Doktoresha ime, New York, NY (2026)

01/11/2026

Kur heshtja …

01/10/2026

🔹️Organik, Bio, Pa Kimikate… çfarë do të thonë vërtetë këto terma?🔹️

Në industrinë ushqimore dëgjojmë shpesh shprehje si: produkt organik, produkt bio, pa kimikate, pa konservant, natyral, artizanal…
Por a i dimë vërtet dallimet mes tyre?

🔸️Produkt Organik
Ky është një term i rregulluar me ligj në shumë vende.
Një produkt organik:
▪︎kultivohet pa pesticide sintetike dhe pa plehra kimike.
▪︎nuk përdor hormone rritjeje apo antibiotikë (te produktet shtazore)
▪︎ka kontroll dhe certifikim zyrtar
Nëse nuk ka certifikatë, nuk është zyrtarisht organik, edhe nëse duket “i pastër”.

🔸️Produkt Bio
Në praktikë, bio = organik.
Është thjesht një term tjetër, i përdorur më shumë në Europë.
Problemi: fjala “bio” përdoret shpesh në marketing pa çertifikim real ⚠️

🔸️Produkt pa kimikate
Kjo tingëllon bukur, por është shprehje e paqartë, sepse:
▪︎Nuk ka standart ligjor për këtë term.
▪︎Zakonisht nënkupton “pa pesticide kimike”, por nuk ka garanci.

🔸️Produkt pa konservant
▪︎Nuk janë shtuar konservantë artificialë për zgjatje afati
Prandaj : produkti mund të prishet më shpejt
Mund të përmbajë sheqer, kripë ose yndyrë si mënyrë natyrale ruajtjeje

🔸️Produkt Natyral
Një nga termat më të abuzuar.
“Natyral” nuk do të thotë automatikisht i shëndetshëm: Sheqeri është natyral, gjithashtu edhe yndyrat e ngopura
Nuk ka kontroll ligjor për këtë fjalë.

🔸️Produkt Artizanal
▪︎Prodhuar në sasi të vogla, me metoda tradicionale
Por, kujdes:
▪︎Nuk do të thotë domosdoshmërisht bio apo organik
▪︎Mund të jetë cilësor, por jo gjithmonë i kontrolluar

✅ Çfarë duhet të kontrollojmë si konsumatorë?
•Certifikimin, jo vetëm fjalët
•Etiketën dhe përbërësit
•Burimin e produktit

(... për ta përmbledhur: përsa kohë që autoritetet përkatëse për sigurinë ushqimore, janë vite drite larg kolegëve të tyre në BE - Zoti ju rujt)

01/09/2026

Është e çuditshme si ...

01/09/2026

🔹️Kur “civilizimi” u lodh, e quajtën “demokraci”🔹️

Në vitin 1700, India (pjesë e së cilës ishte Pakistani dhe Bangladeshi i sotëm) prodhonte rreth 25% të GDP-së botërore. Nuk ishte “e pazhvilluar” dhe nuk kishte nevojë të “shpëtohej” nga askush.

Pastaj erdhi pushtimi britanik dhe dy shekuj më vonë, në 1947, India kishte vetëm 3–4% të GDP-së botërore.
Industria e saj ishte shkatërruar, pasuria ishte transferuar jashtë dhe varfëria ishte bërë strukturore. Britania e quajti këtë pushtim “civilizim”.

Historia u përsërit shumë herë: Spanja foli për fenë, Franca për mision qytetërues, Britania për rend dhe tregti, ndërsa sot Rusia dhe SHBA flasin për siguri, demokraci dhe stabilitet.

Pushtimi nuk ndërton shoqëri, nuk eksporton demokraci dhe nuk prodhon mirëqenie. Ai thjesht riorganizon botën sipas forcës, duke zhvendosur pasuri, pushtet dhe të ardhmen nga i dobëti te i forti.

01/07/2026

🔹️ 25 Dhjetor apo 7 Janar 🔹️

Pse të krishterët kanë dy data të ndryshme për Krishtlindjet & Pashkët?

Në vitin 1582, njerëzit vendosën të korrigjojnë kohën dhe metodën e matjes dhe si rrjedhojë 10 ditë u fshinë nga kalendari.

