide တွေရယူလို့ရပါတယ်၊ Telegram link in comment

📚Job posting တွေရဲ့ link လဲ comment မှာပေးထားပါမယ်၊

05/16/2026

Europe ရဲ့ပထမဆုံး cell ကနေထုတ်တဲ့ cultivated meat ခွေးအစားအစာကို Coolty Meat အမည်နဲ့ မိတ်ဆက်လိုက်ပါတယ်၊

📚BeneMeat ရဲ့ ဆဲလ်ကနေ မွေးမြူထားတဲ့ ပရိုတင်းကို သုံးပြီး Coolty Meat ဆိုတဲ့ ဓာတ်ခွဲခန်းထုတ် ခွေးစာတံဆိပ်သစ်ကို စတင်လိုက်တာပါ။

အခုနောက်ပိုင်း အိမ်မွေးတိရစ္ဆာန် အစားအသောက်လောကမှာ ဒီလို cell ကနေထုတ်တဲ့ အသား (Cultivated meat) တွေက တော်တော်လေး ခေတ်စားလာပါတယ်။ UK နဲ့ စင်ကာပူမှာ စတင်ပြီးတဲ့နောက်မှာတော့ အခု EU ဈေးကွက်ထဲကိုပါ ရောက်လာတာပါ။

📚ဒီခွေးစာမှာ BeneMeat က ထုတ်တဲ့ cell ကပွါးထားတဲ့ အသားကို သုံးထားတာပါ။
📚ပိုးသတ်ဆေးတွေ၊ ဟော်မုန်းတွေနဲ့ တာရှည်ခံဆေးတွေ လုံးဝမပါတဲ့ Monoprotein အမျိုးအစား ဖြစ်ပါတယ်။
📚cell ကနေရတဲ့အသား ၂၆ ရာခိုင်နှုန်း ပါဝင်ပြီး မုန်လာဥနီ၊ ပဲသီး၊ ပန်းသီးဖိုင်ဘာ စတာတွေနဲ့ ရောစပ်ထားပါတယ်။
📚အစာမကြေတာ ဒါမှမဟုတ် တချို့အစားအသောက်နဲ့ မတည့်တဲ့ (food intolerance) ခွေးလေးတွေအတွက် အထူးသင့်တော်ပါတယ်။

📚ဘယ်တော့ ဝယ်လို့ရမလဲ?

၂၀၂၆ ခုနှစ်၊ September လောက်မှာ အရောင်းဆိုင်တွေမှာ စတင်ရရှိဖို့ စီစဉ်ထားပါတယ်။ ပေါ်တူဂီနဲ့ စပိန်နိုင်ငံတွေမှာ အရင်ဆုံး ရောင်းချသွားမှာပါ။

📚၂၀၂၅ ခုနှစ်မှာ စမ်းသပ်ကြည့်ခဲ့တုန်းက ခွေးပိုင်ရှင် ၈၈ ရာခိုင်နှုန်းက သူတို့ခွေးလေးတွေ ဒီအသားနဲ့လုပ်တဲ့ မုန့်တွေကို ကြိုက်ကြတယ်လို့ ပြောပါတယ်။

📚ဘာကြောင့် ဒီလို cell-based အသားကိုသုံးတာလဲ?

သုတေသနခေါင်းဆောင် Gianandrea Guidetti က "ကျွန်တော်တို့ရဲ့ ရည်မှန်းချက်က အသန့်ရှင်းဆုံး ပရိုတင်းကို သုံးဖို့ပါ။ cell ကိုပွါးပြီးရတဲ့အသားက အာဟာရပြည့်ဝတယ်၊ အစာကြေလွယ်တယ်၊ ဘေးကင်းတယ်" လို့ ပြောပါတယ်။

📚ဒီလို ဓာတ်ခွဲခန်းမှာ အသားမွေးမြူတာဟာ တိရစ္ဆာန်တွေကို သတ်ဖြတ်စရာ မလိုတော့သလို၊ ပုံမှန်အမဲသား ထုတ်လုပ်တာထက် ကာဗွန်ထုတ်လွှတ်မှုကို ၉၅ ရာခိုင်နှုန်းအထိ လျှော့ချနိုင်တယ်လို့ ဆိုပါတယ်။

📚မကြာခင်မှာ ခွေးပိုင်ရှင်တွေအနေနဲ့ ဘေးကင်းပြီး၊ ကျန်းမာရေးနဲ့ညီညွတ်သလို၊ သဘာဝပတ်ဝန်းကျင်ကိုလည်း မထိခိုက်စေတဲ့ အသားဓာတ် ရွေးချယ်စရာအသစ်တစ်ခု ရရှိတော့မှာ ဖြစ်ပါတယ်။

သင်ကောဘယ်လိုထင်လဲ၊ သင့်ရဲ့ခွေးလေးအတွက်ဝယ်ပေးဖြစ်မလား?

