https://youtube.com/@unbusyliving

Unbusy Living, Denver, NC (2026)

04/11/2026

သက်သတ်လွတ် Korean BBQ 😋
ဒါမျိုးကိုရှာနေတာကြာပြီ၊

ကျွန်မ အရင်က အသား ဘူဖေးတွေ ခဏခဏသွားစားသူပါ၊

Dinner တခုမှာ hot pot စားရင် အသားမစားတော့ဘူးလို့ ချက်ချင်းဆုံးဖြတ်လိုက်ကတည်းက နောက်ပြန်မကြည့်တော့တာ၊

📚သက်သတ်လွတ်စားရတာ ထင်တာထက်ပိုလွယ်တယ်ဆိုတာ သိလာတယ်၊

📚အသားကို ပုံစံမျိုးစုံလုပ်ပြီး flavor မျိုးစုံ culinary experience မျိုးစုံပေးတဲ့ society မှာနေနေရတော့
သက်သတ်လွတ်ကိုလည်း flavor မျိုးစုံနဲ့ BBQ ပုံစံတွေပါ လုပ်ပေးတဲ့ ဆိုင်တွေ လုပ်ငန်းတွေ တိုးလာတာကိုတွေ့ရင် ကျေနပ်မိတယ်၊

📚ရန်ကုန်မှာတုန်းက သက်သတ်လွတ် Yunan hot pot ကို အသားတုမျိုးစုံနဲ့ စားလိုက်ရကတည်းက ဒါတွေ များလာလေလေ ရာသက်ပန် သတ်သတ်လွတ်စားတာက လူတွေနဲ့ လက်လှမ်းမဝေးတော့လေပဲလို့ ထင်မိတယ်၊ (ဒီ post ကို comment ထဲမှာ link ပေးထားမယ်)

အခု သက်သတ်လွတ် K BBQ ကတော့ Singapore မှာရှိပါတယ်၊

Saute Saranghae တဲ့၊

အသားတုတွေနဲ့ပဲ BBQ လုပ်တာ၊ စားချင်စရာ၊

ကျွန်မ မသွားစားဖူးသေးပါဘူး၊
သူတို့ရဲ့ Instagram က ပုံတွေကို စုပြီးတင်ပေးလိုက်ပါတယ်၊

Photo credit to Saute Saranghae Instagram

04/07/2026

နွားတွေရဲ့ cell ကိုပဲယူပြီး အသားထုတ်တဲ့ လုပ်ငန်း 📚

📚နွားတစ်ကောင်လုံးကိုမွေးမြူပြီး သ-တ်ဖြ-တ်စရာမလိုတဲ့ လုပ်ငန်း Evergreen Select က Feb 2026 မှာပဲ US$ 6 million ရင်းနှီးမြှုပ်နှံမှုထပ်မံရရှိခဲ့ပါတယ်၊

📚ဒီလို cell ကနေ ထုတ်လုပ်တာကို cultivated beef လို့ခေါ်ပါတယ်၊ တကယ့် beef ပါပဲ၊

📚လူတွေစီ တိုက်ရိုက်် မရောင်းချခင် အခုလက်ရှိ beef company တွေစီရောင်းချမှာဖြစ်ပါတယ်၊

📚အခု လက်ရှိ အသားကုပ္ပဏီတွေကလဲ cultivated meat တွေကို လိုတယ်ဆိုအရင်က ပို့စ်တခုရေးထားခဲ့ပါတယ်

📚နွားတွေကို မွေးမြူရတာ ရေတွေ မြေတွေ အဆမတန်ကုန်ပါတယ်၊
📚နွားတွေကို antibiotics ပိုးသတ်ဆေးတွေ ဟော်မုန်းတွေ ထိုးရတာတွေအများကြီးရှိပါတယ်၊
📚နွားတွေက ရောဂါရလေ့ရှိတယ်၊ အဲဒီအခါ beef supply မှာ ရပ်တန့်အခက်အခဲဖြစိတာတွေရှိတယ်၊
📚နွားတွေကို မွေးမြူသ-တ်ဖြတ်ပြီး အသားထုတ်ရတာ ethical မဖြစိဘူး၊

📚cultivated beef လုပ်ငန်းတွေက ဒီဆိုးကျိူးတွေကို နည်းပါးပပျောက်စေပါတယ်။ beef supply တွေရပ်တန့်တာမျိုး မဖြစိတော့ဘူး၊ စျေးတွေကိုလည်း တည်ငြိမ်အောင် ကူညီပေးနိုင်တယ်၊

နည်းပညာထပ်ပြီး တိုးတက်လာဖို့တော့ လိုသေးတယ်၊ စျေးကတော့ အခုလက်ရှိ beef တွေနဲ့ ရင်ပေါင်တန်းနိုင်တော့ မယ့် အချိန်က အလှမ်းမဝေးတော့ပါဘူး၊

အဲဒီအချိန်ကိုရောက်ဖို့ငွေအင်အားနဲ့ နည်းပညာတိုးတက်မှုတွေ လိုသေးလို့ လုပ်ငန်းရှင် သိပ္ပံပညာရှင်တွေကဆက်လက်ကြိုးစားနေပါတယ်၊

04/06/2026

Olympic ထိပ်တန်း အားကစားသမားတွေ၊ NBA basketball player တွေ F1 Formula racing driver တွေမှာ ရာသက်ပန်သွေးလွတ်သားလွတ်စားတာတွေရှိတယ်၊ 💪🏻🏀🏎️

ဒီလိုလူတွေက အာဟာရကို ဘယ်လိုစားပြီး ခန္ဓာကိုယ်ရဲ့ စွမ်းဆောင်ရည်က်ု ခိုင်မာသန်စွမ်းအောင်လုပ်လဲဆိုတာကို ဆရာဝန် Michael Kapler က ပြောပြသွားမယ် အခမဲ့ Zoom session ပါ၊

မြန်မာန်ုင်ငံအချိန်နဲ့ဆ်ုရင်
April 8, Wednesday မနက် ၈ နာရီဖြစ်ပါတယ်၊
Registration link ကို comment မှာပေးထားပါမယ်၊

04/05/2026

လူတွေကြီးစိုးနေတဲ့ ကမ္ဘာမှာ တောရိုင်းတိိရိစ္ဆာန်တွေ ဘယ်လ်ုနေရလဲဆ်ုတာ တွေးတောမိတဲ့ အခါတွေရှိလား၊

