Fizioterapia "Kabashi"

25/05/2025

Një shembull që tregon se kur secili profesionist bën punën e tij në mënyrën më të mirë, rezultati është rikthimi i funksionit dhe cilësisë së jetës për pacientin.
Kjo vajzë e re, që në moshë të vogël u diagnostikua me nekrozë avaskulare të kokës së femurit, në moshën 22 -vjeçare iu nënshtrua vendosjes së protezës totale të nyjës koksofemorale, për shkak të dhimbjes dhe kufizimeve në lëvizje.

🎥Në video shfaqet gjendja menjëherë pas operacionit dhe më pas përmirësimi i dukshëm i ecjes dhe lëvizjes falë një programi të strukturuar fizioterapeutik.
Largimi i patericave dhe rikthimi në ecje të lirë dëshmojnë se ndërhyrja e suksesshme kirurgjikale dhe trajtimi i kujdesshëm fizioterapeutik janë çelësi për rikuperimin e plotë.

Sepse kur çdo hallkë e sistemit funksionon si duhet, pacienti përfiton më së shumti.
Bashkëpunimi ndërprofesional, rikthen cilësinë e jetës!

🩼🩻 Fizioterapia "Kabashi"
☎️044 223 715 | 049 234 193
📍Rruga Dëshmorët e Kombit p.n., Klinë

05/04/2025

Dhimbje në thembra?? Mund të jetë calcus calcanei!

Çfarë është “calcus calcanei”?⤵️
Calcus calcanei (zgjatimi në thembër) - është një formacion kockor (osteofit) që formohet në pjesën e poshtme të kockës së thembrës (calcaneus), zakonisht në vendin ku lidhet fascia plantare me kockën. Ai paraqet një zgjatim kockor si rezultat i tërheqjes së vazhdueshme dhe mikrotraumave të përsëritura në këtë zonë.
Kjo gjendje është shpesh e lidhur me inflamacionin e fasciës plantare, që është indi lidhës që përshkon pjesën e poshtme të këmbës dhe luan rol kyç në mbështetjen e harkut të këmbës. Dhimbja zakonisht shfaqet kur ka inflamacion të indeve përreth.

Si shkaktohet?⤵️
Faktorët kryesorë që kontribuojnë në zhvillimin e calcus calcanei përfshijnë:

*Mbipesha
*Qëndrimi apo ecja e zgjatur në sipërfaqe të forta
*Këpucë pa mbështetje të mirë
*Rënia e harkut të këmbës (pes planus)
*Aktiviteti fizik i tepërt ose i papërshtatshëm
*Tensioni kronik i fasciës plantare

⤵️️Si trajtohet?
Trajtimi fillestar është konservativ dhe përfshin:

✅️Pushim dhe modifikim të aktivitetit
✅️Ushtrime për muskujt e pulpës dhe fasciës plantare
✅️Mbështetëse ortopedike
✅️Terapia fizikale për reduktimin e dhimbjes dhe inflamacionit

⤵️Një nga metodat më moderne dhe efektive është Terapia me valë goditëse (Shock Wave Therapy – ESWT).
Kjo terapi:
✅️Stimulon procesin natyror të shërimit
✅️Përmirëson qarkullimin lokal të gjakut
✅️Nxit rigjenerimin e indeve të buta
✅️Redukton dhimbjen dhe ngurtësinë

Në videon më poshtë paraqitet një seancë e terapisë me Shock Wave, si pjesë e planit rehabilitues për një pacient me calcus calcanei bilaterale – një qasje moderne, e sigurt dhe efektive që po tregon rezultate të shkëlqyera në praktikën klinike!

Fizioterapia "Kabashi"
Rruga Dëshmorët e Kombit p.n., Klinë
☎️ 044 223 715 | 049 234 193 | 049 243 195

16/11/2024

Edukimi i vazhdueshëm profesional është themeli i cilësisë në kujdesin shëndetësor – vetëm duke mësuar dhe përmirësuar vazhdimisht, mund t'u ofrojmë pacientëve tanë kujdesin që meritojnë !!

02/11/2024

Fizioterapia është ura që ndihmon pacientet me kancer të gjirit të kalojnë nga faza e trajtimit në atë të shëndetit dhe mirëqenies.
Gjithashtu është shtylla kryesore e rikuperimit për këta pacientë duke u ndihmuar atyre të rigjejnë forcën, pavarësinë dhe besimin për të përballuar çdo sfidë që sjell jeta!

🎀🩷

Follow Klan Kosova on...• FB: https://smarturl.it/KlanKosovaFb• IG: https://smarturl.it/KlanKosovaIG• YT: https://smarturl.it/KlanKosovaSub• WEB: https://kla...

