https://www.facebook.com/104425655862226/

Counseling with Craton, Portland, OR (2025)

10/10/2025

အလုပ်မှာ ပြီးခဲ့တဲ့လကအထိ burn out တွေ တအားဖြစ်ပြီး စိတ်ဖိစီးရတယ်။ Client caseload တွေ များလာတာရော၊ acuity မြင့်တဲ့ client တွေ ပိုရလာတာရော၊ case management ဘာညာလည်း ကိုယ်ပဲဝင်ဝင်လုပ်ပေးရတာကြောင့်ရော၊ ဆေးခန်း/စင်တာကို renovation ပြန်လုပ်နေလို့ လောလောဆယ် ကိုယ်ပိုင်ရုံးခန်း အတည်တကျမရှိသေးတာရော။ ကျွန်တော်နဲ့ in-person counseling လာပြချင်တဲ့ client တွေက သောကြာနေ့တစ်ရက်တည်းကိုပဲ အလုအယက်ယူလို့ရတော့ ဒီဇင်ဘာလအထိက သောကြာနေ့တွေအကုန်လုံး fully booked ပဲ။

ဒီကြားထဲ လက်ရှိတက်နေတဲ့ EMDR therapy ၄လပြတ်သင်တန်းကလည်း very intensive, အိမ်စာတွေ တအားပေး၊ practice တွေလည်းလုပ်ရ၊ supervision ဝင်ရ။

ဒီဇင်ဘာကျရင်လည်း လိုင်စင်သစ်တစ်ခုအတွက် national clinical exam တစ်ခုဖြေရဦးမှာမို့ အဲ့ဒီအတွက်က စာဖတ်ရသေးတာ။ practice test တွေ ဖြေကြည့်ရသေးတာ။ ဒီလိုနဲ့ပဲ burn out ဖြစ်တာ ကြာလာတော့ လူက အလုပ်လုပ်ရမှာ စိတ်ညစ်လာတယ်၊ ညဘက်တွေ ကောင်းကောင်းအိပ်မပျော်၊ ပူပန်မှုတွေများလာရော။ ဒါတောင် ကိုယ်ပိုင် counseling အလုပ် private practice က stress တွေ ထည့်မပြောသေးဘူး။

အဲဒါနဲ့ အလုပ်က supervisor တွေရော၊ team ကိုရော သေချာစကားပြောပြီး case အသစ်တွေ ထပ်မပေးဖို့၊ case manager အမြန်ခန့်ဖို့၊ လောလောဆယ်အလုပ်တွေကို မျှပြီး ဖြန့်လုပ်ခွင့်ပေးဖို့၊ ကျွန်တော်တို့ clinician တွေကို ဖိအားသိပ်မပေးဘဲ ကိုယ်ချင်းစာဖို့ တောက်လျှောက်ကိုပြောနေတော့ အခု အောက်တိုဘာ ၁ရက်နေ့ကစပြီး ကျွန်တော့်ကို ဘာဖိအားမှမပေးတော့တဲ့အပြင် အလုပ်ကို အဆင်ပြေသလို စိတ်ကြိုက်လုပ်ဖို့၊ အချိန်ဇယားကို အဆင်ပြေသလိုဆွဲဖို့ သဘောတူပြီး new case တွေပေးတာလည်း ရပ်လိုက်တယ်။ အလုပ်ချိန်မှာလည်း အဆင်ပြေသလို နားဖို့၊ self-care လုပ်ဖို့ အားပေးလာတယ်။ စိတ်ကောင်းရှိပြီး ပရော်ဖက်ရှင်နယ်ဆန်တဲ့ team နဲ့အလုပ်လုပ်ရလို့ ကံကောင်းတယ်ဆိုရမယ်။