📚ရန်ကုန်မှာတုန်းက ကျွန်မ ကားမောင်းသွားရင်း တွေ့ဖူးတာတွေက မျောက်ကလေးကို ကြိုးနဲ့ချည်ထားပြီး လူက တစ်ခုခုစေခိုင်းနေတာကိုတွေ့လိုက်တယ်၊
📚ကထိန်တွေလှည့်ရင်လည်း ဆင်တွေက်ု သုံးတယ်၊ ဆင်ပေါက်လေးပါ ပါတယ်၊
📚တောရိုင်းတိရိစ္ဆာန်တွေက်ုဖမ်းပြီးရောင်းချတာ၊ ဒါတွေက ပုံမှန်လ်ုဖြစ်နေတာ၊ ဘာလို့လဲဆ်ုတော့ လူတွေက တခြားသတ္တဝါတွေက်ုကြီးစိုးဖို့ power ရှိတယ်၊ အသိဉာဏ်လဲရှိတယ်၊
📚လူသားတွေအဆင်ပြေဖို့တည်ဆောက်ထားတဲ့ ကမ္ဘာကြီးက လူကို အဓိကထားတယ်၊ ကျန်တဲ့ သတ္တဝါတွေကနောက်မှ။ ဒီလို အမြင်မျိုးကို anthropocentric ဖြစ်တယ်လို့ ခေါ်တယ်၊ ဒီစာလုံးကို လွန်ခဲ့တဲ့ နှစ်အနည်းက သင်ယူရတဲ့ အခါကစပြီး နေရာတော်တော်များများက anthropocentric ဖြစိနေတယ်ဆိုတာသိလာခဲ့တယ်၊ ဒါကလည်း လူသားတွေရှင်သန်တိုးတက်လာစေခဲ့တဲ့ ကောင်းတဲ့တချက်ပေါ့၊

📚တောရိုင်းတိရစ္ဆာန်အကြောင်းစကားပြန်ဆက်ရမယ်ဆိုရင် သူတို့ကတောထဲမှာပဲ လွတ်လွတ်လပ်လပ် ရှိသင့်တာပါ။

📚အချိန်တွေကြာလာတာနဲ့အမျှ သူတို့သွားလာကျပ်စားနေတဲ့နေရာတွေမှာ လူတွေက လမ်းတွေ ဖောက်လိုက်ကြတယ်၊ သူတို့ အသိုက်ဆောက်တဲ့ နေရာတွေမှာ လေဆိပ်တွေ ဆောက်လိုက်တယ်၊ ပြီးတော့ သူတို့ရဲ့ စားကျက်နေရာပေါ်မှာ စိုက်ပျိုးရေးခြံတွေ လုပ်ပစ်လိုက်ကြတယ်။ သူတို့ကိုလည်း မမေးဘူး၊ သူတို့အကြောင်းလဲမစဉ်းစားဘူး၊ ကိုယ့်ဘာသာကိုယ်ပဲ တည်ဆောက်ကြိုးစိုးခဲ့ကြတာ။

📚ဒီအတွက် သဘာဝမှာအေးဆေးရှင်သန်နေတဲ့တိရစ္ဆာန်တွေက ပေးဆပ်ခဲ့ရတယ်။ ကားတိုက်တာတွေ၊ နေစရာပျောက်တာတွေ၊ ကျက်စားရာနေရာတွေ ဆုံးရှုံးတာတွေပေါ့။ ဒါတွေက တိရစ္ဆာန်တွေ မှားလို့ မဟုတ်ဘဲ သူတို့အတွက် လူတွေက ညှိနှိုင်းစရာ နေရာမချန်ထားပေးခဲ့လို့ပါ။

📚အခုတော့ အဲဒီအခြေအနေတွေကို ဖြေရှင်းဖို့AI လုပ်ငန်းတခုရှိပါတယ်၊

📚Flox Intelligence က တောရိုင်းတိရစ္ဆာန်တွေနဲ့ တကယ်တမ်း "စကားပြော" နိုင်တဲ့ AI နည်းပညာကို တည်ဆောက်နေပါတယ်။ သူတို့ရဲ့ ကရိယာတွေက တိရစ္ဆာန်တွေရဲ့ အသံလှိုင်းတွေကို အသုံးပြုပြီး ဘေးအန္တရာယ်ရှိတဲ့ နေရာတွေကနေ သူတို့ကို အသာအယာ ဖယ်ရှားပေးပါတယ်။ ဘာအန္တရာယ်မှ မပေးဘူး၊ ထောင်ချောက်လည်း မဆင်ဘူး၊ သတ်ဖြတ်စရာလည်း မလိုဘူး။ အန္တရယ်ရှိတဲ့နေရာတွေကို ရောက်နေတဲ့ တိရိစ္ဆာန်တွေကို သူတို့ရဲ့ အသံက်ုသုံးပြီး သတိပေးတာပါ၊ အဲဒီမှာ တိရိစ္ဆာန်တွေက အန္တရယ်ရှိတဲ့နေရာက သတိပေးသံကိုကြားပြီး မြန်မြန်ပဲ ထွက်ခွါသွားနိုင်တယ်၊

📚သမင်တွေကို မတိုက်မိတော့တဲ့ ရထားတွေ၊ ငှက်တွေကို အန္တရာယ်မပေးတော့တဲ့ လေဆိပ်တွေ၊ ပြီးတော့ တိရစ္ဆာန်တွေလာစားလို့ ဖမ်းပြီး သ-တ်ဖို့မလိုတော့မယ့် စိုက်ပျိုးရေးခြံတွေပိုများလာတာပေါ့၊

📚လက်တွေ့မှာ ဘယ်န်ူင်ငံမှာဘယ်လိုအသုံးဝင်နေလဲဆိုတဲ့ နမူနာတွေက 👇

🚂 Sweden သယ်ယူပို့ဆောင်ရေး
ဆွီဒင်မှာ ကီလိုမီတာ တစ်သိန်းကျော်ရှိတဲ့ လမ်းနဲ့ ရထားလမ်းတွေကို စီမံခန့်ခွဲနေရတာပါ။ နှစ်တိုင်း သမင်၊ သမင်ကြီး (Elk/Reindeer) တွေနဲ့ တိုက်မိတဲ့ ကားတိုက်မှု ထောင်ပေါင်းများစွာကြောင့် လူတွေထိခိုက်သေဆုံးတာအပြင် ဆုံးရှုံးမှုတန်ဖိုးကလည်း သန်းနဲ့ချီရှိပါတယ်။ ၂၀၂၄ ဧပြီလကစပြီး နိုင်ငံအနှံ့မှာ Flox ရဲ့ စက်တွေကို တပ်ဆင်ခဲ့ပြီး တိရစ္ဆာန်ကြီးတွေကို မောင်းထုတ်ပေးနေပါတယ်။ ၂၀၂၅ အစောပိုင်းမှာတော့ တိုက်မှုအများဆုံးနေရာတွေမှာ စက်တွေ ထပ်တိုးတပ်ဆင်ခဲ့ပြီး အခုထိလည်း တိုးချဲ့နေတုန်းပါပဲ။

✈️ Swedavia လေဆိပ်များ
လေယာဉ်နဲ့ ငှက်တိုက်မိတာက လေကြောင်းလိုင်းတွေအတွက် အမြဲတမ်း စိုးရိမ်ရတဲ့ ဘေးအန္တရာယ်တစ်ခုပါ။ ၂၀၂၂ ကနေ ၂၀၂၄ အထိ နှစ်နှစ်ကြာ စမ်းသပ်မှုအရ လေဆိပ်သုံးခုမှာ Flox ရဲ့ AI စနစ်တွေကို သုံးပြီး ငှက်တွေကို သတိပေး မောင်းထုတ်ခဲ့ပါတယ်။ ရလဒ်ကတော့ တိရစ္ဆာန်ပေါင်း ၂၀၀ ကျော်ကို ထိထိရောက်ရောက် အသံနဲ့သတိပေးန်ုင်ခဲ့ပါတယ်၊ လူကိုယ်တိုင်လဲလိုက်မောင်းစရာလည်း မလိုတော့ပါဘူး။ လေဆိပ်ဘေးကင်းရေး အရာရှိကတောင် ဒါဟာ "ကမ္ဘာတစ်ဝှမ်းက လေဆိပ်တွေအတွက် game changer ပဲ" လို့ ပြောခဲ့ပါတယ်။

