Qendra Mjekësore Suedeze për Terapi Fizikale dhe Rehabilitim

  • Home
  • Kosovo
  • Zegra
  • Qendra Mjekësore Suedeze për Terapi Fizikale dhe Rehabilitim

Qendra Mjekësore Suedeze për Terapi Fizikale dhe Rehabilitim Contact information, map and directions, contact form, opening hours, services, ratings, photos, videos and announcements from Qendra Mjekësore Suedeze për Terapi Fizikale dhe Rehabilitim, Zhegër, Zegra.

• Klinikë moderne 🇸🇪 🏥

• Staf me mbi 20 vite përvojë

🎓👨‍⚕️🇽🇰🇸🇪🇬🇧🇪🇦🌍

• Aparaturë bashkëkohore

• Protokolle individuale terapeutike

⚠️ Termini gjithmonë i obliguar për konsultim dhe trajtim!

Si të mbrohemi nga ajri i ndotur nga zjarret 🔥Gjatë ditëve të fundit zjarret në pyje dhe në hapësira të hapura kanë ndod...
29/07/2025

Si të mbrohemi nga ajri i ndotur nga zjarret 🔥

Gjatë ditëve të fundit zjarret në pyje dhe në hapësira të hapura kanë ndodhur shpesh edhe në vendin tonë. Përveç rrezikut nga vetë flakët, një rrezik i madh është tymi që lëshojnë këto zjarre, i cili ndot ajrin dhe dëmton shëndetin. Kjo është sidomos e rrezikshme për fëmijët, të moshuarit dhe ata që kanë probleme me zemrën apo mushkëritë.

Tymi përmban grimca shumë të vogla dhe gazra të dëmshme që mund të shkaktojnë vështirësi në frymëmarrje, kollë, djegie të syve, si dhe përkeqësim të sëmundjeve kronike.

IKSHPK ndan me ju disa këshilla të thjeshta që mund të ndihmojnë për t’u mbrojtur në situata të tilla.

🛑Çfarë të bëjmë kur ka tym nga zjarret?

1. Qëndroni brenda në shtëpi 🏠

• Mbani dritaret dhe dyert të mbyllura.
• Mundohuni ta mbani shtëpinë të freskët dhe të pastër.
• Mos dilni jashtë për vrapim ose punë fizike kur ajri është i ndotur.
• Nëse në shtëpi keni klimë (kondicioner ajri), vendoseni në opsionin “ri-qarkullim” që të mos thithni ajër nga jashtë.
• Nëse duhet të dilni jashtë – përdorni ndonjë lloj maske apo mbulese për të mbuluar mirë hundën dhe gojën.

2. Pastroni ajrin në shtëpi 🌬️

• Nëse keni pastrues ajri me filter në shtëpi, përdoreni.
• Mos ndizni qirinj apo mos piqni ushqim që krijon tym brenda shtëpisë.

3. Në veturë 🚗

• Mbani dritaret mbyllura dhe përdorni ajrimin në sistemin e ri-qarkullimit

4. Kujdes i veçantë për fëmijët, të moshuarit dhe ata me sëmundje kronike 👶👴👵🫁❤️

• Kontrolloni nëse dikush ka kollë, frymëmarrje të rënduar apo ndjehet shumë i lodhur.
• Mos i lejoni fëmijët të luajnë jashtë kur ka tym.
• Nëse ndiheni keq, lajmërohuni menjëherë te mjeku!

Mos harroni pra, që edhe pasi zjarret të jenë fikur, tymi dhe grimcat e dëmshme qëndrojnë në ajër për orë apo ditë, prandaj kujdesi për shëndetin tuaj dhe të familjes mbetet i rëndësishëm! 🫁👨‍👩‍👧‍👦

Burimi: Instituti Kombëtar i Shëndetësisë Publike të Kosovës

9 fakte interesante rreth trurit me referenca shkencore 1. Truri nuk ndjen dhimbje, edhe pse ai është përgjegjës për dër...
29/07/2025

9 fakte interesante rreth trurit me referenca shkencore

1. Truri nuk ndjen dhimbje, edhe pse ai është përgjegjës për dërgimin e sinjaleve të dhimbjes në pjesë të tjera të trupit.

📚 Referencë: Nahm, M., & Freeman, J. (2022). Neurobiology of Pain Processing. Nature Reviews Neuroscience.