ကျွန်တော့်ကိုယ်ကျွန်တော်လည်း သောကြာနေ့တိုင်း counseling session တွေကြား နားတဲ့အချိန်လေးကို နာရီဝက်လောက် neurofeedback therapy နဲ့ ရုံးခန်းထဲမှာပဲ ကုတယ်။ အဓိကက စိတ်ဖိစီးမှုလျော့အောင်ရယ်၊ နှစ်နှစ်ခြိုက်ခြိုက် အိပ်ပျော်အောင်ရယ်၊ ခေါင်းတွေဘာတွေ မကိုက်အောင်ရယ် ကုတာ။ အတော်လေးသိသာလာတယ်။ ခုရက်ပိုင်းတွေ တအားအိပ်ကောင်းတာပဲ။ စားလို့လည်းကောင်းတယ်။ စိတ်ထဲရှင်းပြီး အလုပ်လုပ်ရတာ အားအင်ပြည့်သလို ပိုခံစားရတယ်။ Neurofeedback ကို ဆက်လုပ်သွားဦးမယ်။ စက် (neurofeedback device) ရှိရင် ကိုယ့်ဟာကိုယ်ကုလို့ရတာကိုး။

ခရီးတိုလေးတွေ ဆက်တိုက်ထပ်ထွက်ဖို့ရှိတယ်။ Concert, rave ဘာညာ ပုံမှန်ပဲ ဆက်သွားရင်း စိတ်ကို အနားပေးမယ် စိတ်ကူးတယ်။ ကမယ်၊ ခုန်မယ်၊ ကစားမယ်၊ စားမယ်သောက်မယ်၊ ချစ်သူ, သူငယ်ချင်းတွေနဲ့ အချိန်ကုန်ဆုံးမယ်၊ ကြိုက်တဲ့ရုပ်ရှင်တွေ တဝကြည့်မယ်၊ ကိုယ်ပိုင်အချိန် ပိုယူမယ်။

Counseling with Craton

10/09/2025

ပညာမာနဆိုတာ အခုနောက်ပိုင်းနှစ်တွေမှာ သိပ်မထားဖြစ်တော့ဘူး။ ကိုယ်သိတဲ့တတ်တဲ့ဟာက on the grand scheme of things အရပြောရင် တကယ်ဆို သေးသေးလေးရယ်။ ဘာမှ မပြောပလောက်ဘူး။ ကိုယ့်ထက် သိ၊ တတ်၊ တော်သူတွေ အများကြီးရှိတယ်။ ကိုယ်နားမလည် လက်လှမ်းမမှီတာတွေ အများကြီးရှိတယ်။ ဒါ ကိုယ့်ကိုယ်ကိုယ် နှိမ်တာမဟုတ်ဘူး။ Discount လုပ်တာလည်းမဟုတ်ဘူး။ ကိုယ့်လောက်မသိသူကိုလည်း ဘာမှနှိမ်စရာမလိုဘူး။ သူတို့မှာ ကိုယ်မသိတဲ့၊ မတွေ့ကြုံဖူးတဲ့ အသိပညာ အတတ်ပညာ, lived experiences, resilience, emotional intelligence စသည် ပိုရှိနေနိုင်တာပဲ။ အပေါ်ယံကြည့်ရုံ၊ နှစ်ခါသုံးခါဆုံဖူးရုံနဲ့ သေချာမသိနိုင်တာကြောင့် ဘယ်သူ့ကိုမှ လျှော့မတွက်၊ အထင်မသေးသင့်ဘူး။ အတန်းပညာ၊ formal education မတတ်လို့လည်း အထင်သေးလို့မရဘူး။ Respect ထားပြီး ဆက်ဆံဖြစ်တယ်။ သူတို့ထင်တာ/မြင်တာ ယုံကြည်/ယူဆတာတွေ ကိုယ်နဲ့မတူရင်လည်း မတူဘူးပဲ မှတ်တယ်။ ကိုယ်က ပိုသာတယ်၊ ပိုမှန်တယ်လည်း မထင်ဘူး။ အဲ့လိုထင်မိရင်လည်း ကိုယ့်ကိုယ်ကိုယ် ပြန်သုံးသပ်ပြီး ပြန်ပြန်ဆွဲချရတယ်။ အဲ့လိုထင်မိတဲ့ အခြေခံအတွေးနဲ့ discourse တွေကို ပြန်ချိန်ဆတယ်၊ ဘာကြောင့်လဲ၊ ဘယ်ကလာတာလဲပေါ့။ ဒီလိုပဲ လူပီသအောင် နေရတာပဲ။

