https://www.facebook.com/109204688647188/

DR Mardy, 9935 Discovery Boulevard, Manassas, VA 20109, Manassas Park, VA (2025)

05/17/2025

#រដូវគ្រុនឈាមមកដល់ហើយ តោះស្វែងយល់អំពី Test ,Ns1 និង IgG,igM ទាំងអស់គ្នា
តើេសត្តDengue NS1 , Dengue IgG , Dengue IgM ដូចគ្នារឺខុសគ្នាចូលពន្យល់?

👨🏻‍⚕️👨🏻‍⚕️សេត្តDengue NS1 , Dengue IgG , Dengue IgM មាចំនុចហើយក៏មានខុសគ្នាដែរ:

💉ដូចគ្នាត្រង់តេស្តនេះពិនិត្យរកជំងឺគ្រុនឈាមដូចគ្នា។
💉ខុសគ្នាវិញគឺ:
👨🏻‍⚕️Dengue NS1:ជាតេស្តដែលរកមេរោគគ្រុនឈាមក្នុយដំណាក់កាលដំបូង ដែលមេរោគគ្រុនឈាមឆ្លងចូលក្នុងខ្លួនមនុស្ស ថ្ងៃទី1ដល់ថ្ងៃទី3បន្ទាប់ពចេញរោគសញ្ញា។

👩🏻‍⚕️Dengue IgM:ជាតេស្តរកមេរោគគ្រុនឈាមដំណាក់កាលបន្ទាប់។ តេស្តនេះអាចវិជ្ជមានបន្ទាប់ពីមានមេរោគគ្រុនឈាមឆ្លងចូងក្នុងខ្លួនមនុស្សប្រហែលថ្ងៃទី3រហូតដល់ថ្ងៃទី10ក្រោយចេញរោគសញ្ញា។

👨🏻‍⚕️👩🏻‍⚕️Dengue IgG:តេស្តនេះវិជ្ជមាន(+)មានន័យគ្រុនឈាមដែរតែត្រូវពឹងលើ Platelet ធ្លាក់ចុះពីតំលៃធម្មតាដែរ ទើបនិយាយថា គាត់កំពុង គ្រុនឈាមបាន។ ប៉ុន្តែបើ Dengue IgG (+) ហើយ Platelet មិនធ្លាក់ចុះទេ មានន័យថា អ្នកជំងឺ នឹងកើតគ្រុនឈាម តែលូវ គាត់ជាហើយ តែនៅសល់កំទេច antibody មិនទាន់រលុបបាត់។
ហើយDengue IgG អាចរលុបបាត់ទៅវិញប្រហែល2ខែយ៉ាងយូ6ខែ។
By:Dr.Vannak

05/13/2025

អាយុនៃការចាក់វ៉ាក់សាំងកូននិងឈ្មោះវ៉ាក់សាំង

-ទើបនឹងកើត(របេង+រលាកថ្លើមបេ)

-1ខែកន្លះ
(គ្រុនស្វិតដៃជើង+ខាន់ស្លាក់+តេតាណូស
+ក្អកមាន់+រលាកថ្លើមបេ+រលាកសួតដោយមេរោគHib +រលាកសួត+រលាកស្រោមខួរក្បាល)

-2ខែកន្លះ
(គ្រុនស្វិតដៃជើង+ខាន់ស្លាក់+តេតាណូស
+ក្អកមាន់+រលាកថ្លើមបេ+រលាកសួតដោយមេរោគHib+រលាកសួត+រលាកស្រោមខួរក្បាល)

-3ខែកន្លះ
(គ្រុនស្វិតដៃជើង+ខាន់ស្លាក់+តេតាណូស
+ក្អកមាន់+រលាកថ្លើមបេ+រលាកសួតដោយមេរោគHib +រលាកសួត+រលាកស្រោមខួរក្បាល)

-6ខែ(កញ្ជ្រិល+ស្អូច)
-9ខែ (កញ្ជ្រិល+ស្អូច+រលាកខួរក្បាល)
-18ខែ (កញ្ជ្រិល+ស្អូច)

#វ៉ាក់សាំងថ្នាក់ជាតិ
អត្ថបទ: ព្រែង រតនា

05/12/2025

🧑‍🍼ជំងឺកញ្ជ្រិល ស្រឡទែន ស្អូច និងអ៊ុតស្វាយ...
សំណួរដែលតែងតែទទួលបានពីអាណាព្យាបាលអ្នកជំងឺ៖

១. តើជំងឺនេះចម្លងតាមណាលោកគ្រូ?
-កញ្ជ្រិល (Measles) ចម្លងតាមតំណក់ទឹកតូចៗ និងតាមខ្យល់
-ស្រឡទែន (Mumps) ចម្លងតាមតំណក់ទឹកតូចៗ
-ស្អូច (Rubella) ចម្លងតាមតំណក់ទឹកតូចៗ
-អុតស្វាយ (Varicella or Chickenpox) ចម្លងតាមតំណក់ទឹកតូចៗ, តាមខ្យល់ និងតាមការប៉ះពាល់ផ្ទាល់

២. លោកគ្រូតើអាអូនត្រូវដាក់ខ្លួនដោយឡែក ឬផ្អាកទៅសាលាប៉ុន្មានថ្ងៃ?
-កញ្ជ្រិល (Measles) 4ថ្ងៃ ក្រោយចេញកន្ទួលក្រហម
-ស្រឡទែន (Mumps) 5ថ្ងៃ ក្រោយចេញការរលាកក្រពេញទឹកម៉ាត់ប៉ារូទីត (Parotitis) អាចសំគាល់បានដោយមានក្រហម និងហើមនៅខាងមុខនិងក្រោមគុម្ពត្រចៀក
-ស្អូច (Rubella) 5-7ថ្ងៃ ក្រោយចេញកន្ទួលក្រហម
-អុតស្វាយ (Varicella or Chickenpox) 1-2ថ្ងៃ មុនចេញកន្ទួលក្រហម រហូតដល់កន្ទួលឡើងជាក្រមរ

៣. រយៈពេលសង្ងំរបស់ជំងឺមុននឹងចេះសញ្ញាដំបូង (Incubation Period)៖
-កញ្ជ្រិល (Measles) 10-12ថ្ងៃ
-ស្រឡទែន (Mumps) 16-18ថ្ងៃ
-ស្អូច (Rubella) 16-18ថ្ងៃ
-អុតស្វាយ (Varicella or Chickenpox) 14-16ថ្ងៃ