2. 80% e trurit përbëhet nga ujë, prandaj dehidratimi ndikon ndjeshëm në funksionin e tij.

📚 Referencë: Benton, D., & Young, H. A. (2015). Dehydration and cognition. Nutrition Reviews.

3. Truri është më aktiv gjatë natës, gjatë fazave të gjumit si REM, kur përpunohen kujtimet dhe ëndrrat.

📚 Referencë: Walker, M. P. (2017). Why We Sleep. Scribner Publishing.

4. Sa më inteligjent që jeni, aq më shumë ëndrra shihni – ekziston lidhje mes aktivitetit kognitiv dhe përmbajtjes së ëndrrave.

📚 Referencë: Schredl, M., & Göritz, A. S. (2010). Dream recall frequency, attitude toward dreams, and the Big Five personality factors. Dreaming Journal.

5. Truri kërkon 20% të oksigjenit dhe kalorive të trupit, edhe pse përbën vetëm rreth 2% të peshës trupore.

📚 Referencë: Raichle, M. E., & Gusnard, D. A. (2002). Appraising the brain’s energy budget. Proceedings of the National Academy of Sciences.

6. Truri funksionon me rreth 10 vat energji, sa një llambë e vogël. Megjithatë, kryen miliarda procese në sekondë.

📚 Referencë: Lennie, P. (2003). The cost of cortical computation. Current Biology.

7. Informacioni në tru udhëton me shpejtësi të ndryshme, për shkak të tipeve të ndryshme të neuroneve dhe mielinizimit të tyre.

📚 Referencë: Waxman, S. G. (2006). Axonal conduction and injury in multiple sclerosis. Brain.

8. Truri ndryshon gjatë pubertetit, veçanërisht në zonat që përpunojnë emocionet, sjelljen dhe marrjen e vendimeve.

📚 Referencë: Blakemore, S.-J. (2012). Imaging brain development: the adolescent brain. NeuroImage.

9. Truri ka kapacitet të ruajë thuajse gjithçka, megjithatë kujtesa aktive varet nga rëndësia, përsëritja dhe emocionet.

📚 Referencë: Squire, L. R. (2004). Memory systems of the brain: A brief history and current perspective. Neurobiology of Learning and Memory.

"SUKSESI NUK ËSHTË RASTËSI!"

Qendra Mjekësore Suedeze për Terapi Fizikale dhe Rehabilitim©
Lejohet shpërndarja , ndalohet kopjimi!

"Ekziston një ndryshim i madh midis trajtimit të pasojave dhe korrigjimit të shkakut."— D.D Palmer"SUKSESI NUK ËSHTË RAS...
23/07/2025

"Ekziston një ndryshim i madh midis trajtimit të pasojave dhe korrigjimit të shkakut."

— D.D Palmer

"SUKSESI NUK ËSHTË RASTËSI!"

Mbaji mendimet pozitiveSepse mendimet e tua bëhenFJALËT E TUAMbaji fjalët pozitiveSepse fjalët e tua bëhenSJELLJA JOTEMb...
22/07/2025

Mbaji mendimet pozitive
Sepse mendimet e tua bëhen
FJALËT E TUA

Mbaji fjalët pozitive
Sepse fjalët e tua bëhen
SJELLJA JOTE

Mbaje sjelljen pozitive
Sepse sjelljet e tua bëhen
ZAKONET E TUA

Mbaji zakonet pozitive
Sepse zakonet e tua bëhen
VLERAT E TUA

Mbaji vlerat pozitive
Sepse vlerat e tua bëhen
FATI YT

"SUKSESI NUK ËSHTË RASTËSI!"

🌞 Siguria ushqimore gjatë verësMbrojeni shëndetin tuaj dhe të familjes suaj! 👨‍👩‍👧‍👦Siguria ushqimore u referohet të gji...
09/07/2025

🌞 Siguria ushqimore gjatë verës
Mbrojeni shëndetin tuaj dhe të familjes suaj! 👨‍👩‍👧‍👦

Siguria ushqimore u referohet të gjitha rreziqeve të cilat mund t’i shkaktojnë dëme ushqimit dhe përmes tij, shëndetit të popullatës.

Në verë ☀️, për shkak të temperaturave të larta 🌡️, rritet rreziku i helmimeve ushqimore. Mikroorganizmat 🦠 shumohen më shpejt dhe ushqimi prishet më lehtë. Prandaj, kujdesi gjatë përgatitjes 👩‍🍳 dhe ruajtjes së ushqimit është shumë i rëndësishëm për të shmangur sëmundjet.