Counseling with Craton

10/04/2025

ပုံဟောင်းလေးတွေ။ မျက်နှာမမြင်ရလေ အေးလေ

10/03/2025

လူမတွေ့ရတဲ့အရပ်ဆို ဘယ်လိုစိတ်ချမ်းသာမှန်းမသိ။ မျက်လုံးရှင်း၊ စိတ်ရှင်းလို့။

10/02/2025

ဟိုနေ့ကရောက်တဲ့ White Salmon River

10/01/2025

ကိုယ့်ကိုယ်ကိုယ် အရှိတရားအတိုင်း၊ ဖြစ်တည်မှုအတိုင်း လက်ခံတတ်အောင် သင်ယူခြင်းက ကိုယ့်ရဲ့အားနည်းချက်တွေအတွက် ဆင်ခြေတက်တာ မဟုတ်ဘူး။ အမှန်တရားကို ငြင်းဆိုမနေဘဲ လုပ်စရာရှိတာဆက်လုပ်နိုင်အောင်၊ အားနည်းချက်တွေရှိတဲ့လူကောင်းတစ်ယောက်အနေနဲ့ ဆက်လက်ရပ်တည်နိုင်အောင် ကိုယ့်ကိုယ်ကိုယ် အရိုးသားဆုံး ခွင့်ပြုလိုက်တာ။

Counseling with Craton

10/01/2025

ကလေးဘဝတုန်းက “ငါတို့မခွဲကြဘူးနော်” လို့ပြောခဲ့တဲ့သူတွေနဲ့ အသက်ကြီးတော့ ကွဲသွားပြီ။ ဆယ်ကျော်သက်အရွယ်ရောက်တော့ ဘဝရဲ့အရေးအပါဆုံးလို့ထင်ခဲ့သူတွေလည်း ခုချိန် တစ်အိုးတစ်အိမ်ထောင်နဲ့ တစ်နယ်စီ၊ တစ်နိုင်ငံစီမှာ။ အသက်၂၀ကျော်လောက်တုန်းက ဆုံခဲ့သူတွေလည်း ဘဝထဲမှာ ကျန်သူကျန်၊ မကျန်သူမကျန်။ အသက်၃၀ကျော်လာတော့လည်း တစ်သက်လုံးမခွဲဘူးလို့ စိတ်ထဲမှာထင်နေသူတွေ ရှိလာပြန်တယ်။ ဒါပေမဲ့ ငယ်ငယ်တုန်းကလိုပဲ ကိုယ့်ထိန်းချုပ်မှုအောက်မှာရှိမနေတဲ့ အရာတွေက အဲ့ဒီလူတွေကို တစ်နည်းနည်းနဲ့ စနစ်တကျ ဆွဲထုတ်သွားကြဦးမှာပဲ။ ဒီအမှန်တရားကိုသိနေလည်း ကျွန်တော်တို့တွေဟာ ချစ်မြဲချစ်ဆဲ၊ တွယ်တာမြဲတွယ်တာဆဲ၊ နှောင်ကြိုးအသစ်တွေ ထပ်ထပ်ချည်ဆဲ၊ ဆက်ဆက်တည်ဆဲ။ ဘာလို့လဲဆိုတော့ တစ်ယောက်တည်း အကြာကြီး မနေနိုင်လို့ပဲ။ အုပ်စုကလေး သေးသေးလေးဖြစ်ဖြစ်၊ အနည်းဆုံး နှစ်ယောက်သုံးယောက်လောက်တော့ဖြစ်ဖြစ် ရှိမှ ပေါင်းဖွဲ့ပြီးနေလို့အဆင်ပြေကြတာ။ လူမှုရေးရာ၊ ချစ်ရေးရာ၊ သာရေးနာရေးတွေမှာ ကွန်မြူနတီနဲ့စုဖွဲ့ပြီး ရှင်သန်ကျက်စားလေ့ရှိကြလို့ပဲ။ အဲ့လိုမရှင်သန်ရရင် ရွာပြင်ထုတ်ခံထားရသလို acceptance, belonging and connection ကို အငမ်းမရ တောင့်တရှာဖွေတတ်ကြတာ သဘာဝပဲ။ ဒီတော့ ဘယ်နှစ်ခါပဲ ဆုံးရှုံးဖူးဖူး၊ နာကျင်ဖူးဖူး အမှတ်မရှိဘဲ ထပ်စွန့်စားပြီး ချစ်ကြ၊ ပေါင်းသင်းကြ၊ တွယ်တာကြတယ်။ ကျွန်တော်ကတော့ အဲ့ဒီဖြစ်စဉ်ကို သိပ်လှပတဲ့ လူသားဆန်မှုလို့ ခံစားမိတာပဲ။ သူများတွေ spiritually တို့၊ religiously တို့ ဘယ်လိုပဲကြည့်ကြည့်၊ ပြောပြော ကျွန်တော့်အနေနဲ့ လူသားအဖြစ် ရှင်သန်ရပ်တည်နေရတဲ့ဘဝမှာ ဒါတွေကပဲ လူသားဆန်ခြင်းပြယုဂ်ကို ထင်ဟပ်စေတဲ့ အတွေ့အကြုံ ရုပ်စုံလို့ သတ်မှတ်ထားတယ်။ တစ်ချိန်ကျရင် ခွဲကိုခွဲရဦးမယ့်သူတွေနဲ့ ကျွန်တော် ထပ်မိတ်ဆက်လိုက်ပါဦးမယ်။ ပြီးရင် ချစ်လိုက်ပါဦးမယ်။

