03/11/2025
Dr. Gentianë Muçaj Brahimaj - Dermatovenerologe, e specializuar në diagnostikimin dhe trajtimin e sëmundjeve të lëkurës, flokëve, thonjve dhe patologjive seksualisht të transmetueshme.
Karriera e saj profesionale është e lidhur ngushtë me përkushtimin ndaj pacientit dhe zhvillimit të vazhdueshëm profesional.
Që nga vitet e hershme të studimeve, e deri në praktikën aktuale, ajo është pjesë e Klinikës Dermatologjike “Gentiana Grelorgen”, ku ofron trajtim të personalizuar dermatologjik, të bazuar në protokolle bashkëkohore, teknika moderne dhe qasje humane.
Dashuria për mjekësinë është një vlerë e rrënjosur thellë në familjen e saj. Dr. Gentianë e ka trashëguar pasionin, përkushtimin dhe humanizmin nga nëna e saj, Dr. Ylfete Shatri Muçaj - Dermatovenerologe dhe Farmakologe klinike, e cila ka qenë shembull profesional dhe njerëzor në formimin e saj.
Dr. Gentianë njihet për komunikimin e ndjeshëm dhe të afërt me pacientët, për qasjen e personalizuar dhe për dëshirën për të kuptuar jo vetëm patologjinë, por edhe individin. Ajo synon të ndërtojë besim, siguri dhe mirëqenie, duke i ofruar pacientit kujdes të plotë dermatologjik dhe mbështetje të vazhdueshme.
Për termine: ☎️045 402 195 dhe 043 742 553