Kontaminimi i ushqimeve mund të vijë nga: duart e papastërta, ushqimet, uji, kafshët shtëpiake, insektet etj.

❓ Si ndodhin helmimet nga ushqimi?
Helmimet shkaktohen nga konsumimi i ushqimeve të kontaminuara me:
• 🦠 Bakterie, viruse apo parazitë
• ☠️ Kimikate të dëmshme
• 🦴 Prania në ushqim e mbetjeve si kocka, metale apo fije floku
• 🚫 Mungesë higjiene gjatë përgatitjes apo ruajtjes së ushqimit

Për të gjitha helmimet ushqimore karakteristikë është paraqitja e shpejtë e simptomave: temperatura, dhimbje barku, të vjella dhe barkqitje.

🛡️ Si të mbroheni?
• 🍳 Gatuani mirë ushqimin: Posaçërisht mishin, vezët dhe qumështin – të gjitha pjesët duhet të arrijnë temperaturën 70°C.

• ⏰ Konsumoni ushqimin menjëherë pas përgatitjes: Sa më gjatë të qëndrojë, aq më i madh është rreziku i kontaminimit. Ushqimet për fëmijët nuk duhet të ruhen në përgjithësi, duhet të konsumohen sa më parë pas përgatitjes.
• Ruajeni ushqimin në mënyrë të sigurt: Në të nxehtë mbi 60°C, në frigorifer nën 5°C. Mishi i ngrirë dhe mishi i shpendëve duhet të shkrihen tërësisht përpara gatimit.
• ♨️ Ringroheni mirë ushqimin e ruajtur: Para konsumit, sigurohuni që ushqimi të arrijë përsëri 70°C.
• Shmangni kontaktin mes ushqimit të papërpunuar dhe atij të gatuar: Përdorni thika dhe dërrasa të ndara për secilin.
• 🧼 Lani duart shpesh dhe si duhet: Para dhe pas përgatitjes së ushqimit, pas tualetit, pas ndërrimit/pastrimit të foshnjave apo pas kontaktit me kafshë.
• Mbani pastër kuzhinën dhe enët: Pecetat dhe leckat ndërroni rregullisht dhe ziejini nëse kontaminohen.
• 🐜 Mbroni ushqimin nga insektet dhe brejtësit: Mbajeni ushqimin në enë të mbyllura me kapak.
• 💧 Përdorni ujë të pastër dhe të sigurt: Nëse dyshoni në cilësinë e ujit, vlojeni para përdorimit.
• 📆 Kontrolloni datat e skadimit dhe freskinë: Shmangni produktet me erë apo pamje të pazakontë.
• Kujdes me ushqimin jashtë shtëpisë: Përdorni frigoriferë dore ose enë termoizoluese në piknik apo udhëtime.

Vera e sigurt fillon nga kuzhina!

Respektoni rregullat e higjienës dhe sigurisë ushqimore për të kaluar një verë të shëndetshme e pa probleme ☀️.

Burimi: Instituti Kombëtar i Shëndetësisë Publike të Kosovës

Kujdesi juaj është mbrojtja më e mirë!

🔥 90% e zjarreve shkaktohen nga njeriu! Shkaqet më të zakonshme përfshijnë:• Djegien e barishteve dhe mbeturinave,• Hedh...
05/07/2025

🔥 90% e zjarreve shkaktohen nga njeriu!

Shkaqet më të zakonshme përfshijnë:
• Djegien e barishteve dhe mbeturinave,
• Hedhjen e cigareve të ndezura,
• Përdorimi i flakëve të pakontrolluara
• Hedhja e pakontrolluar e mbeturinave lehtë të ndezshme
• Zjarret e qëllimshme apo të shkaktuara nga pakujdesia njerëzore.

🌫️ Zjarret rrezikojnë shëndetin tuaj:

✅ Rrisin ndotjen e ajrit (PM2.5)
✅ Rrezikojnë mushkëritë dhe zemrën, veçanërisht tek fëmijët dhe të moshuarit
✅ Shkaktojnë helmim nga tymi dhe monoksidi i karbonit (CO)

🌱 Zjarret dëmtojnë rëndë edhe mjedisin:

✅ Dëmtim i pyjeve, tokave bujqësore dhe faunës
✅ Shkatërrim i biodiversitetit
✅ Nxitje e ndryshimeve klimatike

🏘️ Zjarret rrezikojnë komunitetin:

✅Dëmtime të shtëpive dhe infrastrukturës
✅ Humbje ekonomike për familjet dhe fermerët

Si të parandalojmë zjarret?