✈️ ဆွီဒင်နိုင်ငံ၊ Mora လေဆိပ်
တောနဲ့ ရေကန်တွေ ပတ်လည်ဝိုင်းနေတဲ့ Mora လေဆိပ်က ငှက်မျိုးစုံနဲ့ သမင်တွေကြောင့် အမြဲအန္တရာယ်ရှိနေတာပါ။ ၂၀၂၅ မေလမှာ Flox ကို တပ်ဆင်ပြီးကတည်းက လေယာဉ်ကွင်းတစ်ဝိုက်မှာ ငှက်တွေ သိသိသာသာ နည်းသွားပါတယ်။ လေဆိပ်ထိန်းသိမ်းရေး မန်နေဂျာက "ကျီးကန်းလိုမျိုး ငှက်တွေဆိုရင် စက်ကထွက်တဲ့ အသံတွေကို ချက်ချင်း တုံ့ပြန်ပြီး ထွက်သွားကြတာ" လို့ ပြောပါတယ်။

🌾 ဆွီဒင်နိုင်ငံ၊ Agro Sörmland
တောဝက်တွေနဲ့ သမင်မျိုးစုံ လာဖျက်ဆီးတတ်တဲ့ စိုက်ပျိုးရေးနယ်မြေမှာ သိပ္ပံနည်းကျ စမ်းသပ်မှုတစ်ခု လုပ်ခဲ့ပါတယ်။ သာမန်အတိုင်း အမဲလိုက်ပြီး လိုက်သ-တ်တာ၊ ခြောက်လှန့်တဲ့ ကိရိယာတွေသုံးတာနဲ့ Flox Edge ကို သုံးတာ ဘယ်ဟာပိုထိရောက်လဲဆိုတာ ယှဉ်ကြည့်တဲ့အခါ အမဲလိုက်တာက ဘာမှမထူးခြားတာကို တွေ့ရပါတယ်။ Flox Edge ကတော့ သီးနှံပျက်စီးမှုကို သိသိသာသာ လျှော့ချပေးနိုင်ခဲ့ပါတယ်။ အကြောင်းကတော့ တိရစ္ဆာန်တွေက ခန့်မှန်းလို့မရတဲ့ အရာတွေကို ကြောက်တတ်လို့ပါပဲ။

🏙️ Stockholm မြို့တော်
Stockholm က လူစည်ကားတဲ့ ကမ်းခြေ သုံးခုမှာ ငန်း တွေကို လူတွေနဲ့ ဝေးရာ သဘာဝအတိုင်း ရှင်သန်နိုင်တဲ့နေရာတွေဆီ ပြန်မောင်းထုတ်ဖို့ Flox ကို သုံးခဲ့ပါတယ်။ ငန်းပေါင်း ၇,၆၀၀ ကျော်ကို သတ်ဖြတ်စရာမလိုဘဲ တခြားနေရာကို ရွှေ့ပေးနိုင်ခဲ့လို့ ကမ်းခြေတွေလည်း သန့်ရှင်းသွားပြီး လူတွေအတွက်လည်း အဆင်ပြေသွားပါတယ်။

📚ဒါဟာ လူတွေကြီးစိုးနေတဲ့ ကမ္ဘာကြီးမှာ တိရစ္ဆာန်တွေအတွက် ဘေးကင်းနိုင်တဲ့အခွင့်အရေး ဖန်တီးပေးတာပါ။ သက်ရှိတိုင်းက ဘေးကင်းကင်းနဲ့ သွားလာခွင့် ရှိသင့်ပါတယ်။

📚Flox လို AI စနစ်တွေက တကယ်ကောင်းမွန်ပြီး လက်တွေ့အကျိုးရှိတဲ့ အင်ဂျင်နီယာ နည်းပညာတစ်ခုဆိုတာကို သက်သေပြနေတာပါ၊

04/04/2026

ဝင်ငွေရဖို့ အတွက် စိတ်မပူရဘူးဆိုရင် သင်ဘာလုပ်နေမလဲ

ဒီလိုမျိုးမေးခွန်းကို လွန်ခဲ့တဲ့ ၆ နှစ်လောက်ကမေးရင် ကျွန်မ မရဲတရဲနဲ့ ပေးမယ့် အဖြေတခုရှိပါတယ်၊

📚ကမ်းခြေမှာ oceanfront အခန်းနဲ့ သက်တောင့်သက်သာနေနေမယ်၊ အချိန်ဇယားမှာ meeting တွေမရှိဘူး၊ မဖြစ်မနေ လုပ််ရမယ့် အလုပ်တွေရှိရင်တောင် ကျွန်မ လုပ်လို့ပျော်တဲ့ အလုပ်တွေပဲဖြစ်မယ်၊

📚ဒီလိုမျိုး freedom ရှိတဲ့ ဘဝ ကို retire လုပ်တဲ့ အခါရရှိမယ်၊ အသက် ၅၀-၆၀ လောက်မှာပေါ့၊
ငွေစုထားမယ်၊ ကိုယ်ပိုင်ပိုင်ဆိုင်မှုတွေများများရှိတဲ့ အခါရရှိနိုင်မယ်လို့ သတ်မှတ်ထားပါတယ်၊ အသက် ၂၀ ကျော်မှာတော့ လက်လှမ်းမှီီဖို့ဝေးတယ်ပေါ့။

📚အဲဒီအချိန်ကနေစပြီး F.I.R.E movement အကြောင်းကို စတင်သိရှိခဲ့တယ်၊
Financial independence, retire early လို့ခေါ်တယ်၊
အရာရာအတွက် ငွေလိုတယ် ပိုင်ဆိုင်မှုလိုတယ်ဆိုတာလူတိုင်းသိပါတယ်၊ မလုပ်ချင်တဲ့ အလုပ်ကိို လုပ်ဖို့မလိုတဲ့ လွတ်လပ်မှုရဖို့ ငွေ ဘယ်လောက်လိုလဲဆိုတာတော့ လူတိုင်းသိချင်မှသ်ိတယ်၊ အဲဒီ ငွေ အမောင့်က လူတိုင်းအတွက် မတူပါဘူး၊

