Fr. Dr. A P George

Home
United States
Washington D.C., DC
Fr. Dr. A P George

Greetings in the Matchless Name of our Lord Jesus Christ! Fr. Dr. A. P. George was born in Arackakudy family, Vengola, Ernakulam District, Kerala.

His parents were Paily and Aliyamma. He had his education at Union Christian College, Aluva, and University Center Karyavattom, Trivandrum. He earned his PhD in Psychology from University of Kerala, Trivandrum. Clinical Psychology Post Graduate degree from Central Institute of Psychiatry, Bihar and certification as Deaddiction Counselor from United States. He was ordained as priest in Malankara Syrian Orthodox Church and served in different parishes in Kerala and United States. He worked with various projects of Guardian Angel Care Charitable Society, Kerala, India. During his stay in India, he served as the Director of Bethsada Nursing Home, Clinical Psychologist in Bethsada Mental Health Center and visiting Professor in Malankara Syrian Orthodox Theological Seminary, Mulamthuruthy, Kerala. During his stay in United States, he worked as Professor in Psychology, in the department of Social Sciences, Essex County Community College, New Jersey. Special interests are evangelization, marriage and youth counseling, social work, and writing. Wrote and published nine books of psychological and theological nature for personality development and spiritual enlightenment. His beloved wife Lysa and blessed children Sooraj, Veena, Manu, Sharon and grandchildren Eva and Ephraim are highly supportive and vital partners in his fatherg.com digital ministry. From the bottom of our heart we would like to express our appreciation and indebtedness to our web master beloved Markose George and DTP artist Leena Aliyas. They are 7/24 volunteer workers behind the screen. Thank you so much for the wonderful job you do for our web ministry. We've heard from visitors and volunteers how creative, helpful, and professional you are, and that really inspires confidence in our divine mission. We're so lucky to have you. Thank you for your gracious comments. We're grateful for the opportunity to make this digital content available to you, and pray the LORD will use it to help you in your walk with the LORD. Thank you for letting us know the things that have been most helpful to you. This really helps us know what to add, change or correct. If this mission sounds good to you, please visit us again and introduce this ministry to your friends. May the Lord bless you and make his face to shine upon you and be gracious to you and your family.

10/26/2025

Enjoy the videos and music you love, upload original content, and share it all with friends, family, and the world on YouTube.

10/22/2025

🌿 Wednesday with Jesus

Grace and peace to you in the Name of Lord Jesus Christ!
Dear Bretheren in Christ,

“And don’t sin by letting anger control you. Don’t let the sun go down while you are still angry, for anger gives a foothold to the devil.” — Ephesians 4:26–27

Anger is a natural human emotion, but when it takes control, it becomes a dangerous weapon in the enemy’s hand. Jesus, our perfect example, showed righteous anger when necessary — such as when He drove out the money changers from the temple — yet He never allowed that anger to turn into sin.

Paul reminds us that anger, if not resolved quickly, opens a door for Satan to sow bitterness, division, and guilt. Every sunset becomes a divine reminder to check our hearts — have we forgiven? Have we released the hurt? Have we spoken peace instead of poison?

Reconciliation before nightfall is not just good manners — it’s spiritual hygiene. It closes the cracks where darkness tries to creep in.

Let Jesus teach us to surrender our wounded emotions before the day ends. The peace that follows forgiveness is the pillow of the righteous.
🙏
Lord Jesus, teach me to control my anger before it controls me. Help me forgive quickly, love deeply, and never let the sun set on bitterness. Guard my heart from giving any foothold to the enemy. Amen.

Prayerful regards,
a. p. george achan
(Courtesy)

10/21/2025

കർത്താവേ, വീഞ്ഞില്ല

കാനാവിലെ കല്യാണ വീട്ടിൽ വീഞ്ഞ് തീർന്നു.
നമ്മുടെ ജീവിതത്തിൽ ഇല്ലായ്മയും അപര്യാപ്തതയും പോരായ്മയും ഒക്കെ ധാരാളം ഉണ്ടായിട്ടുണ്ട്. അപ്പോഴൊക്കെ നമ്മൾ അനുഭവിച്ച ലജ്ജയും അപമാനവും നിസ്സഹായതയും കുറച്ചൊന്നുമായിരുന്നില്ല. പലരുടെയും ജീവിതത്തിൽ ഇല്ലായ്മയുടെ പ്രതിസന്ധികൾ ഇപ്പോഴും തുടരുന്നുണ്ടാകാം.
ജീവിതത്തിൽ വീഞ്ഞ് തീർന്നുപോയ സന്ദർഭങ്ങളിൽ കുറവ് പരിഹരിച്ച്‌ പരിഹാരമുണ്ടാക്കിയ കർത്താവിനെപ്പറ്റിയുള്ള സങ്കീർത്തനക്കാരന്റെ സാക്ഷ്യം നമ്മളും ഏറ്റു പറയണം:
സങ്കീർത്തനങ്ങൾ
103:1-2 'എൻ മനമേ, യഹോവയെ വാഴ്ത്തുക; എന്റെ സർവ്വാന്തരംഗവുമേ, അവന്റെ വിശുദ്ധനാമത്തെ വാഴ്ത്തുക.
എൻ മനമേ, യഹോവയെ വാഴ്ത്തുക; അവന്റെ ഉപകാരങ്ങൾ ഒന്നും മറക്കരുതു.'

ഇടയനായ യഹോവ ആയിരുന്നു നമ്മുടെ ജീവിതത്തിലെ കുറവുകളെല്ലാം പരിഹരിച്ച് അഭിമാനം രക്ഷിച്ചത്. അവകാശത്തോടെ തലയുയർത്തി നടക്കാൻ സാധിച്ചത് ദൈവം നൽകിയ അൽഭുതദാനങ്ങൾ കൊണ്ടു മാത്രമായിരുന്നു. എൻ മനമേ, യഹോവയെ വാഴ്ത്തുക; അവന്റെ ഉപകാരങ്ങൾ ഒന്നും മറക്കരുതു.
ഇപ്പോഴത്തെ ജീവിതത്തിലെ ശൂന്യവും കൈപ്പ് നിറഞ്ഞതും രുചിനഷ്ടപ്പെട്ടതും ആയ മേഖലകളെ സ്വാദിഷ്ടവും രുചിപ്രദവും ആക്കാൻ കർത്താവിന് കഴിയും.

നമ്മുടെ ജീവിതത്തിൽ മാത്രമല്ല മറ്റുള്ളവരുടെ ജീവിതത്തിലും സഭയിലും രാഷ്ട്രത്തിലുമൊക്കെ ആത്മചൈതന്യം വറ്റിപ്പോയ അവസ്ഥ കാണുമ്പോൾ, മേരി മാതാവിനെപ്പോലെ, 'കർത്താവേ, അവർക്ക് വീഞ്ഞില്ല ' എന്ന് പറയുവാനുള്ള ആത്മീയ ബാധ്യത നമുക്കുണ്ട്. അത് നമ്മുടെ സഹോദരങ്ങളോടുള്ള കരുതുന്ന സ്നേഹത്തിന്റെ ഉത്തരവാദിത്വമാണത്. ചോദിക്കുവാൻ മിഥ്യഭിമാനവും വിമുഖതയുമുള്ളവർക്ക് വേണ്ടി കർത്താവിനോട് നമ്മൾ അപേക്ഷിക്കണം :
കർത്താവേ, വീഞ്ഞില്ല...

ആത്മബന്ധം, സ്നേഹം, സൗഹൃദം തുടങ്ങിയ വീഞ്ഞില്ലാത്തതിന്റെ പ്രതിസന്ധിയിലാണ് പല കുടുംബ- ദാമ്പത്യ ബന്ധങ്ങളും. ലക്ഷ്യബോധം, ഉത്സാഹം, ഉണർവ്, തുടങ്ങിയ വീഞ്ഞില്ലായ്മയുടെ മേഘാവൃതമായ മാനസികാവസ്ഥയിലാണ് അനേകം യുവാക്കൾ. വിശ്വസ്തത, കരുണ, സമാധാനം, സുരക്ഷിതബോധം, സുസ്ഥിരത, വിശ്വാസം തുടങ്ങിയ ആത്മഹർഷത്തിന്റെ വീഞ്ഞ് ഇല്ലാതായതിന്റെ ശൂന്യതാ ബോധത്തിലാണ് ആധുനിക സമൂഹം.
അതേ കർത്താവേ, ഇവർക്ക് വീഞ്ഞില്ല!

വീഞ്ഞില്ലെന്ന് കർത്താവിനോട് പറയുന്നതിന് പകരം സ്വന്തം ബുദ്ധിയിലും കഴിവിലും ആശ്രയിക്കുന്നവരാണ് അധികം പേരും. ജീവിതത്തിലെ അപര്യാപ്തതകൾ പരിഹരിക്കാൻ കർത്താവ് നമ്മുടെ ജീവിതത്തിൽ കടന്നു വരണം. ഹൃദയ തുരുത്തികളെ വാഴ്ത്തി അനുഗ്രഹിക്കണം. എങ്കിലേ നിറവും സമ്പൂർണ്ണതയും ഉണ്ടാകു. അതിന്, കർത്താവേ വീഞ്ഞില്ലെന്ന് ആവശ്യ ബോധത്തോടെ പറയുവാനുള്ള വിനയം ഉണ്ടാകണം.
'ദൈവമേ എനിക്കും എന്റെ പ്രിയപ്പെട്ടവർക്കും വീഞ്ഞ് ഇല്ല ' എന്ന് പറയുന്നതാണ് പ്രാർത്ഥന. എന്തുതരം വീഞ്ഞ്, എത്രമാത്രം വേണം എന്നൊന്നും നമ്മൾ പറയേണ്ട കാര്യമില്ല. ശൂന്യമായ ഹൃദയ കൽഭരണികൾ കാണുന്ന കർത്താവിന് നമ്മുടെ ആവശ്യങ്ങൾ എത്രമാത്രമാണ്, എന്തൊക്കെയാണ് എന്നൊക്കെ അറിയാം. ആവശ്യമുള്ളത് കർത്താവ് അറിഞ്ഞ് ചെയ്തുകൊള്ളും.