✅ Mos ndizni barishte apo mbeturina në ambiente të hapura
✅Shmangni përdorimin e flakëve në ditët me temperatura të larta
✅ Mos hidhni cigare të ndezura në tokë
✅ Ruani materialet e djegshme në një ambient të sigurtë dhe larg vendeve të frekuentuara nga njerëzit.

👉 Nëse ndizni zjarr, mos u largoni pa u siguruar që është shuar plotësisht!

✅Njoftoni menjëherë në 112 për çdo shpërthim zjarri të pakontrolluar.

Burimi : Instituti Kombëtar i Shëndetësisë Publike të Kosovës

Siguria e ushqimit gjatë temperaturave të larta 🌡️🥗🍔🥗🍉🍽️ℹ️ Në ditët me temperatura të larta, është shumë e rëndësishme q...
01/07/2025

Siguria e ushqimit gjatë temperaturave të larta 🌡️🥗🍔🥗🍉🍽️

ℹ️ Në ditët me temperatura të larta, është shumë e rëndësishme që të kujdesemi për sigurinë e ushqimit që e konsumojmë.

Përmes ruajtjes dhe përgatitjes adekuate të ushqimit, mund të parandalojmë rritjen e baktereve; ruajmë freskinë e ushqimit; shmangim helmimet përmes ushqimit; i ruajmë vlerat ushqyese të tij dhe mundësojmë të zgjatet afati i përdorimit të ushqimit.

ℹ️ Kujdesi për sigurinë e ushqimit gjatë verës nuk është vetëm një zakon i mirë, por një nevojë për shëndetin dhe mirëqenien tuaj.

➡️Për më shumë informacion, ndiqni këshillat: 5 çelësat për ushqim të sigurt, një udhëzues ky i Organizatës Botërore të Shëndetësisë për sigurinë e ushqimit, që për qëllim ka parandalimin e sëmundjeve të shkaktuara nga ushqimet e kontaminuara.

Burimi: Instituti Kombëtar i Shëndetësisë Publike të Kosovës

Informata mbi masat mbrojtëse ndaj ekspozimeve në temperaturat e larta në mjedise të jashtme dhe të brendshme të punësTe...
01/07/2025

Informata mbi masat mbrojtëse ndaj ekspozimeve në temperaturat e larta në mjedise të jashtme dhe të brendshme të punës

Temperaturat e larta që mbretërojnë gjatë periudhës së verës ndikojnë negativisht në shëndetin e njeriut e sidomos te grupet e ndjeshme të popullatës siç janë fëmijët e vegjël, gratë shtatzëna, të sëmurët kronik, të moshuarit dhe punëtorët.

Këtij rreziku i nënshtrohen edhe personat që punojnë në mjedise të hapura si bujqësi, pylltari, ndërtimtari, pastrim dhe mirëmbajtje të parqeve, mirëmbajtje dhe rregullim të rrugëve, punonjësit e shërbimeve emergjente si dhe profesioneve tjera që ndikohen nga rritja e temperaturave të ambientit të jashtëm.

Punëtorët në ambiente të brendshme gjithashtu mund të jenë në rrezik, sidomos nëse punojnë në industri të ngarkuara me nxehtësi ose kryejnë punë fizike, ata që punojnë në makineri që operohen nga kabina pa ftohje (p.sh. vinça), ata që kryejnë punë fizike të rëndë ose ata që duhet të përdorin pajisje mbrojtëse personale në kushte të nxehta.


Mbi kohën e lejuar për punë në ambiente të jashtme në temperatura të larta rekomandojmë që ti referoheni Rregullores MPMS Nr.01/2020 për kërkesat minimale të sigurisë dhe shëndetit në vendin e punës, faqe 41 dhe 42, të vendosur në këtë vegëz https://gzk.rks-gov.net/ActDetail.aspx?ActID=10181

Për më tepër informata për mbrojtjen e të punësuarve gjatë temperatura të larta, rekomandojmë që ti referoheni dokumentit “Nxehtësia në punë – Udhëzues për vendet e punës”; të vendosur në këtë vegëzhttps://mfpt.rks-gov.net/desk/content/media/b46f1215-2a3c-43b9-8153-19e8ad6fdec0.pdf

Duke u ekspozuar në diell për një kohë të gjatë, efektet në shëndet manifestohen në prishjen e komfortit, djersitje, skuqje dhe djegie të lëkurës, goditje nga të nxehtit që çon në dehidrim të organizmit përcjellë me ngërçe, vjellje, barkqitje, komplikime më të shpeshta në sistemin kardiovaskular, pulmonar, insuficiencë renale dhe goditje në tru.

