What are the opening hours?

Monday 08:00 - 19:00 Tuesday 08:00 - 19:00 Wednesday 08:00 - 19:00 Thursday 08:00 - 19:00 Friday 08:00 - 19:00 Saturday 08:00 - 13:00

https://www.facebook.com/177490889399087/

Positive Motion, Pristina (2025)

17/08/2025

🧠 Rëndësia e nervit sinuvertebral në dhimbjen diskogjenike lumbale

Nervi sinuvertebral është një strukturë delikate që luan rol kyç në perceptimin e dhimbjes nga disku intervertebral. Ky nerv inervon pjesët e jashtme të anulus fibrosus, ligamentet dhe strukturat e tjera të kolonës, duke e bërë një “sensor të alarmit” për irritimin mekanik ose inflamator.

Kur një disk lumbal pëson dëmtim apo degjenerim, nervi sinuvertebral transmeton sinjale dhimbjeje drejt sistemit nervor qendror. Kjo shpesh manifestohet si dhimbje lokale në shpinë, por edhe si referim i dhimbjes, parestezi ose presion në këmbë, për shkak të mekanizmave të ndërlikuar të konvergjencës nervore në palcën kurrizore.

Kjo shpjegon pse pacientët me dhimbje diskogjenike shpesh përjetojnë simptoma që shtrihen deri në gjymtyrët e poshtme, edhe në mungesë të kompresionit direkt të rrënjës nervore.

Kuptimi i rolit të nervit sinuvertebral është thelbësor për diagnostikimin dhe menaxhimin modern të dhimbjes diskogjenike, duke na orientuar drejt qasjeve më precize terapeutike dhe manovrave manuale të kujdesshme.

03/08/2025

🖐️ A vuani nga mpirjet e gishtave?

Nëse ndjeni shpesh mpirje, ndjesi shpimi gjilpërash apo djegie në dorë – sidomos te gishti i madh, treguesi dhe i mesmi – mund të bëhet fjalë për Sindromën e Tunelit Karpal.
Kjo ndodh kur një nerv i quajtur nervi median ngjeshet në nivelin e kyçit të dorës, duke shkaktuar shqetësime që mund të ndikojnë jetën e përditshme.

Shenjat më të zakonshme përfshijnë mpirje që ju zgjon natën, dobësi në dorë apo vështirësi në kapjen e objekteve. Shpesh ndodh edhe përhapje e dhimbjes drejt parakrahut apo bërrylit.

Diagnoza vendoset përmes vlerësimit klinik, testeve të thjeshta dhe ndonjëherë me ndihmën e ekzaminimeve si EMG. Por më e rëndësishmja është
të kuptohen shkaqet funksionale, jo vetëm nervi në dorë, por edhe ndikimet që mund të vijnë nga qafa apo mënyra e punës që bëni çdo ditë.

Në shumë raste, sindroma mund të trajtohet pa operacion.
Fizioterapia OMPT (Orthopaedic Musculoskeletal Physiotherapy )ofron trajtim efektiv me ushtrime specifike, teknika të Mobilizimit nervor (neurodinamika), trajtim të kyçit, qafës dhe mënyrës së lëvizjes suaj. Me qasje individuale dhe të bazuar në evidencë, pa receta standarde që u përshtaten të gjithëve.

Sa më herët që filloni trajtimin, aq më të larta janë gjasat për shërim të plotë pa pasur nevojë për ndërhyrje kirurgjikale.

💡 Mos e injoroni mpirjen – ajo është një shenjë që trupi juaj po kërkon ndihmë.

02/08/2025

🚩A keni dhimbje mesi? A dini se jo gjithmonë shkaku është “disku”?

Dhimbja e mesit është një nga arsyet më të zakonshme pse njerëzit kërkojnë ndihmë. Por jo çdo dhimbje vjen nga disku. Ndonjëherë janë nyjet faset, ndonjëherë muskujt, ose ndonjëherë vetë sistemi nervor që është sensibilizuar.

