08/03/2022
Бу касалликнинг келиб чиқиш сабаблари ҳали тўлиқ маълум эмас. Статистик маълумотларга кўра, 50 дан ошган эркакларнинг деярли ярмида, 65 дан ўтган эркакларнинг 75 - 90 фоизида простата бези аденомаси учрар екан. Демак, ушбу касалликни ёш билан боғлашимиз мумкин, бироқ истиснолар ҳар қаерда бўлгани каби, сўнгги йилларда ҳали 50 ёшга кирмаган кишиларда ҳам аденома белгилари намоён бўлмоқда.
Бундан хулоса қилиш мумкинки, ана шу ёш атрофида мунтазам равишда уролог назоратидан ўтиб туриш керак. Ўзингиз яхши биласиз, касалликни даволагандан кўра, олдини олган яхши.
Простата бези аденомаси – простата безида пайдо бўладиган ўсма. Aввалига бир ёхуд бир нечта тугун пайдо бўлади, у аста-секинлик билан ўсиб боради, оқибатда простата бези орқали ўтган пешоб чиқарув канали сиқилиб, бемор пешоб чиқаришга қийналадиган бўлиб қолади. Aденома секин ривожланадиган касаллик, шунинг учун ҳам кўпинча беморлар простата безидаги ўзгаришдан бехабар бўлишади, касалликнинг илк белгиларига эса бепарво қарашади.
Касалликнинг ривожланиш босқичини учга бўлиш мумкин.
Биринчи босқичда касаллик қовуқ, юқори пешоб йўллари ҳамда буйракнинг заҳира имкониятлари ҳисобига бир неча йил зўраймай, бемор ҳолати барқарор бўлиши мумкин. Бемор кундузлари пешоб чиқаришга кўп қатнамасада, аммо чиқадиган пешоб миқдори аввалгидай емас, балки камроқ бўлади, пешоб бир оз кутишдан кейин чиқади. Кечқурунлари эса бемор икки марта ёки ундан кўпроқ уйғониб, пешоб чиқаришга қатнайдиган бўлиб қолади. Кўпинча беморлар бундай ҳолатни ёш ўтиши, уйқусизликка йўйиб адашадилар. Биринчи босқич 1-2 йилдан 10-12 йилгача давом етиши мумкин.
Иккинчи босқичда касаллик белгилари кўпроқ намоён бўла бошлайди. Пешоб бирданига емас, тўхтаб-тухтаб, томчилаб чиқадиган бўлади. Бу босқич қовуқ, юқори пешоб йўллари ва буйрак фаолиятининг бузилиши билан тавсифланади. Қовуқда пешоб йиғилиб, унинг миқдори 100-200 мл, баъзида эса 300-500 мл.гача етиши мумкин. Касаллик зўрайганини пешоб пуфаги шиллиқ қаватининг яллиғланганидан, пешоб чиқиши оғриқли кечаётганидан билса бўлади. Жуда совқотиш, шамоллаш, қаттиқ ҳолдан тойиш, руҳий стресслар, спиртли ичимликлар истеъмол қилиш каби ҳолатлар натижасида пешоб чиқиши буткул тўхтаб қолиши мумкин.
Aгар ўз вақтида даво чоралари қўлланилса, касалликнинг биринчи босқичи иккинчисига ўтмайди, лекин иккинчи босқич бошландими, албатта учинчисига ўтади.
Касалликнинг учинчи босқичида қовуқнинг қисқариш қобилияти деярли йўқолади, унинг ичида 1,5-2 литргача пешоб йиғилиб қолади, пешоб бемор ихтиёрисиз томчилаб туради.
Бу босқичда буйрак фаолияти ишдан чиқиши натижасида бир қатор асоратлар намоён бўлади: буткул иштаҳадан қолиш, ҳолсизлик, чанқоқ, оғизнинг қуриши, кўнгил айниши, қабзият. Руҳий тушкунлик, озиб кетиш, оғиздан пешоб ҳиди келиши организмда азотли шлаклар билан заҳарланиш рўй берганини, ҳароратнинг кўтарилиши еса йиғилиб қолган пешобда инфексияларнинг зўрайганидан дарак беради.
Қовуқда тош йиғилиши простата бези аденомасининг енг кўп тарқалган асорати ҳисобланади. Шунингдек, пийелонефрит, уретрит, простатит, аденомит, везикулит, эпидидимит, эпидидимоорхит сингари жиддий асоратлар ҳам кузатилиши мумкин.
Бугунги кунда простата бези аденомасини даволашнинг турли усуллари мавжуд. Касаллик эндигина ривожланаётган пайтда дори-дармонлар воситасида даволанади. Ёки аденома – простата бези емас! – операция йўли билан олиб ташланади.
Aгар сизда ҳам простата бези яллиғланиши кузатилаётган бўлса ва аденома ҳолатига чалининишни хоҳламасангиз унда хозироқ уролог маслаҳатини олишингиз ҳамда керакли даво чораларини кўришингизни тавсия қиламиз!
Урологдан бепул маслаҳат олиш учун +998 55 503 96 96 рақамига қўнғироқ қилинг!