Kalendari Julian, trashëgimi e Romës, mbeti pas ndërsa ai Gregorian që u mendua si më i saktë, eci përpara.
Mes tyre sot qëndrojnë 13 ditë diferencë.

▫️🌲Prandaj Krishtlindjet nuk janë një datë e vetme. Për pjesën më të madhe të t'krishterëve janë më 25 dhjetor , ndërsa për të tjerët më 7 janar (Rusi, Serbi, Mal i Zi, Maqedoninë e Veriut, Gjeorgji dhe Bjellorusi)

▫️✝️ Por ndarja më e thellë shfaqet te Pashkët.
Ato varen nga pranvera dhe hëna dhe jo vetëm nga një datë e caktuar. Kur kalendarët u ndanë, u nda edhe mënyra e llogaritjes së Ringjalljes.
📜 Prandaj ndonjëherë Pashkët bien në të njëjtën ditë & ndonjëherë ndahen me javë të tëra.

Kjo nuk ndodh për arsye besimi (që shpesh përmendet në mënyrë të pa llogjikshme)
por për shkak të kohës që matet ndryshe.

01/07/2026

🔹️Vitaminë B12: nga ushqimi apo suplementet? Çfarë thotë shkenca 🔹️

• Vitamina B12 është thelbësore për formimin e qelizave të kuqe të gjakut, sistemin nervor, ADN-në dhe imunitetin.
• Gjendet natyrshëm në ushqime shtazore (sidomos mëlçia e viçit), por edhe në ushqime të fortifikuara.
• Doza ditore e rekomanduar: 2.4 mcg (më e lartë në shtatzëni dhe gjidhënie).

🔸️Natyrale vs sintetike
– Forma natyrale metilkobalamina duket më e përthithshme dhe më e qëndrueshme në trup sesa forma sintetike cianokobalamina.
– Metilkobalamina anashkalon disa hapa të përthithjes dhe mund të jetë më efektive, sidomos te personat me anemi, probleme përthithjeje ose moshë të shtyrë.

🔸️ Përfitime për shëndetin
• Ndihmon shëndetin e zemrës (ul homocisteinën)
• Mbështet imunitetin dhe mund të ndihmojë gjatë infeksioneve
• E rëndësishme për kujtesën, humorin dhe funksionin nervor

🔸️ Kategoritë e rriskuara
– Të moshuarit
– Vegjetarianët/veganët
– Persona me sëmundje të aparatit tretës ose që marrin disa medikamente

01/06/2026

🔹️ Njerëzit e qetë nuk janë të pafajshëm. Ata thjesht nuk zbulojnë kartat. 🔹️

▫️Ata flasin pak sepse dinë shumë.
Heshtja e tyre nuk është pasiguri, është kontroll.
▫️Vëzhgojnë para se të veprojnë
Ndërsa të tjerët flasin, ata mbledhin informacion. Çdo reagim i yti është një e dhënë për ta.
▫️Emocionet i mbajnë të fshehura
Kjo u jep avantazh. Kush nuk i shfaq ndjenjat, nuk lexohet lehtë.
▫️Nuk reagojnë menjëherë
Durimi i tyre nuk është dobësi. Është strategji.
▫️Nuk kanë nevojë të dominojnë
Ata kontrollojnë pa u vënë re, pa zë, pa presion.
▫️Kur flasin, loja ka ndryshuar

Nëse një njeri i qetë vendos të flasë, do të thotë se tashmë ka marrë vendimin.

Duhet të dini që:
Njerëzit më të rrezikshëm nuk janë ata që bëjnë zhurmë, por ata që të lexojnë në heshtje.

01/05/2026

Citate për jetën

01/04/2026

🟢 Truri pëlqen sfidat, ndaj jepini arsye të qëndrojë i angazhuar 🟢

Studime të fundit në neuroshkencë tregojnë se disa aktivitete të përditshme mund të kenë një rol mbrojtës ndaj neurodegjenerimit dhe rënies kognitive që lidhet me moshën.

▫️ Dëfrimi përmes kërcimit stimulon neuroplasticitetin, përmirëson koordinimin motorik dhe rrit qarkullimin cerebral, duke ndikuar pozitivisht në funksionet ekzekutive të trurit.

▫️ Leximi i rregullt aktivizon rrjetet neuronale të lidhura me memorien, gjuhën dhe përqendrimin, duke ndihmuar në ndërtimin e asaj që quhet rezervë kognitive, një faktor kyç në vonimin e demencës.

