QKMF "Dr.Vezir Bajrami" Shtime, Rruga "Anton Çetta" Nr. 39, Stimlje (2026)

09/03/2026

𝐓𝐫𝐚𝐣𝐧𝐢𝐦 𝐧𝐞̈ 𝐤𝐮𝐚𝐝𝐞̈𝐫 𝐭𝐞̈ 𝐙𝐡𝐕𝐏-𝐬𝐞̈ 𝐩𝐞̈𝐫 𝐢𝐧𝐟𝐞𝐫𝐦𝐢𝐞𝐫𝐞̈𝐭 𝐧𝐞̈ 𝐐𝐊𝐌𝐅

🗓️ Sot në sallën e trajnimeve në QKMF, në kuadër të Zhvillimit të Vazhdueshëm Profesional, u mbajt një aktivitet profesional për infermierë me temën “Marrja e mostrave laboratorike” të cilën e mbajti laboranti Rafet Qerimi.

⭕️ Gjatë këtij trajnimi u theksua:

✔️ rëndësia e marrjes së saktë të mostrave laboratorike,
✔️mënyra e trajtimit dhe
✔️transportimit të tyre, me qëllim të rritjes së cilësisë së shërbimeve shëndetësore për pacientët.

⭕️ Në fund të aktivitetit, Kryeinfermierja e QKMF-së Mervete Hasani Smaili bëri edhe shpërndarjen e çertifikatave të ZhVP-së për vitin 2025 për stafin infermieror, duke vlerësuar angazhimin dhe përkushtimin e tyre në zhvillimin profesional.

08/03/2026

𝑭𝙖𝒍𝙚̈𝒏𝙙𝒆𝙧𝒊𝙢 𝙥𝒆̈𝙧 𝙠𝒐𝙣𝒕𝙧𝒊𝙗𝒖𝙩𝒊𝙣 𝙚 𝙜𝒓𝙖𝒗𝙚 𝙣𝒆̈ 𝒔𝙝𝒐𝙦𝒆̈𝙧𝒊

🗓️ Në shënim të 𝟴 𝗠𝗮𝗿𝘀𝗶𝘁 – 𝗗𝗶𝘁𝗲̈𝘀 𝗡𝗱𝗲̈𝗿𝗸𝗼𝗺𝗯𝗲̈𝘁𝗮𝗿𝗲 𝘁𝗲̈ 𝗚𝗿𝘂𝗮𝘀, në QKMF “Dr. Vezir Bajrami” në Shtime, punëtorëve shëndetësorë iu shpërndanë lule si shenjë respekti dhe mirënjohjeje për kontributin dhe përkushtimin e tyre në ofrimin e shërbimeve shëndetësore për qytetarët.

* Në këtë aktivitet simbolik ishin të pranishëm Drejtoresha e DSHMS-së Mimoza Salihu, Drejtori i QKMF-së Dr. Ilaz Kadrijaj dhe Kryeinfermierja Mervete Hasani, të cilët falënderuan stafin për punën dhe angazhimin e vazhdueshëm në shërbim të shëndetit të qytetarëve të komunës sonë.

* Ky gjest modest synon të shprehë vlerësimin dhe motivimin për të gjithë punëtorët shëndetësorë që çdo ditë kontribuojnë në kujdesin dhe mirëqenien e qytetarëve.

27/02/2026

𝙎𝙃𝙀̈𝙉𝘿𝙀𝙏𝙄 𝙈𝙀𝙉𝘿𝙊𝙍 – 𝙋𝙊 𝘼𝙌 𝙄 𝙍𝙀̈𝙉𝘿𝙀̈𝙎𝙄𝙎𝙃𝙀̈𝙈 𝙎𝘼 𝘼𝙄 𝙁𝙄𝙕𝙄𝙆!

🔘Ligjëratë në kuadër të ZhVP-së në QKMF “Dr. Vezir Bajrami” Shtime

🗓️ Sot, në ambientet e QKMF “Dr. Vezir Bajrami” Shtime, u mbajt ligjërata e radhës në kuadër të Zhvillimit të Vazhdueshëm Profesional (ZhVP) për mjekët me temën:

“Rëndësia e shëndetit mendor dhe mirëqenies emocionale”
Këtë ligjëratë e mbajti Dr. Fortesa Mehmeti.