08/09/2024

Osteosinteza është një metodë kirurgjike që përdoret për të riparuar frakturat (thyerjet) e kockave duke vendosur implante të veçanta, si pllaka, vida, ose çelësa intramedullare, për të mbajtur fragmente kockore të stabilizuara gjatë periudhës së shërimit. Kjo teknikë synon të ofrojë stabilitet të mjaftueshëm që kocka të rigjenerohet në mënyrë të rregullt dhe të parandalojë komplikimet që mund të ndodhin nga zhvendosja e fragmenteve.

Pas operacionit të osteosintezës, trajtimi fizioterapeutik është thelbësor për të përmirësuar funksionin e gjymtyrëve dhe për të përshpejtuar rikuperimin.
Programi fizioterapeutik zakonisht përfshin ushtrime për të rikthyer dhe ruajtur lëvizshmërinë, forcën dhe fleksibilitetin, si dhe për të parandaluar atrofinë muskulare dhe ngurtësinë e kyçeve. Terapia graduale me rezistencë ndihmon në forcimin e muskujve përreth dhe stabilizimin e zonës së dëmtuar, duke zvogëluar kështu rrezikun e dëmtimeve të tjera. Trajtimi gjithashtu përfshin teknika për të kontrolluar dhimbjen dhe inflamacionin.

Disa raste me osteosintezë të trajtuara me sukses në ordinancën - Fizioterapia "Kabashi"

10/04/2024

Me Fat Festa e Fitër Bajramit, shëndet, gëzime e begati paqi gjithmonë në familjet e juaja!

Përzemërsisht ju uron,
Fizioterapia "Kabashi"

24/12/2023

Gëzuar Festat nga Stafi i Fizioterapia "Kabashi"

🎄🥂

08/09/2023

Ndërgjegjësimi për rolin, detyrën dhe rëndësinë e Fizioterapisë në sistemin shëndetësor çdo ditë e më shumë po kuptohet, po rritet dhe po pranohet, si nga Institucionet ashtu edhe nga popullata.
Bashkëpunimi ndërkolegial mes fizioterapeutëve, si dhe bashkëpunimi ndërprofesional me profesionistët tjerë shëndetësor është pika kryesore kyçe në arritjen e sukseseve si në parandalimin ashtu edhe në trajtimin dhe mjekimin e popullatës, duke e forcuar kështu Sistemin Shëndetësor Kombëtar e që synim kryesor ka mirëqenien e plotë shëndetësore të të gjithë popullatës.

Kolegë të nderuar ju uroj Ditën Botërore të Fizioterapisë!
Le të jemi shembulli më i mirë i përgjegjësisë, profesionalizmit dhe humanizmit!

11/07/2023

Dhimbjet e qafës dhe shpinës janë shpesh të lidhura me probleme muskuloskeletale, të cilat mund të shkaktohen nga tensioni dhe dhimbja e nervave, shtypja e disqeve dhe probleme të tjera të strukturave të qafës dhe shpinës.
Nëse keni këto simptoma, është e rëndësishme të merrni diagnozën dhe trajtimin e duhur.

Traksioni është një metodë e përdorur për trajtimin e dhimbjeve të qafës dhe shpinës në disa raste të caktuara. Përdorimi i saj bënë zgjerimin e hapësirave midis disqeve të qafës dhe shpinës, duke reduktuar shtypjen mbi nervat dhe duke qetësuar dhimbjen. Indikacionet për përdorimin e traksionit mund të përfshijnë:

1. Hernia e diskut: Traksioni mund të përdoret për të reduktuar shtypjen mbi nervat e krijuar nga hernia e diskit.

2. Stenoza spinale: Në rastet e stenozës spinale, që është ngushtimi i hapësirave midis disqeve të shpinës, traksioni mund të ndihmojë në hapjen e hapësirave dhe në zvogëlimin e shtypjes mbi nervat. Kjo mund të përmirësojë simptomat si dhimbja, shtrëngimi dhe dobësia e muskujve.

3. Shtypja nervore: Traksioni mund të përdoret për të zvogëluar shtypjen mbi nervat që dalin nga qafa dhe shpina. Kjo përdoret zakonisht për trajtimin e radikulopatisë cervikale ose lumbale, e cila shkaktohet nga shtypja e nervave dhe çon në dhimbje, shtrëngim dhe dobësim muskulor.

4. Traumat dhe tensioni muskuloskeletor: Në disa raste, traksioni mund të përdoret për të lehtësuar tensionin dhe stresin muskuloskeletor në qafë dhe shpinë. Kjo mund të jetë efektive për të lehtësuar dhimbjen dhe për të përmirësuar lëvizshmërinë.

Për të caktuar terminin tuaj, ose për të marrë më shumë informata mund të na kontaktoni në numrat e telefonit
044 223 715 ;
049 243 195