Diaverum North Macedonia

13/11/2025

🌍 На 4 ноември 2025 година, во Малме, се одржа годишната Patient Experience конференција. Ова е настан што ги обединува координаторите и претставниците на овој глобален проект од сите Диаверум земји во светот. Конференцијата претставува место за размена на идеи, искуства и најдобри практики, со една заедничка цел: да се подобри секој аспект од искуството на пациентите кои секојдневно се потпираат на нашата грижа.

💬 Преку динамични работилници и панел-дискусии, учесниците споделија инспиративни примери за тоа како емпатијата, слушањето и разбирањето можат да го трансформираат процесот на лекување и да создадат атмосфера на доверба и почит.

🇲🇰 Македонија беше гордо претставена од нашата медицинска сестра Светлана Цветкова, координатор на програмата Patient Experience за нашата земја. Таа одржа одлична презентација за активностите што нашиот тим ги реализираше, фокусирани на едукација и подигање на свеста за бубрежното здравје.

🤝 Овие меѓународни собири ја потврдуваат посветеноста на Диаверум кон заедничка мисија - постојано подобрување на животите на пациентите преку знаење, иновација и вистинска грижа.

11/11/2025

✨ Оваа година, глобалните Диаверум награди, моментот кога ја славиме инспирацијата, компетентноста и пасијата, се одржаа во родното место на нашата компанија, во Малме, Шведска 🇸🇪. Настанот, беспрекорно организиран, беше вистински празник на вредностите што ги обединуваат сите Диаверум професионалци ширум светот.

🎥 Со особено внимание беа проследени емотивните видеа посветени на минатогодишните победници. Нашето видео предизвика момент на гордост, тишина и емоции, симбол на човечноста и посветеноста кои ја дефинираат нашата мисија.

💖 Имавме и дополнителна причина за радост. Нашиот тим од Кочани стана финалист во категоријата „Вистинска грижа“. Тие ја покажаа суштината на грижата која не запира на прагот на дијализните центри, туку продолжува и надвор, во заедницата, меѓу пациентите и нивните семејства. Иако не ја понесоа главната награда, за нас тие остануваат вистински победници. Тие се симбол на човечка топлина, професионализам и посветеност.

🏆 На нашиот тим предводен од генералниот директор Димитар Клисаровски, му беше укажана и можност, како минатогодишен победник, да ја додели наградата на овогодинешните добитници. Овие моменти се потсетник дека вистинската сила на Диаверум лежи во луѓето. Оние што секојдневно прават разлика во животите на пациентите. 💪

04/11/2025

Вистинската грижа не е задача, таа е повик, таа е избор, таа е начин на размислување и делување.

Нашиот тим, Диаверум Македонија, добитникот на наградата во категоријата True Care на глобалните Диаверум награди за 2024, ги живее вредностите на Диаверум секојдневно, комбинирајќи ги со компетенции, страст и инспирација, како би направиле разлика во животот на пациентите.
Проследете ја нашата приказна .
👇👇👇
Тим кој води напред со срцето. ❤️

24/10/2025

👩‍⚕️ Mедицинската сестра Магдалена Величковска го претстави Диаверум Македонија на 21-от Национален симпозиум со меѓународно учество, кој се одржа во Охрид од 16 до 18 октомври, во организација на ЗМСТАМ. 🌊📚
💡 Магдалена настапи со исклучително актуелна тема: „Дигиталната трансформација на клиничките процеси во дијализата“, прикажувајќи како современите технологии значително го подобруваат секојдневниот тек на работа и грижата за пациентите.
🔬 Нејзината презентација истакна конкретни примери на иновативни решенија што ја олеснуваат комуникацијата меѓу медицинскиот тим, ја зголемуваат прецизноста во третманите и придонесуваат за поголема безбедност и удобност на пациентите.
🌍 Преку вакви учества, тимот на Диаверум континуирано го споделува своето знаење и искуство, но и учи од колегите од различни земји, следејќи ги најновите глобални трендови во медицината и дијализата.
💙 Ваквите настани претставуваат можност за размена на искуства, инспирација и поттик за сите здравствени професионалци кои се стремат кон подобра и посовремена грижа за пациентите.
👏 Благодарност до Магдалена за нејзината посветеност и професионален придонес.
Таа е вистински пример за вредностите што ги негува Диаверум! 🌟