💢 Gjatë ligjëratës u diskutua për:
✔️ Identifikimin e hershëm të çrregullimeve mendore
✔️ Rolin e mjekut në mbështetjen emocionale të pacientëve
✔️ Menaxhimin e stresit, ankthit dhe depresionit
✔️ Mirëqenia emocionale

💢 Shëndeti mendor është themel i mirëqenies së përgjithshme dhe trajtimi i tij me seriozitet është përgjegjësi e përbashkët profesionale.

🏥 QKMF “Dr. Vezir Bajrami” Shtime vazhdon të investojë në ngritjen profesionale të stafit dhe në përmirësimin e cilësisë së shërbimeve për qytetarët tanë.

26/02/2026

𝙁𝙞𝙡𝙡𝙤𝙣 𝙘𝙞𝙠𝙡𝙞 𝙞 𝙡𝙞𝙜𝙟𝙚̈𝙧𝙖𝙩𝙖𝙫𝙚 𝙣𝙚̈ 𝙠𝙪𝙖𝙙𝙚̈𝙧 𝙩𝙚̈ 𝙕𝙝𝙫𝙞𝙡𝙡𝙞𝙢𝙞𝙩 𝙩𝙚̈ 𝙑𝙖𝙯𝙝𝙙𝙪𝙚𝙨𝙝𝙚̈𝙢 𝙋𝙧𝙤𝙛𝙚𝙨𝙞𝙤𝙣𝙖𝙡

🗓️ Sot, në sallën e trajnimve të QKMF “Dr. Vezir Bajrami” Shtime”, u mbajt ligjërata e parë në kuadër të ZhVP-së me temën “Vizitat shtëpiake dhe roli i tyre në kujdesin paliativ” ligjëratë të cilën e mbajti inf. Granit Halili.

•Gjatë kësaj ligjërate u theksua rëndësia e vizitave shtëpiake si një shtyllë kyçe e kujdesit parësor shëndetësor, veçanërisht në ofrimin e kujdesit paliativ për pacientët me sëmundje kronike dhe në faza të avancuara.

* U diskutua për:

✔️ Menaxhimin e dhimbjes
✔️ Mbështetjen psiko-sociale
✔️ Përfshirjen aktive të familjes në kujdes
✔️ Qasjen multidisiplinare në trajtimin e pacientëve

•Ky aktivitet dëshmon përkushtimin tonë të vazhdueshëm në rritjen e kapaciteteve profesionale dhe në përmirësimin e cilësisë së shërbimeve shëndetësore për qytetarët tanë.

🏥 QKMF “Dr. Vezir Bajrami” Shtime mbetet e përkushtuar në ofrimin e kujdesit cilësor, human dhe profesional për çdo pacient.

17/02/2026

🇽🇰 Urime 17 Shkurti – Dita e Pavarësisë së Kosovës! 🇽🇰

Ekipi kujdestar i QKMF “Dr. Vezir Bajrami” në Shtime ju uron përzemërsisht Festën e Pavarësisë.

Paçim gjithmonë shëndet, unitet dhe suksese për Kosovën tonë! 💙💛

04/02/2026

VIZITË VLERËSUESE NGA PROJEKTI AQH NË QKMF SHTIME

📍Sot, në ambientet e Qendrës Kryesore të Mjekësisë Familjare “Dr. Vezir Bajrami” në Shtime, u realizua vizita e planifikuar nga AQH Project, në kuadër të vlerësimit të qëndrueshmërisë së aktiviteteve të mbështetura nga projekti dhe integrimit të tyre në funksionimin institucional afatgjatë.

💢 Vizita u zhvillua nga konsulentja e projektit, Dr. Qamile Ramadani, së bashku me Eksperten Shëndetësore dhe zyrtaren për konsolidim, Znj. Blerta Haxha Mahmutaj.

💢 Gjatë takimit u zhvillua një intervistë me menaxhmentin e qendrës, si dhe diskutime me stafin përkatës lidhur me zbatimin e aktiviteteve, praktikat e mira të arritura dhe sfidat e hasura në ofrimin e shërbimeve shëndetësore.

💢 Gjatë vizitës, përfaqësueset e projektit u shprehën shumë të kënaqura me të arriturat e deritanishme, nivelin e angazhimit të stafit dhe progresin e bërë në drejtim të përmirësimit të cilësisë së shërbimeve.

💢 Ky vlerësim shërben për të identifikuar mundësi të reja për përmirësim të vazhdueshëm të cilësisë së kujdesit shëndetësor, forcimin e kapaciteteve institucionale dhe sigurimin e vazhdimësisë së ndërhyrjeve të suksesshme.

🏥 QKMF mbetet e përkushtuar në bashkëpunim me partnerët për zhvillimin e shërbimeve sa më cilësore për qytetarët.

29/01/2026

Vizitë pune e studentëve të Masterit të Menaxhmentit Shëndetësor në QKMF

📍Sot në ambientet e Qendrës Kryesore të Mjekësisë Familjare “Dr. Vezir Bajrami” në Shtime u realizua një vizitë nga profesorët e KMSH “Rezonanca” Isak Bërbatovci dhe Jahir Gashi, së bashku me studentët e nivelit Master në drejtimin Menaxhment Shëndetësor.

▪️Kjo vizitë kishte karakter profesional dhe edukativ, me qëllim ndërlidhjen e njohurive teorike me praktikat reale në menaxhimin e institucioneve të kujdesit parësor shëndetësor.

▪️Gjatë vizitës, pjesëmarrësit u njohën nga afër me organizimin e shërbimeve shëndetësore, strukturën menaxheriale, funksionimin e ekipeve të drejtimeve të ndryshme, si dhe me proceset e planifikimit, monitorimit dhe përmirësimit të vazhdueshëm të cilësisë së shërbimeve. Theks i veçantë iu kushtua rolit të menaxhimit në rritjen e efikasitetit, sigurisë së pacientit dhe ofrimit të shërbimeve të orientuara drejt komunitetit.

▪️U.d. i drejtorit të QKMF-së Dr. Ilaz Kadrijaj dhe kryeinfermierja Mervete Hasani prezantuan përvojat praktike në menaxhimin e burimeve njerëzore, organizimin e punës, sfidat e përditshme institucionale, si dhe qasjen në zbatimin e standardeve të cilësisë në kujdesin parësor.

▪️Studentët patën mundësi të parashtrojnë pyetje, të diskutojnë raste konkrete dhe të shkëmbejnë ide mbi përmirësimin e sistemeve shëndetësore.

▪️Kjo vizitë u vlerësua si shumë e dobishme nga të dyja palët, duke kontribuar në zhvillimin profesional të studentëve dhe forcimin e bashkëpunimit ndërmjet institucioneve arsimore dhe atyre shëndetësore.

▪️ Aktivitete të tilla mbështesin përgatitjen e kuadrove të ardhshme menaxheriale në shëndetësi dhe avancimin e praktikave moderne të menaxhimit në shërbimet shëndetësore.

27/01/2026

MBAHET LIGJËRATË PËR KANCERIN E QAFËS SË MITRËS

📍Në sallën e trajnimeve të QKMF “Dr. Vezir Bajrami” në Shtime është mbajtur ligjëratë me temën: Kanceri i Qafës së Mitrës. Ligjëratën e mbajti inf. Afërdita Spahiu.

🔹 Java e Vetëdijesimit për Kancerin e Qafës së Mitrës shënon një angazhim të vazhdueshëm institucional për rritjen e informimit dhe ndërgjegjësimit të qytetarëve mbi këtë sëmundje, me theks të veçantë në parandalimin, zbulimin e hershëm, diagnostikimin dhe trajtimin në kohë.

🔹 Kanceri i qafës së mitrës është një tumor malinj që zhvillohet në cerviks dhe përbën një nga format më të shpeshta të kancerit tek gratë në nivel global.

🔹 Shkaktari kryesor i kësaj sëmundjeje është infeksioni me Human Papillomavirus (HPV), ndërsa faktorët e rrezikut lidhen kryesisht me infeksione të patrajtuara, seksualisht të transmetueshme dhe infeksione të vazhdueshme me tipe të caktuara të HPV-së.

🔹 Skriningu i rregullt me PAP test mbetet një ndër mjetet më efektive për zbulimin e hershëm të ndryshimeve para-kanceroze dhe për uljen e ndjeshme të vdekshmërisë.