Shumë pacientë vijnë me rezonancën magnetike në dorë dhe mendojnë se gjithçka shpjegohet nga një “hernie”. Por e vërteta është më komplekse. Vetëm një vlerësim klinik i thelluar mund të tregojë me saktësi se cila strukturë është përgjegjëse për dhimbjen.

Pikërisht këtu hyn në lojë OMPT – Fizioterapia Muskuloskeletore Ortopedike. Ky është një drejtim i specializuar i fizioterapisë që analizon lëvizjen, sjelljen e dhimbjes dhe të gjithë trupin tuaj në kontekst. Ne nuk trajtojmë një diagnozë nga MRI – por ju, si individ.

Në Positive Motion, punojmë me Konceptin Maitland, një qasje ndërkombëtare që i jep rëndësi të madhe historisë tuaj, reagimeve gjatë trajtimit dhe progresit të vërtetë në çdo seancë. Çdo lëvizje, test dhe terapi që aplikojmë bazohet në atë që trupi juaj na tregon në kohë reale.

Dhimbja nuk është thjesht një simptomë – është një histori që duhet dëgjuar dhe kuptuar. Nëse edhe ju jeni lodhur nga trajtime të përgjithshme protokollare dhe pa rezultat, është koha për të provuar një qasje të menduar dhe të personalizuar.

Positive Motion është vendi ku fizioterapia nuk është rastësi, por logjikë klinike e bazuar në prova dhe përvojë.

📍Na kontaktoni për një vlerësim OMPT. Dhimbja juaj e meriton një trajtim të saktë dhe me përkushtim.

01/08/2025

A ju dhemb qafa pas orësh të gjata në tavolinë?
Puna në zyrë, qëndrimi i zgjatur para kompjuterit dhe stresi i përditshëm shpesh çojnë në tension dhe ngurtësi në zonën e qafës dhe shpatullave.

Për ta parandaluar këtë, provoni të ndryshoni pozicionin tuaj gjatë ditës, rregulloni lartësinë e ekranit që të jetë në nivelin e syve dhe shmangni mbajtjen e telefonit mes shpatullës dhe vesh*t. Edhe disa lëvizje të lehta çdo orë ndihmojnë në shkarkimin e tensionit.

Shpesh, dhimbja e përsëritur në qafë nuk është thjesht nga lodhja. Mund të jetë një reagim i sistemit nervor dhe muskulor që po kërkon ndihmë.

Në raste kur dhimbja bëhet e përditshme, konsultimi me një fizioterapeut të specializuar në terapi manuale (OMPT) mund të jetë çelësi për të kuptuar burimin dhe për të trajtuar në mënyrë të sigurt dhe të personalizuar problemin.

29/07/2025

KESHILLA BAZIKE PAS OPERIMIT NGA HERNIA DISKALE LUMBALE!

📍Pas operimit nga hernia diskale lumbale, lëvizja është çelësi për rikuperim të suksesshëm.
Qëndrimi për një kohë të gjatë i shtrirë mund të ngadalësojë rikthimin në aktivitet dhe madje të shtojë rrezikun e komplikimeve. Trupi ka nevojë të fillojë të lëvizë butësisht dhe në mënyrë të kontrolluar sa më shpejt që është e sigurt, në konsultim me kirurgun dhe fizioterapeutin.

🟢 Filloni me ecje të shkurtra gjatë ditës dhe rriteni gradualisht kohëzgjatjen.
🟢 Shmangni përkuljet, rotacionet dhe ngritjet e rënda në javët e para.
🟢 Ngrihuni nga shtrati duke u rrotulluar në anë dhe duke përdorur duart për t’u ngritur, jo duke u ngritur drejt për drejt.
🟢 Përdorni karrige me mbështetje të mirë për belin dhe shmangni uljen për një kohë të gjatë.
🟢 Konsultohuni me fizioterapistin për ushtrime të lehta që ndihmojnë në stabilizimin e shtyllës.