Counseling with Craton

10/01/2025

ကျွန်တော်တို့တွေဟာ မတူညီတဲ့ဘဝတွေ၊ မတူညီတဲ့ လူမျိုး၊ အသားအရောင်၊ မိသားစုဝင် background ၊ socio-political-economic အခြေအနေ၊ စိတ်ကျန်းမာရေးအခြေအနေ၊ developmental ဖွံ့ဖြိုးမှုအခြေအနေ၊ ability/disability, မတူညီတဲ့ ဂျန်ဒါ၊ လိင်စိတ်ဝိသေသကွဲပြားမှုစတဲ့ အခြေအနေတွေကနေ လာကြတာမို့ လူတစ်ယောက်ရဲ့ “ငါ လုပ်ရင် ဖြစ်ကိုဖြစ်တယ်” ဆိုတဲ့အရာဟာ ကိုယ့်အတွက်တော့ မှန်ချင်မှ မှန်ပါလိမ့်မယ်။ လုပ်တိုင်းဖြစ်တယ်၊ အောင်မြင်တယ်ဆိုတာ တချို့တဝက်အတွက်ပဲ မှန်ပါတယ်။ လူ့အသိုင်းအဝန်းထဲမှာရှိနေတဲ့ social constructs တွေ၊ သာတူညီမျှ မရှိမှုတွေ၊ မျက်နှာလိုက် ခွဲခြားမှုတွေ၊ systems of oppression တွေကြောင့် လူတွေဟာ ရောက်ချင်တဲ့ပန်းတိုင်တော့ တူချင်တူပေမဲ့ ခရီးစတင်ရတဲ့နေရာချင်း မတူသလို ခရီးမှာ လှမ်းလျှောက်ရပုံတွေလည်း မတူကြပါဘူး။ တချို့စနစ်တွေ၊ ကွဲပြားခြားနားမှုတွေက ကိုယ်ဘယ်လောက်ပဲကြိုးစားကြိုးစား အမြင့်ကိုတော်တော်နဲ့မရောက်အောင် ဆွဲချထားကြပါတယ်။ နွံထဲကမထွက်နိုင်အောင် အဆင့်ဆင့်ဖိနှိပ်ထားပြီး အမြင့်ရောက်ဖို့ခက်ခဲအောင် တားဆီးထားတာတွေရှိပါတယ်။ အဲ့ဒီစနစ်တွေ၊ social constructs တွေကို ပြင်ဆင်ပြောင်းလဲဖို့မကြိုးစားဘဲ “ငါလုပ်သလိုလုပ်၊ ငါ့လိုအောင်မြင်မယ်” တို့၊ “သူတို့နဲ့ပေါင်းရင် သူတို့လိုဖြစ်လိမ့်မယ်” ဆိုတာတွေဟာ နားထောင်လို့ကောင်းရုံသာ ဖြစ်ပါတယ်။ တကယ်တော့ မှန်မနေပါဘူး။ ဒီလိုပြောလို့ ကိုယ့်ဘက်က ကြိုးစားအားထုတ်မှုကို လျှော့ရမယ်လို့ မဆိုလိုပါဘူး။ ကိုယ့်ဘက်ကလည်း ကြိုးစား၊ စနစ်တွေကိုလည်း တန်းညီလာအောင်၊ equal ဖြစ်လာအောင် တစ်ဖက်တစ်လမ်းက ပါဝင်တာမျိုးကိုပြောတာ။

