03/13/2026
Daa’imman Talaalchisuun Egeree Biyyaatiif!
(Bitootessa 04, 2018 -Adaamaa)
================================
Duulli talaallii dhibee laamshessaa (Pooliyoo) qindaa'aa marsaa 5ffaa ilaalchisee akka naannoo Oromiyaatti sagantaan adivookeesii magaalaa Adaamatti gaggeeffamee jira.
Daarektarri daarektoreetii hooggansa balaa tasaa fayyaa hawaasaa fi qo'annoo fi qorannaa fayyaa Biiroo Fayyaa Oromiyaa Obboo Gammachuu Shuumii sagantaa kana irratti argamuun akka jedhanitti hojii talaallii qindaa'aa marsaawwan darbaniin hojjatamaa tureen bu'aawwan gugurdoon galmaa'uu ibsan.
Duula qindaa’aa marsaa 5ffaa kanaanis daa'imman umuriin isaanii waggaa shanii gadii ta'an godiinaalee 16 fi magaalota 20 keessatti argaman miiliyoona 7.2 ol ta'an hojii duula talaallii manaa manaa Bitootessa 18 hanga 21tti kennamuun bira gahuuf kan hojjatamu ta'uu dubbatanii jiru.
Dabalataan Obboo Gammachuun duula qindaa'aa kanaan wal qabatee daa'imman kanaan dura gonkumaa talaallii kamiyyuu hin argatin, kanneen jalqabanii addaan kutan, daa'imman uumamaan mudoo dhalootaa kanneen akka baqaquu hidhii fi laagaa qabanii fi miilli isaanii jal'ina qabu akkasuumas dubartoota dhibee feestullaaf saaxilamaa ta’an adda baasuun akka gara dhaabbilee fayyaa deemanii tajaajila argatan kan itti taasifamu ta'uu kaasanii jiru.
Daarektarri daarektoreetii Barnoota Fayyaa fi Kominikeeshiinii Biiroo Fayyaa Oromiyaa Sr. Sa'aadaa Ahimad gama isaanitiin kaayyoon sagantaa kanaa hawaasni dursee hubannoo argatee qophii barbaachisu akka taasisan gochuuf akka ta'e ibsanii jiru.
Daa'imman fayya buleeyyii horachuuf talaallin murteessaa ta'uu Sr. Sa'aadan kaasuun, duula kana milkeessuufis qindoominni hawaasaa, hooggansa, ogeessaa fi qooda fudhattootaa baay'ee barbaachisaa waan ta’eef sadarkaa hundatti gahee isaanii bahachuu akka qaban dhaamaniiru.
Sagantaa kana irrattis Abbootin Gadaa, Haadholiin Siinqee, ogeessonni waajjira fayyaa godinaalee fi bulchiinsa magaalotaa kan irraa hirmaatan yoo ta’u, dhiyeessin ha