Qëndrimi aktiv, i kujdesshëm dhe nën udhëzimin e profesionistëve është mënyra më e mirë për t’u rikthyer në jetë pa dhimbje.
Mos u frikësoni nga lëvizja – frika mban trupin të ngurtë, ndërsa lëvizja e duhur e çon drejt shërimit.

22/07/2025

FLAMUJT E KUQ TEK HERNIA DISKALE LUMBALE 🚩

🧠 Kur duhet të referohet një pacient me hernie diskale te kirurgu spinal?
📍 Rasti: Hernie diskale dorsomediale në L5-S1, me histori 5 javëshe dhimbje mesi dhe ishialgji. Testet SLR dhe Cross SLR janë pozitive.

---

🔴 Pse është ky rast alarmues dhe nuk duhet vonuar referimi?

✅ 1. Testet neurodynamike pozitive (SLR & Cross SLR)– Tregojnë për komprimim të rëndësishëm të rrënjës nervore. Cross SLR ka specificitet të lartë për përfshirje radikulare serioze.

✅ 2. Kohëzgjatja mbi 4 javë pa përmirësim – Sipas udhëzimeve ndërkombëtare, nëse simptomat përhapen përtej 4-6 javëve me dhimbje radikulare që nuk përgjigjet ndaj trajtimit konservativ, kërkohet vlerësim kirurgjikal.

✅ 3. Rreziku i deficitit neurologjik – Sa më gjatë të jetë nervi i irrituar/komprimuar, aq më i madh është rreziku për dëmtim të përhershëm neurologjik.

✅ 4. Lokalizimi i hernies (dorsomediale L5-S1) – Kjo zonë është shumë e zakonshme për komprimime të rrënjës S1, e cila kontrollon pjesën posteriore të këmbës dhe thembrën. Rreziku për humbje force (p.sh. në ngritjen e thembrës) është real.

👨‍⚕️ Në POSITIVE MOTION i ndjekim me përpikëri udhëzimet klinike dhe nuk e shtyjmë asnjë pacient që ka shenja të rëndësishme neurologjike apo nuk tregon progres. Trajtimi konservativ ka vendin e vet, por jo kur pacienti rrezikon deficite afatgjata.

🧩 Diferenca jonë? Ne trajtojmë me OMPT dhe Maitland, por dimë edhe kur të themi mjaft dhe të bashkëpunojmë me neurokirurgët për vendimin më të mirë në të mirën e pacientit!

\

19/07/2025

🧠 “Nyja Sakroiliake – ‘GJENERATORI I FSHEHTË’ i Dhimbjes së Shpinës së Poshtme: Pse OMPT Jep Përgjigjen që të Tjerët e Humbasin!” 🔍💥

📍 A është dhimbja e pacientit rezultat i hernies diskale lumbale, tensionit muskulor, apo buron nga nyja sakroiliake?
Kjo nyje e vogël, që lidh shtyllën kurrizore me legenin, shpesh mbetet në hije, por në shumë raste është burimi i vërtetë i dhimbjes lumbale ose gluteale, duke imituar patologji të tjera si hernia diskale apo radikulopatia lumbale.

🚫 Konceptet klasike , shpesh operojne mbi koncepte globale, me teknika të përgjithshme manipulative dhe pa përdorim të qartë të kritereve klinike diferencuese.
Në shumë raste, vlerësimi bëhet në mënyrë intuitive, pa bazë të fortë diagnostike.

🧬 Ndërsa:

✅ OMPT – Terapia Ortopedike Muskulo-Skeletore e Specializuar, e zbatuar në POSITIVE MOTION, bazohet në prova shkencore, në arsyetim klinik të strukturuar dhe teste specifike të validuara, duke e bërë diagnostikimin shumë më të saktë dhe trajtimin më të individualizuar.

🔬 Pse OMPT është superior në diagnostikimin e nyjes sakroiliake?

Përdor bateri testesh të standardizuara dhe të validuara si Thigh Thrust, Distraction, Compression, Patrick’s dhe Gaenslen’s.

Bën diferencim të qartë mes burimeve të mundshme të dhimbjes, përmes konceptit të “Selective Tissue Tension”.