Burimi: Instituti Kombëtar i Shëndetësisë Publike të Kosovës

Këshilla për pushuesit që shkojnë në det 🌊Pushimet ndihmojnë në ruajtjen e shëndetit dhe mirëqenies së përgjithshme. Pav...
30/06/2025

Këshilla për pushuesit që shkojnë në det 🌊

Pushimet ndihmojnë në ruajtjen e shëndetit dhe mirëqenies së përgjithshme.

Pavarësisht nga mosha apo aftësitë fizike, çdo pushues duhet të ketë mundësinë të shijojë kohën e tij pa shqetësime për rreziqet e mundshme.

Pushimet në det janë një mundësi e mirë për t'u relaksuar dhe për të kaluar kohë të mirë me familjen dhe miqtë, por, që ato të jenë sa më të rehatshme dhe të sigurta për të gjithë, ndiqni këshillat si në vijim:

• Përdorni krem mbrojtës nga dielli!

🧴☀️ Mbrojeni lëkurën tuaj nga rrezet e dëmshme të diellit.

• Pini sa më shumë ujë!

💧Qëndroni të hidratuar gjatë gjithë ditës.

• Mbani syze dielli!

🕶️ Mbroni sytë tuaj nga rrezet ultra violet.

• Shmangni notin vetëm!

🏊 Gjithmonë notoni me një mik ose nën mbikëqyrje.

• Kontrolloni kushtet e detit!

⚠️ Respektoni sinjalet dhe paralajmërimet e plazhit.

• Mos harroni kapelën tuaj!

🧢 Mbrojeni kokën dhe fytyrën nga dielli.

🏝️ Pushime të mbara , pushime të sigurta!

Burimi: Instituti Kombëtar i Shëndetësisë Publike të Kosovës

''Para se të mjekoni dikë, pyeteni nëse është i gatshëm të heqë dorë nga gjërat që e bëjnë atë të sëmurë."— Hipokrati"SU...
28/06/2025

''Para se të mjekoni dikë, pyeteni nëse është i gatshëm të heqë dorë nga gjërat që e bëjnë atë të sëmurë."

— Hipokrati

"SUKSESI NUK ËSHTË RASTËSI!''

📍📎 Këshilla dhe rekomandime për t’u mbrojtur nga nxehtësia dhe temperaturat e larta☀️ Vala e të nxehtit që po dominon kë...
25/06/2025

📍📎 Këshilla dhe rekomandime për t’u mbrojtur nga nxehtësia dhe temperaturat e larta

☀️ Vala e të nxehtit që po dominon këto ditë mund të ndikojë negativisht në shëndetin dhe mirëqenien e qytetarëve, veçanërisht të grupeve të cenueshme.
Periudhat e zgjatura me temperatura të larta gjatë ditës dhe natës krijojnë stres të akumuluar në trup dhe rrisin rrezikun për sëmundje apo vdekje nga ekspozimi ndaj nxehtësisë.

ℹ️ Paaftësia e trupit për të rregulluar temperaturën e brendshme dhe për të eliminuar nxehtësinë e grumbulluar gjatë këtyre periudhave rrit rrezikun për rraskapitje apo goditje nga nxehtësia.
Përpjekja e trupit për t’u ftohur shton stresin edhe në zemër dhe veshka.

ℹ️ Si pasojë, nxehtësia ekstreme mund të përkeqësojë gjendjen shëndetësore të personave me sëmundje kronike (si sëmundjet kardiovaskulare, mendore, respiratore dhe ato të lidhura me diabetin) dhe të shkaktojë dëmtime të shpejta të veshkave.

ℹ️ Këshillat dhe ndërhyrjet praktike, si në nivel individual ashtu edhe në nivel komunitar e institucional, mund të shpëtojnë jetë.

ℹ️ Veprimet që duhet të ndërmerren për t’u mbrojtur nga nxehtësia.