📚ကိုယ်တစ်နှစ် ဘယ်လောက်သုံးလဲပေါ်မှာမူတည်ပြီးကွာပါတယ်၊
အတိုချုပ်ပြောရမယ်ဆိုရင် ကိုယ်တစ်နှစ်သုံးတဲ့ ကုန်ကျစရိတ်ကို x 25 နဲ့မြှောက်ပြီးထွက်လာတဲ့ နံပတ်က ကိုယ့်ရဲ့ FIRE number ပဲ၊ အဲဒီလောက်ငွေအများကြီး စုမိပြီဆိုရင် ကိုယ်လုပ်ချင်တာလုပ်လို့ရပြီ၊ ငွေအတွက်ကြောင့် မလုပ်ချင်တဲ့ အလုပ်ကို သည်းခံလုပ်ဖို့ မလိုတော့ဘူး။

📚ကျွန်မ corporate အလုပ်စဝင်တုန်းက လစာရရင် ဘာဝယ်မယ်ဆိုတာကြိုတွေးထားတာ၊ Designer bag တွေကိုကြည့်တယ်၊ ကားကိုလည်း ဘယ်လို upgrade လုပ်မယ်ပေါ့၊ ဟိုဟာဝယ်မယ်ဒီဟာဝယ်မယ်တန်းစီနေတာ၊
ကျွန်မရဲ့ လစာက အတော်အသင့်အဆင်ပြေတဉ်လို့ပြောလ်ု့ရမယ်၊ 2015 ခေတ်ကောင်းတုန်းက စအလုပ်လုပ်တာ။ ကုပ္ပဏီကြီးတွေက လည်း လစာကို အပြ်ိုင်အဆ်ုင်ပေးပြီး ခေါ်နေတာ၊
ဒါတောင် ကျွန်မ ဝယ်ချင်တဲ့ designer bag တွေ မျက်မှန်တွေ၊ ကားတွေကိုဝယ်ဖို့ကြာဦးမယ်၊ လစာနဲ့တောင် မလောက်ဘူး၊

📚ကျွန်မ မသိခဲ့တာ၊ မစူးစမ်းခဲ့တာက လွတ်လပ်မှုကို ဘယ်လောက် ကျွန်မ လိုချင်ခဲ့လဲဆိုတာမသိခဲ့ပါဘူး၊ သိခဲ့ရင်လည်း မရနိုင်ဘူးဆိုပြီး ခေါင်းထဲမထည့်ထားတာ၊
နောက်တော့ FIRE movement ကိုလေ့လာတွေ့ရှိပြီးတော့ ကိုယ်ရချင်တဲ့ ဘဝကို ရှင်းရှင်းလင်းလင်းနဲ့ ရဲရဲရင့်ရင့်တွေးတောလာန်ုင်တယ်၊

📚မနက်ခင်းမှာ alarm နဲ့ ထပြီး ပြင်ဆင်ပြီး 9-5 ကိုသွားဖို့ မလိုတဲ့ ဘဝကို တွေ:ကြည့်မိခဲ့တယ်၊ ကျွန်မရဲ့ အလုပ်က ကောင်းတဲ့အလုပ်ပါ၊ boss ကလည်းကောင်းသလို workplace politics တွေကလည်း မဆိုးရွားပါဘူး၊ သင်ယူစရာတွေလည်း အများကြီးရှိတယ်၊

📚ဒီလိုကောင်းကွက်တွေရှိပေမယ့်ကိုယ့်အချိန်ကို ကိုယ်မပိုင်ရဘူးပေါ့၊ အဲဒီအလုပ်မှာပဲ ၅ နှစ်လောက်ကြာသွားတယ်၊ ပရိုမိုးရှင်းတွေလည်းရတယ်၊ လစာတွေလဲတိုးတယ်၊
📚က်ုယ့်ရဲ့ နေ့ရက်တွေက်ု ကိုယ်ကြိုက်သလိုသုံးလို့ရမယ်ဆိုတဲ့ ခံစားချက်ကို ဘယ် designer brand တွေကမှ မပေးန်ုင်ဘူးဆိုတာ ရှင်းရှင်းလင်းလင်းသိလာတယ်၊
အဲဒီအချိန်ကစပြီး တကယ်ကို ကိုယ့်ကို စိတ်ချမ်းသာမှုပေးတဲ့ အရာနဲ့ တခြားသူတွေ လိုချင်လို့ ကိုယ်လဲလိုက်လိုချင်တယ်ဆိုတဲ့အရာနဲ့ကွာတယ်ဆိုတာ ကွဲကွဲပြားပြားသိလာတယ်၊ ကိုယ့်အကြောင်းကိုပိုသိလာတယ်ပေါ့၊

ကျွန်မကို တကယ်စိတ်ချမ်းသာမှုပေးတဲ့ အရာတွေကိုတော့ မနှမျှောပဲသုံးဖြစ်တယ်၊
☀️တခုကတော့ ကမ်းခြေသွားရင် beach front အခန်းမှာပဲနေတယ်၊ အိပ်ယာမဝင်ခင် လှိုင်းသံကိုကြားရတယ်၊ မနက်ခင်းန်ုးလာရင် လိုက်ကာဖွင့်တာနဲ့ပင်လယ်ကိုမြင်ရတဲ့ ခံစားချက်က ကျွန်မကို ပျော်ရွှင်ကျေနပ်မှုအများကြီးပေးတယ်၊

🌳သက်သတ်လွတ်အစားအစာတွေက်ုစားရတာ၊ ခရီးသွားပြီး သက်သတ်လွတ် စီးပွါးရေးတွေကို ရှာဖွေအားပေးရတာကျွန်မကို အရမ်းကျေနပ်စေတယ်၊

🌳လမ်းမှာကားမောင်းသွားတိုင်း လမ်းဘေးခွေးတွေကြောင်တွေကို ရပ်ပြီး အစားကျွေးဖို့ အချိန်ရှိတာ၊ ငွေသုံးရတဲ့ feeling က 10/10

🌳လမ်းဘေးကြောင်လေးတွေတွေ့တိုင်းယဉ်အောင်လုပ်ပြီး spay and neuter လုပ်ပေးရတာ၊ တိဆေးခန်းမှာရောက်နေရင် အေးအေးဆေးဆေးတန်းစီရတာ၊ meeting တွေကို လောပြီးပြန်သွားဖို့မလိုတာ၊

ဒီလိူမျိုး အချိန်တွေတဖြည်းဖြည်းများလာလေလေ နေ့စဉ်ဘဝ က quality ကောင်းလာလေလေပါ၊ privilege တွေ luck တွေကလည်းဒီလိုမျိုး ဘဝကို ရဖို့ အတွက်ကျွန်မကို အထောက်အကူပြုပေးပါတယ်၊ ကိုယ်တိူင်ကလည်း intentional ဖြစ်ရပါတယ်၊

သင့်ကော ဘယ်လိုမျိုး ဘဝမျိုးကို တန်ဖိုးထားလဲ၊

04/03/2026

ခရီးခဏခဏသွားရလို့ သက်သတ်လွတ်စားတဲ့ အခါ တို့ဖူးကို ပရိုတင်းဓာတ်အနေနဲ့စားတယ်၊ တို့ဖူးမရှိရင် edamame ပဲစိမ်းလေးတွေကို စားလို့ရပါတယ်၊
Edamame ကလည်း ပရိုတင်းများတဲ့ အစားအစာတခုပါ၊

