11/09/2024
REAGIM LIDHUR ME APROVIMIN E DEKLARIMIT TE CMIMEVE ME SHUMICE DHE PAKICE TE PRODUKTEVE MEDICINALE
Shoqata e Distributorëve të Produkteve Farmaceutike dhe Medicinale të Kosovës - SHDPFMK në vazhdimësi ka përkrahur procesin e nivelimit të çmimeve të produkteve farmaceutike në territorin e Kosovës në mënyrë që pacientët të kenë çmime të njëjta në çdo farmaci kudo që ata jetojnë, përkundër se Kosova është i vetmi shtet në Evropë që nuk ka sigurime shëndetësore funksionale që është bazë e patjetërsueshme për rregullimin e çmimeve të shërbimeve mjekësore duke përfshirë edhe çmimet e produkteve farmaceutike.
Lista çmimeve të produkteve farmacutike e publikuar me datën 06.09.2024 nga MeSH e Kosovës, ku në shumicën e rasteve çmimet e produkteve farmaceutike jenë me marzhë për qarkulluesit farmaceutik vetëm 7.5 % është tejet shqetësuese për anëtarët e kësaj Shoqate sepse:
- është në kundërshtim me metodologjine e percaktimit të cmimit sipas LIGJIT NR. 08/L-220 PËR ÇMIMIN E PRODUKTEVE MEDICINALE
-nuk garanton ekzistencën e veprimtarisë tonë si qarkullues farmaceutik me shumicë
- do të rrezikoj furnizimin me produkte farmaceutike për pacientët e Kosovës si e drejtë fundamentale e tyre
-do të zvogëloj numrin e barnave të regjistruara dhe do të ndikojë në largimin e prodhuesve serioz ndërkombëtar nga Kosova duke konsideruar se Kosova është një nga tregjet farmaceutike më të varfëra në Evropë.
Në këtë gjendje për shumicën e prodhuesve të produkteve farmaceutike Kosova është vend pa ndonjë interes ekonomik dhe këto masa të ndërmarra nga MeSH mund t’a rrezikojnë seriozisht shëndetin publik në Kosovë, pasi edhe në ditën e sotme në portofolin e barnave të regjistruara, mungojnë produkte esenciale shumë te rëndesishme të cilat pacientët tonë janë të obliguar të furnizohen nga tregjet jashtë Kosove.
Konsiderojmë se lista e publikuar nga MeSH me datën 06.09.2024 sipas LIGJIT NR. 08/L-220 PËR ÇMIMIN E PRODUKTEVE MEDICINALE ku në shumicën e rasteve kundërligjeshem merret vetëm marzha 7.5% e çmimit Doganor (duke mos llogaritur shpenzimet bazike si 1% AKPPM, shpenzimet për banderola, marketing autorizimi për regjistrim dhe variacione të produktit në AKPPM, farmakovigjilenca si dhe në shumicën e rasteve as shpenzimet e transportit) pa përfshirë shpenzimet operative të qarkulluesve farmaceutik, do të sjellin pjesën më të madhe të anëtarësisë sonë para kolapsit ekonomik ndërsa ne nuk na mbetet gjë tjetër vetëm të kërkojmë të drejtën tonë në Sistemin Gjyqësor.
Prishtine, 11.09.2024
Me respekt,
SHDPFMK
10000 Prishtinë
Republika e Kosovës
shdfmk@gmail.com
SHOQATA E DISTRIBUTOREVE TE PRODUKTEVE FARMACEUTIKE DHE MEDICINALE TE KOSOVES - SHDPFMK