Counseling with Craton

09/29/2025

ဘာမှထပ်မလိုအပ်တော့ပါဘူး

09/25/2025

ဒီဟာက ရေးခဲ့တာလည်းကြာပါပြီ။ ခုထိလည်း DV case တွေက ဆက်တိုက်ပေါ်လာနေတုန်းပဲ။ Domestic Violence ကို ကျူးလွန်သူကို ကျွန်တော်နေတဲ့ပြည်နယ်မှာတော့ လက်ကလေးတစ်ချက်ပါတာနဲ့ ထောင်ချရင်ချ၊ မချရင် ဒဏ်ငွေနင့်နေအောင်ဆောင်ရပြီး DV class ကို ၁၂ပတ်ကနေ ၃လအထိ အများနဲ့အတူ တက်ရပါတယ်။ အဆိုင်းမန့်တွေလုပ်ခိုင်းပါတယ်။ DV ရဲ့ ဆိုးကျိုးတွေအကြောင်း သင်တာပါ။ တစ်ယောက်ချင်းလည်း counseling ကို ၁၂ပတ်ကနေ ၆လအထိ လုပ်ရပါတယ်။ Criminal record လည်း တစ်သက်လုံး ပါသွားပါပြီ။ အလုပ်ပျက်အကိုင်ပျက်နဲ့ ကိုယ့်ဘဝပါပျက်နိုင်တဲ့အမှုပါ။ သားသမီးရှိရင် သားသမီးရဲ့ custody ကိုပါ ဆုံးရှုံးနိုင်ပြီး အမှုကြီးရင် သားသမီးကို လုံးဝ မတွေ့ရတော့ပါဘူး။ Criminal record ကြောင့် နောက် အလုပ်အကိုင်လျှောက်တာတို့ ဘာတို့ဆို အခက်အခဲရှိသလို နောက်ထပ်တစ်မှုမှု ကျူးလွန်မိခဲ့ရင် အပြစ်ပိုကြီးလေးစွာ ခံစားရမှာပါ။ Criminal justice အရမပြောဘဲ စိတ်ပညာအရပြောရရင်တော့ DV ကျူးလွန်သူတွေ အတော်များများဟာ ငယ်ဘဝက သူတို့ကိုယ်တိုင် DV မိသားစု/ပတ်ဝန်းကျင်မျိုးမှာ ကြီးပြင်းလာခဲ့ရပြီးအကြမ်းဖက်မှုနဲ့ အသားကျလာခဲ့တဲ့သူတွေဖြစ်ပါတယ်။ ထရာမာတွေများစွာ သယ်ဆောင်လာခဲ့ပြီး ကောင်းစွာ process မလုပ်နိုင်သူတွေ၊ လောကကြီးကို မကျေနပ်နေသူတွေ၊ ဒေါသ နာကျင်မှု အငြိုးတရားတွေနဲ့သာ ခံစားချက်ကိုပြသတတ်၊ ပြဿနာကိုဖြေရှင်းတတ်ကြလေ့ ရှိပါတယ်။ အတိတ်ကစိတ်ဒဏ်ရာကိုရော၊ emotional regulation ကိုရော၊ ကိုယ့်ရဲ့ harmful ဖြစ်စေတဲ့ cognition and behaviors တွေကိုရောပါ သေချာကုစားပြီး ပြင်ရမှာပါ။

