Qendra Kryesore e Mjekësisë Familjare Gjilan QKMF

14/11/2025

Dita Botërore e Diabetit 2025 – QKMF Gjilan

Qendra e Mjekësisë Familjare në Gjilan sot realizoi një aktivitet ndërgjegjësues me rastin e Ditës Botërore të Diabetit. Aktiviteti u zhvillua para objektit të QKMF-së, ku grupi i edukimit shëndetësor kreu matjen e glikemisë për qytetarët dhe ofroi këshilla profesionale lidhur me diabetin, faktorët e rrezikut, si dhe mënyrat e parandalimit dhe menaxhimit të sëmundjes.

Aktiviteti u realizua me mbështetjen e menaxhmentit të QKMF-së dhe synon informimin e komunitetit për rëndësinë e kontrollit të rregullt, ushqyerjes së shëndetshme, aktivitetit fizik dhe depistimit të hershëm.

Ky aktivitet kontribuon në rritjen e vetëdijes publike dhe promovimin e praktikave të shëndetshme për parandalimin e diabetit dhe komplikimeve të tij.

30/10/2025

29/10/2025

QKMF Gjilan ka vazhduar aktivitetet e Muajit Rozë në lagjen e komunitetit Romë, duke zhvilluar një sesion informues për rëndësinë e kontrollave parandaluese dhe zbulimit të hershëm të kancerit të gjirit. Gjatë takimit, gratë u këshilluan nga profesionistë shëndetësorë mbi mënyrat e vetëkontrollit të gjirit dhe mundësitë për mammografi falas në qendër.
Kujdesi dhe informimi i hershëm shpëton jetë!

27/10/2025

MARSHI SENSIBILIZUES PËR KANCERIN E GJIRIT

QKMF “Dr. Nagip Rexhepi” në Gjilan,në bashkpunim me Qendrën e Rinisë organizon përmbylljen mujore të aktiviteteve vetëdijesuese me Marshin Sensibilizues, në kuadër të muajit “Rozë” 🌸 – muajit të ndërgjegjësimit për kancerin e gjirit.

Ftojmë të gjithë qytetarët e Komunës së Gjilanit, si dhe punëtorët e institucioneve të ndryshme, të na bashkohen në marshin që do të mbahet të enjten, më 30.10.2025, në orën 12:00.

Nisja do të bëhet nga QKMF-ja dhe do të vazhdohet deri në qendër të qytetit, për të përfunduar në Shtëpinë e Rinisë në Gjilan, ku do të mbahet një panel diskutimi mbi kancerin e gjirit.

Ju presim që së bashku të bëjmë ecjen tonë në qytet dhe të përçojmë mesazhin e ndërgjegjësimit.

Diagnostifikimi i hershëm shpëton jetë!
🎗️ Kanceri i gjirit mund të prekë këdo.

Ju mirëpresim,
Stafi Menaxhues i QKMF-së

24/10/2025

24/10/2025

23/10/2025

Sot, në prezencë të menaxhmentit të QKMF-së, shërbimit të Stomatologjisë dhe familjes Jonuzi, është pensionuar një prej profesionistëve të shquar të shëndetësisë primare-Stomatologjisë, Kadrije Jonuzi - teknike e stomatologjisë.
U vlerësua lartë profesionalizmi i treguar gjatë përvojës së gjatë prej 30-të vitesh në shërbimin e Stomatologjisë/njësinë e teknikës. U dhurua mirënjohje në emër të QKMF-së, nga Drejtori Dr. Basri Kamberi.
Shefi i Shërbimit të Stomatologjisë, Dr. Taulant Ramadani tha se Kadrije Jonuzi ishte një prej figurave të para që kundërshtoi instalimin e strukturave udhëheqëse serbe brenda institucioneve shëndetësore, e mes të tjerash theksoi dinjitetshëm një karrierë të gjatë e përmbajtësore të saj.
Kontributi i saj në QKMF-në e Gjilanit, qysh nga viti 1986 lë shenjë të pashlyeshme në ndërtimin, ruajtjen dhe ngritjen e cilësisë së shërbimeve shëndetësore stomatologjike në Komunen e Gjilanit.
Pensionimi i saj do të reflektojë mungesë për Institucionin!
Duke filluar një kapitull të ri, Znj. Kadrije Jonuzi i urojmë shëndet dhe mirëqenie!

14/10/2025

13/10/2025

Në kuadër të Muajit Tetor Muaji Rozë, sot u mbajt një ligjëratë ndërgjegjësuese për kancerin e gjirit me vajzat e shkollës fillore “Thimi Mitko” në Gjilan.

Ligjëratën e mbajti Mesefae Maliqi, e cila foli për rëndësinë e kujdesit ndaj shëndetit, kontrolleve të rregullta dhe vetëdijes shëndetësore që duhet të kultivohet që në moshë të re.

Pas ligjëratës, vajzat së bashku me mësueset e tyre vizituan ambientet ku ndodhet mamografi, ku u njoftuan nga afër me punën e stafit profesional dhe morën informata të vlefshme mbi rëndësinë e zbulimit të hershëm të kancerit të gjirit.

Ky aktivitet u zhvillua në bashkëpunim me Qendrën Kryesore të Mjekësisë Familjare – Gjilan, me qëllim të edukimit shëndetësor të vajzave dhe promovimit të zakoneve të shëndetshme të jetesës.