ဒီလိုမျိုး Sustainable Food Tech နယ်ပယ်၊ အသားအစားထိုးနယ်ပယ်က အလုပ်အကိုင်အခွင့်အလမ်းတွေကိုသိချင်ရင်၊ လိုအပ်တဲ့ skill တွေကိုတည်ဆောက်ချင်ရင် Telegram မှာ Free guide တွေရယူလို့ရပါတယ်၊

05/15/2026

စိတ်ကူးကြည့်ပါ
တစ်နေ့မှာ ကိုယ်အနာသေးသေးလေးရလို့ ပိုးသတ်ဆေး သောက်ပေမယ့် ဆေးက မတိုးတော့ဘူး။ အနာက မပျောက်တော့ဘူး။

📚ဒါကို Anti-Microbial Resistance (AMR) လို့ခေါ်ပါတယ်။

Bacteria တွေက ပိုးသတ်ဆေးတွေကို ခံနိုင်ရည်ရှိလာပြီး ဆေးမတိုးတော့တဲ့ဖြစ်စဉ်ပါ။ ရောဂါကုဖို့ သုံးတဲ့ ဆေးတွေ အလုပ်မလုပ်တော့ရင် ကျွန်မတို့ ခွဲစိတ်မှာတွေ၊ cancer treatment တွေ၊ ရောဂါကုသမှုတွေ အားလုံး ပိုမိုအန္တရာယ်ရှိလာပါတယ်။

တိရိစ္ဆာန်မွေးမြူပြီး အသားထုတ်လုပ်တဲ့လုပ်ငန်းတွေက AMR ဖြစ်မယ့် အခြေအနေကိုတွန်းပို့ပေးနေပါတယ်

တိရိစ္ဆာန်မွေးမြူတာနဲ့ AMR နဲ့ ဘယ်လိုဆိုင်တာလဲ

📚ကမ္ဘာပေါ်မှာ သုံးစွဲနေတဲ့ ပိုးသတ်ဆေး တွေရဲ့ ၇၃% ကို လူသားတွေ မဟုတ်ဘဲ မွေးမြူရေးလုပ်ငန်းထဲက နွား၊ ဝက်၊ ကြက် တွေကို ပေးနေတာပါ

📚တစ်ကမ္ဘာလုံးကလူတွေစားဖို့အတွက် တိရိစ္ဆာန်တွေကို ကျဉ်းကျပ်တဲ့ နေရာတွေမှာ အများကြီးမွေးနေရတာကြောင့် ရောဂါကူးစက်မှု မဖြစ်ရအောင် antibiotic တွေကို ပုံမှန်ပေးနေကြရပါတယ်။ ကုသဖို့ မဟုတ်ဘဲ ကာကွယ်ဖို့ပါ
📚တချို့နေရာတွေမှာ တိရစ္ဆာန် မဖျားသေးပေမယ့် ကြီးထွားတာ မြန်အောင်၊ ရောဂါမဖြစ်အောင် ကြိုသုံးထားကြတယ်။
📚Antibiotic တွေကို ဒီလို ထပ်ကာထပ်ကာ သုံးရင် bacteria တွေ ခံနိုင်ရည်ရှိလာပြီး နောက်ဆုံးမှာ ဆေးသက်ရောက်မှု မရှိတော့ပါဘူး ဒါကို Antimicrobial Resistance (AMR) လို့ ခေါ်ပါတယ်
📚2000 ကနေ 2020 အထိ မြင့်တဲ့နိုင်ငံ (LMICs) တွေမှာ ကြက်တွေမှာ AMR ဖြစ်နှုန်း 15% ကနေ 41% ကို တက်ခဲ့ပြီး ဝက်တွေမှာ 13% ကနေ 34% ကို တက်ခဲ့ပါတယ်
📚ဆေးပေးလိုက်ရင် ဆေးမတိုးတော့တဲ့ % များလာတာပါ၊
📚FAO ရဲ့ ခန့်မှန်းချက်အရ ဝက်ကလေးတွေနဲ့ ကြက်တွေ မှာ antibiotic သုံးစွဲမှု 2030 မှာ နှစ်ဆအထိ တိုးလာနိုင်ပါတယ်
📚ဒီ bacteria တွေဟာ resistant ဖြစ်လာရင် မြေ၊ရေ၊ supply chain ကတဆင့် လူတွေဆီ ရောက်လာနိုင်ပါတယ်

အသားအစားထိုးလုပ်ငန်းတွေက ဒီပြသနာတွေကို နည်းလာစေပါတယ်၊

✅တိရိစ္ဆာန်မွေးမြူရေးလုပ်ဖို့ မလိုအပ်တော့ရင်ပိုးသတ်ဆေးအလွန်အကျွံသုံးဖို့မလိုတော့ဘူး
✅ AMR ပေါ်ပေါက်လာနိုင်တဲ့ အခြေအနေကို တဖြတ်တောက်နိုင်တယ်

📚ဆေးတွေ မတိုးတော့မယ်အချိန်ဟာ အန္တရယ်များပြီး ကျွန်မတို့ ကြုံရမဲ့ biggest public health crisis တစ်ခုပါ
ဒါကို ဖြေရှင်ရဖို့ အစားအစာထုတ်လုပ်ရေးစနစ်ကို မပြောင်းဘဲ မဖြစ်နိုင်ပါဘူး။

AMR ကို ကြားဖူးပြီပြီလား? Comment မှာ ဘယ်လိုထဲပြောပြပေးသွားနော်၊

📚ပိုကောင်းတဲ့ Food system ကိုတည်ဆောက်န်ုင်ဖို့၊ ဒီနယ်ပယ်မှာ အလုပ်အကိုင်အလုပ်တွေရှာဖွေနိုင်ဖို့၊ Skill တွေ ပိုတိုးတက်အောင်လုပ်ဖို့ Telegram မှာ Free guide တွေတင်ထားပါတယ်၊ Telegram Link in Bio