വീഞ്ഞ് തീർന്ന വീട്ടിൽ എന്താണ് ചെയ്യേണ്ടതെന്ന് മാതാവ് യേശുവിനോട് പറഞ്ഞില്ല. അവൾ ആ ഭവനത്തിലെ ഇല്ലായ്മയുടെ വാതിൽ തുറന്നു കാണിക്കുക മാത്രമാണ് ചെയ്തത്.
പുതിയ സാധ്യതകളുടെയും പ്രതീക്ഷകളുടെയും അനേകം വാതിലുകൾ തുറക്കാൻ തന്റെ മകന് കഴിയുമെന്ന് മേരി മാതാവിന് ഉറപ്പുണ്ടായിരുന്നു.

നമ്മുടെയും മറ്റുള്ളവരുടെയും ലോകത്തിന്റെയും ഇല്ലായ്മകൾ പ്രാർത്ഥനയിലൂടെ നമ്മൾ ക്രിസ്തുവിനെ തുറന്നു കാണിക്കണം. പരിഹാരം എന്താണെന്ന് നമ്മുടെ കർത്താവിന് അറിയാം. നമ്മുടെ വീഞ്ഞ് തീർന്നത് മാത്രമായിരിക്കരുത് നമ്മുടെ പ്രാർത്ഥന വിഷയം. സ്വന്തം ജീവിതത്തിൽ ദൈവ ചൈതന്ന്യം നഷ്ടപ്പെട്ടതും വറ്റിപ്പോയതുമോക്കെ അറിയാത്തവർക്ക് വേണ്ടി, അതുമൂലം പ്രതിസന്ധികൾ നേരിടുന്ന വർക്കുവേണ്ടി നമ്മൾ പ്രാർത്ഥിക്കണം:
കർത്താവേ അവർക്ക് വീഞ്ഞില്ല..

നമുക്ക് ആവശ്യമുള്ളത് എന്താണെന്ന് കൃത്യമായി അറിയുന്ന ദൈവത്തോട് ആവശ്യങ്ങൾ പറയുമ്പോൾ, 'അത് ചെയ്യൂ' 'ഇങ്ങനെ ചെയ്യൂ' 'ഇത്ര സമയത്തിനുള്ളിൽ ചെയ്തിരിക്കണം' എന്നൊന്നും ദൈവത്തെ ഡിക്റ്റേറ്റ് ചെയ്യരുത്. തന്നതും തരാതിരുന്നതും നല്ലതിനാണ്. വാതിൽ തുറന്നതും അടച്ചതും വഴി തടഞ്ഞതും തിരിച്ചു വിട്ടതുമൊക്കെ നമ്മുടെ നന്മയ്ക്ക് വേണ്ടിയായിരുന്നു. എല്ലാം നന്മയ്ക്കായി രൂപാന്തരപ്പെടുത്തുന്നവനാണ് നമ്മുടെ ദൈവം. അതുകൊണ്ടാണ് പ്രാർത്ഥിക്കുമ്പോൾ ജാതികളെപോലെ ജല്പനം ചെയ്യരുത്, പരീശൻമാരെപ്പോലെ നാടകീയ പ്രാർത്ഥനാ പ്രകടനം നടത്തരുത് എന്നൊക്കെ കർത്താവ് ഓർമ്മപ്പെടുത്തിയത്.ഉള്ളം ഉള്ളതുപോലെ അറിയുന്ന കർത്താവിന്റെ മുമ്പിൽ അക്ഷമരാകാതെ, മടുത്തു പോകാതെ പ്രാർത്ഥിച്ചു കൊണ്ടിരിക്കണം.

ആകാശം ഭൂമിക്കുമേൽ ഉയർന്നിരിക്കുന്നത് പോലെയുള്ള അന്തരം നമ്മുടെ ചിന്തകളും ദൈവത്തിന്റെ ചിന്തകളും തമ്മിലുണ്ട് . വീഞ്ഞ് തീർന്നെന്നു പറയുമ്പോൾ കർത്താവിന്റെ പരിഹാരമാർഗ്ഗങ്ങൾ നമ്മൾ ചിന്തിക്കുന്നതിൽ നിന്നും വ്യത്യസ്തമാകാം. ക്ഷമയോടെ കാത്തിരുന്ന് കർത്താവ് തരുന്നത് സന്തോഷത്തോടും വിനയത്തോടും സ്വീകരിക്കണം.

അൽഭുതം പ്രവർത്തിക്കുന്നത് ദൈവമാണ്. അതിനുള്ള 'സ്റ്റേജ് സെറ്റിംഗ്സിൽ' നമുക്കും പലതും ചെയ്യുവാനുണ്ട്. മാതാവ് വീഞ്ഞ് ഇല്ലെന്ന് പറഞ്ഞു, പരിചാരകർ വെള്ളം നിറച്ചു, പന്തിപ്രമാണി രുചിച്ച് നല്ല വീഞ്ഞാണെന്ന് സാക്ഷ്യം പറഞ്ഞു. അവരൊക്കെ അത്ഭുതങ്ങൾക്കായി കർത്താവിന്റെ മുമ്പിൽ വിനയത്തോടെ ശുശ്രൂഷ ചെയ്തവരാണ്.
വീഞ്ഞില്ല, നിസ്സഹായരാണ്, അവിടുന്ന് പറയുന്നതെന്തും അനുസരിക്കുവാൻ തയ്യാറാണ് എന്നൊക്കെ കർത്താവിനോട് നമ്മൾ പറയുമ്പോൾ, കർത്താവിന്റെ അത്ഭുത കരങ്ങൾ നമുക്ക് നേരെയും മറ്റുള്ളവർക്ക് നേരെയും നീട്ടും. ചില സാഹചര്യങ്ങളിൽ മേരി മാതാവിന്റെയും പരിചാരകരുടെയും ചുമതലകൾ മറ്റുള്ളവർക്ക് വേണ്ടി നമ്മൾ നിർവ്വഹിക്കേണ്ടതായി വരും. വീഞ്ഞിന്റെ മാധുര്യത്തെയും ലഹരിയെയും പറ്റി പറഞ്ഞ പന്തി പ്രമാണിയെ പോലെ തിരുവചനത്തിന്റെ മാധുര്യം രുചിച്ചറിയാത്തവർക്ക് വേണ്ടി നമ്മൾ സാക്ഷ്യം പറയണം.

അവിശ്വാസവും നിഷേധ മനോഭാവങ്ങളുമൊക്കെ വീര്യ പ്രവർത്തികൾ നടക്കുന്നതിനു തടസ്സങ്ങളാണെന്ന സത്യം മറക്കരുത്.
വീഞ്ഞില്ലെങ്കിൽ പരിഹാരം ക്രിസ്തു മാത്രമാണ്. അവൻ കൂടെയുള്ളപ്പോൾ ഒന്നിനും കുറവുണ്ടാവില്ല, ശൂന്യമായ പാത്രങ്ങളെ വക്കോളം നിറയ്ക്കാനും രൂപാന്തരപ്പെടുത്തി മിച്ചം വരുത്താനും കഴിയുന്നവനാണ് നമ്മുടെ കർത്താവ്.
കുടുംബത്തിലും ദാമ്പത്യത്തിലും സഭയിലും ആത്മ ചൈതന്യം പകരേണ്ട പരിശുദ്ധാത്മാവിന്റെ അഭാവം തിരിച്ചറിയാനും കർത്താവിനോട് അപേക്ഷിക്കാനും മേരി മാതാവിനെ പോലെ ഒരാളുണ്ടായാൽ കർത്താവ് അത്ഭുതം പ്രവർത്തിക്കും.

ആരാണ് ആ ഒരാൾ?

അത് ഞാനും നിങ്ങളുമാണ്.
🔆
ഫാ. ഡോ. ഏ. പി. ജോർജ്

10/20/2025

സ്വർഗ്ഗിയ നിക്ഷേപം.

'അതു കേട്ടിട്ടു യേശു: “ഇനി ഒരു കുറവു നിനക്കുണ്ടു; നിനക്കുള്ളതൊക്കെയും വിറ്റു ദരിദ്രന്മാർക്കു പകുത്തുകൊടുക്ക; എന്നാൽ സ്വർഗ്ഗത്തിൽ നിനക്കു നിക്ഷേപം ഉണ്ടാകും; പിന്നെ വന്നു എന്നെ അനുഗമിക്ക” എന്നു പറഞ്ഞു.' ലൂക്കോസ് 18:22

ലഗേജ് ഇല്ലാത്ത നമ്മുടെ മടക്കയാത്രയിൽ ഭൂമിയിലെ സമ്പാദ്യങ്ങളെല്ലാം കൈവിട്ടുപോകും.
പിന്നെ ആകെ സ്വന്തമായിട്ടുള്ളത് നിത്യതയിലെ സമ്പാദ്യം മാത്രമായിരിക്കും. നമ്മുടെ സ്വർഗ്ഗീയ അക്കൗണ്ടിൽ നിക്ഷേപം ക്രെഡിറ്റ് ചെയ്യാൻ പല മാർഗ്ഗങ്ങൾ ഉണ്ടെന്നാണ് ക്രിസ്തു പറയുന്നത്.

നിത്യതയിൽ നിക്ഷേപം ഉണ്ടാക്കാൻ ഇപ്പോൾ പല കാര്യങ്ങളും നമുക്ക് ചെയ്യുവാൻ കഴിയും.
അവയിൽ ചില കാര്യങ്ങളെപ്പറ്റി ചിന്തിക്കാം:

1. ദൈവം പ്രതിഫലം നൽകുന്ന ഒന്നാമത്തെ കാര്യം പ്രാർത്ഥനയും ഉപവാസവുമാണ്.

' നീയോ പ്രാർത്ഥിക്കുമ്പോൾ അറയിൽ കടന്നു വാതിൽ അടച്ചു രഹസ്യത്തിലുള്ള നിന്റെ പിതാവിനോടു പ്രാർത്ഥിക്ക; രഹസ്യത്തിൽ കാണുന്ന നിന്റെ പിതാവു നിനക്കു പ്രതിഫലം തരും.' മത്തായി 6:6
പ്രാർത്ഥനയിലൂടെ നമ്മളുമായി ആശയവിനിമയം നടത്താൻ നമ്മുടെ സ്‌നേഹനിധിയായ സ്വർഗീയ പിതാവ് ആഗ്രഹിക്കുന്നു.
ദൈനംദിന പ്രാർത്ഥന നമുക്കും നമ്മുടെ കുടുംബത്തിനും നമ്മൾ പ്രാർത്ഥിക്കുന്നവർക്കും അനുഗ്രഹമാണ് .
ദൈവത്തിൽ നിന്ന് സമാധാനം നമ്മളിലേക്ക് ഒഴുകിവരുന്ന ചാനൽ ആണ് പ്രാർത്ഥന.
നമ്മെ പറ്റിയുള്ള ദൈവത്തിന്റെ പദ്ധതി നമുക്ക് ദൈവം വെളിപ്പെടുത്തിത്തരുന്നത് പ്രാർത്ഥനയിലൂടെ ആണ്.
നമ്മുടെ ദൈവാശ്രയം വെളിപ്പെടുത്തുവാനുള്ള ഏറ്റവും ശ്രേഷ്ഠമായ സമീപനവും പ്രാർത്ഥനയാണ്.