✈️LAX လေဆိပ်က lounge မှာ စားခဲ့တဲ့ ramen အရမ်းကောင်းတယ်၊ edamame ထည့်စားတယ်၊ kimchi လဲပါတယ်၊ soup base ကလည်း vegetarian soup ရွေးစရာရှိတယ်၊

ပြီးတော့ banana smoothie ကို oat milk နဲ့ သောက်ခဲ့တယ် 😋

📚Lounge တွေက vegan friendly ဖြစ်တာရှိသလို မဖြစ်တာလဲရှိတယ်၊ ဒီ lounge က Star alliance lounge။ vegan option တွေရှိပေမယ့် အရမ်းမများဘူး၊

📚အလုပ်တွေတန်းစီလုပ်ပြီးသွားလို့ ပင်ပန်းပေမယ့် ကျေနပ်တဲ့ အချိန်၊

🧢ကျွန်မရဲ့ ဦးထုပ်က Stella McCartney ကပါ၊ သားရေတွေမသုံးတဲ့ designer မို့လို့ ကျွန်မ ဒီ brand ကို ပဲ ဝယ်ပါတယ်၊ သူ့စီက ဝယ်တဲ့ အ်တ်တစ်ခုအကြောင်းလဲရေးခဲ့ပါသေးတယ်

👜Designer brand တွေမှာ တိရိစ္ဆာန်သားရေနဲ့ လုပ်ထားတာကို ရှောင်ခဲ့တာကြာပြီ၊ မိချောင်းသားရေ၊ နွားသားရေ၊ တိရိစ္ဆာန်အမွှေး fur တွေက luxury ဖြစ်တယ်လို့ market လုပ်တဲ့ brand တွေကို အားမပေးတော့ဘူး၊

🥼Uniqlo မှာ ပုံမှန် အနွေးထည်ဝယ်ရင်တောင် Down လိုမျိုး အမွှေးနဲ့ လုပ်ပြီး အနွေးဓာတ်ပေးတဲ့ အနွေးထည်ကို ရှောင်တယ်၊

အခုလိုမျိုး အကုန်ရောနေတဲ့ ကမ္ဘာကြီးမှာ 100% ရှောင်ရတာ ခက်ခဲတဲ့ အခါရှ်ပါတယ်၊ ဒါပေမယ့် အခုလိုမျိုး သားရေတွေ fur တွေ၊ down feather တွေကို ရှောင်လို့ရပါတယ်၊ ရွေးချယ်မှုတွေအများကြီးရှိပါတယ်၊

📍LAX 🇺🇸

04/02/2026

ကျွန်မရဲ့ start up ကို တည်ဆောက်ရတဲ့ အတွေ့အကြုံ 📚

📚ကျွန်မက fermentation လုပ်ပြီး ပရိုတင်းဓာတ်များတဲ့ အာဟာရကြွယ်ဝတဲ့ အစားအစားက်ု ထုတ်လုပ်တာပါ၊

📚မြန်မာပြည်မှာကတည်းက retail လုပ်ငန်းကို တည်ထောင်ပြီး ၁၀ နှစ်ကျော် run တဲ့ စီးပွါးရေးအတွေ့အကြုံရှိပါတယ်၊ 2015 လောက်ထဲကဆိုတော့ ခေတ်ကောင်းတဲ့ အချိန်တွေ အများကြီးကျော်ဖြတ်ခဲ့ရတယ်၊ Finance ဖက်မှာ full time လုပ်နေရင်း ကိုယ်ပိုင်လုပ်ငန်းကို တဖြည်းဖြည်းတည်ဆောက်ခဲ့ပြီး နောက်ပိုင်းကိုယ်ပိုင်လုပ်ငန်းမှာပဲ full time ဆကိလုပ်တာပါ၊

📚အခု start up ကတော့ research expertise လိုတယ်၊ သိပ္ပံပညာရပ်ပိုလိုပါတယ်၊ ဒါကြောင့် researchers တွေ professor တွေကို လိုက်ရှာပြီးစကားပြောရပါတယ်၊
နောက်တခုက undergraduate ကျောင်းသားတွေကိုတွေ့ပြီး intern လုပ်ဖို့ recruit လုပ်ပါတယ်၊
Precision fermentation အကြောင်းကိုလေ့လာနေတဲ့ ကျောင်းသားတွေကြား ကိုရောက်သွားတာက သူတို့အတွက်ကော ကျွန်မ အတွက်ကော အကျိုးရှိပါတယ်၊

📚Undergrad ဖြစ်နေတုန်းအချိန်ကလည်း internship အသည်းအသန်ရှာခဲ့တဲ့ အတွေ့အကြုံကို ကိုယ်တိူင်မှတ်မိပါတယ်၊ ဒါကြောင့်လည်း ဒီ ကျောင်းသားအုပ်စုထဲကနေ intern တစ်ယောက်ကို ငှါးပြီး အလုပ်အတူတူလုပ်လို့ရခဲ့ပါတယ်၊ connection တွေလည်းရခဲ့တယ်၊

ဒီလိုမျိုး ကျောင်းသားတွေနဲ့ စကားပြောချင်တယ်၊ သက်သတ်လွတ် လုပ်ငန်း လုပ်ပြီး အသားအစားထိုးကုပ္ပဏီတည်ထောင်တိုးချဲ့ချင်တဲ့ မြန်မာလုပ်ငန်းရှင်တွေရှိရင်လည်း ကိုယ်က ဘာ expertise ကို လိုလည်းဆိုတာကိုရေးပေးရင် ကျွန်မ သိတဲ့ ကျောင်းသားတချို့ researcher တချို့နဲ့ အခမဲ့ချိတ်ဆက်ပေးပါမယ်၊

ကျွန်မရဲ့ ရည်မှန်းချက်က animal agriculture ကို ထောက်ပံ့ဖို့မလိုတော့မယ့် အချိန်ကိုမြန်မြန်ရောက်စေချင်တာပါ၊

03/31/2026

သက်သတ်လွတ်စားသူဖြစ်ပြီး အိမ်က ခွေးလေးတွေ ကြောင်လေးတွေကို အသားကျွေးရတာ အတွက် အဖြေရှာနေလား၊

📚လူက သက်သတ်လွတ်စားရတာ ထင်တာထက်ပိုလွယ်ပါတယ်။ အကျင့်ဖြစ်သွားရင် အာဟာရမျှတအောင်စားလို့ရတယ်၊ ရွေးချယ်မှုတွေရှိတယ်

📚ကိုယ့်အိမ်က ကြောင်လေးခွေးလေးတွေကို အစာကျွေးဖို့ကမှ ခက်တာ၊ ကျွန်မဆိုရင်လည်း အိမ်ကကြောင်တွေက်ု သက်သက်လွတ်ကျွေးရတာ US မှာ တချို့ brand တွေရှိတော့ ပိုလွယ်တယ်၊ မြန်မာပြည်မှာတော့ ရှိကိုမရှိသေးတာ၊

📚သူတို့က အခုထိ တိရိစ္ဆာန်မွေးမြူသတ်ဖြတ်ပြေီး အသားထူတ်တဲ့ လုပ်ငန်းပေါ်မှာပဲ မှီခိုနေရတုန်း။