Source: Van Boeckel et al., Nature Microbiology / Lancet Global Health, Peer-reviewed research on AMR in food animals across low- and middle-income countries

05/14/2026

ခွေးလေးတွေကို “စမ်းသပ်မှုအတွက် မွေးထားတာ” လို့ပြောပြီး လှောင်အိမ်ထဲမှာပဲ တစ်သက်လုံးနေခိုင်းထားတယ်ဆိုရင် ဘယ်လိုခံစားရမလဲ။

📚US က Wisconsin ပြည်နယ်မှာ Ridglan Farms ဆိုတဲ့ သုတေသနပြုလုပ်တဲ့ဓာတ်ခွဲခန်းတစ်ခုရှိပါတယ်။ အဲဒိမှာ beagle လို့ခေါ်တဲ့ ခွေးမျိုးစိတ်လေးတွေကို မွေးတယ်၊ အဲဒိခွေးလေးတွေကို ဆေးထုတ်လုပ်တဲ့ ကုပ္ပဏီတွေ၊ biomedical သုတေသနပြုလုပ်တဲ့ နေရာ တွေဆီ ရောင်းပါတယ်။ ဓာတ်ခွဲခန်းထဲမှာ စမ်းသပ်မှုပြုလုပ်ဖို့ပါ။ ဒီ လုပ်ငန်းက နှစ် ၆၀ ကျော်ရှိပြီ၊

📚ပြတင်းပေါက်မဲ့ warehouse တွေထဲမှာ လှောင်အိမ် လေးတွေ အထပ်ထပ်နဲ့ ခွေးတွေကိုထည့်ထားခဲ့တာပါ — သဘာဝလေ မရ၊ နေရောင် မမြင်ရတဲ့နေရာတွေပါ၊
📚ယခင်လုပ်ခဲ့တဲ့ အလုပ်သမားတွေ ထွက်ဆိုတဲ့ထဲမှာ ထုံဆေးမပါဘဲ ခွဲစိတ်မှုတွေ လုပ်တာ၊ မဟောင်အောင်၊ အသံမထွက်အောင်လုပ်တာတွေပါတယ်၊
📚2022 USDA စစ်ဆေးခဲ့တုန်းကတောင် စစ်ဆေးသူ ကိုယ်တိုင် ammonia အနံ့ကြောင့် အကြာကြီး နေမကောင်းဖြစ်ခဲ့တယ်လို့ မှတ်တမ်းတင်ခဲ့တယ်

📚Wayne Hsiung ဆိုတဲ့ ရှေ့နေတစ်ယောက်နဲ့ Direction Action Everywhere ဆိုတဲ့ အဖွဲ့တို့ က 2026 မတ်လမှာ ဒီကုပ္ပဏီ ထဲ ဝင်ပြီး ခွေးလေး ၂၂ ကောင်ကို ကယ်တင်ခဲ့ပါတယ် တရားဝင်ခွင့်ပြုချက် မရသေးဘဲ ဝင်ပြီး ကယ်ထုတ်ခဲ့တာပါ။
ဒီတော့ကယ်တင်သူတွေ တချို့ဖမ်းဆီးခံခဲ့ရပါတယ်။

📚ဒီ ဖြစ်ရပ်က “right to rescue” ဆိုတဲ့ မေးခွန်းကို လူအများရှေ့ ပြန်တင်ပေးလိုက်တယ်။

Right to rescue ဆိုတာ ဘာလဲ?

ရိုးရိုးပြောရရင် တိရိစ္ဆာန်လေးတစ်ကောင်က ဒုက္ခရောက်နေတယ်၊ နာကျင်နေတယ်၊ ကိုယ်က ကယ်နိုင်တယ်ဆိုရင်… ကယ်ခွင့်ရှိသင့်လားဆိုတဲ့ moral question ပါ။

📚အခုရှိနေတဲ့ ဥပဒေအရတော့ စမ်းသပ်ခန်း ထဲဝင်ပြီး ခွေးတွေကိုကယ်ထုတ်တာ တရားမဝင်ဘူး၊ April 18, 2026 မှာ လူ ၁,၀၀၀ ခန့် ဒီကုပ္ပဏီရှေ့မှာ ဆန္ဒပြုမှု လုပ်ခဲ့ပြီး ရဲ က rubber bullets, pepper spray သုံးခဲ့တယ်၊ မတ်လ မှာလည်း လူတချို့က ခွေးလေးတချို့ကို စမ်းသပ်ခန်း ထဲကနေ ထုတ်ခဲ့တယ်၊ အဖမ်းခံရတာတွေရှိခဲ့ပါတယ်။

📚ဒါပေမယ့် moral side ကနေကြည့်ရင် မေးစရာရှိတယ်။
ခွေးတစ်ကောင်ကိူ သက်မဲ့ပိုင်ဆိုင်မှုလိုသုံးလို့ရ လား? နာကျင်တာတွေ၊ ကြောက်တာတွေ၊ အထီးကျန်တာတွေကို ခံစားနိုင်တဲ့ သတ္တဝါတစ်ကောင်ကို ဒီလို လုပ်သင့် လား?