➡️ Qëndroni larg të nxehtit.

➡️ Shmangni daljet jashtë dhe aktivitetet e rënda gjatë kohës më të nxehtë të ditës.

➡️ Qëndroni në hije. Mos harroni se temperaturat e perceptuara në diell mund të jenë 10–15 ˚C më të larta.

➡️ Kaloni 2–3 orë gjatë ditës në një vend të freskët.

➡️ Jini të vetëdijshëm për rreziqet dhe qëndroni të informuar për paralajmërimet zyrtare mbi temperaturat e larta.

➡️ Mbajeni shtëpinë tuaj të freskët.

➡️ Përdorni ajrin e natës për të ftohur shtëpinë duke hapur dritaret në mbrëmje, kur temperatura e jashtme është më e ulët.

➡️ Gjatë ditës, kur temperaturat janë më të larta jashtë, mbyllni dritaret dhe mbulojini me perde apo materiale që pengojnë rrezet e diellit.

➡️ Fikni sa më shumë pajisje elektrike.

➡️ Përdorni ventilatorë elektrikë vetëm kur temperatura është nën 40 ˚C.

➡️ Nëse përdorni kondicioner, vendosni termostatin në 27 ˚C dhe ndizni një ventilator – kjo e bën ambientin të ndjehet deri në 4 ˚C më i freskët dhe mund të kursejë deri në 70% në faturën e energjisë për ftohje.

➡️ Mos harroni se në hije jashtë mund të jetë më freskët se brenda.

➡️ Mbajeni trupin të freskët dhe të hidratuar.

➡️ Vishuni me rroba të lehta, të lirshme dhe nga pambuku.

➡️ Bëni dush ose banjë të freskët.

➡️ Lagni lëkurën me një leckë të lagur, spërkatje ose veshje të lagura.

➡️ Pini ujë rregullisht – të paktën 1 gotë në orë dhe 2–3 litra në ditë.

➡️ Kontaktoni rregullisht me personat e pambrojtur – veçanërisht me të moshuarit mbi 65 vjeç dhe personat me sëmundje kronike, aftësi të kufizuara ose që jetojnë vetëm.

➡️ Mbroni foshnjat dhe fëmijët.

➡️ Mos i lini kurrë fëmijët apo kafshët në automjete të parkuara – temperatura rritet shpejt në mënyrë të rrezikshme.

➡️ Shmangni ekspozimin direkt në diell nga ora 10:00 deri në 17:00 – qëndroni në hije ose brenda.

➡️ Hija mund të ulë ndjesinë e nxehtësisë për më shumë se 10 ˚C.

➡️ Mos mbuloni kurrë karrocën e fëmijës me pëlhurë të thatë – kjo rrit temperaturën brenda saj. Përdorni një pëlhurë të lagur, të hollë, dhe freskojeni herë pas here.

➡️ Vishni fëmijët me rroba të lehta e të lirshme që mbulojnë lëkurën, përdorni kapele me buzë të gjera, syze dielli dhe krem mbrojtës kundër rrezeve UV.

Ndiqni të gjitha udhëzimet për mbajtjen e shtëpisë së freskët për të ruajtur një temperaturë të sigurt brenda saj.

Burimi: Instituti Kombëtar i Shëndetësisë Publike të Kosovës

"Shëndeti fizik dhe mendor nuk janë të ndarë – janë dy anë të së njëjtës monedhë." — Organizata Botërore e Shëndetësisë ...
22/06/2025

"Shëndeti fizik dhe mendor nuk janë të ndarë – janë dy anë të së njëjtës monedhë."

— Organizata Botërore e Shëndetësisë (OBSH)

"SUKSESI NUK ËSHTË RASTËSI!''

Address

Zhegër
Zegra
60520

Opening Hours

Monday 08:30 - 12:30
15:00 - 19:00
Tuesday 08:30 - 12:30
15:00 - 19:00
Wednesday 08:30 - 12:30
15:00 - 19:00
Thursday 08:30 - 12:30
15:00 - 19:00
Friday 08:30 - 12:30
15:00 - 19:00

Telephone

+38346154166

Website

Alerts

Be the first to know and let us send you an email when Qendra Mjekësore Suedeze për Terapi Fizikale dhe Rehabilitim posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Qendra Mjekësore Suedeze për Terapi Fizikale dhe Rehabilitim:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram