13/07/2025
Hixhamja kur nxehtësia është e fortë:
Ka thënë i Dërguari i Allahut ﷺ:
“Kur të shtohet nxehtësia, kërkoni ndihmë me hixhamë, që të mos vlojë gjaku i ndonjërit prej jush e ta vrasë.”
• | Es-Silsiletu es-Sahiha 6/562
Shpjegimi i hadithit:
🔻"Kur të shtohet nxehtësia, kërkoni ndihmë me hixhamë që të mos vlojë gjaku i ndonjërit prej jush e ta vrasë."
Transmetues: Enes bin Malik
Vlerësuar si i saktë nga: El-Mundhiri
🔻“Kush dëshiron të bëjë hixhamë, le të zgjedhë datën shtatëmbëdhjetë, apo nëntëmbëdhjetë, ose njëzet e një, dhe të mos i vlojë gjaku ndonjërit prej jush e ta vrasë.”
Transmetues: Enes bin Malik
Përmendur nga: Shejh Albani
Burimi: Sahih Ibn Maxheh
---
Hixhamja është prej trajtimeve që janë përmendur në sunetin profetik. Ajo mund të jetë si masë parandaluese ndaj sëmundjeve para se të ndodhin, ose për aktivizimin e trupit, por gjithashtu përdoret edhe si trajtim për disa sëmundje. Ka shumë hadithe që flasin për të dhe duhet që ato të mblidhen e të kuptohen së bashku.
Në këtë hadith, Profeti ﷺ thotë:
“Kush dëshiron të bëjë hixhamë, le ta caktojë atë në ditën 17, 19 ose 21”, që do të thotë se këto janë ditët më të mira të muajit hënor për ta bërë hixhamën.
“Që të mos i vlojë gjaku ndonjërit prej jush e ta vrasë”, do të thotë: të mos e lërë gjakun të vlojë në trupin e tij në mënyrë të dëmshme, gjë që mund ta vrasë.
Vlimi i gjakut (تبيغ الدم) nënkupton nxitjen dhe çrregullimin e tij, dhe nga gjendjet që lidhen me këtë janë: rritja e tensionit të gjakut, dhimbje të forta koke, etj.
Myslimani mund të ruhet nga këto gjëra me anë të hixhamës, që do të thotë se ajo është shërim për çdo sëmundje që shkaktohet nga tejkalimi i gjakut.
Gjithashtu, është thënë se përcaktimi i këtyre datave për hixhamë vlen kur ajo bëhet si masë mbrojtëse dhe kujdes shëndetësor, ndërsa kur bëhet për trajtim të sëmundjes, atëherë ajo mund të bëhet në çdo kohë që ka nevojë.
