Laboratori HumanLab

14/09/2025

🔺ANALIZAT 🔺që duhet ti bëni pasi vera të ketë kaluar.

Temperaturat e larta ndikojnë ndjeshëm në funksionin e organizmit. Djersitja e shtuar, humbja e lëngjeve dhe rreziku për dehidrim mund të shkaktojnë ndryshime në parametrat e gjakut dhe të ndikojnë në funksionin e disa organeve jetike.
Për këtë arsye, mjekët shpesh rekomandojnë një grup të caktuar analizash laboratorike që këshillohen gjatë ditëve të nxehta:
•⁠ ⁠🔺Hemograma e plotë (CBC)🔺
Ndihmon në vlerësimin e qelizave të kuqe dhe të bardha, nivelit të hemoglobinës dhe hematokritit. Vlerat e hematokritit mund të rriten në rast dehidratimi.
•⁠ ⁠🔺Elektrolitet (natrium, kalium, klor, kalcium, magnez)🔺
Balanca elektrolitike mund të prishet për shkak të humbjes së lëngjeve përmes djersës, duke shkaktuar dobësi muskulore ose çrregullime të rrahjeve të zemrës.
•⁠ ⁠🔺Kreatinina dhe urea🔺
Këto analiza tregojnë funksionin e veshkave, i cili mund të dëmtohet nëse trupi është i dehidratuar.
•⁠ ⁠🔺Glukoza në gjak🔺
Nxehtësia ekstreme dhe humbja e lëngjeve mund të ndikojnë në nivelet e glukozës, veçanërisht tek personat me diabet.
•⁠ ⁠🔺Paneli i funksionit të mëlçisë (ALT, AST, ALP, GGT, bilirubina)🔺
Temperaturat ekstreme dhe përdorimi i medikamenteve apo alkoolit gjatë verës mund të ndikojnë në funksionin e mëlçisë.
•⁠ ⁠🔺Proteina C-Reaktive (CRP)🔺
Këshillohet kur dyshohet për infeksione të fshehta, që në ditët me vapë mund të kalojnë pa simptoma të dukshme.
•⁠ ⁠🔺D-dimer dhe analizat e koagulimit (PT, aPTT, INR)🔺
Në kushte dehidratimi dhe qëndrimi të gjatë në pozicion të njëjtë, rritet rreziku për formimin e trombeve.
•⁠ ⁠🔺Niveli i vitaminës D🔺
Shumë persona shmangin diellin për shkak të rrezatimit UV, duke rrezikuar mungesën e kësaj vitamine të rëndësishme.

Laboratori☘️ HumanLab ☘️kujdeset per shendetin tuaj🤝

09/09/2025

Për të kuptuar më mirë rolin e kolesterolit, shpesh flitet për dy tipe kryesore: HDL dhe LDL.

LDL (Low-Density Lipoprotein) njihet zakonisht si kolesteroli i keq, pasi kur është në nivele të larta:
• depozitohet në muret e arterieve,
• formon pllaka aterosklerotike,
• ngushton dhe ngurtëson enët e gjakut.

Ateroskleroza, rrit ndjeshëm rrezikun për:
• sëmundje të zemrës,
• infarkt miokardi,
• ishemi cerebrale (goditje në tru).

HDL (High-Density Lipoprotein) njihet si kolesteroli i mirë, sepse ka efekt mbrojtës ndaj zemrës. Sa më i lartë të jetë niveli i HDL-së, aq më i ulët është rreziku për sëmundje kardiovaskulare.

Shëndeti i zemrës nuk varet vetëm nga nivelet totale të kolesterolit, por kryesisht nga raporti mes HDL dhe LDL.

10/08/2025

Kujdesuni per shendetin tuaj 🤝 fans

14/07/2025

15/04/2025

17/02/2025

Urime 17 Vjetori i Pavarësisë 🇽🇰

05/12/2024

🔺URINA 🔻
Analiza e urinës është një test diagnostik që ofron njohuri gjithëpërfshirëse për shëndetin e veshkave dhe traktit urinar. Ky test ndahet në tre faza kryesore:

Vlerësimi i karakteristikave fizike dhe kimike, duke përfshirë pamjen e urinës, ngjyrën, erën, densitetin dhe nivelin e pH.

Analiza kimike për të identifikuar substanca si proteinat, glukozën, trupat ketonike, nitratet, esterazën e leukociteve, urobilinogjenin dhe bilirubinën në urinë.