23/10/2025

20/10/2025

Горди сме што нашиот тим повторно ја претстави Диаверум Македонија на европската сцена на знаење и грижа! 🌍
Нашите колешки Елисавета Стојанова, Светлана Цветкова и Билјана Јосифова, под водство на директорката на медицински сестри Сокица Геговска, активно учествуваа со свои трудови на престижниот настан организиран од European Dialysis and Transplant Nurses Association / European Renal Care Association – одржан во Порто, од 11 до 14 октомври 2025 година, во Centro De Congressos da Alfândega Do Porto.

Деновите беа исполнети со знаење, инспирација и чувство на заедништво како вистинско потсетување на причината зошто оваа професија не е само работа туку е мисија која се живее. 💙

Нашата колешка, мед. сестра Светлана Цветкова, ја сподели својата работа посветена на едукативните сесии во училиштата - активности што ги охрабруваат децата и младите да развиваат здрави навики, правилна исхрана и грижа за бубрежното здравје.
Дополнително, мед. сестра Билјана Јосифова презентираше труд кој ја нагласи важноста на персонализираните акциски планови за нега, внимателно прилагодени на индивидуалните потреби на секој пациент - пристап што овозможува поквалитетна и поефикасна грижа. 🌿
На крај, мед. сестра Елисавета Стојанова го претстави својот постер, посветен на значењето на навремената и континуирана грижа за пациентите, како и тимската посветеност која создава разлика во секој ден од нивното лекување.
Сите презентации беа топло прифатени и предизвикаа голем интерес кај учесниците. 🍎👩‍⚕️

Особено сме горди што нашата директорка на медицинските сестри, Сокица Геговска, беше учесник и претставник на Диаверум Глобал симпозиумот, носејќи со себе инспирација и нови знаења кои ќе придонесат за уште подобра нега и развој на професијата. 💙

Со вакви професионалци во нашиот тим, инспирацијата да продолжиме со споделување знаење, искуство и хуманост секогаш продолжува 🙌
Заедно, создаваме подобра грижа и посветеност што се чувствува! ❤️

05/10/2025

🏃‍♀️✨ Диаверум Македонија, повторно со срце на стартот.
И оваа година нашиот тим со голема посветеност учествуваше на Скопскиот маратон, трчајќи за здравје и во чест на нашите пациенти! 🎉

👟 Со 60 учесници, ја освоивме скопската патека и уште еднаш покажавме дека духот на единство и грижа што секојдневно го вложуваме во нашата работа, го носиме и на трката. 💙💪

🏁 Секој километар што го поминавме беше симбол на истрајноста и силата што ја споделуваме со пациентите на дијализа, испраќајќи порака на поддршка и надеж.

👏 Нашата мотивација беше препознаена – публиката не заштеди со аплаузи и охрабрувања, кои ни дадоа уште повеќе енергија да стигнеме до целта. Тоа е доказ дека кога сме заедно, можеме да победиме секој предизвик! 🫶🎽

🌟 Диаверум Македонија и оваа година ја потврди својата посветеност на здравјето, солидарноста и активниот живот.
Заедно трчаме за подобро утре! 💖

