QKMF-Istog

17/04/2026

Sot, QKMF-Istog ka pranuar një donacion nga UNICEF i cili përfshin pajisje të nevojshme për realizimin e vizitave shtëpiake për nënat dhe fëmijët.

Programi i vizitave shtëpiake për nënat dhe fëmijët synon të ofrojë kujdes të vazhdueshëm dhe mbështetje profesionale që nga periudha e shtatzënisë deri në vitet e para të jetës së fëmijës. Përmes këtij programi, stafi shëndetësor ofron këshilla për ushqyerjen, zhvillimin e fëmijës, kujdesin pas lindjes dhe parandalimin e sëmundjeve.

Falënderojmë UNICEF dhe AMC për mbështetjen e vazhdueshme dhe kontributin në shëndetin dhe mirëqenien e komunitetit tonë.

Unicef Kosovo Programme

16/04/2026

Me rastin e pensionimit të stomatologes Lirije Blakaj-Shoshi, shprehim mirënjohje të sinqertë për përkushtimin dhe kontributin e saj ndër vite.

Faleminderit për gjithë punën dhe humanizmin tuaj. Ju urojmë shëndet, qetësi dhe një pensionim të lumtur! 🌷

14/04/2026

Pas 36 viteve përvojë pune, shprehim mirënjohje të thellë për infermieren tonë Drita Ademaj nga QMF-Banjë, me rastin e pensionimit. 💐

Faleminderit për përkushtimin, profesionalizmin dhe kujdesin ndaj pacientëve ndër vite. I urojmë shëndet, lumturi dhe një pension të qetë pranë familjes.

Me respekt,
Stafi i QKMF-së

08/04/2026

Sot, më datë 08.06.2026, në kuadër të edukimit të vazhdueshëm profesional për infermierë është mbajtur ligjerata me temën “Kujdesi infermieror te pacientët me astmë bronkiale”- ligjeruar nga infermierja Merita Blakaj.

06/04/2026

Me dhimbje të thellë morëm lajmin për ndarjen nga jeta të teknikes sonë të radiologjisë, Rabe Ferati.

E nderuar familje Ferati,

Në emër të stafit të QKMF-së, ju shprehim ngushëllimet tona më të sinqerta për këtë humbje të madhe. Raba do të kujtohet gjithmonë për përkushtimin, profesionalizmin dhe shpirtin e saj të mirë në shërbim të pacientëve dhe kolegëve.

Humbja e saj është një dhimbje jo vetëm për familjen tuaj, por edhe për gjithë kolektivin tonë, ku ajo la gjurmë të pashlyeshme me punën dhe sjelljen e saj njerëzore.

I përjetshëm kujtimi për kolegen tonë!

03/04/2026

Sot, shërbimi i stomatologjisë u vizitua nga nxënësit e klasës së katërt të Shkollës Fillore “Bajram Curri” në Istog.

Gjatë vizitës, nxënësit patën mundësinë të mësojnë më shumë rreth rëndësisë së higjienës orale, kujdesit të përditshëm për dhëmbët nga stomatologia Hyrije Bujupaj dhe asistentja Teuta Rexhaj.

03/04/2026

🩺 Mjeku familjar është adresa juaj e parë për kujdes shëndetësor.

🚑 Duke u drejtuar fillimisht te mjeku familjar, ju merrni trajtimin e duhur dhe shmangni pritjet e gjata në urgjencë.

31/03/2026

Me kënaqësi ju njoftojmë se stafit tonë profesional të QKMF-së i janë bashkuar edhe 8 mjekë të rinj! 👩‍⚕️👨‍⚕️

Ky zgjerim i ekipit tonë është një hap i rëndësishëm drejt përmirësimit të shërbimeve shëndetësore dhe rritjes së cilësisë së kujdesit për qytetarët tanë. Energjia, përkushtimi dhe njohuritë e tyre do të kontribuojnë në forcimin e mëtejshëm të sistemit tonë shëndetësor.

Ju urojmë mirëseardhje dhe suksese në rrugëtimin e tyre profesional!

23/03/2026

20/03/2026

Me fat festa e Fitër Bajramit, nga Qendra Kryesore e Mjekësisë Familjare në Istog.
Ekipi kujdestar i shërbimit të urgjencës.

18/03/2026

Sot, më datë 18.03.2026, në kuadër të edukimit të vazhdueshëm profesional për mjekë është mbajtur trajnimi me temën “Reanimimi kardiopulmonar-RKP Bazik dhe i Avancuar”, me ligjerues Dr.Tahir Kaliqani-Specialist i mjekësisë familjare dhe Dr.Fatjon Kaliqani- Doktor i mjekësisë.

18/03/2026

Sot, më datë 18.03.2026, në kuadër të programit të edukimit të vazhdueshëm profesional, është mbajtur trajnimi me temën “ Etika dhe deontologjia mjekësore” me ligjerues Violeta Ukaj-Nika, Mësimdhënës klinik.