Mbështetet në logjikë klinike dinamike, duke sfiduar çdo hipotezë gjatë ekzaminimit me testim aktiv dhe pasiv.

🛠️ Pse trajtimi OMPT është më efektiv?

Ofron mobilizime të fokusuara dhe të dozimit të saktë, jo vetëm manipulime rutinore.

Bazohet në prova të nivelit të lartë – përfshirë udhëzime klinike ndërkombëtare dhe meta-analiza.

Trajtimi kombinohet me ushtrime funksionale të personalizuara, edukim terapeutik dhe monitorim të reagimeve gjatë gjithë procesit.

🎯 Në POSITIVE MOTION, çdo pacient me dhimbje të shpinës apo legenit i nënshtrohet një vlerësimi të thelluar klinik, për të identifikuar me saktësi burimin e problemit dhe për të ofruar zgjidhje efektive, jo empirike.

📍 Nëse dhimbja jote e shpinës së poshtme po vazhdon pa përmirësim, mos e nënvlerëso nyjen sakroiliake.
🔎 Eja për një vlerësim të bazuar në shkencë dhe trajtim të drejtuar nga fizioterapistë të kualifikuar OMPT.

📲

19/07/2025

👇

🧠 Vetë-menaxhimi në Fizioterapinë Ortopedike Manuale (OMPT): Fuqizimi i pacientit fillon jashtë klinikës!

Në OMPT, trajtimi nuk përfundon kur përfundon seanca. Përkundrazi — aty fillon procesi më i rëndësishëm: vetë-menaxhimi. 💪

📌 Çfarë është vetë-menaxhimi?
Është aftësia e pacientit për të kuptuar, kontrolluar dhe ndikuar mbi simptomat përmes strategjive të mësuara gjatë terapisë: edukimi, lëvizja, dhe sidomos ushtrimet e personalizuara në shtëpi.

📍 Pse janë thelbësore ushtrimet në shtëpi pas terapisë së mbikëqyrur?

✅ Rritin efektin terapeutik në kohë të gjatë
✅ Reduktojnë rikthimin e simptomave
✅ Rrisin pavarësinë dhe besimin e pacientit ndaj trupit të vet
✅ Lidhin përfitimet e terapisë me realitetin funksional të përditshëm

Qfare thote shkenca?
📖 Abbott et al., 2010 – The combination of Orthopaedic Manual Physical Therapy (OMPT) with individualized home exercises shows greater effectiveness than OMPT alone in patients with chronic low back pain.

📖 McDevitt et al., 2015 (Clinical Practice Guidelines) – Home exercise programs are an essential component in the management of musculoskeletal pain, with strong evidence supporting improvements in function and pain reduction.

📖 Liddle et al., 2004 – Well-designed self-management strategies lead to better long-term outcomes and reduce the need for ongoing healthcare utilization

🔗 Në POSITIVE MOTION, ne nuk japim vetëm trajtim, por edukim, strategji dhe mbështetje për të ndihmuar pacientin të bëhet menaxheri i vetë dhimbjes së tij.

📍Sepse OMPT është më shumë sesa manipulim — është proces edukativ, funksional dhe afatgjatë.

17/07/2025

🤔 Traksioni Lumbal vs. OMPT – Cili është trajtimi më efektiv për dhimbjet e shpinës?

Shumë pacientë me dhimbje në pjesën e poshtme të shpinës (lumbago, hernie diskale, radikulopati) trajtohen ende me traksion mekanik, një teknikë pasive që tenton të "zgjerojë" disqet ose të ulë presionin.
Por… a funksionon vërtet?

📉 Çfarë thotë shkenca për traksionin?

📈 *Cleland et al., 2006 – Patients with low back pain who received OMPT combined with exercises improved faster and more significantly than those who received traditional therapy.
🔬 Cook et al., 2006 – Manual therapy has a superior effect in reducing pain compared to lumbar traction.

💡 OMPT – Terapia Manuale Ortopedike është ndryshe:

✅ Bazohet në vlerësim të detajuar dhe arsyetim klinik
✅ Trajton shkakun dhe jo vetëm simptomën
✅ Kombinon teknika manuale + ushtrime aktive të personalizuara
✅ Përfshin edukimin e pacientit dhe vetë-menaxhimin

🧠 Mos u atrakto nga teknikat pasive!

✨ Në POSITIVE MOTION, ne përdorim OMPT për të lëvizur drejt funksionit, jo vetëm për të "ZBUTUR" simptomat përkohësisht.

17/07/2025

🧠 A E DINI?
Hernia diskale lumbale shpesh tingëllon si një diagnozë serioze, por e vërteta është se shumica e rasteve përmirësohen vetvetiu me kalimin e kohës – kjo quhet HISTORIA NATYRALE e saj.

📉 Çfarë ndodh natyrshëm me hernien diskale?

* Në javët e para, dhimbja mund të jetë e mprehtë, me përhapje në këmbë (ishialgji).
* Pas 6-12 javësh, shumica e pacientëve ndjejnë përmirësim spontan.
* Trupi ka aftësinë e vet për të thithur pjesën e herniuar përmes proceseve inflamatore dhe imune.

Por a duhet të presim vetëm dhe të vuajmë ndërkohë? ❌

🔎 Këtu hyn në lojë OMPT – Terapia Manuale Ortopedike.

✅ Çfarë bën OMPT?

* Ndihmon në menaxhimin e dhimbjes në mënyrë të sigurtë dhe të individualizuar.
* Përmirëson lëvizshmërinë e shtyllës kurrizore dhe ul sensitivitetin nervor.
* Ndihmon në rikthimin e funksionit më herët se sa pritja pasive.
* Përmes teknikave si mobilizimet dhe ushtrimet neurodynamike, ndihmon në uljen e ngarkesës mbi rrënjët nervore.

💡 Pra, edhe pse hernia diskale ka një tendencë natyrale drejt përmirësimit, OMPT përshpejton këtë proces dhe parandalon kthimin e saj, duke u bazuar në vlerësim të detajuar klinik dhe trajtim të individualizuar.

---

📍 Në POSITIVE MOTION, ne nuk trajtojmë vetëm imazherinë, por pacientin – me dëgjim aktiv, testim klinik të saktë dhe Fizioterapi të bazuara në shkencë.

📞 Na kontaktoni për vlerësimin tuaj të parë OMPT.

\

16/07/2025

✅ Rasti I muajit ne POSITIVE MOTION

📍 Rast Klinik Real: Dhimbja e Maskuar nga Shpina, por Burimi në kerdhokull!
🧍‍♀️ Pacientja 27 vjeç – Diagnostikuar ne fillim me Lumboishialgi
🔍 Diagnoza e saktë: FAI Syndrome (Femoroacetabular Impingement)
👐 Qasja OMPT (Ortopedike Manual/Musculoskeletal Physiotherapy) bëri diferencën!

---

📝 Rasti:
Pacientja 27-vjeçare kishte disa muaj që vuante nga dhimbje në regjionin gluteal dhe pjesërisht në pjesën posterolaterale të kofshës. Ishte trajtuar paraprakisht si lumbago me përfshirje të nervit Ishiadik, pa përmirësim domethënës pas fizioterapisë konvencionale.

---

🔍 Si ndihmoi qasja OMPT (Manual Therapy sipas Konceptit Maitland)?

1. Vlerësimi subjektiv i detajuar zbuloi se dhimbja provokohej më shumë në pozicione të ulura afatgjata dhe gjatë ngritjes nga ulur – jo gjatë përkuljes përpara siç ndodh në shumicën e rasteve me origjinë nga shpina e poshtme.
2. Testet funksionale si squats dhe lunges provokonin dhimbjen – jo testet neurodynamike si SLR apo slump.
3. Palpimi dhe testet e përjashtimit për shpinën (central/ unilateral PA, testet provokative për disqe apo facet joints) ishin negative – nuk u replikua dhimbja.
4. Testet specifike për kerdhokullen si FADIR dhe FABER ishin pozitive dhe riprodhonin dhimbjen ekzakte të pacientit.

