20/07/2023
Сизга ўзимни таништирсам.
Исм-фамилиям Феруз Йигиталиев, 31 ёшдаман. Фарғонада туғилганман. Оилалиман, 2 нафар фарзандим бор.
🔸 Иш фаолиятим: биринчи Фарғонада, Аҳоли ўртасида юқумли касаликларни олдини олиш мақсадида Эпидимиолог вазифасида ишлаганман. Кейинчалик Тошкент шаҳрида шу ишимни давом эттирдим.
Сўнгра Тошкент шаҳар перинатал марказида ҳамда Республика вирусология илмий текшириш институти клиникасида госпитал эпидимиолог бўлиб ишлаганман.
👨🏫 Ундан ташқари "Таомланиш илми" телеграм канали муаллифиман. Ҳозирда 40 мингга яқин киши кузатиб боради!
Ёшлигимдан докторлик соҳасига қизиққанман. 2012 йили Тошкент тиббиёт академиясига (эски номи ТашМИ) ўқишга топшириб, грант асосида кирганман. Бакалавриатни битириб, 2018 йили "Болалар ва ўсмирлар гигиенаси" ординатурасини грант асосида ўқиб, битирдим.
🏙 2020 йили эса "Эпедимиология" йўналаши бўйича иккинчи ординатурага грант асосида ўқишга қабул қилиндим.
2021 йили, январ ойидан бери ўрганган билим ва тажрибаларимни "Таомланиш илми" каналида ёритиб келаман.
Нотўғри овқатланиш туфайли келиб чиқадиган касалликларни катта қизиқиш билан ўрганиб келаяпман.
📌 Изланишларим мобайнида халқимиз аксарият ҳолларда, бир ватқнинг ўзида ҳар хил таомлар ва ширинликларни меъёридан ортиқ истеъмол қилиши доим ҳам яхшиликка олиб келмаслигини, бу ўз ўрнида ортиқча вазн ва касалликлар сабабчиси эканлигини тушундим.
Чунки нотўғри овқатланиш туфайли вазн ортиши, қон томирларда атеросклероз ва кейинчалик тромблар ҳосил бўлиши, турли саратон, ошқозон ичак фаолиятини бузлиши каби касалликлар юзага келаяпти.
Доктор сифатида бунга шунчаки қараб тура олмадим!
Шу сабабли Ортиқча вазнга қарши кураш олиб бориш мақсадида шахсий блогимни юритишни бошладим.
Feruz Yigitaliev
