16/09/2025
🌍 Kelajak O‘z Qo‘lingizda – OITSsiz Jamiyatni Birga Quraylik!
🧬 OIV (odam immunitet tanqisligi virusi) – bu odam organizmidagi immunitet tizimini zararlantiruvchi virus bo‘lib, u organizmning kasalliklarga qarshi kurashish qobiliyatini pasaytiradi.
📌 OIV infeksiyasiga chalingan odam o‘zini sog‘lom his qilishi mumkin, ammo u virus tashuvchisi bo‘ladi. Virus sekin-asta immunitetni ishdan chiqarib, OITS (AIDS) bosqichiga olib keladi.
❗ OIV qanday yuqadi?
🔴 1. Jinsiy aloqa orqali – himoyalanmagan va tartibsiz jinsiy aloqalar xavfni oshiradi.
🔴 2. Qon orqali (parenteral yo‘l) – infeksiyalangan qon, ishlatilgan igna va shprislar, steril bo‘lmagan tibbiy asboblar orqali.
🔴 3. Onadan bolaga (vertikal yo‘l) – homiladorlik, tug‘ruq yoki emizish jarayonida.
✅ OIV quyidagi holatlarda YUQMAYDI:
☑️ Qo‘l berib ko‘rishganda yoki quchoqlashganda
☑️ Birgalikda ovqatlanilganda yoki bir idishdan ovqat yeyilganda
☑️ Hammom, hojatxona, suv havzalaridan foydalanganda
☑️ Hasharotlar chaqqanida
☑️ Havo orqali yoki suhbat paytida
OIVdan himoyalanishning asosiy yo‘llari:
🔹 Sog‘lom turmush tarziga amal қилиш
🔹 oila qurib vafodor yashash, yoki himoyalangan jinsiy hayot kechirish
🔹 Steril tibbiy anjomlardan foydalanishga e’tibor berish
🔹 Soch-saqol olish, manikyur, pedikyur kabi xizmatlarda gigiyenaga amal qilish
🔹 Shubhali qon quyishlardan ehtiyot bo‘lish
Unutmang: OITS bu kasallik emas – bu xabardorlik masalasidir. Har birimiz ongli va ehtiyotkor bo‘lsак, OITSsiz jamiyat barpo etishimiz mumkin!