📚Animal testing အကြောင်းပြောရင် လူတွေက သိပ္ပံညာအတွက်လိုတာပဲ လို့ထင်တတ်ကြတယ်။ ဒါပေမယ့် ဒီနေရာမှာ မေးရမယ့်မေးခွန်းက။ science တိုးတက်ဖို့အတွက် အခြားနည်းလမ်းတွေ ရှိလာတဲ့ခေတ်မှာ တိရိစ္ဆာန် တွေကို လှောင်အိမ် ထဲမှာမွေးပြီး အစမ်းသပ်ခံပစ္စည်းအဖြစ်သုံးတာကို ဘယ်လောက်ထိ လက်ခံသင့်လဲ?

📚လက်ရှိတရားဝင်ဥပဒေကြောင့် တိရိစ္ဆာန်တစ်ကောင်ကို ဆက်လက် ကြမ်းကြုတ်နှိပ်စက်ရင်း ထားရမယ်ဆိုတာ morally ရပ်တည်လို့ မရဘူး ဆိုတဲ့ argument က Right to rescue ဆိုတဲ့ argument ပါ။ “ယခုလက်ရှိဥပဒေအရ မမှားဘူး ဆိုပေမဲ့ တရားမျှတမှု မရှိဘူး” ဆိုတဲ့ ယူဆချက်ပါ။

📚အခုဘာဖြစ်သွားပြီလဲဆိူရင် ကယ်တင်ခဲ့တဲ့ လူတွေကနေစခဲ့ရတာကနေ အခုဆိုရင် ခွေးလေးတွေကို တရားဝင် ကယ်တင်လို့ရလိုက်ပါပြီ။ ခွေးတွေကို ကယ်တင်တဲ့ အဖွဲ့တွေက ဒီ ကုပ္ပဏီကနေခွေးတွေအကုန်ကို ဝယ်ယူလိုက်ပါပြီ၊ ဒီကုပ္ပဏီကိုလည်း ခွေးတွေမွေးခွင့်ကိုပိတ်လိုက်ပါတယ်
ခွေး ၁,၅၀၀ လောက်ကို ကယ်တင်ပြီး ခွေးမွေးစားမယ့်သူတွေ၊ ခွေးဂေဟာတွေကို ပြောင်းရွှေ့နေပါတယ်။ Ridglan Farms ကတော့ တိရိစ္ဆာန်တွေကို နှိပ်စက်တယ်ဆိုတာ စွပ်စွဲချက်သပ်သပ်ပါပဲလို့ပြောထားပါတယ်၊
ဒီကကယ်ထားတဲ့ ခွေးလေးတွေကို သနားလို့ အိမ်မှာ ကယ်တင်ထားချင်သူ၊ မွေးချင်တဲ့သူတွေများလို့ application တောင်ပိတ်လိုက်ရပြီတဲ့၊

📚Beagle တွေဟာ သဘာဝအားဖြင့် လူကို အရမ်းခင်ပြီး လူပြောတာ အလွယ်တကူလိုက်နာတယ်။ စမ်းသပ်တဲ့ အခါမှာ ကိုင်တွယ်ရလွယ်တဲ့ တိရိစ္ဆာန်ဖြစ်လို့ စမ်းသပ်ခံအနေနဲ့ လုပ်ကြတယ် သူတို့ကို ဒုက္ခပေးဖို့လုပ်တဲ့သူကို
ဆန့်ကျင်ရန်လုပ်ဖို့ မကြိုးစားဘဲ ခြောက်ပြတဲ့ အခါ ကြောက်တတ်တဲ့ ခွေးမျိုးဖြစ်လို့ပါ၊

လှောင်အိမ်ထဲမှာပဲ အချိန်များစုကို ဖြတ်သန်းရတဲ့ ခွေးလေးတွေ အခု ပထမဆုံး မြက်ပင်ပေါ် မှာကစားတယ်၊ နေရာကျယ်ကျယ်ဝန်းဝန်းမှာနေရတယ်၊ ပင်လယ်ကမ်းခြေကျယ်မှာပြေးလွှားကစားရတယ်ဆိုတာ ကြည်နူးစရာပါ၊

ကိုယ် ကြောင် သို့မဟုတ် ခွေးမွေးဖူးတဲ့ သူ ဆိုရင် ဒီ news ကို ဘယ်လို ခံစားမိတဲ့ ? Right to rescue ဆိုတာဘယ်လိုထင်လဲ၊ Comment မှာ ပြောသွားနော်

Sources: Beagle Freedom Project, Nonhuman Rights Project, WUWM, FOX6 Milwaukee

05/13/2026

US$ 175,000 — ဒါဟာ US က alternative protein company တစ်ခုမှာ Business Development Director တစ်ယောက် တစ်နှစ်ရနိုင်တဲ့ လစာပါ

Food tech ထဲဝင်လို့ ရတဲ့ အလုပ်တွေမှာ လစာဘယ်လောက်ရနိုင်လဲဆိုတာ ဒီရက်ပိုင်းထွက်နေတဲ့ vacancy တွေကြည့်လို့ရပါတယ်။ US နဲ့ Europe မှာရှိတဲ့ သူတွေအတွက်ရယ်၊ အာရှမှာရှိနေတဲ့ သူအတွက်လဲ တချို့ remote role တွေလဲပါပါတယ်။

📚People & HR
Head of People — Eat Just (California, US)
💵 US$ 135,000 – 165,000 / year

📚Business Development
Director of Business Development — Ingredients Company (US, Remote)
💵 US$ 150,000 – 175,000 / year

📚Content Creation and Social Media
Video Editor / Social Ads — every® (Berlin, Germany)

📚Finance
Commercial Finance Lead — Daring (US, Remote)
Staff Accountant — PURIS Proteins (Minneapolis, US)