*ចំណាំ៖ ជំងឺទាំង៤ដែលបានរៀបរាប់ខាងលើសុទ្ធតែអាចបង្ការបានដោយវ៉ាក់សាំង
ប្រភព: វេជ្ជបណ្ឌិតឯកទេសកុមារ ខូវ សុគុជ្ជរ៉ា

05/07/2025

ជំងឺរលាកថ្លើមប្រភេទ B លើស្ត្រីមានផ្ទៃពោះ

- តើអ្វីជាជំងឺរលាកថ្លើមប្រភេទ B?
ជំងឺរលាកថ្លើមប្រភេទ B គឺជាជំងឺថ្លើមដែលបណ្តាលមកពីវីរុស។ មនុស្សភាគច្រើនដែលកើត ជំងឺរលាកថ្លើមប្រភេទ B គឺ វីរុសនោះស្ថិតនៅក្នុងខ្លួនអ្នកជំងឺ ដែលបណ្តាលអោយមនុស្សនោះឈឺអស់មួយជីវិត។

ជំងឺរលាកថ្លើមប្រភេទ B អាចបង្កអោយមានបញ្ហាសុខភាពធ្ងន់ធ្ងរបន្តិចម្តងៗ បូករួមទាំងការខូចថ្លើម ខ្សោយថ្លើម និងធ្វើអោយកើតមហារីកថ្លើម។ មនុស្សភាគច្រើនដែលមាន ជំងឺរលាកថ្លើមប្រភេទ B មិនមានចេញរោគសញ្ញាទេ ហើយក៏អាចមិនដឹងខ្លួនថា គាត់កើតជំងឺនេះដែរ តែពួកគេនៅតែអាចចម្លងទៅអ្នកដ៏ទៃបាន។ មនុស្សដែលមានផ្ទៃពោះ គួរតែធ្វើតេស្តរកជំងឺរលាកថ្លើមប្រភេទ B។

- ហេតុអ្វីបានជាអ្នកមានផ្ទៃពោះ ត្រូវធ្វើតេស្តជំងឺនេះ?
បើអ្នកមានផ្ទៃពោះ តេស្តជំងឺរលាកថ្លើមប្រភេទ B ចេញវិជ្ជមាន គេត្រូវការពារទារកនោះតាំងពីពេលកើត។ ចំពោះទារកដែលទទួលបានការការពារ នៅពេលកើតភ្លាម កម្រកើត ជំងឺរលាកថ្លើមប្រភេទ Bណាស់។ ផ្ទុយទៅវិញ នៅពេលទារកឆ្លងមេរោគរលាកថ្លើម B ពួកគេទំនងវិវត្តទៅជាមេរោគនោះពេញមួយជីវិត។

- តើត្រូវធ្វើបែបណា បើអ្នកកើតជំងឺរលាកថ្លើមប្រភេទ B ហើយមានផ្ទៃពោះនោះ?
អ្នកត្រូវពិភាក្សាបញ្ហានោះជាមួយនឹងគ្រូពេទ្យ ពីរបៀបគ្រប់គ្រងជំងឺរលាកថ្លើមប្រភេទ B របស់អ្នក ពីព្រោះគ្រូពេទ្យមានរបៀបព្យាបាល ដែលអាចកាត់បន្ថយហានិភ័យ ពីការចម្លងមេរោគរលាកថ្លើមប្រភេទ B ទៅកាន់ទារកនៅក្នុងផ្ទៃ។

- តើអ្នកអាចការពារទារកក្នុងផ្ទៃ មិនអោយឆ្លងជំងឺនេះដោយរបៀបណា?
បើអ្នកមិនដឹងថា តើក្នុងខ្លួនអ្នកមានមេរោគរលាកថ្លើមប្រភេទ B ឬទេនោះ ត្រូវស្នើសុំគ្រូពេទ្យ ដើម្បីធ្វើតេស្តឈាមរកមេរោគរលាកថ្លើមប្រភេទ B។

ក្នុងករណីលទ្ធផលតេស្តមេរោគរលាកថ្លើមប្រភេទ B អវិជ្ជមាននោះ អ្នកអាចសាកសួរគ្រូពេទ្យអំពីថ្នាំបង្ការ ជំងឺរលាកថ្លើមប្រភេទ B។

ក្នុងករណីលទ្ធផលតេស្តមេរោគរលាកថ្លើមប្រភេទ B វិជ្ជមាននោះ គ្រូពេទ្យត្រូវព្យាបាល និងតាមដានសុខភាពកូនរបស់អ្នក។ ចំពោះកូនរបស់អ្នកនឹងទទួលបាននូវការចាក់វ៉ាក់សាំង ដូសដំបូង និងចាក់ថ្នាំ អេមីនូក្លូប៊ុយលីន (HBIG) ប្រឆាំងនឹងមេរោគរលាកថ្លើមប្រភេទ B ក្រោយពេលកើត។ ហើយកូនរបស់អ្នកត្រូវបន្តចាក់ថ្នាំបង្ការជាបន្តបន្ទាប់ តាមគោលការណ៍ថ្នាក់ជាតិ និងអោយគ្រប់ចំនួនកំណត់។
បន្ទាប់មក ក្រោយកូនអ្នកទទួលបានថ្នាំបង្ការជំងឺនោះគ្រប់ចំនួនកំណត់ហើយ គ្រូពេទ្យនឹងបូមឈាមរបស់កូនអ្នក យកទៅពិនិត្យ ដើម្បីជាការបញ្ជាក់ថា កូនរបស់អ្នកមានដុះអង់ទីករ និងមិនឆ្លងមេរោគរលាកថ្លើមប្រភេទ B។ បើទោះបីជាអ្នកកើត ជំងឺរលាកថ្លើមប្រភេទ B ក៏ដោយ ក៏វាមិនមានការចំលងក្នុងការបំបៅដោះកូនដែរ។

ដូច្នេះបើលោកអ្នកកើតមាននូវរាល់រោគសញ្ញាដែលបានរៀបរាប់ខាងលើនេះសូមអញ្ជើញមកពិគ្រោះជាមួយវេជ្ជបណ្ឌិតឯកទេសក្រពះពោះវៀន ថ្លើម និងឫសដូងបាត ដើម្បីស្វែងរក ពិនិត្យ និងការព្យាបាលឲ្យបានត្រឹមត្រូវ និងមានប្រសិទ្ធភាពខ្ពស់។

#មន្ទីរពេទ្យកាល់ម៉ែត

05/06/2025

#ជំងឺ

05/04/2025

អ្វីទៅជាជំងឺតេតាណូស? Tétanos 🔴 🚫
==> #តេតាណូស (Tétanos) គឺជាជំងឺមួយកើតឡើងដោយសារជាតិពុលរបស់ Bactérie Clostridium tetani ទៅភ្ជាប់កោសិការប្រព័ន្ធប្រសាទ ហើយបណ្តាលអោយមានការកន្ត្រាក់សាច់ដុំ ចាប់ផ្តើមដំបូងនៅលើសាច់ដុំផ្ទៃមុខ សាច់ដុំក បណ្តាលអោយមានការឈឺចាប់ ពិបាកហារមាត់ ពិបាកលេបទឹកមាត់ និងចំណីអាហារ ដែលតែងតែចូលមកផ្នែកសង្រ្គោះបន្ទាន់នៃមន្ទីរពេទ្យកាល់ម៉ែតយើងជាញឹកញាប់។

ជំងឺតេតាណូសអាចកើតឡើងចំពោះមនុស្សយើងគ្រប់វ័យនិងទៅលើសត្វពាហនផងដែរ។ តែបើកើតលើកូនក្មេងទើបនឹងកើតយើងច្រើនហៅថាជំងឺស្កន់ជាន់។ ដោយសារមិនបានការចាក់ថ្នាំបង្ការ ឬចាក់មិនបានគ្រប់គ្រាន់(Vaccination incomplète) ឬមិនបានចាក់ រំលឹកឡើងវិញ(Absence de rappel) និងការខ្វះអនាម័យធ្វើអោយជំងឺតេតាណូសកើតមានឡើងជា ញឺកញ៉ាប់ហើយធ្ងន់ធ្ងរដែលបណ្តាលអោយអ្នកជំងឺស្លាប់។

១) ភ្នាក់ងារបង្ករោគ៖
មេរោគនៃជំងឺតេតាណូសឈ្មោះក្លូសទ្រីឌីយ្យូមតេតានី (Clostridium tetani ou Bacillus tetani ou Bacille de Nicolaïer) គឺជាបាក់ស៊ីក្រាំបូកមានចលនារស់នៅដោយមិនត្រូវការខ្យល់អុកស៊ីសែន។

មេរោគតេតាណូសរស់នៅក្នុងដី ក្នុងលាមកសត្វរស់នៅក្នុងប្រដាប់រំលាយអាហាររបស់ មនុស្ស និង សត្វពាហនដែលស៊ីស្មៅជាអាហារ។

មេរោគតេតាណូសមានទ្រង់ទ្រាយពីរ៖
- ទី១រូបរាងជាបាក់ស៊ី (forme végétative) ដែលយើងអាចសំលាប់ពួកវាបានដោយសារថ្នាំផ្សះ ដោយសារកំដៅ ដោយសារថ្នាំសំលាប់មេរោគជាពីសេសពពួកអាល់កាឡាំង។
- ទី២រូបរាងជាស្ព័រ (forme sporulée ) ដែលរស់នៅបានយូរឆ្នាំដែលធន់នឹងកំដៅ និងទឹកថ្នាំសំ លាប់ មេរោគ។
មេរោគតេតាណូសបញ្ចេញជាតិពុលពីរយ៉ាងទៅលើប្រព័ន្ធប្រសាទគឺ Tétanospasmine ធ្វើដំណើរតាមចរន្តឈាមនិងទឹករងៃរួចទៅភ្ជាប់និងកោសិកាប្រព័ន្ធប្រសាទរីឯTétanolysine ជួយសំរួល ការកើនឡើងនៃមេរោគតេតាណូស។

មេរោគនៃជំងឺតេតាណូសចូលមកក្នុងខ្លួនមនុស្សយើងតាមរយះរបួស ដំបៅ សត្វខាំ ។ទោះបីរ បួសនោះតិចតួចក្តី។

២) រយពេលបង្ករោគ ៖
ចាប់តាំងពីពេលមេរោគតេណូសចូលក្នុងខ្លួនយើងតាមរយមុខរបួសដោយប្រការណាមួយរហូត ដល់ចេញរោគសញ្ញាតេតាណូសមានរយពេលជាមធ្យមប្រហែលពី១០ថ្ងៃទៅ១៥ថ្ងៃ។តែរោគសញ្ញាអាចនឹងកើតឡើងពីរយពេលតិចជាង២៤ម៉ោងដល់២១ថ្ងៃ។កាលណារោគសញ្ញាកាន់តែឆាប់កើតឡើងជំងឺ តេតាណូស កាន់តែធ្ងន់ធ្ងរ។

៣) រោគសញ្ញានៃជំងឺតេតាណូសមាន៖
- ការកន្រ្ទាក់សាច់ដុំនៅលើផ្ទៃមុខធ្វើអោយ៖ ពិបាកហាមាត់((Trismus) មុខដូចស្វាសើច (rire sadonique) ពិបាកលេបទឹកមាត់ ឬចំណីអាហារនិងធ្វើអោយឈ្លក់(Dysphagie avec risque de fausse route)។
- ការកន្រ្ទាក់សាច់ដុំ និងសាច់ដុំខ្នងធ្វើអោយ៖ ក្បាលទាញមកក្រោយឆ្អឹងខ្នងកោង ផតមកមុខ (opisthotonos)។
- ការកន្រ្ទាក់សាច់ដុំនៅអវយវលើធ្វើអោយដៃបត់ចូលហើយរឹង។
- ការកន្រ្ទាក់សាច់ដុំនៅអវយវក្រោមធ្វើអោយជើងលាតសន្ធឹងត្រង់ហើយរឹង។
- ការកន្រ្ទាក់សាច់ដុំទ្រូងនិងសន្ទះទ្រូងធ្វើអោយអ្នកជំងឺពិបាកដកដង្ហើម។
- រោគសញ្ញាផ្សេងទៀតមានឡើងឈាម បេះដូងដើរញាប់ បែកញើសខ្លាំង ក្តៅខ្លួន។ក្នុងករណី ធ្ងន់ធ្ងរខ្លាំងបេះដូងដើរយឺតនិងសម្ពាធឈាមចុះ។
- មានការកន្រ្ទាក់សាច់ដុំជាប់និងមានការឈឺចាប់ខ្លាំង។ ការកន្រ្ទាក់សាច់ដុំនេះខ្លាំងឡើងៗ នៅពេលលឺសំឡេង ពេលត្រូវពន្លឺ ឬនៅពេលគ្រូពេទ្យពិនិត្យ។

៤) វិធានការការពារ៖
ជំងឺតេតាណូសគឺជាជំងឺមួយដែលយើងទាំងអស់គ្នាអាចការពារបាន៖
- ចាក់ថ្នាំបង្ការតេតាណូស(Vaccination antitétanique) អោយបានគ្រប់គ្រាន់និងចាក់រំលឹក ឡើងវិញ។
- ក្នុងករណីមានរបួសដោយប្រការណាមួយយើង៖
• ត្រូវលាងសំអាតមុខរបួសដោយទឹកស្អាត ទឹកថ្នាំសម្លាប់មេរោគ។
• ត្រូវចាក់ Sérum antitétanique (SAT) ត្រូវចាក់ Vaccin antitétanique (VAT)។

“ជំងឺតេតាណូសតែងតែកើតឡើងចំពោះអ្នកមិនបានចាក់ថ្នាំការពារតេតាណូស អ្នកចាក់មិនបាន គ្រប់គ្រាន់ អ្នកចាក់បានគ្រប់គ្រាន់តែមិនបានចាក់រំលឹកឡើងវិញ នៅពេលមានរបួសដោយប្រការណា មួយ។ ដើម្បីការពារជំងឺតេតាណូសសូមបងប្អូន ទៅចាក់ថ្នាំបង្ការនៅតាមមន្ទីពេទ្យឬមណ្ឌលសុខភាពដែលនៅជិតអស់លោកអ្នក។”

04/26/2025

ថ្នាំគ្រាប់ពន្យារកំណើត OK ®️:
១. តើថ្នាំគ្រាប់ពន្យារកំណើត OK ជាអ្វី?
ថ្នាំគ្រាប់ពន្យារកំណើត OK គីជា មធ្យោបាយពន្យារកំណើតបណ្តោះអាសន្ន និង ទាន់សម័យសំរាប់ស្ត្រី ។ លេបថ្នាំ គ្រាប់ពន្យារកំណើត OK ១ថ្ងៃ ១ គ្រាប់ អោយបានទៀងពេល និង រៀង រាល់ថ្ងៃអាច ជួយការពារ ស្ត្រីមិនអោយមានផ្ទៃពោះបាន។ ថ្នាំគ្រាប់ពន្យារកំណើតងាយស្រួលប្រើ ហើយមានប្រសិទ្ធភាព និង គុណភាពខ្ពស់។

២. តើថ្នាំគ្រាប់ពន្យារកំណើត OK មានសារៈប្រយោជន៍អ្វីខ្លះសំរាប់ស្ត្រី?
● ការពារ ស្ត្រីមិនអោយមានផ្ទៃពោះ
● ស្ត្រីអាចឆាប់មានកូនវិញបន្ទាប់ពីឈប់លេប
● ធ្វើអោយស្រ្តីមានរដូវទៀងទាត់ល្អ
● ជួយកាត់បន្ថយការឈឺចាប់ពេលមានរដូវ និងភាពស្លេកស្លាំង
● អាចជួយការពារទៅនឹងជំងឺរលាកអាងត្រគាក
● ជួយកាត់បន្ថយការប្រឈមមុខទៅនឹងជំងឺមហារីកស្រទាប់ក្នុងនៃតួស្បូន និង កន្សោមពង។

៣. តើស្រ្តីណាខ្លះអាចប្រើថ្នាំគ្រាប់ពន្យារកំណើត OK នេះបាន?
ស្រ្ដីភាគច្រើនអាចលេបថ្នាំគ្រាប់ពន្យារកំណើតOK នេះបាន។ ស្ត្រីបំបៅដោះកូនដែលមានអាយុលើសពី ៦ខែក្រោយសំរាលក៏អាច ប្រើថ្នាំគ្រាប់ពន្យារកំណើត OK នេះបានដែរ។

ហាមប្រើចំពោះស្រ្តីដែលមានអាការដូចខាងក្រោមៈ
● ដឹង ឬ សង្ស័យថាមានផ្ទៃពោះ
● មានធ្លាក់ឈាមតាមទ្វារមាសខុសធម្មតា
● មានដុំដោះមិនធម្មតា
● មានកើតខាន់លឿង
● មានអាយុ ៣៥ឆ្នាំ ឬ លើសពីនេះ និង ជក់បារី
● មានសំពាធឈាមខ្ពស់លើសពី ១៤០/៩០ មម បារ៉ត
● មានជំងឺឈឺសន្ទុះបេះដូង
● មានជំងឺឈឺមួយចំហៀងក្បាល ព្រមទាំង ព្រិលភ្នែកខ្លាំង ឬ ជំងឺស្លាប់ អវៈយវៈ
● មានជំងឺថង់ប្រមាត់ ឬ កំពុងព្យាបាលជំងឺនេះ
● មានប្រវត្តិដាច់សរសៃឈាមក្នុងខួរក្បាល ឬ ជំងឺកំណក ឈាមក្នុងសរស វ៉ែនជ្រៅនៅជើង ឬ ហើមសួត
● កំពុងព្យាបាលជំងឺរបេង ឬឆ្កួតជ្រូក

សូមជំរាបថាថ្នាំគ្រាប់ពន្យារកំណើត OK មិនប៉ះពាល់ដល់ទារកក្នុងផ្ទៃេទ ប្រសិនបើស្រ្តីមានផ្ទៃពោះ លេបដោយភ័ន្តច្រឡំ ។

៤. ផលរំខានដែលអាចកើតមានក្រោយពេលលេបថ្នាំគ្រាប់ពន្យារកំណើត OK
● ស្រ្តីមួយចំនួនអាចមានក្អួតចង្អោរ ឈឺក្បាលតិចៗ ដោះឡើងតឹង និង មានការ ប្រែប្រួលអារម្មណ៍បន្តិចបន្តួច។
● ស្ត្រីខ្លះអាចនឹងអត់មានរដូវ ឬ មានធ្លាក់ឈាមតិចតួចចន្លោះរដូវ។

សូមកុំព្រួយ!
ជាទូទៅផលរំខានទាំងនេះនឹងធូរស្រាលឡើងវិញ ឬ ក៏បាត់តែម្តងក្នុងពេលពី ២ ទៅ ៣ខែ ក្រោយពីរាងកាយរបស់ស្ត្រីស៊ាំជាមួយថ្នាំ ។ ផលរំខាន់ទាំងអស់ នេះកើតឡើងចំពោះតែស្ត្រីមួយចំនួនតូចប៉ុណ្ណោះ ហើយក៏មិនបានធ្វើអោយប៉ះ ពាល់ដល់សុខភាពរបស់ស្ត្រីដែរ។

៥. របៀបប្រើថ្នាំគ្រាប់ពន្យារកំណើត OK
ស្ត្រីទាំងឡាយអាចលេបថ្នាំគ្រាប់ពន្យារកំណើត OK នៅពេលណាក៍បានប្រសិន បើអ្នកពិតជាមិនមានផ្ទៃពោះទេនោះ ចូរលេបថ្នាំគ្រាប់ពន្យារកំណើត OK តាម ការណែនាំដូចខាងក្រោម:

● ចាប់ផ្ដើមលេបថ្នាំគ្រាប់ពណ៌លឿងទី១ នៅថ្ងៃណាមួយក៏បានដែរក្នុងចន្លោះ៥ថ្ងៃ ដំបូងនៃវដ្តឈាមរដូវ (ថ្ងៃទី១ គឺជាថ្ងៃដំបូងនៃវដ្តរដូវ) បើនាងមានរដូវធម្មតា។
● បន្តលេប ១ គ្រាប់រាល់ថ្ងៃតាមសញ្ញាព្រួញ → → នៅលើបន្ទះថ្នាំរហូតអស់ពីបន្ទះ។
● ក្រោយពីបញ្ចប់នូវ គ្រាប់ចុងក្រោយនៃបន្ទះ បន្តលេបគ្រាប់ពណ៌លឿងទី១នៃបន្ទះ ថ្មីនៅថ្ងៃបន្ទាប់។
● ចាប់ផ្តើមប្រើបន្ទះថ្មីដោយមិនបាច់ខ្វល់ថាឈាមរដូវអស់ ឬ មិនទាន់អស់។
● សូមបន្តការលេបតទៅទៀតទោះបីជាមានឈាមរដូវខ្លះៗនៅចន្លោះរដូវក៏ដោយ។
ការមានឈាមរដូវតិចតួចបែបនេះមិនមានគ្រោះថ្នាក់ដល់សុខភាពទេ។
● នៅពេលលេបថ្នាំ ៧ គ្រាប់ ដែលមានពណ៌ត្នោតជាធម្មតាស្រ្តីនឹងមានរដូវ។

៦. ការណែនាំចំពោះការភ្លេចលេបថ្នាំ
● ប្រសិនបើស្ត្រីភ្លេចលេបថ្នាំនេះ ១ ឬ ២គ្រាប់ ស្រ្ដីត្រូវលេបភ្លាមពេលនឹកឃើញ ហើយបន្តការលេបថ្នាំតាមពេលដែលធ្លាប់ លេបធម្មតាវិញ (ស្រ្តីអាចលេប ២គ្រាប់ក្នុងថ្ងៃតែមួយ ឬពេលតែមួយ)។ ប្រសិនបើស្ត្រីភ្លេចលេបថ្នាំនេះ ៣គ្រាប់ឡើងទៅ បើគាត់បានរួមភេទ ស្រ្ដីត្រូវ លេបថ្នាំការពារកំណើតបន្ទាន់ ហើយបន្តការលេបថ្នាំតាមពេលដែលធ្លាប់លេប ធម្មតាវិញ ក្នុងករណីដែលគាត់ត្រូវការរួមភេទត្រូវប្រើស្រោមរយៈពេល ៧ថ្ងៃ។

👌 ចូរចងចាំ :
១. ចូរអ្នកដាក់បន្ទុះថ្នាំគ្រាប់ពន្យារកំណើត OK នៅទីកន្លែងដែលងាយធ្វើអោយ អ្នកនឹកឃើញលេបវាមុនពេលអ្នកចូលសំរាន្ត រាល់យប់។
២. លេបថ្នាំ ១. គ្រាប់រៀងរាលថ្ងៃនៅពេលតែមួយ។
៣. អ្នក ត្រូវតែលេបថ្នាំគ្រាប់ពណ៌លឿងអោយអស់ជាមុនសិន ទើបបន្ដលេបថ្នាំ គ្រាប់ពណ៌ត្នោត។
៤. អ្នក ត្រូវតែលេបថ្នាំមួយគ្រាប់រៀងរាល់ថ្ងៃ ទោះបីជាអ្នកមិនបានរួមដំណេក ជាមួយដៃគូអ្នកនៅថ្ងៃនោះ ឬក៏ដៃគូអ្នកធ្វើដំណើរទៅឆ្ងាយក៏ដោយ។
៥. ចូរអ្នកបន្ដលេបថ្នាំគ្រាប់ពណ៌ត្នោត ទោះបីនៅក្នុងរយៈពេលកំពុងមានរដូវក៍ដោយ។

🔑 ចូរលេបថ្នាំគ្រាប់ពន្យារកំណើត OK ឱ្យបានទៀងទាត់ និងរៀងរាល់ថ្ងៃ ! ថ្នាំគ្រាប់ពន្យារកំណើត OK មិនអាចការពារអ្នកទៅនឹងមេរោគអេដស៍ ជំងឺអេដស៏ និងកាមរោគបានឡើយ ។ មានតែស្រោមអនាម័យទេ ដែលអាចការពារ ជំងឺកាមរោគ/អេផស៍ និងការការពារផ្ទៃពោះ ។

👉 ត្រូវរក្សាឱ្យផុតពីដៃក្មេង

04/25/2025

ជំងឺរលាកបំពង់ក នឹងសាច់បំពង់ក (Tonsillopharyngitis)
👨‍⚕️ជំងឺរលាកបំពង់ក ជាជំងឺមួយដែលកេីតញឹកញាប់ នៅលេីក្មេង។ វាអាចបណ្តាលមកពីបាក់តេរី ឬពួកវីរុស (សូមគត់ចំនាំថា ថ្នាំផ្សះសំរាប់ជំងឺដែលបង្ករដេាយបាក់តេរី តែគ្មានប្រសិទ្ធិភាពក្នុងជំងឺដែលបង្កដេាយ វីរុសនោះទេ)។
👨‍⚕️ជំងឺរលាកបំពង់ក មិនងាយបង្ករអេាយប៉ះពាល់ដល់អាយុជីវិតទេ ប៉ុន្តែក្នុងករណីរលាកបំពង់កដេាយពួកបាក់តេរី អាចបង្ករផលវិបាកដល់ការរលាកសន្លាក់ រោគឆ្លងចូលក្នុងឈាមនិងបេះដូងជាដេីម។
⭐️តេីមូលហេតុបង្ករអេាយមានជំងឺរលាកបំពង់កមានអ្វីខ្លះ?
👨‍⚕️មូលហេតុំបង ២ធំៗគឺ:
១. វីរុស: ជំងឺរលាកបំពង់កដេាយពួកវីរុស វាមានរេាគសញ្ញាដូចជំងឺផ្តាស់សាយដែរ ព្រោះវាបង្កដេាយពពួកវីរុសតែមួយ។
២. បាក់តេរី: ជំងឺរលាកបំពង់កដេាយបាក់តេរី ធ្វេីអេាយក្តៅខ្លួន (សូមអានចំនេះដឹងទី១ អំពីការឡេីងកំដៅ) ឈឺក ចង្អេារ ឬក្អួតបេីមេីលទៅក្នុងបំពង់ អាចឃេីញជាពងខ្ទុះ ឬបន្ទះពណ៌ស ។
⭐️តេីការធ្វេីរេាគជំងឺរលាកបំពង់ក ដេាយរបៀបណា?
👨‍⚕️សូមបញ្ជាក់ថា គ្មានការបូមឈាមពិនិត្យណាអាចបង្ហាញពីការរលាកបំពងកទេ។
👨‍⚕️ការពិនិត្យទៅលេីបំពង់ករផ្ទាល់អាចបញ្ជាក់បាន។
ហេីយករណីសង្ស័យថាវាបង្ករអេាយបាក់តេរីអាច យកកំហាកពីបំពង់កទៅពិនិត្យមេរេាគបាន។
⭐️តេីការព្យាបាលជំងឺរលាកបំពង់ក ដេាយវិធីណាខ្លះ?
👨‍⚕️ជំងឺរលាកបំពង់កដេាយសារវីរុស មិនចាំបាច់ប្រេីថ្នាំផ្សះទេ គេអាចប្រេីថ្នាំបាត់ឈឺចាប់ និងថ្នាំបៀមកុំអេាយស្ងួតបំពងក និងស្អាកបំពងកបាន។
👨‍⚕️ផ្ទុយទៅវិញ ត្រូវប្រេីថ្នាំផ្សះពេលរលាកបំពងកដេាយសារពួក បាក់តេរី ករណីនេះបេីមិនព្យាបាលអេាយត្រឹមត្រូវទេ អាចបង្ករអេាយមានផលវិបាកដល់ការរលាក សាច់ដុំបះដូង និង មេរោគឆ្លងចូលក្នុងឈាម រលាកសន្លាក់ជាដេីម។
⭐️តេីឪពុកម្តាយអាចធ្វេីអ្វីខ្លះដេីម្បីជួយកូន?
👨‍⚕️លើសពីថ្នាំដែលផ្ដល់អេាយ ឪពុកម្តាយអាចអេាយកូនញុំាចំនីអាហារដែលទន់ ឬជាអាហាររាវ។ ការប្រើប្រាស់វាក់សុំាងដើម្បីជួយការពារ។លេីកទឹកចិត្តក្មេងអេាយផឹកទឹកអេាយច្រេីន ទឹកក្តៅអ៊ុនៗក៏បាន ត្រជាក់ក៏បាន។
👨‍⚕️បេីមានចំងល់ នឹងបញ្ហាបារម្មណ៍ យកកូនទៅពិភាក្សារជាមួយគ្រូពេទ្យ៕

04/25/2025

👩🏻‍🔬 ជំងឺពងបែកមាត់ ( Stomatitis )

1/ មូលហេតុ និង កត្តាប្រឈម

🔸 ការបង្កររោគដោយមេរោគផ្សេងៗ ៖ បាក់តេរី វីរុស ផ្សិត
🔸 កង្វះអនាម័យមាត់ធ្មេញ
🔸 កង្វះវីតាមីន B12 B9 ជាតិដែក ជាតិស័ង្កសី
🔸 ស្រ្តេស stress
🔸 បម្រែបម្រួលអកម៉ូន
🔸 ការប៉ះទង្គិច ឬ កកិត ( Ex. ដាក់ប្រេសមាត់ធ្មេញ...)
🔸 ជក់បារី ផឹកស្រា និង ញ៉ាំអាហារមួយចំនួនដូចជា ៖
ហឹរពេក ក្តៅពេក
🔸 អ្នកមានប្រព័ន្ធកាពាររាងកាយចុះខ្សោយ
🔸 ទទួលទានទឹកមិនបានគ្រប់គ្រាន់

2/ រោគសញ្ញានិងអាការៈរោគសញ្ញា

🔹 មានដំបៅ ឬ ពងទឹកក្នុងមាត់ ឬ ឡើង សរៗក្នុងមាត់
🔹 ឡើងក្រហម ឬ ហើម
🔹 មានអារម្មណ៍ថាក្តៅៗ ផ្សារៗ ក្រហាយៗក្នុងប្រអប់មាត់
🔹 ពិបាកញ៉ាំអី សូម្បីតែនិយាយក៏ឈឺមាត់ដែរ
🔹 ហៀរទឹកមាត់