09/24/2025

ကိုယ်မသိ၊ နားမလည်၊ မကျွမ်းကျင်တဲ့ကိစ္စတွေ၊ ကိုယ်နဲ့မဆိုင်တဲ့ကိစ္စတွေမှာ ဘာမှသိပ်ဝင်မပြောတာကောင်းတယ်လို့ ကျွန်တော့်တစ်ကိုယ်ရည်ခံယူထားတယ်။ ပြောသူတွေကလည်း သူတို့ခံယူချက်နဲ့မို့ပြောကြတာ။ ဒါက သူတို့အလုပ်။ ကျွန်တော့်အလုပ်က ဝင်မပြောဖို့၊ သေချာမသိဘဲ ဝင် မ blame ဖို့၊ ဆွမ်းကြီးဝင်မလောင်းဖို့။ Facts မဟုတ်ဘဲ ထင်ကြေးနဲ့ဝင်ပြောတာမျိုးဆိုရင်လည်း တစ်ဖက်လူရဲ့ information ကို ချန်လှပ်ပြီး ဆွေးနွေးတဲ့ပုံစံနဲ့ပြောရမယ်။ Blame တဲ့ပုံစံနဲ့မပြောဘူး။ တခါတလေပြောမိသွားတယ်ဆိုလည်း နောက်မပြောအောင်ကြိုးစားတယ်။ ဘာကြောင့်လဲဆိုတော့ စကားလုံးတွေက လူတစ်ယောက်ရဲ့စိတ်ကို ဘယ်လောက်ထိခိုက် ကိုင်လှုပ်နိုင်သလဲ၊ စိုးမိုးသက်ရောက်စေသလဲဆိုတာ နားလည်ထားလို့ပဲ။ သူအပါအဝင် သူ့ကိုချစ်ခင်ကြတဲ့သူတွေကိုပါ စိတ်ဒဏ်ရာတွေသွားပေးသလိုဖြစ်မယ်။ နာကျင်သိမ်ငယ်သွားစေနိုင်တယ်၊ ကိုယ့်စကားကြောင့် သူများကို harm ဖြစ်စေနိုင်တယ်။ အဲ့ဒါမျိုးလုပ်မိရင် အပြစ်ရှိတယ်လို့ ကိုယ့်ကိုယ်ကိုယ် ခံစားရလို့။

Counseling with Craton

09/24/2025

မနှစ်နဲ့တစ်နှစ်က ဒီလိုဆောင်းဦးဝင်ချိန် ဝါရှင်တန်ပြည်နယ်ထဲမှာ လျှောက်သွားလို့ကောင်းချိန်ပေါ့။ တိုက်ဆိုင်တာပဲလားတော့မသိဘူး ဒီနှစ်လည်း ဆောင်းဦးဝင်ချိန်ကို ခုလာမယ့် weekend ထဲ ခရီးတိုလေးတစ်ခုသွားဖို့ စီစဉ်ထားခဲ့တာ။ Fresh pics တွေကတော့ ခရီးကျမှပဲ share တော့မယ်။ ခရီးတိုတွေဆိုရင် သိပ်အဝေးကြီးမသွားဖြစ်ပါဘူး။ အိမ်ကနေ အလွန်ဆုံးမောင်းရမှ ၂နာရီသာသာလောက်တွေပဲ။ Pacific Northwest ကနေ ဘယ်ကိုမှမပြောင်းဖြစ်တော့ဘူးထင်တာပဲ။

Counseling with Craton

10/10/2025

10/09/2025

10/04/2025

10/03/2025

10/02/2025

10/01/2025

10/01/2025

10/01/2025

09/29/2025

09/25/2025

09/24/2025

09/24/2025

Address

Website

Alerts

Shortcuts

Share

Category