📚ဒါကြောင့်ပဲ အိမ်မွေးတိရစ္ဆာန်တွေအတွက် "ဓာတ်ခွဲခန်းထုတ် အသား" (Cultivated meat) နည်းပညာ တိုးတက်လာတာက တကယ်ကို စိတ်လှုပ်ရှားဖို့ကောင်းတာပါ။

🇬🇧 Meatly (UK) ဆိုရင် ၂၀၂၅ ဖေဖော်ဝါရီမှာ သမိုင်းမှတ်တိုင် စိုက်ထူခဲ့တယ်။ အိမ်မွေးတိရစ္ဆာန်တွေအတွက် ဓာတ်ခွဲခန်းထုတ်အသားကို ကမ္ဘာမှာ ပထမဆုံး စတင်ရောင်းချတဲ့ ကုမ္ပဏီ ဖြစ်လာခဲ့တာပါ။ လန်ဒန်က Pets at Home ဆိုင်တွေမှာ တင်ရောင်းခဲ့ပါတယ်။ သူတို့ရဲ့ Bioreactor တီထွင်မှုကြောင့် ထုတ်လုပ်မှုစရိတ်ကို အများကြီး လျှော့ချနိုင်ခဲ့ပြီး အနာဂတ်မှာ သာမန်အသားဈေးနှုန်းအတိုင်း ရောင်းနိုင်ဖို့အထိ ရည်မှန်းထားကြပါတယ်။

🇦🇺 Rogue Pet (Australia) ကတော့ Melbourne မြို့က Magic Valley ဆိုတဲ့ start up ကTraining Bites" ဆိုတဲ့ မုန့်လေးတွေ ထုတ်လိုက်ပါတယ်။ ဒါက ဓာတ်ခွဲခန်းထုတ် ဝက်သားကိုမှ အုတ်ဂျုံ၊ ပန်းသီး၊ အာလူးချိုနဲ့ ဘီယာအနှစ် (Brewer's yeast) တို့နဲ့ ရောစပ်ထားတဲ့ Hybrid မုန့်လေးတွေပါ။ ပထမဆုံးအသုတ်ရောင်းတာ တစ်ပတ်အတွင်း အကုန်ပြတ်သွားတယ်ဆိုတော့ ဈေးကွက်ဝယ်လိုအားက တကယ့်ကို အားကောင်းနေတာပေါ့။

🇺🇸 🇸🇬 Friends & Family (Oakland, CA) ကလည်း ထူးထူးခြားခြားတွေ လုပ်နေပါတယ်။ သူတို့က Novel Farms နဲ့ပေါင်းပြီး ခွေးနဲ့ကြောင်တွေအတွက် ဓာတ်ခွဲခန်းထုတ်အသားတွေ ထုတ်ဖို့ ပြင်နေသလို၊ စင်ကာပူက Umami Bioworks နဲ့ပေါင်းပြီး ရေမှော် (Microalgae) ဓာတ်ကြွယ်ဝတဲ့ ဓာတ်ခွဲခန်းထုတ် ပင်လယ်စာမုန့်တွေကို ကြောင်လေးတွေအတွက် ဖန်တီးနေပါတယ်။ သူတို့က Gen Z နဲ့ Millennial တိရစ္ဆာန်ချစ်သူတွေအတွက် cultivated meat အသားအစစ်တွေကို အဓိကထားပြီး လုပ်ဆောင်နေတာပါ။

📚ဒါ့အပြင် အသစ် start up တွေက်ုလည်း တွေ့ရပါတယ်၊ တကယ့် ပြသနာကြီး တခုကို ဖြေရှင်းပေးနေတဲ့ လုပ်ငန်းတွေလို့ထင်ပါတယ်၊

📚ကျွန်မ University of Cambridge မှာတုန်းက တိရိစ္ဆာန်ဆရာဝန်တစ်ယောက်ရဲ့ speech ကိုနားထောင်ရတယ်။ သူပြောတာက ခွေးတွေကြောင်တွေကို အသားစာသတ္တဝါလို့ သတ်မှတ်ထားတာက မှန်ပါတယ်လိူ့ပြောတယ်၊ ဒါပေမယ့် သူတို့က လူတွေနဲ့အတူတူနေပြီး လူတွေနဲ့ အတူ evolve ဖြစ်ကြတယ်၊ လူရဲ့ diet နဲ့ အတူ သူတို့ရဲ့ diet ကလည်း evolve ဖြစိလာကြတယ်။ ဒါကြောင့် အာဟာရတွေရနေသရွေ့ အသားစားဖို့ မလိုဘူးလို့ပြောပါတယ်

📚F1 Champion Lewis Hamilton က သူလည်း vegan ဖြစ်သလို သူ့ခွေးလေးကလည်း vegan.

📚နောက်လုပ်ငန်းရှင် Paul Shapiro ကလည်း vegan ဖြစ်သလိူ သူ့ခွေးကလည်း vegan
📚vegan diet စားပြီး ကျန်းမာပျော်ရွှင်နေတဲ့ ခွေးတွေကြောင်တွေအများကြီးရှိပါတယ်၊

📚ကိုယ့်အတွက် ရွေးချယ်စရာတွေ အများကြီးရှိပေမဲ့ ကိုယ့် pets လေးတွေအတွက်ကျတော့ အသားတွေကျွေးနေရတာက တမျိုးဖြစ်နေတယ်၊ ဓာတ်ခွဲခန်းထုတ်အသား cultivated meat တွေကတော့ အကောင်လေးတွေကို ဘာမှလျှော့စားစရာမလိုဘဲ သတ်ဖြတ်မှုမရှိတဲ့ နည်းလမ်းကို ရွေးချယ်ပေးလိုက်တာပါပဲ။

📚ဒါက တကယ့်ကို မှန်ကန်တဲ့ လမ်းပြောင်းလဲမှုတစ်ခုလို့ ခံစားရပါတယ်။

📚ဒီပို့စ်က cultivated meat ကိုသုံးပြီး pet food ထုတ်တဲ့ လုပ်ငန်းအကြောင်းကို အဓိကပြောထားတာပါ၊

📚Plant-based အပင်အခြေခံတဲ့ သက်သတ်လွတ် pet food လုပ်ငန်း အောင်မြင်နေတာတွေလည်းရှိပါတယ်၊ နောက်ပို့စ်တခုမှာ ရေးပေးပါမယ်၊

03/30/2026

👏မြန်မာပြည်မှာ သက်သတ်လွတ်လုပ်ငန်းလုပ်တာဖြစ်ဖြစ်၊ တိရိစ္ဆာန်မွေးမြူပြီး အသားထုတ်လုပ်တဲ့လုပ်ငန်းကိုနည်းအောင် တနေရာကနေ လုပ်ဆောင်နေတဲ့ သူတွေ အတွက် အခွင့်အရေးတခု ✈️📚🇩🇪