3/ ដំណោះស្រាយនៅផ្ទះមុនទៅជួបគ្រូពេទ្យ

🔸 បង្កើនអានាម័យមាត់ធ្មេញ ជាពិសេសប្រើច្រាស់ទន់ៗ
🔸 ខ្ពុលមាត់ជាមួយទឹកអំបិល ឬ ទឹកក្តៅឧណ្ឌៗបន្ថែម
🔸 តមអាហារក្តៅខ្លាំង ហឹរ ជូរ ផ្អាប់ មួយរយះពេល
🔸 បញ្ឈប់ការជក់បារី ផឹកស្រា
🔸 ទទួលទានទឹកអោយបានគ្រប់គ្រាន់
🔸 ទទួលទានអាហារទន់ៗសិន
🔸 សម្រាកអោយបានគ្រប់គ្រាន់
🔸 ហាត់ប្រាណ 30នាទី/ថ្ងៃអោយបានទៀងទាត់

** បើពងបែកមាត់នៅតែបន្តរលើសពី ២ សប្តាហ៍ ឬ
មានការឈឺចាប់ខ្លាំងគួរប្រញាប់ទៅជួបគ្រូពេទ្យ

ប្រភពពី៖ សុខភាពគ្រួសារ អ៊ុយ សោភា

#បន្ទប់ពិគ្រោះនឹងព្យាបាលជំងឺទូទៅកុមារនឹងទារកវេជ្ជប៉ាត់សុភ័ក្រ្តា
#ឯកទេសវិជ្ជារោគកុមារនឹងទារក
#វេជ្ជបណ្ឌិតប៉ាត់សុភ័ក្ដ្រា

04/25/2025

👩🏻‍🏫 ជំងឺតាអក ( Eczema )

ជំងឺតាអក ត្រូវបានស្គាល់ថាជាជំងឺសើស្បែកម្យ៉ាង
ដែលកើតមាននៅកម្ពុជាជាយូរមកហើយ។

បច្ចុប្បន្ន ជំងឺនេះក៏នៅតែបន្តមានវត្តមានជាញឹកញាប់
ចំពោះមិនថាកូនក្មេង ឬមនុស្សចាស់ ប្រុស ឬស្រីឡើយ។

🗣️ តើអ្វីទៅជាជំងឺ តាអក?

ជំងឺតាអកឬ Eczema គឺជាការរលាកនៃស្រទាប់ស្បែក
មិនថាស្រទាប់ខាងលើគេដែលហៅថា epiderm ឬ
ស្រទាប់កណ្តាលដែលហៅថា derm ឡើយ។

ជាទូទៅការរលាកនេះមិនរាប់បញ្ចូលទាំងការរលាក
ដល់ស្រទាប់ក្រោមគេនៃស្បែកឬ hypoderm ឡើយ
លុះត្រាតែករណីដែលមានការរលាក រ៉ាំរ៉ៃខ្លាំងតែវាជា
ករណីកម្រណាស់។

ប្រភេទនៃជំងឺ Eczema និងអ្នកដែលប្រឈមមុខ
លោកវេជ្ជបណ្ឌិតបានបញ្ជាក់ថា នៅប្រទេសកម្ពុជា
មានជំងឺ Eczema តែ២ប្រភេទប៉ុណ្ណោះគឺ
Atopic eczema និង Contact eczema ។

ចំពោះ atopic eczema កើតឡើងទៅលើកុមារ តែច្រើន
លើក្មេងប្រុសជាងក្មេងស្រី។
ដោយឡែកចំពោះ contact eczema អាចកើតមាន
លើមនុស្សគ្រប់វ័យទាំងចាស់និងក្មេង ព្រមទាំងមិនចំពោះ
ភេទប្រុស ឬស្រីឡើយ។

🧑🏻‍⚕️ រោគសញ្ញានៃជំងឺ

រោគសញ្ញានៃជំងឺ Eczema គឺមិនពិបាកនឹងកត់សម្គាល់ទេ
ដែលជាទូទៅវានឹងបង្ហាញឡើងក្រោមរូបភាពជា ស្បែកក្រហម
ការរមាស់ និងភាពស្ងួតនៅត្រង់កន្លែងកើតតែម្តង។

👨🏻‍🏫 មូលហេតុនៃការកើតឡើងនៃជំងឺ

ដោយសារតែជំងឺនេះមាន២ប្រភេទ ដូចនេះមូលហេតុនៃ
ការកើតជំងឺនេះក៏អាស្រ័យនឹងប្រភេទនីមួយៗផងដែរ
នេះបើតាមការលើកឡើងរបស់លោកវេជ្ជបណ្ឌិត។

សម្រាប់ Atopic eczema ដែលកើតមានលើក្មេង ជាទូទៅ
កើតឡើងទាក់ទងនឹងប្រវតិ្តជំងឺរបស់កុមារផ្ទាល់ដូចជា ការធ្លាប់
កើតជំងឺហឺត រលាក ឬអាល្លែកហ្ស៊ីស្បែក ឬច្រមុះជាដើម។

ចំណែក Contact eczema ដែលមនុស្សគ្រប់គ្នាអាចប្រឈមមុខ កើតឡើងដរាបណាមានការប៉ះផ្ទាល់ជាមួយ
ភ្នាក់ងារបង្កការរលាកតែម្តង ពោលគឺទាក់ទងនឹងប្រតិកម្ម
ពីសារធាតុខាងក្រៅ។

👩🏻‍🔬 ការព្យាបាល

ជាក់ស្តែង សម្រាប់ប្រភេទ Atopic eczema របស់ក្មេង
ច្រើនតែជាសះស្បើយទៅវិញដោយខ្លួនឯង។

ជាទូទៅខ្មែរយើងនិយមហៅជំងឺនេះថា " ស្រែងទឹកដោះ "
ហើយពួកគាត់ជឿថាវានឹងជាសះស្បើយដោយការលាបទឹកដោះម្តាយត្រង់កន្លែងកើត តែតាមពិតគឺវាជាដោយខ្លួន
ឯង ៩០% ទៅហើយ។

ចំណែក Contact ezem គឺទាមទារការព្យាបាលឲ្យបាន
ទាន់ពេល ពីព្រោះវាអាចវិវឌ្ឍទៅរកភាពធ្ងន់ធ្ងរបើមិនព្យាបាល
ត្រឹមត្រូវ ដោយវាអាចបង្កជាដំបៅរាលដាល។

