08/11/2025
Og‘riq joyiga qarab sababini aniqlashning 9 usuli
Tanada og‘riq sezganimizda, ichimizda nima bo‘layotganini bilish qiyin. Shu bois, eng ko‘p uchraydigan og‘riq joylari va ularning sabablari haqida qisqacha:
1. Yurak — Ko‘krakda siquvchi og‘riq, chap qo‘l yoki kurakka tarqalishi mumkin. Nafas qisishi, yurak urishining tezlashishi kuzatiladi.
2. Oshqozon — Qorin markazida og‘riq, ovqatdan keyin kuchayadi, och qolganda yengillashadi.
3. Oshqozon osti bezi — Qorin yuqori qismida bosuvchi yoki sanchuvchi og‘riq, belga, ayniqsa chap tomonga tarqaladi.
4. Jig‘ar — O‘ng qovurg‘a ostida og‘riq, o‘ng yelkaga tarqaladi. Yog‘li yoki achchiq ovqatlardan so‘ng kuchayadi.
5. O‘t pufagi — O‘ng tomonda keskin, o‘tkir og‘riq. Ko‘ngil aynishi bilan kechadi.
6. Buyraklar — Belning yon tomonlarida og‘riq, qorin yoki son tomonga tarqaladi.
7. Ichak — Qorin pastida og‘riq, shish yoki ich ketish bilan kechadi.
8. O‘pka — Ko‘krakda og‘riq, chuqur nafas olayotganda kuchayadi. Yo‘tal yoki nafas qisishi bo‘lishi mumkin.
9. Orqa miya — Bel, bo‘yin yoki yelkada og‘riq. Uzoq o‘tirish yoki stress sabab bo‘ladi.
Xulosa:
Tana og‘riqlari — bu ogohlantirish signali. Uni e’tiborsiz qoldirmang va zarurat bo‘lsa, shifokorga murojaat qiling.
