16/03/2022
Bahor mavsumida organizm uchun kerak bo‘lgan vitamin va minerallar
Fasllarning o‘zgarishi doimo salomatlik va kayfiyatga ta’sir qiladi. Uzoq qish, sovuq, quyosh nurining yetishmasligidan so‘ng organizm bir qancha vitamin va minerallarga muhtojlik sezadi. Shuningdek, ayrim qo‘shimchalarning yetishmasligi tashqi ko‘rinishda ham yaqqol namoyon bo‘ladi:
quruq teri, siyrak va mo‘rt sochlar, yorilib ketgan lablar;
ovqat hazm qilish buzilishi, ishtahaning yomonlashishi;
uyqu buzilishi, charchoq;
shamollash, terlashning kuchayishi.
Shuni esda tutish kerakki, ayol organizmiga salbiy omillar ko‘proq ta’sir qiladi.
Ayollarda ko‘proq suyak to‘qimalari mo‘rt, tish emallari tezroq yemiriladi va hokazo. Bu jarayonlar homiladorlik davrida, virusli kasalliklardan so‘ng, past kaloriya diyetalaridan keyin kuchayadi. Shuning uchun ayollar vitaminlarni qabul qilishi juda muhimdir.
Vitaminlar nima uchun kerak?
To‘g‘ri ovqatlanish vitamin yetishmasligi bilan kurashishning eng yaxshi usuli hisoblanadi. Biroq oziq-ovqatdan zarur mikroelementlarning to‘liq spektrini olish juda qiyin. Oziq-ovqatlardagi vitaminlar konsentratsiyasi kerakli qiymatlarda yetib bormasligi mumkin.
Organizm qanday vitaminlarga muhtoj?
Yog‘da eriydigan vitaminlar:
A, D, E, K,
Suvda eriydigan vitaminlar:
C
B vitaminlari:
B1, B2, B3, B5, B6, B7, B9, B12,
Ko‘pgina vitaminlar (B3, K, D dan tashqari) organizmda sintez qilinmaydi va tanaga tashqaridan kiradi. Shu bilan birga, tananing normal ishlashi uchun zarur bo‘lgan vitaminlar normasi juda kichik – kuniga taxminan 100 mg. Murakkab vitamin va qo‘shimchalarni qabul qilish orqali to‘liq ta’minlanishi mumkin.
Vitamin komplekslari va faol elementlarga ega qo‘shimchalar dori-darmonlar emas va shifokor retseptisiz foydalanish mumkin.
🇺🇿