📚Operations
Director of Operations — Plantible (Texas, US)
Senior Operations Engineer — Hungryroot (US, Remote)

📚Sales & Account Management
Head of Sales — ProteinDistillery (Stuttgart, Germany)
International Account Manager — Oddlygood (London, UK)
Key Account Manager — vly (Berlin, Germany)

📚AltProtein.Jobs ရဲ့ 2025 report အရ 2026 မှာ commercial role တွေ demand ပိုမြင့်လာမယ်လို့ ခန့်မှန်းထားတယ်

📚 ဒီ listings အပြည့်ကို ဘယ်မှာကြည့်ရမလဲ?
➡️ foodimpactcareers.com
➡️ altprotein.jobs

ကိုယ့် background ကဘာလဲ — Finance, Operations, HR, BD, Content ထဲမှာ ဘယ်ဟာနဲ့ အနီးဆုံးနီးစပ်တယ်လို့ ထင်လဲ?

📚ဒီ field ထဲ ဝင်ချင်တဲ့ လူတွေအတွက် မြန်မာလိုရေးထားတဲ့ free career resources တွေ Telegram မှာ ရပါတယ် — link in bio 🌿

Data source: Food Impact Careers

05/12/2026

မှိုမျှင် (Mycelium) နဲ့လုပ်တဲ့ သက်သတ်လွတ်အသားတုံးတွေ 2027 ဆိုရင် UK မှာစားရတော့မယ်၊

📚UK-based start up ဖြစ်တဲ့ Adamo Foods ဟာ ယူရို ၁၀ သန်း (ဒေါ်လာ ၁၁.၇ သန်းခန့်) ထောက်ပံ့ကြေး ရရှိခဲ့ပါတယ်။
📚သူတို့က စက်မှုလုပ်ငန်းတွေက ထွက်လာတဲ့ ဘေးထွက်ပစ္စည်းတွေကို အသုံးချပြီး သူတို့ရဲ့ မှိုမျှင်အသားတုံး (Whole-cut mycelium meat) တွေကို ထုတ်လုပ်ပြီး ရောင်းချနိုင်ဖို့အတွက် ဖြစ်ပါတယ်။
မှိုလို့ပြောလိုက်ရင် မှိုရဲ့ အသီးအပွင့်ဖြစ်တဲ့ Mushroom ကိုသိကြတာများပါတယ်၊ အခုက မှိုရဲ့ အမြစ်လေးတွေက ထုတ်တဲ့ အသားပါ၊ အဲဒီအမြစ်လေးတွေကို Mycelium လို့ခေါ်ပါတယ်၊

မှိုမျှင် (Mycelium) ဆိုတာ မှိုတွေရဲ့ အမြစ်လို တည်ဆောက်ပုံမျိုးဖြစ်ပြီး အသားတုလုပ်ဖို့ အဓိက သုံးကြပါတယ်။ Adamo Foods မှာ Patent ၃ ခုရထားတဲ့ အချဉ်ဖောက်နည်းပညာရှိပြီး တခြားဘာမှ သိပ်ထည့်စရာမလိုဘဲ အာဟာရပြည့်တဲ့ အသားတုံးတွေ ထုတ်နိုင်ပါတယ်။ ဥပမာ သူတို့ရဲ့ အမဲသားတုံးမှာ ပါဝင်ပစ္စည်း ၅ မျိုးပဲ ပါပါတယ်။ လိုအပ်တဲ့ အမိုင်နိုအက်ဆစ်အားလုံး ပါဝင်ပြီး ပရိုတင်းခြေဖျက်နိုင်စွမ်း (Protein digestibility score) ဟာ ၀.၉၉ (၁ အမှတ်အပြည့်မှာ) ရှိပါတယ်။ ဒါဟာ ပဲပိစပ်၊ ဂျုံနဲ့ တကယ့်အမဲသားထက်တောင် မြင့်မားနေတာပါ။
အာဟာရနဲ့ အရသာအပြင် သဘာဝပတ်ဝန်းကျင်အတွက်လည်း အကျိုးရှိပါတယ်။
📚 မှိုမျှင်ဟာ ၄ နာရီတိုင်းမှာ အရွယ်အစား နှစ်ဆပွားတာကြောင့် တစ်ရက်တည်းနဲ့ အသားပရိုတင်း အမြောက်အမြားကို ထုတ်လုပ်နိုင်ပါတယ်။ အပင်ကလုပ်တဲ့ အသားတုဆို ၃ လ၊ အမဲသားဆို ၃ နှစ်လောက် စောင့်ရတာနဲ့ ယှဉ်ရင် အရမ်းမြန်ပါတယ်။
📚ကာဗွန်ထုတ်လွှတ်မှုကလည်း တကယ့်အမဲသားထက် ၉၃% ပိုနည်းပါတယ်။
"ကျွန်တော်တို့ နည်းပညာကို တည်ထောင်ကတည်းက ဈေးနှုန်းကို အဓိကထား စဉ်းစားခဲ့တာပါ။ ဒါကြောင့် စစချင်းရောင်းကတည်းက တကယ့်အသားဈေးနဲ့ တန်းတူရောင်းနိုင်မှာဖြစ်ပြီး ကျယ်ကျယ်ပြန့်ပြန့် ထုတ်လုပ်နိုင်တဲ့အခါ ဈေးနှုန်းက အများကြီး ထပ်ကျသွားမှာပါ" လို့ Dupuis က ဆိုပါတယ်။