🧠 Diagnoza Diferenciale me OMPT:
✅ U përjashtua regjioni lumbal si burim dhimbjeje
✅ U konfirmua sindroma e FAI (Femoroacetabular Impingement) – një konflikt në nivelin e ijeve mes kokës së femurit dhe acetabulumit që shkakton kompresion në lëvizje të caktuara.

---

🛠️ Trajtimi:
• Mobilizime të lehta të ijes për të përmirësuar biomekanikën
• Edukim për posturë dhe modifikim të aktiviteteve
• Stërvitje e kontrolluar neuromuskulare për muskujt stabilizues të ijes dhe core
• Përcjellje e ngushtë dhe modifikim progresiv i ushtrimeve

---

📈 Rezultati:
Brenda 4 javësh, pacientja raportoi përmirësim të ndjeshëm, reduktim të dhimbjes dhe rikthim të aktivitetit fizik pa frikë.

---

🎯 Mesazhi për pacientët dhe profesionistët:
Jo çdo dhimbje në pjesën e pasme të kofshës apo gluteal lidhet me shpinën!
OMPT na ndihmon të kuptojmë saktë burimin e dhimbjes dhe të shmangim diagnoza të gabuara.

---

🔬 *“Assessment is treatment” – Koncepti Maitland
📍 *POSITIVE MOTION – Fizioterapi e bazuar në evidencë dhe trajtim të personalizuar*

12/07/2025

📍 TENNIS ELBOW që vjen nga QAFA – jo gjithmonë është bërryli!
🔎 Shumë pacientë diagnostikohen me “epicondylitis” ose “tennis elbow” vetëm bazuar në vendin e dhimbjes – por **a është vërtet problemi lokal në bërryl?

📈 Sipas konceptit klinik Maitland, dhimbja në pjesën laterale të bërrylit mund të jetë **projekcion i një problemi neural që buron nga segmentet cervikale C5-C6, ose ndonjë tension në rrënjën nervore apo në indet nervore përgjatë krahut.

---

🧠 Si e trajtojmë ne në POSITIVE MOTION?

✅ Historia klinike & Pyetje të thelluara – për të dalluar nëse ka simptoma të qafës, dhimbje natën, përkeqësim në pozita të caktuara të qafës apo kraharorit.

✅ Testimi Diferencial (Maitland Assessment and Clinical Reasoning)

* Provokimi i simptomave përmes mobilizimit të qafës (PPIVMs, PAIVMs)
* Neurodynamikë: sensitivitet i nervit radial (ULNT2b), për të testuar nëse sistemi nervor është i irrituar.
* Lokalizim ose jo i dhimbjes me presion lokal në bërryl.

✅ Trajtimi:
📌 Mobilizime specifike të qafës(terapi Mobilizime në segmentin e përfshirë)
📌 Teknikat e Mobilizimit nervor për të liruar tensionin neural
📌 Edukim për mekanizmin e referimit të dhimbjes dhe shmangie të trajtimeve të panevojshme lokale (p.sh. injeksione në bërryl)

---

🧩 Kujdes! Dhimbja e bërrylit nuk është gjithmonë lokale. Nëse e trajton vetëm bërrylin dhe nuk sheh përmirësim, shiko më lart – shiko qafën!

\

Positive Motion

17/08/2025

03/08/2025

02/08/2025

01/08/2025

29/07/2025

22/07/2025

19/07/2025

19/07/2025

17/07/2025

17/07/2025

16/07/2025

12/07/2025

Address

Opening Hours

Website

Alerts

Contact The Practice

Shortcuts

Share

Category

Monday	08:00 - 19:00
Tuesday	08:00 - 19:00
Wednesday	08:00 - 19:00
Thursday	08:00 - 19:00
Friday	08:00 - 19:00
Saturday	08:00 - 13:00