പ്രാർത്ഥനയോടും ഉപവാസത്തോടും കൂടെ ദൈവത്തെ അന്വേഷിക്കുന്ന ഒരു ആത്മീയശൈലി നമ്മൾ ചിട്ടപ്പെടുത്തേണ്ടതാണ്. അതിന് വലിയ പ്രതിഫലമാണ് ദൈവം നൽകുന്നത്.

2. എളിയവരോട് കാണിക്കുന്ന അനുകമ്പയ്ക്ക് ദൈവത്തിൽ നിന്ന് പ്രതിഫലം ഉണ്ടാകും.

'രാജാവു മറുപടി പറയും: സത്യമായി ഞാന്‍ നിങ്ങളോടുപറയുന്നു, എന്റെ ഏറ്റവും എളിയ ഈ സഹോദരന്‍മാരില്‍ ഒരുവന്‌ നിങ്ങള്‍ ഇതു ചെയ്‌തുകൊടുത്തപ്പോള്‍ എനിക്കു തന്നെയാണു ചെയ്‌തുതന്നത്‌.'
മത്തായി 25 : 37-40
നമുക്കുള്ളതെല്ലാം ദൈവത്തിൽ നിന്നും ദാനമായി ലഭിച്ചതാണ്, അതുകൊണ്ട് ആവശ്യക്കാർക്ക് ഔദാര്യമായി കൊടുക്കുവാൻ നമ്മൾ കടപ്പെട്ടവരാണ്.
ദൈവത്തിനും ജീവകാരുണ്യ പ്രവർത്തനങ്ങൾക്കും കൊടുക്കുന്നത് നഷ്ടമായി കാണരുത്.

ദരിദ്രരും ഒരു അനാഥരുമായവർക്ക് ചെയ്യുന്ന സ്നേഹ ശുശ്രൂഷകളും സഹായങ്ങളും ക്രിസ്തുവിന് നേരിട്ട് ചെയ്യുന്ന കാരുണ്യ പ്രവർത്തികളാണ്.
അതിനുള്ള പ്രതിഫലം നമ്മുടെ സ്വർഗീയ അക്കൗണ്ടിൽ ദൈവം ക്രെഡിറ്റ് ചെയ്യും.

3. ക്രിസ്തുവിന്റെ നാമത്തിന് വേണ്ടി പീഡനവും അപമാനവും സഹിക്കുന്നവർക്ക് പ്രതിഫലം ഉണ്ട്.

'മനുഷ്യപുത്രന്‍ നിമിത്തം മനുഷ്യര്‍ നിങ്ങളെ ദ്വേഷിക്കുകയും പുറന്തള്ളുകയും അവഹേളിക്കുകയും നിങ്ങളുടെ പേരു ദുഷിച്ചതായിക്കരുതി തിരസ്‌കരിക്കുകയും ചെയ്യുമ്പോള്‍ നിങ്ങള്‍ ഭാഗ്യവാന്‍മാര്‍.
അപ്പോള്‍ നിങ്ങള്‍ ആഹ്ലാദിക്കുവിന്‍, സന്തോഷിച്ചു കുതിച്ചുചാടുവിന്‍; സ്വര്‍ഗത്തില്‍ നിങ്ങളുടെപ്രതിഫലം വലുതായിരിക്കും'. ലൂക്കാ 6 : 22-23

ഒരു സമർപ്പിത ക്രിസ്തീയ ജീവിതത്തിന്റെ പേരിൽ കുടുംബത്തിലും ദാമ്പത്യത്തിലും ഓഫീസിലും സഭയിലും ഇടയത്വ ശുശ്രൂഷയിലും ഒക്കെ പരിഹാസവും പീഡനങ്ങളും ഏൽക്കുമ്പോൾ സന്തോഷിക്കണം.
കാരണം, ക്രിസ്തീയ മൂല്യങ്ങളിൽ ഉറച്ചുനിന്നതിന്റെ പേരിൽ അനുഭവിക്കുന്ന സഹനങ്ങൾക്ക് കർത്താവ് പ്രതിഫലം കരുതിയിട്ടുണ്ട്.
സഹന മനോഭാവം പ്രകടിപ്പിക്കുമ്പോൾ നമ്മൾ ക്രിസ്തുവോളം വളരുകയാണ്.

4. കർത്താവ് പ്രതിഫലം നൽകുമെന്ന് പറഞ്ഞ നാലാമത്തെ കാര്യം ശത്രുക്കളെ സ്നേഹിക്കലാണ്

'എന്നാല്‍, നിങ്ങള്‍ ശത്രുക്കളെ സ്‌നേഹിക്കുവിന്‍. തിരിച്ചു കിട്ടും എന്നു പ്രതീക്‌ഷിക്കാതെ മറ്റുള്ളവര്‍ക്കു നന്‍മചെയ്യുകയും വായ്‌പ കൊടുക്കുകയും ചെയ്യുവിന്‍. അപ്പോള്‍ നിങ്ങളുടെ പ്രതിഫലം വലുതായിരിക്കും.'
ലൂക്കോസ് 6 : 35-36

നമ്മെ മുറിവേൽപ്പിച്ചവർക്ക് മാപ്പ് കൊടുക്കുബോൾ ദൈവം പ്രതിഫലം നൽകുന്നു. ഞങ്ങളുടെ കടക്കാരോട് ഞങ്ങൾ ക്ഷമിച്ചതുപോലെ ഞങ്ങളുടെ കടങ്ങളും പാപങ്ങളും ക്ഷമിക്കണമേ എന്ന പ്രാർത്ഥനയുടെ അർത്ഥം ഇതാണ്.

'അനന്തരം, സ്വര്‍ഗത്തില്‍നിന്നു പറയുന്ന ഒരു സ്വരം ഞാന്‍ കേട്ടു: എഴുതുക, ഇപ്പോള്‍മുതല്‍ കര്‍ത്താവില്‍ മൃതിയടയുന്നവര്‍ അനുഗൃഹീതരാണ്‌. അതേ, തീര്‍ച്ചയായും. അവര്‍ തങ്ങളുടെ അധ്വാനങ്ങളില്‍നിന്നു വിരമിച്ചു സ്വസ്‌ഥരാകും; അവരുടെ പ്രവൃത്തികള്‍ അവരെ അനുഗമിക്കുന്നു എന്ന്‌ ആത്‌മാവ്‌ അരുളിച്ചെയ്യുന്നു.
വെളിപാട്‌ 14 : 13

' ഇതാ, ഞാൻ വേഗം വരുന്നു; ഓരോരുത്തന്നു അവനവന്റെ പ്രവൃത്തിക്കു തക്കവണ്ണം കൊടുപ്പാൻ പ്രതിഫലം എന്റെ പക്കൽ ഉണ്ടു.' വെളിപ്പാട് 22:12
☆
-ഫാ. ഡോ. ഏ. പി. ജോർജ്

10/16/2025

Enjoy the videos and music you love, upload original content, and share it all with friends, family, and the world on YouTube.

10/15/2025

കാത്തിരിപ്പിന്റെ ദൈവശാസ്ത്രം

കാത്തിരിപ്പ് ജീവിതത്തിലെ അനിവാര്യതയാണ്. വലിയവരും ചെറിയവരും അധികാരികളും ജനങ്ങളും ദൈവത്തിന്റെ സമയത്തിനായി കാത്തിരുന്നേ പറ്റൂ. ആരും ധൃതിവച്ചിട്ട് കാര്യമില്ല.

'എല്ലാറ്റിനും ഒരു സമയമുണ്ട്‌. ആകാശത്തിന്‍കീഴുള്ള സകല കാര്യങ്ങൾക്കും ഒരവസരമുണ്ട്‌.
അവിടുന്ന്‌ സകലവും അതതിന്റെ കാലത്ത്‌ ഭംഗിയായിരിക്കത്തക്കവിധം സൃഷ്‌ടിച്ചു. മനുഷ്യമനസ്‌സില്‍ കാലത്തിന്റെ സമഗ്രതയെക്കുറിച്ചുള്ള ബോധം അവിടുന്ന്‌ നിക്‌ഷേപിച്ചിരിക്കുന്നു; എന്നാല്‍ ദൈവത്തിന്റെ പ്രവൃത്തികള്‍ ആദ്യന്തം ഗ്രഹിക്കാന്‍ അവനു കഴിവില്ല.'
സഭാപ്രസംഗകന്‍ 3 : 1-11

കാത്തിരിപ്പ് ആരും ഇഷ്ടപ്പെടാറില്ല. നിരാശയും വിരസതയുമുണ്ടാക്കുന്നതാണ് കാത്തിരിപ്പിന്റെ സമയങ്ങൾ. അപേക്ഷ അയച്ച് ജോലിക്ക് വേണ്ടിയുള്ള കാത്തിരിപ്പ്. ആശുപത്രിയിൽ നിന്നും ഡിസ്ചാർജ് ചെയ്യാനുള്ള കാത്തിരിപ്പ്. സഹായത്തിനുവേണ്ടിയുള്ള കാത്തിരിപ്പ്. അകലെ പോയവർ തിരിച്ചുവരുവാനുള്ള കാത്തിരിപ്പ്. ജീവിതപങ്കാളിയെ കണ്ടെത്താനുള്ള അന്വേഷണവും കാത്തിരിപ്പും. വാഹനത്തിന് വേണ്ടിയുള്ള യാത്രക്കാരുടെ കാത്തിരിപ്പ്. പ്രാർത്ഥനയ്ക്ക് മറുപടി കിട്ടുവാനുള്ള സുദീർഘമായ കാത്തിരുപ്പ്. ഏറ്റവും ഒടുവിൽ, സഹനങ്ങളിൽ നിന്നുള്ള വിമുക്തിക്കായി, മരണത്തിനു വേണ്ടിയുള്ള കാത്തിരിപ്പ്.... ആകെ അരനാഴികനേരം മാത്രമുള്ള ജീവിതത്തിൽ കാത്തിരിപ്പിനായി വളരെയധികം സമയം നമ്മൾ ചെലവഴിക്കാറുണ്ട്.