ပါဝင်ပစ္စည်း ၅ မျိုးပဲပါတဲ့၊ အမဲသားထက် ပရိုတင်းဓာတ်ပိုကောင်းတဲ့ မှိုမျှင်အမဲသားတုံး
Adamo Foods က အခုရှိနေတဲ့ အသားတုတွေရဲ့ အားနည်းချက်တွေကို ကျော်လွှားနိုင်ဖို့ ကြိုးစားနေတာပါ။ သူတို့ရဲ့ ထုတ်ကုန်ဟာ အရသာ၊ အထိအတွေ့၊ အာဟာရနဲ့ ဈေးနှုန်းပိုင်းမှာ တကယ့်အသားနဲ့ ယှဉ်နိုင်အောင် လုပ်ထားတာပါ။
ရှည်လျားပြီး သိပ်သည်းတဲ့ မှိုမျှင် (Mycelium fibres) လေးတွေကို သုံးပြီး တကယ့်အသားရဲ့ ကြွက်သားတည်ဆောက်ပုံအတိုင်း ပြန်ဖန်တီးထားတာပါ။ သဘာဝအတိုင်း ထုတ်လုပ်တာဖြစ်လို့ ဥရောပက လူတွေရဲ့ Clean-label (ဓာတုပစ္စည်းနည်းပါးတဲ့ အစားအသောက်) လိုအပ်ချက်ကို ဖြည့်ဆည်းပေးနိုင်ပါတယ်။

"လောလောဆယ် ကျွန်တော်တို့ ကိုယ်ပိုင်ပဲ ထုတ်နေပေမယ့် ရေရှည်မှာတော့ တခြားမိတ်ဖက်တွေနဲ့ ပူးပေါင်းပြီး ထုတ်လုပ်ဖို့ ဆွေးနွေးနေပါတယ်။ လာမယ့်နှစ်မှာ ဗြိတိန်က စားသောက်ဆိုင်လုပ်ငန်းတွေမှာ စတင်ရောင်းချသွားမှာဖြစ်ပြီး EU ဈေးကွက်ကတော့ အဲဒီနောက်မှာ လိုက်လာမှာပါ" လို့ CEO က ပြောပါတယ်။
📚”ကျွန်တော်တို့က အသားတု နောက်တစ်ခု ထပ်လုပ်နေတာ မဟုတ်ပါဘူး။ တကယ့်ကို အရသာရှိတဲ့ အမဲသားတုံးတွေကို သတ္တဝါတွေကို သတ်စရာမလိုဘဲ ဈေးနှုန်းချိုချိုသာသာနဲ့ ထုတ်နိုင်မယ့် စီးပွားရေးစနစ်သစ်တစ်ခုကို တည်ဆောက်နေတာပါ" လို့ သူက နိဂုံးချုပ် ပြောကြားခဲ့ပါတယ်။

📚ဒီနယ်ပယ်အကြောင်းကို ပိုလေ့လာချင်တယ်ဆိုရင် မြန်မာလိုရေးထားတဲ့ Free guide တွေ telegram မှာ download လုပ်လို့ရပါတယ်၊ Comment မှာ Link ရှိပါမယ်

05/11/2026

US စစ်တပ်စားဖို့အတွက် လေထဲကနေ ပရိုတင်းထုတ်တော့မယ်၊

📚အမေရိကန် စစ်တပ် (US Army) က California startup တစ်ခုဖြစ်တဲ့ Biosphere ကို ဒေါ်လာသန်း ၉ သန်း ပေးလိုက်တယ်၊ မြေပြင်မှာ တိုက်ပွဲဝင်နေတဲ့ စစ်သားတွေအတွက် လေ၊ ရေ၊ နဲ့ လျှပ်စစ်ဓာတ်အင်အားကိုပဲ သုံးပြီး ပရိုတင်း ထုတ်လုပ်နိုင်တဲ့ စက် (bioreactor) တွေကို တည်ဆောက်ဖို့ပါ။
ဒါက gas fermentation လို့ ခေါ်တဲ့ နည်းပညာပါ မျက်စိနဲ့ မမြင်ရတဲ့ microbes အသေးလေးတွေက CO₂ နဲ့ လျှပ်စစ်ဓာတ်ကို သုံးပြီး bioreactor ထဲမှာ high-protein food ထုတ်ပေးတာ ဖြစ်ပါတယ်။

📚Biosphere ရဲ့ portable bioreactor တစ်ခုကပဲ စစ်သား ၁၈ ဦးအတွက် တစ်ရက် ၂,၈၀၀ calorie ထိ ထုတ်ပေးနိုင်ဖို့ ရည်ရွယ်ထားပြီး — supply chain ကိုပဲ အားကိုမနေဘဲ စစ်မြေပြင် မှာပဲ (သို့မဟုတ်) အနီးဆုံးနေရာမှာချက်ချင်းအစာထုတ်ပေးနိုင်မှာ ဖြစ်ပါတယ်။ဝေးလံခေါင်ဖျားတဲ့ စစ်မြေပြင်တွေဆီ အစားအသောက်တွေ သယ်ပို့ရတာ အရမ်းခက်ပါတယ်။ အခုနည်းပညာနဲ့ဆိုရင် နေရာတင်တင်မှာတင် အစားအစာကို ထုတ်လုပ်လို့ ရသွားနိုင်ပါတယ်။

