17/01/2026
Ka momente kur heshtja nuk është dobësi, por durim.
Dhe ka momente kur e vërteta duhet thënë, jo për të hapur plagë por për t’i mbyllur ato si duhet.
Në zgjedhjet e 2019 dhe 2021, si kandidat për deputet, kam qenë viktimë e manipulimit të votës. Dy herë, përafërsisht votat e njëjta dhe vetëm për shumë pak për të mos e kaluar pragun.
Në atë kohë, shumë qytetarë të indinjuar më kërkonin të ndërmerrja hapa të tjerë ligjorë. Zgjodha të mos vazhdoj, duke besuar se mbrojtja e votës është përgjegjësi e institucioneve, jo betejë individuale.
Sot jam i lumtur dhe i qetë që në Kosovë po shihen rezultatet: po identifikohen manipulimet dhe po hapen fletët e votimit.
Kjo është fitore për demokracinë.
Unë jam i realizuar në profesionin dhe angazhimet e mia profesionale, akademike dhe publike. Nuk kam pasur dhe nuk kam nevojë për pazare, favore apo manipulime për të kontribuar për vendin tim.
Por një gjë është e qartë, vota është e shenjtë dhe kush e cenon atë, duhet të japë llogari. 🇽🇰