കാത്തിരിപ്പിനെ പറ്റി 27ാം സങ്കീർത്തനത്തിലെ പ്രഖ്യാപനം വളരെ ശ്രദ്ധേയമാണ്:
'കര്‍ത്താവില്‍ പ്രത്യാശയര്‍പ്പിക്കുവിന്‍, ദുര്‍ബലരാകാതെ ധൈര്യമവലംബിക്കുവിന്‍;
കര്‍ത്താവിനുവേണ്ടി കാത്തിരിക്കുവിന്‍.'
സങ്കീര്‍ത്തനങ്ങള്‍ 27 : 14

കർത്താവിന്റെ സമയംവരെ ക്ഷമയോടെ കാത്തിരിക്കുവാൻ ആത്മീയ ഒരുക്കവും പരിശ്രമവും പരിശീലനവും ആവശ്യമാണ്. ദൈവത്തിന്റെ സമയത്തിനുവേണ്ടി കാത്തിരിക്കുന്നതിനേക്കാൾ സ്വന്തം പദ്ധതി അനുസരിച്ച് കാര്യങ്ങൾ ചെയ്യുവനാണ് എല്ലാവരും ആഗ്രഹിക്കുന്നത്. ജീവിത പ്രതിസന്ധികളിൽ വൈകാരികമായ എടുത്തുചാട്ടം പല ഗുരുതര പ്രശ്നങ്ങൾക്ക് കാരണമാകാറുണ്ട്.

പ്രാർത്ഥിച്ച് കാത്തിരിക്കുവാനുള്ള ആഹ്വാനം 116 പ്രാവശ്യം ബൈബിളിൽ ആവർത്തിക്കുന്നുണ്ട്.
നിഷ്ക്രിയമായ കാത്തിരിപ്പ്‌ നിരാശയുണ്ടാക്കും. എന്നാല്‍, പ്രത്യാശയോടെ ദൈവത്തില്‍ ആശ്രയിച്ചു കാത്തിരിക്കുന്നവർ വീണ്ടും ശക്‌തി പ്രാപിക്കും; അവര്‍ കഴുകന്‍മാരെപ്പോലെ ചിറകടിച്ചുയരും. അവര്‍ ഓടിയാലും ക്‌ഷീണിക്കുകയില്ല; നടന്നാല്‍ തളരുകയുമില്ല.
(ഏശയ്യാ 40 : 31)

ടെക്നോളജിയുടെ അത്ഭുതകരമായ വളർച്ചകൊണ്ട് എല്ലാം വിരൽത്തുമ്പിൽ സാധ്യമാകുന്ന ആധുനിക ലോകത്ത് ദൈവത്തിന്റെ സമയത്തിനായി കാത്തിരിക്കാൻ മനുഷ്യന് വലിയ ബുദ്ധിമുട്ടാണ്. പക്ഷേ സുഹൃത്തേ, ദൈവത്തിന്റെ സമയംവരെ കാത്തിരുന്നേ പറ്റൂ.

നമ്മുടെ കഴിഞ്ഞകാലങ്ങളിലെ തെരഞ്ഞെടുപ്പുകളിലെ അപാകതകൾ മനസ്സിലാക്കുകയും ദൈവത്തിന്റെ മാർഗ്ഗനിർദ്ദേശത്തിനായി സമർപ്പണത്തോടെ കാത്തിരിക്കുകയും ചെയ്യുമ്പോൾ അനുഗ്രഹത്തിന്റെ ശ്രീഭണ്ഠാരം ദൈവം നമുക്ക് മുമ്പിൽ തുറക്കും.

ദൈവത്തിലുള്ള നമ്മുടെ ഉറച്ച ആശ്രയവും വിശ്വസ്തതയും ദൈവത്തെ അറിയിക്കുന്ന വഴികളാണ് പ്രത്യാശയോടെയുള്ള പ്രാർത്ഥനയും കാത്തിരിപ്പും.

ഓർമയുടെ ഫയലുകൾ മറിച്ചുനോക്കിയാൽ വാഗ്ദത്തങ്ങളിൽ വിശ്വസ്ഥനായ ദൈവത്തിന്റെ കരുതും കരങ്ങൾ നമ്മുടെ ജീവിതത്തിൽ തക്ക സമയങ്ങളിൽ കടന്നുവന്നത് നമുക്ക് കാണുവാൻ കഴിയും.
'ദര്‍ശനം അതിന്റെ സമയം പാര്‍ത്തിരിക്കുകയാണ്‌. ആ സമയം അടുത്തുകൊണ്ടിരിക്കുന്നു. അതിനു മാറ്റമുണ്ടാവുകയില്ല. അതു വൈകുന്നെങ്കില്‍ അതിനായി കാത്തിരിക്കുക. അതു തീര്‍ച്ചയായും വരും. അതു താമസിക്കുകയില്ല.'
ഹബക്കുക്ക്‌ 2 : 3

ഇസ്രായേൽ മക്കൾ ദൈനംദിന പ്രതിസന്ധികളിൽ മോശയോട് പരാതിയും പരിഭവവും പറഞ്ഞു. പ്രാർത്ഥനയ്ക്ക് മറുപടി വൈകുമ്പോൾ, കുടുംബാംഗങ്ങളോടും സഹോദരങ്ങളോടും വെറുപ്പും വിദ്വേഷവും പ്രകടിപ്പിക്കരുത്. അപകടവഴികളിലേക്ക് തിരിയരുത്. നമ്മുടെ മറുപടിക്കും വീണ്ടെടുപ്പിനും ഒരു സമയം നിശ്ചയിച്ചിരിക്കുന്നത് ദൈവമാണ്, അതിൽ മറ്റാരും കുറ്റക്കാരല്ല. ദൈവത്തിന്റെ മറുപടിക്കായുള്ള കാത്തിരിപ്പ് നമ്മുടെ ക്ഷമാശീലം വർദ്ധിപ്പിക്കും.

ജീവിതസാഹചര്യങ്ങളെ യാഥാർത്ഥ്യബോധത്തോടെ അംഗീകരിച്ചുകൊണ്ട് ദൈവത്തോട് ഉള്ളം ഉള്ളതുപോലെ വെളിപ്പെടുത്തണം:
ദൈവമേ, അവിടുത്തെ ഇഷ്ടവും പദ്ധതികളും എന്റെ ജീവിതത്തിൽ നടക്കുവാൻ ഞാൻ ആഗ്രഹിക്കുന്നു. എന്റെ കഴിവും ശക്തിയും ബുദ്ധിയും പരാജയപ്പെട്ടിരിക്കുന്ന അവസ്ഥയിലാണ് ഞാനിപ്പോൾ. അവിടുന്ന് എന്റെ മുമ്പിലെ ചെങ്കടൽ വിഭജിക്കുന്നതുവരെ, ശത്രുനിരകളെ തടുത്തു പിന്മാറ്റുന്നതുവരെ ഞാൻ കാത്തിരിക്കും.

വാഗ്ദത്തങ്ങളിൽ വിശ്വസ്തനും എന്റെ വീണ്ടെടുപ്പുകാരനുമായ സർവ്വശക്തനിലാണ് ഞാൻ എന്റെ ഹൃദയം ഉറപ്പിച്ചിരിക്കുന്നത്. അങ്ങയിൽ പ്രത്യാശ വെച്ചവരും അങ്ങയിലേക്ക് നോക്കിയവരും നിരാശപ്പെട്ടിട്ടില്ല, പ്രകാശിതരായിട്ടേയുള്ളൂ.
ദൈവമേ, അവിടുത്തെ കരുണയ്ക്കായി കാത്തിരിക്കുമ്പോൾ എന്റെ ആത്മാവിനെ ബലപ്പെടുത്തേണമേ. എന്റെ വികാരവിചാരങ്ങളിൽ അങ്ങയുടെ ആത്മാവ് പരിവർത്തിക്കേണമേ.

🔅
Waiting for God’s time is not wasting time; it is trusting His perfect rhythm where every delay is divine preparation.

10/15/2025

“The Lord Who Calms the Storm”

Grace and peace to you in the Name of Lord Jesus Christ!
Dear Bretheren in Christ,

Life often feels like a storm — waves of trouble, winds of worry, and clouds of fear gather around us. Even the disciples, who walked daily with Jesus, once cried out, “Teacher, don’t You care that we’re perishing?” But when Jesus stood and spoke, everything obeyed His command.

“Then He arose and rebuked the wind, and said to the sea, ‘Peace, be still!’ And the wind ceased and there was a great calm.” -Mark 4:39

The same Jesus who calmed the sea that day still whispers “Peace, be still” into the hearts of those who call on Him in faith. Your storm may not cease immediately, but His presence brings calm to your spirit long before the waves subside. Remember — peace is not the absence of trouble; it’s the presence of Christ in the midst of it.

A sailor once said, “The sea is never still, but when my captain is on deck, I fear no wave.” Beloved, as long as Jesus is in your boat, no storm can sink you.
🙏
Lord Jesus, speak Your peace into the storms of my life. Help me to trust You even when the winds roar, knowing You are always near. Amen.

Prayerful regards,
a. p. george achan
(Courtesy)

10/14/2025

ഇരുട്ടും നിഴലും ഇല്ലാത്ത ലോകം.

'നഗരത്തിനു പ്രകാശം നല്‍കാന്‍ സൂര്യന്റെയോ ചന്‌ദ്രന്റെയോ ആവശ്യമുണ്ടായിരുന്നില്ല. ദൈവ തേജസ്‌സ്‌ അതിനെ പ്രകാശിപ്പിച്ചു. അതിന്റെ ദീപം കുഞ്ഞാടാണ്‌. '
വെളിപാട്‌ 21 : 23-24

സൂര്യോദയവും അസ്തമയവും രാത്രിയും ഇല്ലാത്ത നിത്യതയുടെ വിസ്മയ വിവരണമാണ് ഇത്.
നിത്യതയിലെ ദിവ്യ പ്രകാശം ഒരിക്കലും മങ്ങാത്തതായിരിക്കും.
ആ പ്രകാശം സൂര്യരശ്മിപോലെ കണ്ണുകളെ സ്പർശിക്കുന്നതല്ല, ആത്മാവിനെ പ്രകാശിപ്പിക്കുന്ന വെളിച്ചമാണ്.
ഇതാണ് വെളിപാട് പുസ്തകം 21ാം അധ്യായത്തിൽ യോഹന്നാൻ വിവരിക്കുന്ന പുതിയ യെരുശലേം. ഇത് ഒരു സയൻസ് ഫിക്‌ഷന്റെ ഭാവനയല്ല, ദൈവജനം പാർക്കുവാൻ പോകുന്ന നിത്യ ഭവനത്തെപ്പറ്റി കർത്താവ് യോഹന്നാന് നൽകിയ ദർശനമാണ്.

ഭൂമിയിൽ മനുഷ്യന്റെ അത്യാവശ്യങ്ങളിൽ വളരെ പ്രധാനപ്പെട്ടതാണ് പ്രകാശം. പ്രകാശമില്ലെങ്കിൽ ജീവിതം അസ്തമിക്കും. സസ്യങ്ങൾ വളരില്ല. ഇരുട്ടിൽ അപകടസാധ്യതകൾ അനവധിയാണ്. വെളിപാട് പുസ്തകത്തിൽ പറയുന്ന സ്വർഗ്ഗത്തിലെ പ്രകാശം 93 മില്യൺ മൈൽ അകലെയുള്ള സൂര്യനിൽ നിന്ന് വരുന്നതല്ല. It is the glory of God himself.

' Glory' എന്ന വാക്കിന് വലിയ അർത്ഥമാണുള്ളത്. ദൈവ സാന്നിധ്യത്തിൽ ജ്വലിക്കുന്ന തിളക്കവും പ്രഭയുമാണ് അത്. ദൈവത്തോടൊപ്പം ആയിരുന്നപ്പോൾ മോശ കണ്ട അതേപ്രഭ. മറുരൂപ സമയത്ത് ശിഷ്യന്മാർ കണ്ട് മോഹാലസ്യപ്പെട്ട അതേ പ്രഭ. ക്രിസ്തുവാകുന്ന കുഞ്ഞാടാണ് ഈ വിസ്മയ പ്രകാശത്തിന്റെ വിളക്ക്.

രാത്രിയിലെ അന്ധകാരം അനിശ്ചിതത്വത്തിന്റെയും അപകടത്തിന്റെയും ഭയത്തിന്റെയും സാഹചര്യമാണ് ഉണ്ടാക്കുന്നത്. ആത്മീയ അർത്ഥത്തിൽ, രാത്രി ദുഃഖത്തിന്റെയും പരീക്ഷണത്തിന്റെയും ഭയാശങ്കകളുടെയും പ്രതീകമാണ്. എന്നാൽ പുത്തൻ യെരുശലേമിൽ അന്ധകാരവും മറഞ്ഞിരിക്കുന്ന ഭയങ്ങളും അപ്രതീക്ഷിതമായ അപകടങ്ങളും പൈശാചിക പ്രലോഭനങ്ങളും ഉണ്ടാവില്ല.
എല്ലാ കണ്ണുനീരും തുടയ്ക്കപ്പെടും എന്നാണ് നാലാം വാക്യത്തിലെ വിസ്മയ പ്രസ്താവന. വിശ്വസ്തതയുടെയും വിജയത്തിന്റെയും ദൈവ തേജസ്സ് നമുക്ക് പ്രത്യാശയും സന്തോഷവും നൽകുന്നതുകൊണ്ട് കഴിഞ്ഞകാല ദുരന്തത്തിന്റെ ഓർമ്മകൾ അവിടെ നമുക്ക് ഭാരമാവില്ല. ദുഷ്ടനിൽ നിന്ന് രക്ഷിക്കണമെന്ന പ്രാർത്ഥനയുടെ ആവശ്യം അവിടെ ഉണ്ടാവില്ല. കാരണം ദുഷ്ടനും പ്രലോഭകനും എന്നന്നേക്കുമായി തുടച്ച് നീക്കപ്പെടും.

കൊടുങ്കാറ്റിൽ പവർ നഷ്ടപ്പെട്ട് വീടാകെ അന്ധകാരത്തിൽ ആകുന്ന അവസ്ഥ സങ്കൽപ്പിക്കുക. ഒരു മെഴുകുതിരി വെട്ടത്തിൽ മുറികളിലൂടെ നടക്കുമ്പോൾ ഒന്നും വ്യക്തമാവില്ല. ചിലപ്പോൾ തട്ടി തടഞ്ഞ് വീണേക്കാം. അവ്യക്തതയും ഭയവും അസ്വസ്ഥതയും ഉണ്ടാകും. പെട്ടെന്ന് വൈദ്യുതി വരുമ്പോൾ സാഹചര്യം ആകെ മാറും. സൂക്ഷ്മ വസ്തുക്കൾ പോലും വ്യക്തമായി കാണുവാൻ കഴിയും. വെളിച്ചം ഭയം അകറ്റും.

ഭൂമിയിലെ ഇപ്പോഴത്തെ നമ്മുടെ ജീവിതം മെഴുകുതിരി വെട്ടത്തിലേതുപോലെയാണ്. ദൈവ മഹത്വത്തെ പറ്റി നമ്മൾ വായിച്ച് അറിഞ്ഞിട്ടുണ്ടെങ്കിലും നമുക്ക് ചുറ്റും പാപാന്ധകാര ലോകത്തിന്റെ ഇരുട്ടും നിഴലുമാണ്. സ്വർഗ്ഗത്തിൽ ദൈവത്തിന്റെ പൂർണ്ണ തേജസ്സിൽ നമ്മൾ ഒരിക്കൽ നിൽക്കുമ്പോൾ, അസ്തമിക്കാത്ത ദിവ്യ തേജസിന്റെ പ്രഭ നമ്മെ ഹർഷ പുളകിതരാക്കും.

വെളിപാട് 21 ആം അധ്യായത്തിലെ ദിവ്യ തേജസിന്റെ അനുഭവം ഭാവിയിലേക്ക് മാത്രമുള്ള വാഗ്ദാനമല്ല. ഇപ്പോൾതന്നെ അത് നമുക്ക് അനുഭവിച്ചു തുടങ്ങുവാൻ കഴിയുമെന്നാണ് നമ്മുടെ കർത്താവ് വെളിപ്പെടുത്തുന്നത്:
' യേശു വീണ്ടും അവരോടു പറഞ്ഞു: ഞാന്‍ ലോകത്തിന്റെ പ്രകാശമാണ്‌. എന്നെ അനുഗമിക്കുന്നവന്‍ ഒരിക്കലും അന്‌ധകാരത്തില്‍ നടക്കുകയില്ല. അവനു ജീവന്റെ പ്രകാശമുണ്ടായിരിക്കും.'
യോഹന്നാന്‍ 8 : 12
തിരുവചനത്തോടുള്ള പ്രതിബദ്ധതയിൽ ക്രിസ്തുവിനോടു ചേർന്നു ജീവിക്കുമ്പോൾ, ക്രിസ്തുവിന്റെ പ്രകാശം ഹൃദയത്തിൽ നിറയും. ഭയത്തിന്റെയും സംശയത്തിന്റെയും പാപത്തിന്റെയും കരിനിഴലുകൾ നമ്മുടെ ഹൃദയത്തിൽ നിന്നും അകലും.

ഇരുട്ടും നിഴലുകളും ഇല്ലാത്ത നിത്യ പ്രകാശത്തിൽ നമ്മൾ ഇതുവരെ എത്തിച്ചേർന്നിട്ടില്ല. പക്ഷേ സ്വർഗ്ഗീയ പൗരത്വത്തിന്റെ അനുഭവത്തിൽ ഇപ്പോൾ നമുക്ക് ജീവിക്കുവാൻ കഴിയും. ക്രിസ്തുവിന്റെ പ്രകാശത്തിനായി നമ്മൾ ഹൃദയം തുറക്കുമ്പോൾ ദിവ്യ പ്രകാശ ചൈതന്യം നമ്മിൽ നിറയും. പ്രകാശമുള്ള മനുഷ്യർ അനേകരെ പ്രകാശത്തിലേക്ക് നയിക്കും.

പ്രിയ സുഹൃത്തുക്കളെ, സൂര്യോദയത്തിന്റെയും അസ്തമനത്തിന്റെയും അടിസ്ഥാനത്തിൽ സമയവും കാലവും അളക്കാത്ത ഒരു ദിവസം വരും. അത് അതിവിദൂരമല്ല. ദൈവസാന്നിധ്യത്തിന്റെ ആനന്ദം മാത്രമായിരിക്കും അന്ന് നമ്മൾ അനുഭവിക്കുക. അന്ന് ദൈവത്തിനും നമുക്കും ഇടയിൽ പാപത്തിന്റെ അന്ധകാരം ഉണ്ടായിരിക്കില്ല. അതുവരെ, നിത്യതയുടെ പ്രഭാതത്തെ പറ്റിയുള്ള ശുഭപ്രതീക്ഷയോടെ വിശ്വാസത്തിന്റെ കൈത്തിരിയുമായി ഈ പാപാന്ധകാര ലോകത്ത് നമുക്ക് ആത്മീയ യാത്ര തുടരാം.
🙏
ഞങ്ങളുടെ നിത്യപ്രകാശവും ദിവ്യ തേജസ്സുമായ കർത്താവേ, അവിടുന്ന് ഞങ്ങളിൽ പ്രകാശിക്കേണമേ. ഞങ്ങളുടെ ഹൃദയത്തിലെ ഇരുട്ടും നിഴലും അകറ്റേണമേ. അങ്ങയുടെ സത്യവചനത്തിന്റെ വഴിയിലൂടെ നടന്ന്, രാത്രിയും അന്ധകാരവുമില്ലാത്ത നിത്യതേജസ്സിന്റെ നാട്ടിൽ എത്തിച്ചേരുവാൻ ഞങ്ങളെ സഹായിക്കേണമേ.
☆
-ഫാ. ഡോ. ഏ. പി. ജോർജ്

10/11/2025

സ്വതന്ത്രമാക്കുന്ന സത്യം

സ്വാതന്ത്ര്യം ആഗ്രഹിക്കാത്തവർ ആരും ഉണ്ടാവില്ല. കുറ്റബോധം, ജീവിതഭാരം, രോഗം തുടങ്ങിയവയിൽ നിന്നുള്ള വിമോചനം മാനസികാരോഗ്യത്തിന് അത്യന്താപേക്ഷിതമാണ്.
സത്യവചനത്തിലൂടെയാണ് ഈ സ്വാതന്ത്ര്യവും വിമോചനവും നേടുവാൻ കഴിയുന്നത് എന്നാണ് കർത്താവ് പറയുന്നത്:
'നിങ്ങള്‍ സത്യം അറിയുകയും സത്യം നിങ്ങളെ സ്വതന്ത്രരാക്കുകയും ചെയ്യും.'
യോഹന്നാന്‍ 8 : 32

തിരുവചനമാകുന്ന സത്യം നാല് വിധത്തിൽ നമ്മെ സ്വതന്ത്രരാക്കുന്നതിനെപ്പറ്റി തിരുവചനത്തിൽ നിന്നും നമുക്ക് ചിന്തിക്കാം.