30/09/2025

Во организација на НЕФРОН - Здружение на граѓани , се одржа значајниот настан: 3ти Меѓународни средби на дијализирани и трансплантирани пациенти во Македонија. Настанот се одржа во хотел „Дрим“ во Струга на 25-28.09.2025📍
🌍 Овој настан ги обедини сите релевантни претставници од јавното и приватното здравство во земјата, како и здруженија на граѓани од Хрватска, Босна и Херцеговина, Србија, Црна Гора и Словенија. Своја поддршка дадоа и претставници од SEEN Transplant (South Europe Network Transplant), создавајќи платформа за регионална размена на искуства,состојби и идеи од областа на дијализното лекување и трансплантацијата.
💙 Диаверум Македонија со гордост беше дел од овој значаен настан, како поддржувач и активен учесник. Со инспиративен поздравен говор се обрати директорот Димитар Клисаровски, а Анета Стамкова, специјалист за комуникации, продолжи со своја презентација. Дополнително, д-р Надица Мисовска, медицински директор во Диаверум Македонија и Шведска, активно учествуваше во панел дискусијата, споделувајќи меѓународни искуства и професионални увиди.
✨ Оваа средба претставуваше можност за вмрежување, споделување на знаење и унапредување на квалитетот на грижата за пациентите.
Честитки до НЕФРОН за одличната организација и голема благодарност за поканата за учество.

26/09/2025

🌟 Со гордост го споделуваме учеството на нашата екипа на 32-от Национален конгрес со меѓународно учество, во организација на Здружението на нефролошки медицински сестри на Србија. Настанот се одржа во прекрасниот амбиент на хотел „Палисад“ во Златибор, во периодот од 18 до 21 септември 2025 година. 🗓️🏔️

Нашите колеги ја претставија Македонија со извонредни усни презентации, со теми кои директно ја одразуваат нивната посветеност на пациентите и унапредување на здравствената нега:
• 👩‍⚕️ Дипл. мед. сестра Светлана Цветкова: „Известување и следење на клинички инциденти: Алатка за унапредување на безбедноста и квалитетот на негата“.
• 👨‍⚕️ Мед. техничар Рајчевиќ Роберт и дипл. мед. техничар Глигоров Филип: „Пациентот во центарот на вниманието: Дислокација на венска игла низ сестринска призма“.
• 👩‍⚕️ Дипл. мед. сестра Билјана Јосифова: „Посветеност која носи промени: Медицинска нега водена од гласот на пациентот“.
• 👩‍⚕️ Мед. сестра Славица Велинска: „d.CARE апликација: Поттикнување на вклученоста на пациентите преку дигитална поддршка“.

Посебна благодарност до дипл. мед. сестра Сокица Геговска - директор на медицинските сестри и коавтор на трудовите, која даде значаен придонес во подготовката на презентациите. 🙌

Ова учество е потврда дека нашиот тим не само што е посветен на секојдневната грижа за пациентите, туку и активно придонесува за развој на современи практики во нефрологијата и медицинската нега. Преку размена на знаење и искуство на меѓународно ниво, ги јакнеме нашите компетенции и поставуваме нови стандарди во грижата. 🌍💡

18/09/2025

Од 11 до 14 септември, во хотел „Холидеј Ин“ се одржа 21. Конгрес на лекари на Република Северна Македонија, кој оваа година беше особено значаен бидејќи се одбележаа 80 години од постоењето на Македонското лекарско друштво 🎉. Настанот беше збогатен со меѓународно учество 🌍 и претставуваше можност за размена на најновите сознанија и практики во медицината 📚.
Нашата д-р Калиопи Порчу имаше чест да ја претстави својата експертиза преку орална презентација 🎤 на тема: „Synchronous tumors in a hemodialysis patient: Adenocarcinoma of the sigmoid colon and invasive papillary urothelial carcinoma of the urinary bladder“. Со ова учество уште еднаш го потврдивме нашето залагање за следење на современите трендови и придонес кон развојот на медицинската наука 🩺. Конгресот отвори простор за нови соработки 🤝, идеи и дополнително зајакнување на професионалната заедница.
Веруваме дека ваквите настани се двигател на постојаната едукација и унапредување во здравството ✨.