🔹 Theks i veçantë iu dha rolit të kujdesit parësor në parandalim dhe zbulim të hershëm të sëmundjeve.

🔷 Një test i thjeshtë sot mund të jetë arsyeja që një jetë të shpëtohet nesër.

15/01/2026

𝐕𝐈𝐙𝐈𝐓𝐄̈ 𝐏𝐄̈𝐑𝐊𝐔𝐉𝐓𝐈𝐌𝐎𝐑𝐄 𝐃𝐇𝐄 𝐀𝐍𝐆𝐀𝐙𝐇𝐈𝐌 𝐒𝐇𝐄̈𝐍𝐃𝐄𝐓𝐄̈𝐒𝐎𝐑 𝐈 𝐒𝐓𝐀𝐅𝐈𝐓 𝐓𝐄̈ 𝐐𝐊𝐌𝐅-𝐒𝐄̈ 𝐍𝐄̈ 𝐊𝐎𝐌𝐏𝐋𝐄𝐊𝐒𝐈𝐍 𝐌𝐄𝐌𝐎𝐑𝐈𝐀𝐋 𝐍𝐄̈ 𝐑𝐄𝐂̧𝐀𝐊

📍Sot me 15 Janar 2026, stafi shëndetësor i Qendrës Kryesore të Mjekësisë Familjare ”Dr. Vezir Bajrami” në Shtime i udhëhequr nga u.d. Drejtorit Dr. Ilaz Kadrijaj, realizoi një vizitë përkujtimore në Kompleksin Memorial në Reçak, në shenjë nderimi dhe respekti për viktimat e masakrës së Reçakut, një nga ngjarjet më të rënda dhe më domethënëse të historisë sonë kombëtare.

💢Gjatë kësaj vizite, u shpreh solidariteti dhe përkushtimi i stafit shëndetësor ndaj vlerave të humanizmit, paqes dhe kujtesës kolektive, duke reflektuar mbi rëndësinë e ruajtjes së historisë dhe respektit për sakrificën e të rënëve.

🚑 Në kuadër të kësaj vizite, ekipa mobile e QKMF-së qëndroi në teren për të ofruar shërbime shëndetësore për qytetarët dhe vizitorët. Ajo realizoi disa intervenime mjekësore sipas nevojës, m***e të parametrave vitalë dhe trajtim të rasteve që kërkonin ndihmë të menjëhershme.

💢 Ky angazhim dëshmon përkushtimin e vazhdueshëm të QKMF-së në ofrimin e shërbimeve shëndetësore kudo dhe në çdo kohë, duke qenë pranë qytetarëve edhe në aktivitete me rëndësi të veçantë historike dhe shoqërore.

🏥 QKMF Shtime mbetet e përkushtuar në misionin e saj për të garantuar kujdes shëndetësor cilësor, human dhe të qasshëm për të gjithë.

💢 Në Reçak, nderuam të kaluarën dhe shërbyem me përkushtim për të tashmen, me respekt, humanizëm dhe kujdes për çdo qytetar.

29/12/2025

Javën e kaluar, përfaqësues të Ministrisë së Shëndetësisë dhe Zyrtarët e Cilësisë në Kujdesin Parësor Shëndetësor u mblodhën për një punëtori dy-ditor për të prezantuar dhe diskutuar gjetjet e auditimeve klinike mbi kujdesin për diabetin tip 2. 📊🩺

Mesatarisht, shërbimet e KPSh-së arritën 80% të kritereve të Protokollit Klinik Kombëtar.

Punëtoria evidentoi mangësitë, diskutoi sfidat dhe përcaktoi veprimet për të zhvilluar cilësinë e kujdesit shëndetësor dhe për të siguruar qëndrueshmëri përtej projektit AQH. ✅

16/12/2025

𝗡𝗝𝗢𝗙𝗧𝗜𝗠

Qendra Kryesore e Mjekësisë Familjare “Dr. Vezir Bajrami” në Shtime, njofton qytetarët se në ambientet e saj do të vijë për vizitë mjeku shqiptar nga Gjermania, Dr. Metush Qorrolli, i cili trajton problemet ortopedike si dhe dhimbjet akute dhe kronike.