1. ഒന്നാമതായി പാപത്തിൽ നിന്ന് ക്രിസ്തു നമ്മെ സ്വതന്ത്രരാക്കുന്നു.
'അതുകൊണ്ട് ഇപ്പോൾ ക്രിസ്തുയേശുവിലുള്ളവർക്ക് ഒരു ശിക്ഷാവിധിയും ഇല്ല.' റോമാ 8:1

കുറ്റബോധം, ലജ്ജ, ദൈവത്തിൽനിന്നുമുള്ള അകൽച്ച എന്നിവ ഉണ്ടാക്കുന്നതാണ് പാപം. എന്നാൽ കർത്താവ് നമ്മുടെ പാപത്തിന്റെ ശിക്ഷ വഹിച്ചു കുരിശിൽ മരിച്ചു. ക്രിസ്തുവിനെ കർത്താവും രക്ഷിതാവുമായി നമ്മൾ സ്വീകരിക്കുമ്പോൾ പാപത്തിന്റെ ശിക്ഷാവിധിയിൽ നിന്ന് നമ്മൾ സ്വതന്ത്രരാവുകയാണ്.
മരണ ശിക്ഷയും കാത്ത് കാരാഗ്രഹത്തിൽ കിടക്കുന്ന ഒരു കുറ്റവാളിയെ സങ്കൽപ്പിക്കുക. അദ്ദേഹത്തിന് മാപ്പ് കൊടുത്തു കൊണ്ടുള്ള ഓർഡറിൽ ഗവർണർ ഒപ്പ് വെക്കുന്നു. അയാൾ മരണ ശിക്ഷയിൽ നിന്നും വിമുക്തനാകുന്നു. നിഷ്കളങ്കൻ ആയതുകൊണ്ട് അല്ല, നിയമത്തിന്റെ ഔദാര്യം കൊണ്ടാണ് അദ്ദേഹത്തിന് മോചനം കിട്ടിയത്. ഇതാണ് ക്രിസ്തു നമുക്ക് ഓരോരുത്തർക്കും വേണ്ടി ചെയ്തത്. പാപ ബന്ധനത്തിൽ നിന്നും തന്റെ പാപ പരിഹാരബലിമൂലം ക്രിസ്തു നമ്മെ സ്വതന്ത്രരാക്കി. ഇത് കുറ്റബോധത്തിന്റെ തടവിൽ നിന്നും നമ്മെ സ്വതന്ത്രരാക്കുന്ന സുവിശേഷമാണ്.

2. ആത്മ വഞ്ചനയിൽ നിന്നും സാത്താന്റെ കെണിയിൽ നിന്നും ക്രിസ്തു നമ്മെ സ്വതന്ത്രമാക്കുന്നു.

സാത്താൻ നമ്മുടെ ചിന്തകളിലൂടെ നമ്മോട് കള്ളം പറയും : 'നിന്നെ ദൈവം സ്നേഹിക്കുന്നില്ല, നിന്റെ സ്വഭാവത്തിൽ ഒരിക്കലും മാറ്റം ഉണ്ടാവില്ല, ദൈവം നിനക്ക് മാപ്പ് തരില്ല, നിന്റെ ജീവിതം എന്നും പരാജയമായിരിക്കും... എന്നൊക്കെ.

'നിങ്ങള്‍ നിങ്ങളുടെ പിതാവായ പിശാചില്‍നിന്ന്‌ ഉള്ളവരാണ്‌... അവന്‍ നുണയനും നുണയുടെ പിതാവുമാണ്‌.'
യോഹന്നാന്‍ 8 : 44

സ്നേഹനിധിയും സത്യവുമായ ക്രിസ്തുവിനെ തിരുവചനത്തിലൂടെ അടുത്തറിയുമ്പോൾ നമ്മുടെ നിഷേധ ചിന്തകൾ എല്ലാം അസത്യം ആണെന്ന് നമുക്ക് മനസ്സിലാകും. അതുകൊണ്ടാണ്, സത്യം കൊണ്ട്‌ അരമുറുക്കി, നീതിയുടെ കവചം ധരിച്ച്‌ നിങ്ങള്‍ ഉറച്ചുനില്‍ക്കുവിന്‍ (എഫേസോസ്‌ 6 : 14) എന്ന്
അപ്പോസ്തലൻ പറഞ്ഞത്.
ക്രിസ്തുവിന്റെ പ്രകാശം ഹൃദയത്തിൽ നിറയുമ്പോൾ തെറ്റുദ്ധാരണകളിൽ നിന്നും നമ്മൾ സ്വതന്ത്രരാകും. സത്യം നമ്മെ സ്വതന്ത്രരാക്കും.

3. മാപ്പ് കൊടുക്കാതിരിക്കുന്ന നിഷേധമനോഭാവത്തിൽ നിന്നും ഭയത്തിൽ നിന്നും ക്രിസ്തു നമ്മെ സ്വതന്ത്രരാക്കും.

'എന്തെന്നാല്‍, ഭീരുത്വത്തിന്റെ ആത്മാവിനെയല്ല ദൈവം നമുക്കു നല്‌കിയത്‌; ശക്തിയുടെയും സ്‌നേഹത്തിന്റെയും ആത്മനിയന്ത്രണത്തിന്റെയും ആത്മാവിനെയാണ്‌.'
2 തിമോത്തേയോസ്‌ 1 : 7

പലവിധത്തിലുള്ള ഭയത്തിന്റെ അടിമത്വത്തിൽ ജീവിക്കുന്നവരാണ് അധികം പേരും. മരണ ഭയം, ശത്രുക്കൾ, രോഗം, ഭാവി എന്നിവയെ പറ്റിയുള്ള ഭയത്തിന്റെ ചങ്ങലക്കുള്ളിലാണ് അവരുടെ മനസ്സ്. ചിലർ പ്രതികാര ചിന്തകളുടെ ബന്ധനത്തിലാണ്. കടക്കാർക്ക് മാപ്പ് കൊടുത്താൽ സ്വതന്ത്രമാകാവുന്ന ആന്തരിക ബന്ധനങ്ങൾ ഉണ്ട്. എന്നാൽ മിഥ്യാഭിമാനവും പകയും അതിന് തടസ്സം നിൽക്കുന്നു. ഈ ബന്ധനത്തിൽ നിന്നും വിമുക്തമാക്കാനും സമാധാനം നൽകുവാനും ക്രിസ്തുവിന് കഴിയും.
അതു കൊണ്ടാണ് കടക്കാർക്ക്‌ നിരുപാധികം മാപ്പുകൊടുക്കുവാൻ കർത്താവ് കല്പിച്ചത്.
കടക്കാർക്ക് മാപ്പ് കൊടുക്കുന്നത് അവരുടെ തെറ്റ് ശരിയാണെന്ന് സമ്മതിക്കലല്ല, ആന്തരീക പ്രതികാര ബന്ധനത്തെക്കാൾ സ്വാതന്ത്ര്യം തിരഞ്ഞെടുക്കലാണ്.

വലിയ ഭാരം ചുമക്കുന്ന ഒരാൾ ഭാരം ഇറക്കി വയ്ക്കുമ്പോൾ ലഭിക്കുന്ന ആശ്വാസമാണ് കടക്കാരോട് ക്ഷമിക്കുമ്പോൾ ക്രിസ്തു നമുക്ക് നൽകുന്നത്. കടക്കാരോട് ശ്രമിക്കുമ്പോൾ നമ്മുടെ കടങ്ങളും ക്ഷമിക്കപ്പെടും. നമ്മുടെ ഭയത്തിൽ നിന്നും പ്രതികാര ചിന്തകളിൽ നിന്നും സ്വാതന്ത്ര്യം നൽകുവാൻ മാപ്പ് ചോദിക്കുന്നതും മാപ്പ് കൊടുക്കുന്നതും സഹായകമാകും. അതെ, സത്യം നിങ്ങളെ സ്വതന്ത്രരാക്കും.

4. ഭൗതിക കെട്ടുപാടുകളിൽ നിന്നും സ്വതന്ത്രമാകാനും നിത്യതയെ ലക്ഷ്യമാക്കി ക്രിസ്തുവിനോടൊപ്പം നടക്കാനും തിരുവചനം വഴിയൊരുക്കുന്നു. ഇത് ക്രിസ്തു നൽകുന്ന വലിയ സ്വാതന്ത്ര്യമാണ്.

'സ്വാതന്ത്യ്രത്തിലേക്കു ക്രിസ്‌തു നമ്മെമോചിപ്പിച്ചു. അതുകൊണ്ട്‌ നിങ്ങള്‍ സ്‌ഥിരതയോടെ നില്‍ക്കുവിന്‍. അടിമത്തത്തിന്റെ നുകത്തിന്‌ ഇനിയും നിങ്ങള്‍ വിധേയരാകരുത്‌.'
ഗലാത്തി. 5 : 1

ക്രിസ്തു നൽകുന്ന സ്വാതന്ത്ര്യം തോന്നിയത് പോലെ ജീവിക്കാനുള്ള ലൈസൻസ് അല്ല. നിത്യതയെ ലക്ഷ്യമാക്കി ക്രിസ്തുവിനെ പിന്തുടരുവാനുള്ള അവസരം നൽകലാണ്. ദൈവ ഇഷ്ടപ്രകാരമുള്ള ജീവിതം ബന്ധനമല്ല വിസ്മയസ്വാതന്ത്ര്യമാണ്. ഈ തിരിച്ചറിവ് വളരെ പ്രധാനപ്പെട്ടതാണ്.
റെയിലിൽ ഓടുന്ന ട്രെയിനിന് എത്ര വലിയ വേഗതയിലും പോകുവാൻ കഴിയും. എന്നാൽ റെയിലിൽ നിന്ന് ട്രെയിൻ തെറ്റിയാൽ അത് തകരും. മുന്നോട്ട് പോകുവാൻ കഴിയില്ല.
അതുപോലെ, ക്രിസ്തുവാകുന്ന റെയിലിലൂടെ ചുവടു വയ്ക്കുമ്പോഴാണ് സുരക്ഷിതത്വവും സ്വാതന്ത്ര്യവും നമുക്ക് അനുഭവിക്കുവാൻ സാധിക്കുന്നത്. ക്രിസ്തുവിനോടുള്ള അനുസരണവും വിധേയത്വ വും നമ്മുടെ സ്വാതന്ത്ര്യം പരിമിതപ്പെടുത്തുകയല്ല, സുരക്ഷിത സ്വാതന്ത്ര്യത്തിലേക്കുള്ള പ്രയാണത്തിന് അവസരം ഒരുക്കുകയാണ്.
ക്രിസ്തു യഥാർത്ഥ സത്യമാണ്. നിർമ്മല സുവിശേഷത്തിൽ നിന്ന് ക്രിസ്തുവിനെ അറിയുന്നത് തന്നെ സ്വാതന്ത്ര്യമാണ്. പാപത്തിൽ നിന്നും സാത്താന്യ വഞ്ചനയിൽ നിന്നും സ്വാതന്ത്ര്യം നൽകി നിത്യതയെ ലക്ഷ്യമാക്കിയുള്ള ആത്മീയ യാത്രയ്ക്ക് ക്രിസ്തുവിന്റെ നമ്മെ പ്രാപ്തരാക്കുന്നു.
'നിങ്ങള്‍ സത്യം അറിയുകയും സത്യം നിങ്ങളെ സ്വതന്ത്രരാക്കുകയും ചെയ്യും.'

സത്യം അറിയുവാൻ നമ്മൾ തയ്യാറാണെങ്കിൽ സത്യം നമ്മെ സ്വതന്ത്രരാക്കും. സത്യവും ജീവനുമായ ക്രിസ്തുവിനെ വെളിപ്പെടുത്തുന്ന തിരുവചന സത്യങ്ങൾക്കായി നമുക്ക് വിനയപൂർവ്വം ഹൃദയം തുറക്കാം.
☆
-ഫാ. ഡോ. ഏ. പി. ജോർജ്

10/04/2025

കര്‍ത്താവേ, അങ്ങേക്കു മനസ്‌സുണ്ടെങ്കില്‍...

ദൈവം മോശയോട് കയ്യിലെ വടി കടലിനു മീതെ ഉയർത്തുവാൻ പറഞ്ഞു. കടൽ വിഭജിക്കുന്നതിന് ദൈവത്തിന് വാസ്തവത്തിൽ മനുഷ്യന്റെ സഹായം ആവശ്യമുണ്ടായിരുന്നോ?
ഇല്ല ഒരിക്കലുമില്ല.
ദൈവം അത്ഭുതം പ്രവർത്തിക്കുമ്പോൾ പലപ്പോഴും മനുഷ്യന്റെ വിശ്വാസവും വിധേയത്വവും പങ്കാളിത്തവും ഒക്കെ അനുവദിക്കാറുണ്ട്.

കടൽ വിഭജിച്ച്, യിസ്രായേൽ മക്കൾക്ക്‌ വഴി ഒരുക്കിയത് ദൈവമായിരുന്നു.
മോശ കടലിനു നേരെ വടി ഉയർത്തിയത്, മോശ ദൈവകൽപ്പന അനുസരിച്ചതിന്റെയും ദൈവത്തിന്റെ വിസ്മയശക്തിയിൽ വിശ്വസിച്ചതിന്റെയും ബാഹ്യ അടയാളമായിരുന്നു.

ഗോലിയാത്തിനെ കവിണിയും കല്ലും ഉപയോഗിച്ച് ദാവീദ് വീഴിച്ചു. അതിന്റെ പിന്നിലെ ശക്തി ദൈവത്തിന്റെതായിരുന്നു. അൽഭുതം പ്രവർത്തിക്കുവാൻ ദൈവം ദാവീദിന്റെ കരങ്ങൾ പ്രയോജനപ്പെടുത്തി എന്ന് മാത്രം.
ഏലിയാവ് വിധവയുടെ മരിച്ചുപോയ മകന്റെ മേൽ മൂന്നുപ്രാവശ്യം കമിഴ്ന്നു കിടന്നു പ്രാർത്ഥിച്ചു. ഏലിയാവിന്റെ പ്രാർത്ഥനയും പ്രവർത്തിയും അത്ഭുതം പ്രവർത്തിക്കുവാൻ വേണ്ടി ദൈവത്തോടുള്ള അഭ്യർത്ഥനയായിരുന്നു. ദൈവത്തിൽ നിന്നും അനുകൂല മറുപടിയുണ്ടായി. കുട്ടിക്ക് പ്രാണൻ തിരികെ നൽകിയത് ജീവന്റെ തമ്പുരാനായ ദൈവമാണ്.

വേലക്കാരോട് കൽഭരണികളിൽ വെള്ളം നിറയ്ക്കുവാൻ ക്രിസ്തു ആവശ്യപ്പെട്ടു . അവരുടെ അനുസരണവും അധ്വാനവും തന്റെ അത്ഭുത പ്രവർത്തിയുടെ പശ്ചാത്തലം ആകാൻ കർത്താവ് അനുവദിച്ചു. ശൂന്യമായ കൽഭരണികളിൽ വെള്ളം നിറയാനും അത് വീര്യമുള്ളതാകുവാനും കർത്താവിന്റെ ഒരു വാക്കു മാത്രം മതിയായിരുന്നു.
'ഉണ്ടാകട്ടെ ' എന്ന് പറഞ്ഞ് സകല പ്രപഞ്ചത്തെയും ഗാലക്സിയെയും ചരാചരങ്ങളെയും സൃഷ്ടിച്ച കർത്താവിന് വചനം അയച്ചു സൗഖ്യം നൽകുവാനും കഴിയും.

സർവശക്തനും സർവ്വജ്ഞനും സർവ്വവ്യാധിയുമായ ദൈവത്തിന് അത്ഭുതം പ്രവർത്തിക്കുവാൻ മനുഷ്യന്റെ സഹായം ആവശ്യമില്ല. എന്നാലും, പൊടിയും നിസ്സാരരുമായ മനുഷ്യനെ തന്റെ അത്ഭുത പ്രവർത്തികളിൽ സഹകാരി ആകാൻ ദൈവം ചിലപ്പോൾ അനുവദിക്കാറുണ്ട്. അതിന്റെ പിന്നിൽ പല കാരണങ്ങളും ഉണ്ടാകാം.

ദൈവം അത്ഭുതം പ്രവർത്തിക്കുമ്പോൾ നമ്മൾ വെറും കാഴ്ചക്കാരായിരിക്കുവാൻ ദൈവം ആഗ്രഹിക്കുന്നില്ല. നിഷ്ക്രിയ വിശ്വാസത്തിനു പകരം പ്രവർത്തനക്ഷമമായ വിശ്വാസമാണ് ദൈവം നമ്മിൽ നിന്നും ആഗ്രഹിക്കുന്നത്. അതുകൊണ്ടായിരിക്കാം ദൈവം അത്ഭുത ശക്തിയാൽ കടൽ വിഭജിക്കുവാൻ തീരുമാനിച്ചപ്പോൾ, മോശയോട് കയ്യിലെ വടി ഉയർത്തുവാൻ ആവശ്യപ്പെട്ടത്. കടലിനു നേരെ കൈനീട്ടിയിട്ട് എന്ത് കാര്യമെന്ന് യുക്തിപൂർവ്വം ചിന്തിക്കുന്നതിനു പകരം മോശ ചോദ്യം ചെയ്യാതെ അനുസരിച്ചു. ദൈവം അത്ഭുതം പ്രവർത്തിച്ചു.

'അതിനാല്‍, ഞാന്‍ പറയുന്നു: പ്രാര്‍ഥിക്കുകയും യാചിക്കുകയും ചെയ്യുന്ന എന്തും ലഭിക്കുമെന്നു വിശ്വസിക്കുവിന്‍; നിങ്ങള്‍ക്കു ലഭിക്കുകതന്നെ ചെയ്യും.
മര്‍ക്കോസ്‌ 11 : 24

അത്ഭുതം പ്രവർത്തിക്കുന്നതിനുമുമ്പ് നമ്മിൽ നിന്നും ദൈവം ചില ചുവടുവെപ്പുകൾ ആഗ്രഹിക്കുന്നുണ്ട്.

അത് എന്തൊക്കെയാണ്?

മടുത്തു പോകാത്ത പ്രാർത്ഥന, സ്തോത്ര സമർപ്പണം, തിരുവചന ധ്യാനം, ദൈവത്തിന് കഴിയാത്തതായി ഒന്നുമില്ലെന്ന പൂർണ്ണ വിശ്വാസം, സ്വയത്തിന്റെ സമർപ്പണം, നിശബ്ദതയിലെ ധ്യാനം... അങ്ങനെ പലതും. അതൊക്കെ ദൈവത്തിന്റെ അത്ഭുത ശക്തിയിലുള്ള നമ്മുടെ വിശ്വാസവും ആശ്രയവും വെളിപ്പെടുത്തുന്നതാണ്.

'അപ്പോള്‍ ഒരു കുഷ്‌ഠരോഗി ക്രിസ്തുവിലുള്ള വിശ്വാസം സാക്ഷ്യപ്പെടുത്തിക്കൊണ്ട് താണുവണങ്ങിപ്പറഞ്ഞു: കര്‍ത്താവേ, അങ്ങേക്കു മനസ്‌സുണ്ടെങ്കില്‍ എന്നെ ശുദ്‌ധനാക്കാന്‍ കഴിയും.'
യേശു കൈനീട്ടി അവനെ സ്‌പര്‍ശിച്ചുകൊണ്ട്‌, അരുളിച്ചെയ്‌തു: എനിക്കു മനസ്സുണ്ട്‌, നിനക്കു ശുദ്‌ധിവരട്ടെ. തത്‌ക്‌ഷണം കുഷ്‌ഠം മാറി അവനു ശുദ്‌ധി വന്നു.' മത്തായി 8 : 2,3

സമൂഹത്തിന്റെ അവിശ്വാസം കർത്താവിന്റെ അത്ഭുതപ്രവർത്തികൾക്ക് തടസ്സമായ സാഹചര്യങ്ങളും ഉണ്ട്:

'അവരുടെ അവിശ്വാസം നിമിത്തം അവന്‍ അവിടെ അധികം അദ്‌ഭുതങ്ങള്‍ പ്രവര്‍ത്തിച്ചില്ല.'
മത്തായി 13 : 58

അത്ഭുതം പ്രവർത്തിക്കുവാൻ ദൈവം പ്രത്യേക സാഹചര്യങ്ങളും സമയങ്ങളും ഉപാധികളും സ്വീകരിക്കാറുണ്ട്. അതൊക്കെ ദൈവത്തിന്റെ വിസ്മയ ചിന്തകളും തീരുമാനങ്ങളുമാണ്. ആർക്ക്, ആരിലൂടെ അത്ഭുതം പ്രവർത്തിക്കണമെന്ന് ദൈവമാണ് തീരുമാനിക്കുന്നത്.

