Qendra Kryesore e Mjekësisë Familjare Gjilan QKMF

07/08/2025

JAVA E GJIDHËNIES NË QKMF - GJILAN

Në QKMF – Gjilan është vazhduar shënimi i Javës së Gjidhënies, nën moton “Fillime të shëndetshme, e ardhme shpresëdhënëse.”

Gjatë kësaj jave është realizuar këshillimi individual për nënat, me fokus në rëndësinë e gjidhënies dhe mbështetjen e tyre në këtë proces të rëndësishëm. Janë shpërndarë edhe fletushka informuese me këshilla praktike për gjidhënien.

Aktivitetet janë zhvilluar në bashkëpunim dhe koordinim me Ministrinë e Shëndetësisë, IKShPK dhe QRSHP në Gjilan.

Java e Gjidhënies është përmbyllur me një sërë aktivitetesh ndërgjegjësuese, ku janë theksuar mesazhet kyçe si:

✅ Gjidhënia duhet të jetë ekskluzive gjatë 6 muajve të parë të jetës së foshnjës
✅ Qumështi i gjirit është ushqimi ideal për foshnjat
✅ Është i sigurt, i pastër dhe përmban antitrupa që ndihmojnë në mbrojtjen kundër shumë sëmundjeve të fëmijërisë
✅ Qumështi i gjirit përmban të gjitha lëndët ushqyese të nevojshme për zhvillimin e shëndetshëm të foshnjës

30/07/2025

27/06/2025

Të shtunën e kaluar me datë 21.06.2025, QKMF “Dr. Nagip Rexhepi” – Gjilan ka qenë në gatishmëri gjatë mbajtjes së Testit të Maturës, me 6 ekipe mjekësore dhe autoambulancë, për të reaguar menjëherë në rast të ndonjë gjendjeje urgjente shëndetësore të nxënësëve.

📘 Sot me datë 27.06.2025, me të njëjtin përkushtim, jemi në terren me 7 ekipe mjekësore dhe autoambulancë, për të përcjellë nga afër Testin e Arritshmërisë, duke siguruar ndihmë të menjëhershme në çdo rast nevoje.

👩‍⚕️👨‍⚕️ Shëndeti mbi të gjitha!

26/06/2025

Dita Ndërkombëtare Kundër Abuzimit dhe Trafikimit të Drogës – 26 Qershor 2025

Me datë 26 qershor 2025, në kuadër të shënimit të Ditës Ndërkombëtare Kundër Abuzimit dhe Trafikimit të Drogës, u zhvilluan aktivitete me karakter edukativo-shëndetësor, të organizuara nga Qendra Kryesore e Mjekësisë Familjare “Dr. Nagip Rexhepi” në Gjilan, në bashkëpunim me Qendrën Rajonale të Shëndetit Publik (QRShP) – Gjilan dhe Komunën e Gjilanit.

Aktiviteti u realizua në hapësirën para Teatrit të Qytetit të Gjilanit, me qëllim rritjen e ndërgjegjësimit të të rinjve dhe qytetarëve për pasojat që sjell përdorimi i substancave narkotike dhe trafikimi i tyre.

Pas këtij aktiviteti publik, veprimtaria vazhdoi në hapësirat e QKMF-së me shfaqjen e një filmi me metrazh të shkurtër, i cili u përcoll nga nxënësit e Shkollës së Mesme të Mjekësisë “Asllan Elezi”.

Motoja e aktivitetit lokal ishte:
“Ti je më i fortë se vartësitë e tua.”

20/06/2025

19/06/2025

02/06/2025

Dita Botërore Kundër Duhanit – 31 Maj 2025

Me datë 31 maj 2025, në kuadër të shënimit të Ditës Botërore Kundër Duhanit, u zhvilluan aktivitete me karakter edukativo-shëndetësor, të organizuara nga Qendra Kryesore e Mjekësisë Familjare “Dr. Nagip Rexhepi” në Gjilan, në bashkëpunim me Institutin Rajonal të Shëndetësisë Publike të Kosovës (IRSHPK) dhe Komunën e Gjilanit.

Aktiviteti u realizua në hapësirën para Teatrit të Qytetit të Gjilanit, me qëllim rritjen e ndërgjegjësimit të të rinjve dhe të qytetarëve për rreziqet që sjell përdorimi i produkteve të duhanit dhe nikotinës.

Gjatë këtij aktiviteti:
• Qytetarët u këshilluan dhe inkurajuan për ndërprerjen e konsumimit të duhanit
• U shpërndanë broshura dhe materiale informuese me përmbajtje edukativo-shëndetësore

Motoja e aktivitetit lokal ishte:
“Ti je më i fortë se vartësitë e tua.”

01/06/2025

📍 Ekipa e Qendrës Kryesore te Mjekësisë Familjare ishte e pranishme në aktivitetin festiv të organizuar para teatrit me rastin e 1 Qershorit – Ditës Ndërkombëtare të Fëmijëve.
Me shumë përkushtim dhe dashuri, ekipi ynë kontribuoi në këtë ditë të veçantë, duke ofruar këshilla shëndetësore dhe praninë tonë për të gjithë fëmijët dhe familjet pjesëmarrëse.
Fëmijët janë e ardhmja jonë, dhe shëndeti i tyre – prioriteti ynë! 🌟

23/05/2025

Sot, pas 45 vitesh përvojë pune, u pensionua Milaim Hetemi, Teknik i Shërbimit të Stomatologjisë.
Në prezencë të menaxhmentit, shërbimit të Stomatologjisë dhe familjes Hetemi, u vlerësua lartë kontributi shumëvjeçar i tij, me ç’rast u dorëzua mirënjohje dhe fjalë rasti nga Udhëheqësja e MF, Dr. Fatime Sadiku e cila e falënderoi thellësisht për punën e palodhur, gjerësa Shefi i Shërbimit të Stomatologjisë Dr. Taulant Ramadani tha se Milam Hetemi mbetet një prej figurave të veçanta të institucioneve të shëndetësisë së Gjilanit. Mirënjohje ndau edhe kryeinfermierja Violeta Mustafa Hasani.
Milaim Hetemi filloi punën qysh nga viti 1980, për të përmbledhur plot 45 vite kontribut.
Ka qenë themelues i Sindikatës së Pavarur për të drejtat e punëtorëve shëndetësor së Komunës së Gjilanit, gjatë regjimit të asaj kohe.
Profesionist, e i dashur, ashtu u përcoll sot me respekt e fjalë krenarie.
I urojmë shëndet e mirëqenie në kapitullin e ri të jetës!

22/05/2025

Këshilli i Bashkësisë Islame në Gjilan, në bashkëpunim me Shoqatën Humanitare “Bereqeti”, dega në Gjilan, kanë dhuruar një donacion për Drejtorinë e Shëndetësisë, respektivisht për Qendrën Kryesore të Mjekësisë Familjare (QKMF) në Gjilan.

Shprehim mirënjohjen dhe falënderimet tona të sinqerta për këtë kontribut të çmuar, si dhe për bashkëpunimin e vazhdueshëm ndërmjet institucioneve.