▫️ Video lojërat, kur përdoren në mënyrë të kontrolluar, përmirësojnë shpejtësinë e përpunimit të informacionit, vëmendjen vizuo-hapësinore dhe fleksibilitetin mendor.

Kombinimi i aktivitetit fizik, stimulimit mendor dhe angazhimit emocional mund të jetë një strategji e thjeshtë, por efektive, për të ruajtur shëndetin e trurit dhe për të vonuar plakjen cerebrale.

01/03/2026

🔹 ️Demokracia nuk imponohet nga jashtë
& as nuk sillet me ushtri 🔹️

Kur një shtet i fuqishëm sulmon një vend tjetër dhe pretendon se po sjell demokraci, historia na detyron të jemi skeptikë.

Iraku dhe Afganistani janë shembuj të qartë se ndërhyrja ushtarake në emër të demokracisë, nuk garanton institucione funksionale dhe stabilitet demokratik në atë X vend.

Demokracia nuk funksionon si projekt i importuar.
Ajo kërkon pjesëmarrje reale të shoqërisë, përgjegjësi politike dhe gatishmëri për të përballuar kostot.

Pa këtë bazë të brendshme vitale, çdo ndërhyrje e jashtme mbetet e përkohshme dhe e brishtë.

Një fuqi e huaj mund të rrëzojë një regjim, por nuk mund të ndërtojë vullnet politik, besim dhe kulturë demokratike në atë popull.

Pa angazhim madhor të brendshëm, demokracia nuk është e qëndrueshme, pavarësisht kush pretendon se e sjell.

01/02/2026

🟥 Kur një ilaç “i sigurt” u kthye në një krizë globale kardiovaskulare 🟥

Vioxx (rofecoxib) ishte një NSAID selektiv COX-2, i miratuar në vitin 1999 dhe i përdorur gjerësisht për osteoartrit, artrit reumatoid dhe dhimbje kronike.

Studime të mëvonshme (VIGOR, APPROVe) treguan:
rritje të ndjeshme të infarktit të miokardit
rritje të goditjeve në tru

Mekanizmi i dyshuar:
Inhibimi i COX-2 ul prostaciklinën (mbrojtëse vaskulare), ndërsa tromboksani mbetet aktiv → rritje e rrezikut trombotik.

Në 2004, Vioxx u tërhoq nga tregu.
Vlerësimet flasin për dhjetëra mijëra vdekje të parakohshme globalisht.

Ajo çfarë del si konluzion është se:
Efikasiteti pa siguri afatgjatë mund të jetë po aq i rrezikshëm sa mungesa e trajtimit.

01/01/2026

🔹️Arvanitët, identiteti i fshehur dhe historia që nuk thuhet🔹️

Lajmi që Kryeministri grek Kyriakos Mitsotakis këndoi një këngë për Vitin e Ri 2026 në gjuhën arvanitase (shqip) është më shumë se një gjest simbolik.

Ështe një pranim publik i një të vërtete historike të mohuar: një pjesë e madhe e elitës dhe shoqërisë greke ka rrënjë arvanitase, pra shqiptare.

Arvanitët kanë qenë shtylla e formimit të shtetit grek modern, por gjuha dhe identiteti i tyre u shtypën sistematikisht.
Paradoksi është i dhimbshëm: njerëz me origjinë shqiptare u bënë pjesë e një politike që mohoi, asimiloi apo persekutoi shqiptarë të tjerë.

Rasti i Napoleon Zervës është një kujtesë e errët dhe monstruoze. Një gjeneral me prejardhje arvanitase që u kthye në simbol të dhunës dhe masakrave ndaj popullsisë çame, e cila jetonte në ato troje prej shekujsh.

Ballafaqimi me të shkuarën nuk e dobëson askënd. Përkundrazi, vetëm duke pranuar rrënjët dhe gabimet, shoqëritë mund të ecin përpara me ndershmëri.

Doktoresha ime

01/11/2026

01/10/2026

01/09/2026

01/09/2026

01/07/2026

01/07/2026

01/06/2026

01/05/2026

01/04/2026

01/03/2026

01/02/2026

01/01/2026

Address

Telephone

Website

Alerts

Contact The Practice

Shortcuts

Featured

Share

Category