📚သမားရိုးကျ တိရိစ္ဆာန်မွေးမြူရေးလုပ်ငန်းတွေက ပတ်ဝန်းကျင်ကို ထိခိုက်စေတဲ့အတွက် ဒီနည်းပညာက ပိုပြီး Clean ဖြစ်ပြီး ရေရှည်ခံပါတယ်။

📚ဒီနည်းက စိုက်ပျိုးရေး လုပ်စရာမလို၊ ရေနဲ့မြေအများကြီး သုံးစရာမလိုဘဲ အသားဓာတ်ကို ရနိုင်လို့ပါ။

📚ဒီလိုမျိုး ကုပ္ပဏီမျိုးနောက်တစ်မျိုးအကြောင်း ရေးခဲ့ဖူးပါတယ်၊ Solar Foods ဆိုတဲ့ လုပ်ငန်းကလည်း ဒီနည်းပညာနဲ့ Solein ပရိုတင်းကို Singapore မှာ ကုန်ထုတ်နေပြီ ဖြစ်ပါတယ်။

📚ပရိုတင်းကို တိရိစ္ဆာန်မွေးမြူရေးကမယူပဲ၊ ဒီလို Biotechnology နည်းလမ်းနဲ့ ထုတ်တာက အရေးကြီးပါတယ်၊ Supply chain တွေပြတ်ေတာက်မှုကြောင့် အစာရေစာ မရန်ုင်တဲ့ crisis ဖြစ်တာတွေကြောင့် အနီးအနားမှာပဲ အဆင်သင့်အစာထုတ်လုပ်ဖို့က အရေးကြီးပါတယ်။

📚စစ်မြေပြင်မှာဆိုရင် လေထဲကနေ ပရိုတင်း ထုတ်တာက life-saving technology တစ်ခုပါ။

📚စစ်တပ်ကနေတစ်ဆင့် ဒီနည်းပညာက အရပ်ဘက်ကိုပါ ရောက်လာပြီး ကမ္ဘာ့အစားအစာ ပြတ်လပ်မှုကို ဖြေရှင်းပေးနိုင်မယ်လို့လည်း မျှော်လင့်နေကြပါတယ်။

Food security မှာ alternative protein ရဲ့ အခန်းကဏ္ဍဟာ global demand ကနေပဲ မဟုတ်ဘဲ၊ crisis resilience ကပါ လာနေတာကို US စစ်တပ် ကပါ သက်သေပြနေတာ ဖြစ်ပါတယ်။
🌱

သင့်ကော ဘယ်လ်ုထင်လဲ?

📖 Source and other links in comments
Pictures sourced from Biosphere website and the article

05/09/2026

6 am morning walk ❤️

ပင်လယ်ကို အရမ်းကြိုက်တဲ့ သူအတွကိ မနက်ခင်းမှာပင်လယ်ကိုကြည့်ပြီးလမ်းလျှောက်ရတာက ဘာနဲ့မှမလဲန်ုင်ဘူး၊
မနက်ခင်းစောစောဖွင့်မယ်လို့ မထင်ထားတဲ့ Hotel lobby က ကော်ဖီဆိုင်က ဖွငိ့နေတော့ Americano ဝယ်သွားလို့ရတယ်၊

ဒါက ခရီးသွားရတဲ့နေရာတခု New Port, Rhode Island ဖြစ်ပါတယ်၊
The Cliff Walk လို့ခေါ်တဲ့နေရာပါ၊

နေခဲ့တဲ့ နေရာက Hotel Viking ပါ၊ သူတို့က အခုမှ Renovation ပြီးတာမို့၊ အခန်းအကုန်တောင်အဆင်သင့်မဖြစ်သေးဘူး၊ အကုန်အဆင်သင့်ဖြစ်ရင်တော့လှလဲလှမယ်။ နေရတာတော်တော်အဆင်ပြေမယ်လို့ထင်တယ်။

ဒီ မြို့လေးကတော့ နှစ်ဖက်စလုံးက ရေနဲ့ ဝိုင်းထားတာဆိုတော့၊ သာသာယာယာလေးရှိတယ်၊

05/07/2026

Amsterdam က ကမ္ဘာပေါ်မှာ ပထမဆုံးအနေနဲ့ အသားကြော်ငြာတွေကို Public spaces မှာ လုံးဝပိတ်ပင်လိုက်ပြီဆိုတာ ကြားပြီးကြပြီလား?

📚အရင်က ကားမှတ်တိုင်တွေမှာ တွေ့နေကျ ဘာဂါကြော်ငြာတွေ၊ လေယာဉ်လက်မှတ် ကြော်ငြာတွေနေရာမှာ အခုဆိုရင် ဂီတဖျော်ဖြေပွဲနဲ့ ပြတိုက်ကြော်ငြာတွေပဲ မြင်ရတော့မှာပါ။ ဘာဖြစ်လို့ ဒီလိုလုပ်ရတာလဲ? အသားစားတာက ဘာဖြစ်လို့လဲ? ဆိုတာ နည်းနည်းလေး ရှင်းပြချင်ပါတယ်။

