دكتوراه في طب الاطفال وحديثي الولادة
بكلوريوس طب و جراحة عامة
10/07/2025
مساء الخير شلووونكم 😇
هذا موديل الصور جديد هسه وصلني وحبيت اسوي كم صورة 😅
واجه ببالي موضوع كلت نسولف بي شويه
التكنلوجيا
هي حلوه ومفيدة للي يستغلها صح ويطور من نفسه ووضع أطفالة بعمر يسمح الهم هذا الشي
بس الاطفال اللي تستخدمه تحت عمر الأربع سنوات هذا جرم بحق الطفل 🤕🤕
الأهل يجون العياده الطفل مينطق ولا كلمة 🤐
اول سؤال اسألهم الطفل يتفرج تلفون وتلفزيون وايباد🤳🏼
الجواب اي طبعاً دكتور لعد شلون يسكت ويلتهي 😱😱
وهذا النتيجة الطفل ميحجي ولا يتفاعل ويتعامل ويا البشر مثلة مثلنا لان دماغه عايش بالتلفون وباللي يتفرجة
وبهاي الحالة تكون التكنلوجيا نقمه النا ☹️
بعد الأربع سنوات ممكن نستخدمها ساعتين باليوم ولأغراض تعليمية تفيد الطفل مو للهو 🧚🏻♀️
قبل الأربع سنوات
الطفل محتاج اختلاط بأطفال بعمره
محتاج كلام ويا على طول
والتعليم المستمر لكلشي ممكن يشوفه خلال يومه 🏃🏼➡️
حتى متواجهنا مشكلة ضعف النطق 🗣️
ما افضل ابداً استخدام اي شي من الاجهزة الذكية قبل الأربع سنوات 😑
وخلونا نشوف صور أطفالكم بهذا البرنامج نزلوها وخلي نتفرج 😍
الدكتور:- علي شاكر الجنابي 👨⚕️
اخصائي الأطفال وحديثي الولادة 👦
لأي استفسار على الرقم
07730878973 ☎️
09/07/2025
مساء الخير عليكم ❤️
احلى كلام اسمعه منكم من افتح الكروب والكي هذا كلام الماميات 🥹🥹
شكراً لكلامكم ولثقتكم ويارب يقدرني واكون دائماً عند حسن ظنكم 🙏🏻💛
يارب على طول صحه وعافيه إلى كل أطفالنا ❤️
اكتبو النا شنو اكثر موقف يذكركم بينا 😍
واللي ممسوي انضمام لكروب التلكرام
خلي يدز مسج على الخاص حتى نرسل الكم رابط الانضمام 🙏🏻
الدكتور:- علي شاكر الجنابي 👨⚕️
اخصائي الأطفال وحديثي الولادة 👦
لأي استفسار على الرقم
07730878973 ☎️
06/07/2025
نعزي الأمة الإسلامية بذكرى شهادة
سيد الأوصياء وأهل بيته واصحابه 🙏🏻
مراجعينا الأعزاء نود إبلاغكم اليوم سوف يتم غلق العيادة
وعدم التواجد في المستشفى
لأي حالة طارئة متواجد طبيب على مدار 24 ساعه
في قسم الخدج / مستشفى المؤيد الأهلي 🏥
وغداً نستأنف الدوام في العيادة
صحة وعافية لكل الأطفال 🙏🏻
الدكتور :- علي شاكر الجنابي
اخصائي الأطفال وحديثي الولادة
Be the first to know and let us send you an email when الدكتور علي شاكر الجنابي posts news and promotions. Your email address will not be used for any other purpose, and you can unsubscribe at any time.