Ekzaminimi mikroskopik i sedimentit të urinës për të numëruar eritrocitet dhe leukocitet, dhe për të zbuluar bakteret, kristalet, kripërat dhe elementet e tjerë qelizorë.

Analiza e urinës luan një rol thelbësor në diagnostikimin e një sërë kushtesh, shpesh përpara se të shfaqen simptomat, si infeksionet e traktit urinar, tumoret, glomerulonefriti i fshehur dhe nefriti intersticial.

02/12/2024

🩸 A e dini se hekuri është një mineral thelbësor për organizmin tuaj?
Hekuri (Fe) luan një rol jetësor në formimin e hemoglobinës dhe transportin e oksigjenit në trup.

❗ Çfarë ndodh kur niveli i hekurit është i ulët?
🔸 Dobësi dhe lodhje e vazhdueshme
🔸 Lëkurë e zbehtë
🔸 Dhimbje koke, marramendje ose dridhje
🔸 Vështirësi në frymëmarrje gjatë aktivitetit fizik
🔸 Ndjesi të ftohta në gishtërinj dhe këmbë
🔸 Çrregullime në funksionimin e zemrës

-Prandaj kujdesuni per shendetin tuaj,kontrolloni nivelin e hekurit ne organizem 👩‍⚕️🧑‍⚕️🩺

21/11/2024

Testi i gjakut okult fekal (FOBT) është një provë që mund të zbulojë gjurmë të vogla gjaku në jashtëqitje, gjurmë të tilla të vogla sa që nuk mund të shihen me sy të lirë. "Okult" do të thotë i fshehur ose i panjohur. Testi mund të tregojë praninë e kancerit të zorrëve ose një polip pre-kanceroz në një fazë kur jashtëqitjet mund të shfaqen normale. Kjo rrit mundësinë e parandalimit të kancerit të zorrëve ose shërimit të tij.
Gjaku në jashtëqitje tregon se ka gjakderdhje diku në traktin tuaj tretës.

Një rezultat pozitiv mund të jetë si pasojë e:

Hemorroideve
Polipeve të kolonit
Ulçerës

Në këto raste, rekomandohet të kryhet kolonoskopia.

07/11/2024

Helicobacter Pylori është një bakter që zakonisht gjendet
në stomakun e njeriut. Ajo shkakton inflamacion të
mukozës së stomakut dhe është një nga shkaktarët
kryesorë të ulcerozës gastrike de duodenale. Perveç
kësaj, ajo mund të lidhet edhe me semundje të tjera të
traktit gastrointestinal, si gastriti kronik dhe kanceri i
stomakut në raste të rralla.

Disa nga simptomat që mund ta percjellin Helicobacter
Pylorin janë:

•Dhimbje në pjesën e sipërme të barkut;
•Humbje oreksi;Të vjella dhe jashtëqitje të errët;
•Fryerje barku.

01/11/2024

Intoleranca e fëmijëve nga laktoza

Tek bebet intolerantë ndaj laktozës, zakonisht organizmi i tyre nuk toleron qumështin e gjirit ose qumështin e formulës të bërë nga qumështi i lopës. Në këtë rast fëmija duhet të përdorë qumësht formulë pa laktozë. Intoleranca ndaj laktozës shfaqet zakonisht me diarre të rëndë dhe gazra.
Shpesh herë prindërit me të drejtë e ngatërrojnë intolerancën nga laktoza me alergjinë. Alergjia është një reagim i sistemit imunitar, kurse intoleranca ndaj laktozës është një gjendje e aparatit tretës. Arsyeja pse prindërit ngatërrojnë alergjinë me intolerancën ndaj laktozës është se të dyja mund të kenë simptoma të ngjashme, pasi shpesh herë dhimbja abdominale (dhimbja e barkut) apo diarreja shkaktohen nga alegjia ndaj qumështit ose nga intoleranca ndaj laktozës.

Si ta kuptoni që beba juaj ka alergji nga produktet e qumështit?
Nëse fëmija ka puçra të thata dhe që i kruhen, fryrje në fytyrë, buzë, sy të lëngëzuara, pllaka me puçra në trup, kruarje hunde sa herë që konsumon produkte të bulmetit ekziston mundësia që ai/ajo të jetë alergjik/e ndaj një nga proteinat e qumështit.