🗓 Datat e shërbimit:
26 dhe 30 dhjetor
🕑 Ora: duke filluar nga 14:00
🛑 Trajtimet janë FALAS

Sëmundjet dhe problemet që trajtohen:
▪️Dhimbjet e shtyllës kurrizore: akute dhe kronike, hernie diskale, ngushtim i kanalit spinal
▪️Dhimbjet e nyjeve si pasojë e artrozave
▪️Dhimbjet e kokës: migrenë, dhimbje tensioni, neuralgji trigeminale e fytyrës
▪️Dhimbjet kronike neuropatike: mpirje të këmbëve, polineuropati diabetike
▪️Dhimbjet nga sëmundjet malinje
▪️Osteoporoza dhe sëmundjet e rralla të eshtrave
▪️Fibromialgjia

✋ 𝗧𝗘𝗥𝗠𝗜𝗡𝗜 𝗘̈𝗦𝗛𝗧𝗘̈ 𝗜 𝗢𝗕𝗟𝗜𝗚𝗨𝗘𝗦𝗛𝗘̈𝗠
👉 𝗣𝗘̈𝗥𝗣𝗔𝗥𝗘̈𝗦𝗜 𝗞𝗔𝗡𝗘̈ 𝗥𝗔𝗦𝗧𝗘𝗧 𝗦𝗢𝗖𝗜𝗔𝗟𝗘

Të gjithë qytetarët e interesuar ftohen ta bëjnë terminin në Qendrën Kryesore të Mjekësisë Familjare te kryeinfermierja e Mjekësisë Familjare në katin e dytë prej orës 08:00-15:30.
Numri i pacientëve është i kufizuar!

05/12/2025

𝗠𝗕𝗔𝗛𝗘𝗧 𝗧𝗔𝗞𝗜𝗠𝗜 𝗣𝗨𝗡𝗨𝗘𝗦 𝗠𝗘 𝗙𝗢𝗞𝗨𝗦 𝗔𝗩𝗔𝗡𝗖𝗜𝗠𝗜𝗡 𝗗𝗛𝗘 𝗠𝗢𝗡𝗜𝗧𝗢𝗥𝗜𝗠𝗜𝗡 𝗘 𝗦𝗜𝗦𝗧𝗘𝗠𝗜𝗧 𝗧𝗘̈ 𝗠𝗘𝗡𝗔𝗫𝗛𝗜𝗠𝗜𝗧 𝗧𝗘̈ 𝗖𝗜𝗟𝗘̈𝗦𝗜𝗦𝗘̈

📌 Në ambientin e Qendrës Kryesore të Mjekësisë Familjare Dr. Vezir Bajrami në Shtime kishim prezent monitoruesit nga AQH Project Dr. Fevzi Sylejmani dhe Dr. Vjollca Zeqiri

⭕️ Ky takim kishte për qëllim vlerësimin e progresit të bërë deri më tani, koordinimin e veprimeve të ardhshme dhe forcimin e standardeve të cilësisë në ofrimin e shërbimeve shëndetësore.

➡️ Gjatë takimit u diskutuan:

✅ implementimi i standardeve të cilësisë në shërbimet e QKMF-së,
✅ sfidat e hasura gjatë zbatimit të proceseve,
✅ dokumentimi dhe gjurmueshmëria e aktiviteteve,
✅ përmirësimet e nevojshme për rritjen e performancës institucionale,

⭕️ Monitoruesit nga AQH ofruan këshilla praktike, rekomandime profesionale dhe sugjerime konkrete si dhe u shprehen shumë të kënaqur me avancimin që ka bërë qendra jonë në përmirësimin e sistemit të menaxhimit të cilësisë.

⭕️ Stafi i QKMF Shtime shprehu përkushtimin për vazhdimin e punës në drejtim të ngritjes së cilësisë, sigurisë së pacientit dhe përmirësimit të shërbimeve.

⭕️ Takime të tilla punuese janë thelbësore për forcimin cilësisë brenda institucionit dhe për sigurimin e një shërbimi sa më profesional dhe të standardizuar për të gjithë pacientët.

QKMF "Dr.Vezir Bajrami" Shtime

09/03/2026

08/03/2026

27/02/2026

26/02/2026

17/02/2026

04/02/2026

29/01/2026

27/01/2026

15/01/2026

29/12/2025

16/12/2025

05/12/2025

Address

Telephone

Website

Alerts

Shortcuts

Share

Category