Qendra Kryesore e Mjekësisë Familjare Gjilan QKMF

31/12/2025

Gëzuar Vitin e Ri 2026!

Stafi i Qendrës Kryesore të Mjekësisë Familjare (QKMF) Gjilan, në kuadër të së cilës funksionojnë edhe Qendrat e Mjekësisë Familjare (QMF), përfshirë AMF Urgjencën dhe shërbimin e Kujdesit Paliativ, ju uron shëndet, paqe dhe mirësi në vitin e ri.

Me përkushtim, profesionalizëm dhe humanizëm, shërbimet shëndetësore të QKMF-së, përfshirë QMF-të dhe Kujdesin Paliativ, ofrojnë vizita dhe shërbime shëndetësore në shtëpi, duke qenë gjithmonë pranë pacientëve dhe qytetarëve të Gjilanit.

Urojmë që viti 2026 të sjellë shëndet, shpresë dhe të gjitha të mirat për pacientët tanë dhe qytetarët e Gjilanit.

Me respekt,
Stafi i QKMF-së Gjilan

30/12/2025

29/12/2025

Sot, në prezencë të menaxhmentit të QKMF-së, shërbimit të Stomatologjisë dhe familjes Baliu është pensionuar pas një periudhe të gjatë pune, mbi 33 vite në shërbim të qytetarëve, Dr. Spec. Rukije Limani.
Duke dhuruar mirënjohje dhe disa fjalë rasti, drejtori Dr. Basri Kamberi çmoi lartë profesionalizmin dhe karrieren e saj.
Shefi i Shërbimit të Stomatologjisë
Dr. Taulant Ramadani tha; Pensionimi i Dr. Spec. Rukije Limani reflekton humbje për institucionet shëndetësore të Anamoravës e me gjerë. Ajo mbetet një prej personaliteteve më të shquara të shëndetësisë, qysh nga fillimet e saj të karrierës në vitin 1992 e gjerë më sot.
Udhëheqësja e MF Dr. Fatime Sadiku
e falënderoi për kontributin dhe punën e palodhshme të saj.

Dr. Spec. Rukije Limani i kushtoi një jetë të tërë profesionit, shërbimit dinjitoz ndaj pacientëve e duke e falënderuar për kontributin e gjatë, korrektësinë e urtësinë, i urojmë shëndet e mirëqenie në kapitullin e saj të ri!

18/12/2025

Pas më shumë se 20 vitesh shërbim dhe përkujdesje ndaj pacientëve, është pensionuar mjekja gjilanase, specialiste e Mjekësisë Familjare, Dr. Shejnaze Mushica.

Në vitin 2005, Dr. Shejnaze Mushica filloi për herë të parë punën si mjeke në shërbimin e ish-Shtëpisë së Shëndetit në Gjilan, sot Qendra Kryesore e Mjekësisë Familjare (QKMF), ku për vite me radhë ka ofruar shërbime shëndetësore me përkushtim të lartë profesional.

Dr. Shejnaze Mushica shquhet për natyrën e saj të qetë, humane dhe profesionale, duke pasur një rol të jashtëzakonshëm në ruajtjen dhe përparimin e shëndetit të qytetarëve ndër vite.

Ajo u pensionua më 16.12.2025, pranë QKMF-së “Dr. Nagip Rexhepi” në Gjilan, në një ceremoni të organizuar nga kolegët e saj, të cilët e uruan dhe e falënderuan për kontributin e çmuar të dhënë ndër vite.

Në emër të menaxhmentit të QKMF-së, puna e saj u vlerësua lart, duke u shprehur mirënjohje e përhershme për kontributin shumëvjeçar në shëndetësi, si dhe duke i dëshiruar shëndet të plotë dhe mirëqenie në vazhdim të jetës.

19/11/2025

Në QKMF Gjilan tashmë janë vendosur QR-kodet.
Videoja shpjegon mënyrën se si skanohet QR-kodi dhe si plotësohet pyetësori elektronik, në kuadër të projektit të përbashkët të IKSHPK-së dhe Ministrisë së Shëndetësisë për matjen e kënaqshmërisë së pacientëve.

14/11/2025

Dita Botërore e Diabetit 2025 – QKMF Gjilan

Qendra e Mjekësisë Familjare në Gjilan sot realizoi një aktivitet ndërgjegjësues me rastin e Ditës Botërore të Diabetit. Aktiviteti u zhvillua para objektit të QKMF-së, ku grupi i edukimit shëndetësor kreu matjen e glikemisë për qytetarët dhe ofroi këshilla profesionale lidhur me diabetin, faktorët e rrezikut, si dhe mënyrat e parandalimit dhe menaxhimit të sëmundjes.

Aktiviteti u realizua me mbështetjen e menaxhmentit të QKMF-së dhe synon informimin e komunitetit për rëndësinë e kontrollit të rregullt, ushqyerjes së shëndetshme, aktivitetit fizik dhe depistimit të hershëm.

Ky aktivitet kontribuon në rritjen e vetëdijes publike dhe promovimin e praktikave të shëndetshme për parandalimin e diabetit dhe komplikimeve të tij.

30/10/2025

29/10/2025

QKMF Gjilan ka vazhduar aktivitetet e Muajit Rozë në lagjen e komunitetit Romë, duke zhvilluar një sesion informues për rëndësinë e kontrollave parandaluese dhe zbulimit të hershëm të kancerit të gjirit. Gjatë takimit, gratë u këshilluan nga profesionistë shëndetësorë mbi mënyrat e vetëkontrollit të gjirit dhe mundësitë për mammografi falas në qendër.
Kujdesi dhe informimi i hershëm shpëton jetë!