🌱 အစားအသောက်ထုတ်လုပ်မှုစနစ်ကို ပြောင်းလဲပစ်ချင်တဲ့ လုပ်ငန်းတည်ထောင်သူ များ၊ social media content creator များအတွက် Germany မှာ ၄ လကျော်နေပြီး အခမဲ့သင်ယူခွင့်ရမယ့်အခွင့်အလမ်းတခု။ လုပ်ငန်းကိုလည်း ချဲ့လာန်ုင်အောင် ငွေအရင်းအနှီးကော ပညာပါ အထောက်အပံ့ရမယ့် အခွင့်အရေးပါ၊

✅အပင်အခြေပြု (plant-forward) အနာဂတ်အတွက် တစ်ခုခု ဖန်တီးနေတယ်ဆိုရင်
✅ဘယ်န်ုင်ငံကဖြစ်ဖြစ်လျှောက်လို့ရတယ်။
✅Germany မှာ ငွေလဲအရင်းအနှီး (seed funding) ထောက်ပံံ့ပေးမယ်
✅ဉာဏ်အင်အားနဲ့လဲ ပညာရှင်တွေကအကူအညီပေးမယ်၊
✅ Germany က ဘာလင် (Berlin) မြို့မှာ ပြုလုပ်မယ့် လူကိုယ်တိုင်တက်ရောက်ရမယ့် သင်တန်းတွေအတွက် ခရီးစရိတ်နဲ့ တည်းခိုစရိတ်တွေကို အခမဲ့ စီစဉ်ပေးသွားမှာဖြစ်တယ်၊
✅ 💸 ဒါ့အပြင် အပိုဆောင်း ထောက်ပံ့ကြေး (stipends) တွေလည်း ရနိုင်ပါသေးတယ်။

📅 လျှောက်လွှာပိတ်ရက်: ၂၀၂၆ ခုနှစ်၊ မေလ ၃၁ ရက်။

Kickstarting For Good (K4G) က
K4G ဆိုတာကတော့ ကမ္ဘာကြီးရဲ့ စားသောက်မှုပုံစံကို တကယ်ကြီး ပြောင်းလဲပစ်ဖို့ အားခဲထားတဲ့ လုပ်ငန်းရှင်သစ်တွေနဲ့ အဖွဲ့အစည်းတွေအတွက် ၁၈ ပတ်ကြာ အရှိန်မြှင့်တင်ပေးမယ့် (incubation) အစီအစဉ် တစ်ခုပါ။ သင့်ရဲ့ idea တွေကို လက်တွေ့စမ်းသပ်တာ၊ ယူဆချက်တွေကို အတည်ပြုတာနဲ့ တကယ်တမ်း နယ်ပယ်ချဲ့ထွင်လို့ရမယ့် လုပ်ငန်းတစ်ခုအဖြစ် အောင်မြင်အောင် စတင်ပေးမှာ ဖြစ်ပါတယ်။
ဒါတင်မကသေးဘူးနော်... ကမ္ဘာလုံးဆိုင်ရာ အစားအသောက်လှုပ်ရှားမှုမှာ ဦးဆောင်နေသူတွေ၊ တည်ထောင်သူတွေနဲ့ ရှေ့ဆောင်လမ်းပြ Mentor ပေါင်း ၄၀ ကျော်ကလည်း ဝိုင်းဝန်း ကူညီပေးသွားဦးမှာပါ။
💰 အစီအစဉ်ပြီးဆုံးတဲ့ Graduates တွေအတွက် စုစုပေါင်း အစပျိုးရန်ပုံငွေ (seed funding) ဒေါ်လာ ၃၅၀,၀၀၀ ($350,000) အထိ ပံ့ပိုးပေးဖို့ ရှိပါတယ်။

✈️ ဘာလင် (Berlin) မြို့မှာ ပြုလုပ်မယ့် လူကိုယ်တိုင်တက်ရောက်ရမယ့် သင်တန်းတွေအတွက် ခရီးစရိတ်နဲ့ တည်းခိုစရိတ်တွေကို အခမဲ့ စီစဉ်ပေးသွားမှာပါ။

💸 ဒါ့အပြင် အပိုဆောင်း ထောက်ပံ့ကြေး (stipends) တွေလည်း ရနိုင်ပါသေးတယ်။

မနှစ်က Batch က အရွေးခံရတဲ့ ၁၅ ဦးက ဘာတွေ ဖန်တီးခဲ့ကြလဲဆိုတာ ကြည့်လိုက်ပါဦး 👇

🎬 Who Let The Docs Out — အစားအသောက်စနစ်နဲ့ ပတ်သက်တဲ့ မှတ်တမ်းတင်ရုပ်ရှင်တွေကို လူအများကြား ရောက်ရှိအောင် လုပ်ဆောင်ပေးတာ၊ တိရိစ္ဆာန်မွေးမြူရေးစနစ်ကြီးက လူမမြင်ရတဲ့နေရာမှာ တိရိစ္ဆာန်တွေက်ု ဘယ်လို မျိုး သက်မဲ့ ကုန်ပစ္စည်းလိုမျိုးဆက်ဆံလဲဆိုတာ ဖော်ထုတ်ပေးတယ်၊

🏫 Plant-Based Universities — တက္ကသိုလ်အဖွဲ့အစည်းတွေကို အပင်အခြေပြုအစားအသောက်တွေဆီ ပြောင်းလဲဖို့နဲ့ နောက်မျိုးဆက်သစ်တွေကို လေ့ကျင့်ပေးတာ

⚖️ Food Forward Europe — EU ရဲ့ ထောက်ပံ့ကြေးတွေကို ရေရှည်တည်တံ့တဲ့ အစားအသောက်တွေဆီ ဦးတည်လာအောင် ဥပဒေကြောင်းအရ တိုက်တွန်းတာ

💊 Food Is Medicine Hub — ပြည်သူ့ကျန်းမာရေး ရလဒ်ကောင်းတွေအတွက် လက်တွေ့ကျတဲ့ ငွေကြေးတန်ဖိုး သတ်မှတ်ပေးတာ

🌏 21 Hari Vegan — အင်ဒိုနီးရှား ယဉ်ကျေးမှုနဲ့ ကိုက်ညီအောင် ဖန်တီးထားတဲ့ WhatsApp ကနေတစ်ဆင့် သက်သတ်လွတ်စားဖို့ စိန်ခေါ်တဲ့ အစီအစဉ်
ဒါဟာ ရဲရင့်တဲ့ idea တွေကို မှန်ကန်တဲ့ ပံ့ပိုးမှုတွေ ပေးလိုက်တဲ့အခါ ထွက်လာတဲ့ ရလဒ်တွေပါပဲ။

☮️Jains for Ahimsa in Philanthropy (JAAP) — Jain လူမျိုးတွေရဲ့ စီးပွားရေးလွှမ်းမိုးမှုကို အသုံးချပြီး ၂၀၃၀ အရောက် plant-based movement အတွက် နှစ်စဉ်ရန်ပုံငွေကို နှစ်ဆတိုးအောင် ကြိုးစားတယ်။

👶Children’s Nutrition Council — ဝင်ငွေနည်းတဲ့နိုင်ငံတွေမှာ ကလေးတွေအတွက် plant-based diet ဆိုင်ရာ သုတေသနနဲ့ WHO လမ်းညွှန်ချက်တွေကို ဖြည့်စွက်တဲ့ systematic review တွေ ထုတ်ပေးတယ်။