നമ്മൾ ഓരോരുത്തരും ദൈവത്തിന് അത്ഭുതം പ്രവർത്തിക്കുവാനുള്ള ഉപകരണങ്ങളാണ്. ദൈവത്തിൽ വിശ്വസിക്കുന്ന ഹൃദയങ്ങളെയും ദൈവത്തിനുവേണ്ടി പ്രവർത്തിക്കുവാൻ തയ്യാറുള്ള കരങ്ങളെയും ദൈവം അത്ഭുതം പ്രവർത്തിക്കുവാൻ അന്വേഷിച്ചു കൊണ്ടിരിക്കുകയാണ്.

അരിഷ്ടതയിലായിരിക്കുന്ന ഒരു വ്യക്തിക്ക് ഫോൺകോളിലൂടെ നമ്മൾ നൽകുന്ന ആശ്വാസവാക്കുകൾ ഒരുപക്ഷേ അവരുടെ പ്രാർത്ഥനയ്ക്കുള്ള ദൈവത്തിന്റെ മറുപടിയാകാം.
ശൂന്യമായ കരങ്ങളിൽ നമ്മൾ സ്നേഹപൂർവ്വം നൽകുന്ന സഹായം സ്വീകരിക്കുന്നവർക്ക് അത് ദൈവത്തിൽ നിന്നുള്ള മിറക്കൾ ആകാം.

മെഡിക്കൽ ടീമിന്റെ ചികിത്സമൂലം ഒരാൾ രോഗ വിമുക്തനാകുന്നത് അയാളുടെ സൗഖ്യത്തിനു വേണ്ടിയുള്ള പ്രാർത്ഥനയ്ക്ക് ദൈവം നൽകുന്ന അത്ഭുത രോഗശാന്തിയാണ്. എല്ലാ രോഗികളെയും രക്ഷിക്കാൻ മെഡിക്കൽ ടീമിന് കഴിയുന്നില്ലല്ലോ.

വിശ്വാസത്തോടെയുള്ള നമ്മുടെ പ്രാർത്ഥന ഒരാൾക്ക് സൗഖ്യം ലഭിക്കുവാൻ ദൈവത്തിന്റെ കരുണയുടെ വാതിൽ തുറക്കുന്നതിന് ചിലപ്പോൾ സഹായകമായേക്കാം. കർത്താവിന്റെ അടുക്കൽ രോഗിയെ എത്തിച്ച നാൽവർ സംഘത്തിന്റെ വിശ്വാസത്തിൽ കർത്താവ് സംപ്രീതനായി.

ദൈവം നമുക്ക് നൽകിയ അനുഗ്രഹ താലന്തുകൾ അത്ഭുതം പ്രവൃത്തിക്കുവാൻ ദൈവം ഉപയോഗിക്കുമ്പോൾ, സ്വന്തം കഴിവുകൊണ്ട് അത്ഭുതം നടത്തിയെന്ന് തെറ്റുദ്ധരിക്കരുത്, അഹംങ്കരിക്കരുത്.
അർഹതയും യോഗ്യതയും ഇല്ലാത്ത നമുക്ക് ദൈവം ഔദാര്യമായി നൽകുന്ന പ്രിവിലേജിൽ, മേരി മാതാവിനെപ്പോലെ ദൈവത്തിന് നന്ദി പറയുവാനുള്ള വിനയം ഉണ്ടാകണം:
'ശക്‌തനായവന്‍ എനിക്കു വലിയകാര്യങ്ങള്‍ ചെയ്‌തിരിക്കുന്നു,അവിടുത്തെ നാമം പരിശുദ്‌ധമാണ്‌.
ലൂക്കോ സ് 1 : 49

അത്ഭുതങ്ങളുടെ ക്രെഡിറ്റ് സ്വയം ഏറ്റെടുക്കരുത്. 'അൽഭുത രോഗശാന്തി സിദ്ധൻ' എന്ന് മീഡിയ പ്രചാരണം നടത്തരുത്.
ദൈവത്തിന്റെ അത്ഭുത പ്രവർത്തികളുടെ ക്രെഡിറ്റ് സ്വയം ഏറ്റെടുക്കുന്നവരുടെ പിറകെ വിശ്വാസികൾ പോകരുത്. അവരെ ആൾദൈവങ്ങളായി ആരാധിക്കരുത്. അത്ഭുതം പ്രവർത്തിക്കുന്നത് ദൈവമാണ്, അത് ദൈവത്തിനു മാത്രം കഴിയുന്ന കാര്യമാണ്. ഇത് തിരുവചനത്തിലെ ആവർത്തിക്കുന്ന ഓർമ്മപ്പെടുത്തലാണ്:
' ദൈവമേ, അങ്ങാണ്‌ അദ്‌ഭുതങ്ങള്‍ പ്രവര്‍ത്തിക്കുന്ന ദൈവം; ജനതകളുടെയിടയില്‍ ശക്‌തി വെളിപ്പെടുത്തിയതും അങ്ങുതന്നെ.'
സങ്കീര്‍ത്തനങ്ങള്‍ 77 : 14

'ദൈവത്തിന്‌ ഒന്നും അസാധ്യമല്ല.'
ലൂക്കാ 1 : 37

ഒരുപക്ഷേ നമ്മൾ ഇപ്പോൾ ചെങ്കടലിന്റെയും ഫറവോന്യാ സൈന്യങ്ങളുടെയും മുമ്പിൽ നിൽക്കുന്നവരും നിസ്സഹായരും ആയിരിക്കാം. പ്രശ്ന പരിഹാരത്തിനുവേണ്ടി അരുതാത്ത വഴികൾ ഒരിക്കലും തിരഞ്ഞെടുക്കരുത്. നമ്മെ പ്രാർത്ഥിക്കുവാൻ പഠിപ്പിച്ച കർത്താവിന്റെ മമ്പാകെയുള്ള നമ്മുടെ എളിയ പ്രാർത്ഥനകൾ ദൈവത്തിന്റെ അത്ഭുത ശക്തിയുടെ ചാനലുകൾ ആവും.

'അവന്റെ ഇഷ്‌ടത്തിനനുസൃതമായി എന്തെങ്കിലും നാം ചോദിച്ചാല്‍, അവിടുന്നു നമ്മുടെ പ്രാര്‍ഥന കേള്‍ക്കും എന്നതാണു നമുക്ക്‌ അവനിലുള്ള ഉറപ്പ്‌.
1 യോഹന്നാന്‍ 5 : 14

നമുക്ക് ചുറ്റുമുള്ളവരുടെ ഇല്ലായ്മക്കും പ്രതിസന്ധികൾക്കും ആത്മീയ പരിപോഷണത്തിനും വ്യക്തിപരമായി നമുക്ക് എന്ത് ചെയ്യുവാനും കൊടുക്കുവാനും കഴിയുമെന്ന് ദൈവം നമ്മോട് ചോദിക്കുന്നുണ്ട്. ഒരു വലിയ സമൂഹത്തിന് സമർത്ഥമായ വിരുന്നൊരുക്കുവാൻ ഒരു കുട്ടി നൽകിയ അഞ്ചപ്പവും രണ്ട് മീനും കർത്താവ് പ്രയോജനപ്പെടുത്തിയത്പോലെ, നമ്മുടെ എളിയ സമർപ്പണം ദൈവം വാഴ്ത്തി അനുഗ്രഹിച്ച്, അത്ഭുതം പ്രവർത്തിക്കും.

ലോകത്തുള്ള എല്ലാ മനുഷ്യരും അവരുടെ ഭൗതിക അനുഗ്രഹങ്ങളുടെ ഓഹരി അയൽക്കാരന്റെ നന്മയ്ക്കും ശ്രേയത്തിനു വേണ്ടി സമർപ്പിക്കുവാൻ തയ്യാറായാൽ അനേകരുടെ ജീവിതത്തിൽ അത്ഭുതവും ഗുണപരമായ മാറ്റങ്ങളും ഉണ്ടാകും. സ്വർഗ്ഗത്തിലെ പോലെ ഭൂമിയിലും ആകും.

കുടുംബത്തിലും സഭയിലും ഇടയത്വ ശുശ്രൂഷയിലും സാമൂഹ്യ സേവനത്തിലും ദൈവത്തിന്റെ അൽഭുത പ്രവർത്തികൾക്ക് സാക്ഷിയാകുവാൻ നമ്മെ അനുവദിക്കുന്നതിനായി സ്തോത്രം ചെയ്യാം. നമ്മുടെ പ്രാർത്ഥനയിലൂടെയും സ്നേഹപരിചരണങ്ങളിലൂടെയും മെഡിക്കൽ കെയറിലൂടെയും മറ്റുള്ളവരുടെ ജീവിതത്തിൽ ദൈവം അത്ഭുതം പ്രവർത്തിക്കുമ്പോൾ, അതിന്റെ ക്രെഡിറ്റ് സ്വയം ഏറ്റെടുക്കുന്നതിനു പകരം ദൈവത്തെ മഹത്വപ്പെടുത്തുവാനുള്ള വിനയം നൽകുവാൻ നമുക്ക് പ്രാർത്ഥിക്കാം.
☆
-ഫാ. ഡോ. ഏ. പി. ജോർജ്

Address

Washington D.C., DC

Website

https://fatherg.com/, https://fathergi.blogspot.com/, https://www.youtube.com/@father_ap_george

Alerts

Be the first to know and let us send you an email when Fr. Dr. A P George posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Washington D.C.?

Fr. Dr. A P George

10/26/2025

10/22/2025

10/21/2025

10/20/2025

10/16/2025

10/15/2025

10/15/2025

10/14/2025

10/11/2025

10/04/2025

Address

Website

Alerts

Shortcuts

Share

Category