ងាកមកមើលការព្យាបាលជំងឺ contact Eczema ដំណោះស្រាយចម្បងគេគឺត្រូវបញ្ឈប់ការប៉ះផ្ទាល់ជា
មួយភ្នាក់ងារបង្កដែលសំដៅដល់សារធាតុដែលធ្វើឲ្យ
បុគ្គលផ្ទាល់មានប្រតិកម្ម ឬអាលែ្លកហ្ស៊ីជាមួយ រួចធ្វើ
ការព្យាបាលដោយឱសថប្រឆាំងនឹងការរលាកប្រភេទ
Corticoide (steroid) តាមរយៈការប្រើប្រាស់តាមការ
លេប ឬលាបផ្ទាល់ទៅលើស្បែកត្រង់កន្លែងដែលកើតនោះ។

ក្រៅពីនេះ ក៏គួរបន្ថែមផងដែរនូវការប្រើប្រាស់ពពួកប្រឆាំង
នឹងអាល្លែកហ្ស៊ី គឺ Antihistamine ដើម្បីកាត់បន្ថយការ
រមាស់របស់អ្នកជំងឺ។

04/25/2025

👉 ការចាប់ ECG ទាំង ១២ leads លើអ្នកជំងឺបានត្រឹមត្រូវឬនូវ?

*Arrhythm-365 (Episode 5): របៀបចាប់ Leads ទាំង ១២ ក្នុង Electrocardiogram (12-lead ECG placement)

👉យើងបានស្គាល់ច្រើនរួចមកហើយលើមូលដ្ខានគ្រឹះ ដូចជា សន្លឹកក្រដាស ECG (Ep-1), រយះពេល និងកំពស់វ៉ុលថេករបស់រលកនីមួយៗ (Ep-2), ឈ្មោះរលក និងមូលហេតុបង្កើតបាននូវរលក P-QRS-T (Ep-3) និងចុងក្រោយ គឺបានស្គាល់អំពី Segment និង Interval ក្នុង ECG (Ep-4)

✍️ Episode-5 នេះ មានអត្ថប្រយោជន៍ដ៏សំខាន់ចំពោះលោកគ្រូ អ្នកគ្រូគ្រប់រូប ស្គាល់ច្បាស់អំពី ទីតាំង នៃការចាប់ ECG លើដងខ្លួន ដើម្បីទទួលបាននូវ រលក P-QRS-T ឲ្យបានត្រឹមត្រូវ និងសុក្រិត

អត្ថបទ៖ Dr Pichmanil 💚🫶

04/25/2025

#ឱសថទាល់ដំណេក (ថ្នាំជួយឲ្យងងុយគេង)

- ឱសថទាល់ដំណេករយៈពេលខ្លី (ប្រសិទ្ធខ្សោយ)៖
+ Phénergan (Prométhazine)
+ Donormyl (Doxylamine)
+ Théralene (Alimémazine)
+ Atarax (hydroxyzine)
`
- ឱសថទាល់ដំណេករយៈពេលមធ្យម៖
+ ពពួក Benzodiazepine: Lexomil (Bromazépam), Axprazol (Alprazolam), Témesta (lorazépam)
+ ពពួក Analogue Benzodiazepine: Stilnox (zolpiderm), Imovane (zopiclone)
`
- ឱសថទាល់ដំណេករយៈពេលយូរ៖
+ ពពួល Benzodiazepine: Va**um (diazépam), Tranxene (clorazépam)
`
ភាពអត់ងងុយ ដែលជាភាសាអង់គ្លេសហៅថា «insomnia» ចែកចេញជា ៣ ប្រភេទ៖
- អត់ងងុយម្តងៗម្តាល់៖ ដោយសារគិតច្រើនពេក ដែលបណ្តាលឲ្យ ស្តេ្រស (stress) ឬ ដោយសារការផ្លាស់ប្តូរពេលវេលារស់នៅភ្លាមៗ (ឧ. ពេលទៅក្រៅប្រទេស) ។
- អត់ងងុយរំាំរ៉ៃ៖ ដោយសារបញ្ហាផ្លូវចិត្ត ឬ ដោយសារមានជម្ងឺ (ឧ. ខ្សោយបេះដូង ឬ ការឈឺចុកចាប់រាំរ៉ៃ)
- អត់ងងុយដោយសារឱសថ៖ ដោយសារ ការប្រើប្រាស់ឱសថទាល់ដំណេកពពួក benzodiazepine និង analogue benzodiazepine ច្រើនដងពេក ដែលបណ្តាលឲ្យមានភាពញានហ្នឹងឱសថ ។
`
ការប្រើប្រាស់ ឱសថទាល់ដំណេក សម្រាប់ជួយឲ្យសម្រានបាន ភាគច្រើនគឺ ចំពោះតែអ្នក មានភាពអត់ងងុយម្តងម្តាល់ តែប៉ុណ្ណោះ ។ ចំពោះ អ្នកជម្ងឺដែលមាន ភាពងងុយរាំរ៉ៃ (លើសពី ៤ សប្តាហ៍) ត្រូវទៅជួយពិគ្រោះជាមួយហ្នឹងគ្រូពេទ្យ ដើម្បីទទួលបានការព្យាបាលដ៏សមស្រប ។
`
ចំណាំ៖ ឱសថទាល់ដំណេក មិនគួរប្រើប្រាស់លើសពី ៤ សប្តាហ៍នោះទេ ព្រោះការប្រើប្រាសឱសថទាំងនេះ ក្នុងរយៈពេលយូរអាចបណ្តាលឲ្យមានការញាន ទៅហ្នឹងឱសថ ។

⚠️ #ឱសថខាងក្រោមសុទ្ធតែឱសថដែលតំរូវឲ្យគ្រូពេទ្យចេញវេជ្ជបញ្ជា ព្រោះវាអាចបណ្តាលអោយគ្រោះថ្នាក់ និងខូចសុខភាព!⚠️

DR Mardy

05/17/2025

05/13/2025

05/12/2025

05/07/2025

05/06/2025

05/04/2025

04/26/2025

04/25/2025

04/25/2025

04/25/2025

04/25/2025

04/25/2025

Address

Website

Alerts

Shortcuts

Share

Category