🎥 Fauna Films — Global South မှာရှိတဲ့ လူတွေအတွက် သူတို့ယဉ်ကျေးမှုနဲ့ ကိုက်ညီတဲ့ food system documentary တွေကို local co-director တွေနဲ့ပူးပေါင်းပြီး ရိုက်ကူးတယ်။

🌿Food System Stewards — nonprofit တွေကို ရန်ပုံငွေအသစ်တွေ ရှာဖွေနည်းနဲ့ one-to-one consulting ပေးတဲ့ movement ထဲက ပထမဆုံး fundraising support hub။

🍴 Hack the Fork — တက္ကသိုလ်တွေမှာ food system hackathon နဲ့ workshop တွေ ကျင်းပပြီး၊ တော်တဲ့ကျောင်းသားတွေကို plant-based innovation မှာ ရင်းနှီးမြှုပ်နှံနေတဲ့ ကုမ္ပဏီတွေနဲ့ ချိတ်ဆက်ပေးတယ်။

🌿Vegan Creator Con — vegan content creator တွေအတွက် infrastructure နဲ့ community တည်ဆောက်ပြီး LA မှာ flagship conference ကြီးတစ်ခု ကျင်းပတယ်။

🎥The Digital Movement — consulting နဲ့ collaborative network ကတဆင့် အဖွဲ့အစည်းတွေရဲ့ social media impact ကို scale တင်ဖို့ ကူညီတယ်။

🌿Agora — နိုင်ငံအလိုက် movement တွေကို သူတို့ကိုယ်ပိုင်ဘာသာစကားနဲ့ context နဲ့ local leadership retreat နဲ့ conference တွေ ကျင်းပနိုင်အောင် ထောက်ပံ့တယ်။

🐷🐹Lawyers For Animals — တိရစ္ဆာန်တွေကို ဥပဒေအောက်မှာ အကာအကွယ်ပေးဖို့ ကြိုးစားတဲ့ lawyer တွေရဲ့ community တစ်ခု။

🌿Vegan Hospitality — hospitality နဲ့ tourism လုပ်ငန်းတွေကို plant-based menu တွေနဲ့ guest experience တွေဆီ ပြောင်းလဲသွားအောင် လုပ်ဆောင်တယ်။

03/26/2026

ခရီးသွားရင် သက်သတ်လွတ် အလွယ်တကူဘယ်လို စားလို့ရလဲ၊
New York City ကို ၁ ညအ်ပ် ခရီးသွားလိုက်ရတယ်၊

📚Uber Eats ကနေ မှာရင်းမှာရင်းနဲ့ ၂-၃ ယောက်စာလောက် မာလာရှမ်းကောကို မှာမိသွားတယ်၊ သက်သတ်လွတ်တွေပဲ၊ ပဲပြားကော ပဲပြားလိပ်တွေပါတွေ့ရမယ်၊ ကျွန်မရဲ့ ပရိုတင်း intake ကို တို့ဖူးတွေကနေ အများဆုံးယူဖြစ်ပါတယ်၊
လုပ်ရမှာတွေ တန်းစီနေလို့ အလုပ်ကြောင့် မဖြစ်မနေအပြင်ထွက်ရမယ့်အချိန်ကလွဲလို့ ကျန်တဲ့ အချိန်မှာ ဟိုတယ်မှာပဲ မှာစား၊ ဟိုတယ်မှာပဲ နေဖြစိတယ်။

📚Protein bar တွေက နေ့တိုင်း မစားဖြစ်ဘူး၊ ဒီလို မျိုး အလုပ်များတဲ့ အချိန်ကျရင်တော့ တခုခုစားစရာရှိအောင်ဝယိထားတယ်။ Kind တံစိပ်က vegan လို့ထင်ထားတာ၊ ဝယ်ပြီးမှ ပါဝင်ပစ္စည်းကြည့်လိုက်တော့ dairy နွားနို့ထွက်ပစ္စည်းပါတာရှိတယ်၊ 🥹
နောက်တခါ အမြဲစစ်ရမယ်၊ အလွယ်ဆုံးကတော့ ingredients ကိူပုံရိုက်ပြီး ChatGPT ကိူမေးတယ်၊
အလှကုန် တွေ body lotion တို့ဝယ်ရင်လည်း ChatGPT ကိုအကုန်မေးလိုက် ရင် ချက်ချင်း အဖြေသိတယ်

နေခဲ့တာက DoubleTree by Hilton New York Times Square West
မှာပါ၊

03/24/2026

နွားန်ု့ထွက်ပစ္စည်းတွေရောင်းတဲ့ global company ကြီးတခုဖြစ်တဲ့ Danone က vegan company တခုကို ဒေါ်လာ US$ 1 billion ဝန်းကျင်စျေးပေးပြီးဝယ်လိုက်ပါတယ် 🌿

📚UK မှာ ကျွန်မ အမြဲ သောက်နေကျဖြစ်တဲ့ သွေးလွတ်သားလွတ် meal replacement drink လုပ်ငန်း Huel က ဆယိစုနှစ်တခုအတွင်းမှာ ရောင်းအားက £ 250 million ထိ အရမ်းများလာခဲ့ပါတယ်၊ သောက်လို့လဲကောင်းတယ်၊ တည်ထောင်တဲ့ သူတွေထဲမှာလည်း nutritionist တွေပါတယ်၊ တည်ထောင်တဲ့သူတွေကိုကြညိ့လိုက်ရင် အရမ်း Fit ဖြစ်ပြီး bodybuilder တွေပါပါတယ်၊

📚ဒီလို vegan လုပ်ငန်းရဲ့ ရှေ့လျှောက်အလားအလာတွေကို တွေ့လို့ပဲ Danone က ဒီလုပ်ငန်းကို ဝယ်လိုက်တာဖြစ်ပါတယ်၊

📚Huel က UK မှာ အလွယ်တကူဝယ်လို့ရပါတယ်၊ US နဲ့ Europe မှာလည်းဝယ်လို့ရပါတယ်၊

📚ဒီလို vegan products တွေ အောင်မြင်တာမြင်ရတာက animal agriculture ပျောက်ကွယ်သွားမယ့် အနာဂတ်ကိုတွေ့လိုက်ရသလိုပါပဲ၊

03/22/2026

Simple breakfast

Avocado toast and soy milk ✨

မနက်ခင်းမှာ ဘယ်ကိုမှ သွားဖို့မလိုပဲ၊ အိမ်မှာရှိတာကို အချိန်တိုအတွင်းမှာ ရိုးရိုးရှင်းရှင်းစားလို့ရတဲ့ မနက်စာ၊
✅Avocado for healthy fats
✅ Soymilk for proteins

Unbusy Living

04/11/2026

04/07/2026

04/06/2026

04/05/2026

04/04/2026

04/03/2026

04/02/2026

03/31/2026

03/30/2026

03/26/2026

03/24/2026

03/22/2026

Address

Website

Alerts

Shortcuts

Share

Category