📚အသားစားတာက ကမ္ဘာကြီးကို ဘယ်လိုဒုက္ခပေးနေတာလဲ?
လူတော်တော်များများက ကားမောင်းတာ၊ လေယာဉ်စီးတာကပဲ ပတ်ဝန်းကျင်ကို ညစ်ညမ်းစေတယ်လို့ ထင်တတ်ကြပါတယ်။ ဒါပေမဲ့ တကယ်တမ်းတော့ အသားထုတ်လုပ်တဲ့ လုပ်ငန်းတွေဟာ ကမ္ဘာကြီးပူနွေးမှုကို ဖြစ်စေတဲ့ ဖန်လုံအိမ်ဓာတ်ငွေ့ အများဆုံးထုတ်လွှတ်တဲ့ တရားခံတွေထဲမှာ ပါဝင်နေပါတယ်!
• သစ်တောပြုန်းတီးမှု: နွားမွေးဖို့ မြက်ခင်းတွေလုပ်ဖို့အတွက် ကမ္ဘာ့အဆုတ်လို့ခေါ်တဲ့ အမေဇုံတောတွေကို မီးရှို့ပြီး ရှင်းလင်းနေကြရပါတယ်။
• ရေလေလွင့်မှု: အမဲသား ၁ ကီလိုရဖို့အတွက် ရေဂါလံပေါင်း ထောင်ချီ အသုံးပြုရပါတယ်။
• ညစ်ညမ်းမှု: တိရစ္ဆာန်တွေရဲ့ စွန့်ပစ်ပစ္စည်းတွေက မြစ်ချောင်းတွေနဲ့ လေထုကို အဆိပ်အတောက် ဖြစ်စေပါတယ်။

📚အရင်ခေတ်က ဆေးလိပ်သောက်တာဟာ အရမ်းကို "Cool" ဖြစ်တဲ့၊ လူကြီးလူကောင်းဆန်တဲ့ အလုပ်တစ်ခုလို့ အားလုံးက သတ်မှတ်ခဲ့ကြပါတယ်။ နာမည်ကြီး ဘောလုံးသမားတွေတောင် ဆေးလိပ်ကြော်ငြာခဲ့ကြတာပဲလေ။ ဒါပေမဲ့ အကျိုးဆက်ကို သိလာတဲ့အခါမှာတော့ ဆေးလိပ်ကြော်ငြာတွေကို ပိတ်ပင်လိုက်ပြီး ဆေးလိပ်သောက်တာဟာ ကျန်းမာရေးအတွက် မကောင်းဘူးဆိုတာ လူတိုင်းလက်ခံလာကြပါတယ်။

📚ပုံမှန်ကြော်ငြာတွေကနေတစ်ဆင့် "အသားစားတာဟာ ပျော်စရာ၊ အာဟာရဖြစ်တယ်” ဆိုတဲ့ စိတ်ကူးယဉ်ပုံရိပ်တွေကို အမြဲရိုက်သွင်းနေတာပါ။ ဒီလိုကြော်ငြာတွေကို ရပ်လိုက်တာဟာ
တိရိစ္ဆာန်မွေးမြူပြီးရတဲ့ အသားကို ပုံမှန်စံနှုန်းအဖြစ်မှ ဖယ်ရှားလိုက်တာပါ၊
ဆေးလိပ်သောက်သူအကုန်ဆေးလိပ်သောက်တာမရပ်သွားပေးမယ့်၊ ဆေးလိပ်သောက်တာဟာ မကောင်းဖူးလို့လူတိုင်းစိတ်မှာ သိလာတယ်၊
အခုလို အသားကြော်ငြာကို Ban လုပ်လိုက်တာကလည်း အသားကို Normalize လုပ်တာရပ်ဖို့ ခြေလှမ်းတခုပါ၊

📚ဒါက လူတစ်ယောက်ချင်းစီကို "အသားမစားနဲ့" လို့ အမိန့်ပေးတာ မဟုတ်ပါဘူး။ အခုအချိန်မှာ အမိန့်ပေးလို့မရသေးပါဘူး၊ ဒါပေမဲ့ ကုမ္ပဏီကြီးတွေက ငါတို့ရဲ့ မျက်စိရှေ့မှာ အသားစားဖို့ ခဏခဏ လာဆွယ်နေတာကို ရပ်တန့်လိုက်တာပါ။
လုပ်လို့ရတာတွေက၊
• တစ်ပတ်မှာ အသားမစားတဲ့နေ့ (Meatless Monday) လေးတွေ သတ်မှတ်ကြည့်မယ်။
• အသားအစား အပင်ကရတဲ့ ပရိုတင်း (ဥပမာ- ပဲအမျိုးမျိုး၊ တို့ဟူး) တွေကို ပိုစားပေးမယ်။
• စားသုံးမှုပုံစံလေး နည်းနည်းပြောင်းရုံနဲ့ ကမ္ဘာကြီးကို အများကြီး ကယ်တင်နိုင်ပါတယ်။
AMSTERDAM ရဲ့ ဒီခြေလှမ်းက ရှေ့ဆောင်လမ်းပြပါပဲ။ နောက်ဆိုရင် ကမ္ဘာကြီးကို ဒုက္ခပေးနေတဲ့ အရာတွေကို "ပုံမှန်" လို့ မမြင်တော့တဲ့ ခေတ်တစ်ခု ရောက်လာလိမ့်မယ်လို့ မျှော်လင့်ရပါတယ်။

Forward Food Tech MM

05/20/2026

05/20/2026

05/18/2026

05/16/2026

05/15/2026

05/14/2026

05/13/2026

05/12/2026

05/11/2026

05/09/2026

05/07/2026

Address

Website

Alerts

Shortcuts

Share

Category