04/09/2020
ဝ လည်းချစ်မှာပါဘဲ, ဒါပေမဲ့----
# အတောင်၂၀ ဝတ် ယွကျားများသည် မိမိ၏ချစ်သူ ဝလည်း သစ္စာရှိစွာ ချစ်ကြပါသည်။ ဤကဲ့သို့ ကြွေးကြော်ကြလေ၏။
“လှတာက ချက်စားလို့မရဘူး,ဝတာကမှ ဖက်ထားလို့ရ”
“ လှလို့ဝလို့ဘဲရှိတယ်,လှလို့ပိန်လို့ဆိုတာမရှိဘူး”ဟူ၍
ဟို နံမည် ၄ လုံးနဲ့ ရှမ်းရက်ပ်ပါလေးကလည်း သီချင်း ဆိုထားသေးတယ်၊
“ ဝိတ်မချပါနဲ့အချစ် “ တဲ့
Fat shaming/ body shaming ဆိုတာကလည်း လူကြီး လူကောင်း ယွကျား မလုပ်သောအရာတစ်ခုပါ။
# # ဝတယ်/မဝဘူးဆိုတာကို ဘယ်လိုသိမလဲ !!!!
Body Mass Index ( BMI ) နဲ့ တိုင်းတာကြပါတယ်၊
- ၁၇.၅နဲ့ အောက်- အလွန်ပိန်( စားသောက်မှု ပြဿနာရှိ)
- ၁၇.၅ -၁၈.၅ - နဲနဲပိန်
- ၁၈.၅-၂၄.၉ - ပုံမှန် အလေးချိန်
- ၂၅-၂၉ - overweight ( နဲနဲဝ )
- > ၃၀ obesity ( တော်တော်ဝ )
- > ၄၀ morbid obesity ( အလွန်ဝ )
)
# # # ဝပြီးကျန်းမာနေတဲ့သူတွေ အများကြီးပါဘဲ၊ ဒါပေမဲ့ ဝပြီး ဖြစ်နိုင်ချေရှိလာတဲ့ ပြဿနာ ရောဂါများလည်းရှိပါတယ်၊ ဥပမာ-
- သွေးတိုး
- ဆီးချို
- နှလုံးသွေးကြောကျဉ်း
- အသဲအဆီဖုံး စသည်ဖြင့်ပေါ့။
# # # ဒါဆို အဝလွန်ခြင်းကြောင့် မျိုးဆက်ပွားကျန်းမာရေးကို ဘယ်လို အကျိုးသက်ရောက်နိုင်သလဲ ??
ဝတဲ့ဇနီးမောင်နှံတွေလည်း သားသမီးရကြပေမဲ့လည်း တချို့မှာ သားသမီးရရန် ခက်ခဲကြန့်ကြာနေတတ်ပါတယ်၊
ဘာကြောင့်ဖြစ်နိုင်တာလဲဆိုတော့-
- ဝတဲ့အမျိုးသားတချို့မှာ သုတ်ပိုးအားနည်း
- ဝတဲ့အမျိုးသမီးတချို့မှာ-
မမျိုးဥမကြွေခြင်း၊
ရာသီမမှန်ခြင်း၊
ကြွေသောမမျိုးဥမှာလည်း ကွာလတီမကောင်းခြင်း။
အကယ်၍ ကိုယ်ဝန်ရခဲ့မယ်ဆိုရင်လည်း ပုံမှန်အလေးချိန်
ရှိတဲ့မိခင်တွေထက် ပိုပြီး သားလျှောခြင်း၊ စောမွေးခြင်း၊ သေးငယ်လွန်း/ကြီးထွားလွန် ကလေးတွေမွေးဖွားနိုင်ခြင်း၊
ထိုကလေးငယ်များသည်လည်း ကြီးလာသည့်အခါ အဝလွန်ခြင်း၊
ဆီးချို/သွေးတိုး စသည့် ရောဂါများ ဖြစ်နိုင်ချေများခြင်း စသည့် ပြဿနာများကြုံတွေ့ရနိုင်ပါတယ်။
# # # #ကိုယ်အလေးချိန် ထိန်းသိမ်းနိုင်ရန်အတွက် ဆောင်ရွက်ရန်
နည်းလမ်း (၃)ခုရှိပါတယ်။
၁) အစားအသောက်နဲ့ လေ့ကျင့်ခန်း
၂) ပိန်ဆေး
၃) ခွဲစိတ်ခြင်း
# # # # ဒါဆို မိမိ၏ချစ်သူ ဝဝလေးကို ပိုကျန်းမာစေရန်၊ သားသမီး ရတနာကောင်းကောင်းလေးမွေးဖွားနိုင်ရန် ပြောရပေတော့မည်။
ဒါပေမဲ့ အပြောမတတ်လျှင် အရစ်ခံရနိုင်သည်၊
“ ဘာလဲ,ရှင်က ဝရင်မချစ်နိုင်တော့ဘူးပေါ့ “
“ အခုတော့အချိုးတွေ ပြောင်းကုန်ပီပေါ့” စသည်ဖြင့် 😜😜
ဒီတော့ ပူးပေါင်းဆောင်ရွက်ခြင်းနည်းနဲ့ ခံသာအောင် ပြောဆို သိမ်းသွင်းရပေတော့မည်၊
“ ချစ်ရေ, ဒီနေ့တော့ အရွက်ပြုတ်လေးတူတူစားရအောင်@
“ Gym မန်ဘာအတူဝင်ပြီး ပုံမှန် အတူတူသွားရအောင်”
စသည်ဖြင့်😜😜😜
# # # #ကိုယ်ခန္ဓာအလေးချိန် ထိန်းသိမ်းဖို့အတွက် အစားအသောက်မှန်ကန်စွာ ရွေးချယ်စားသောက်မှုက ၆၀-၇၀%
ကိုယ်လက်လေ့ကျင့်ခန်းက ၃၀-၄၀% အရေးကြီးလှပေသည်။
အလေးချိန် ၅-၇% လျှော့ နိုင်လျှင်ပင် အလွန်ထိရောက်လှပေသည်၊ ဥပမာ- ပေါင် ၁၄၀ ရှိသော အမျိုးသမီးသည် ၇-၁၀ ပေါင် လျှော့ချနိုင်ရုံမျှဖြင့် ---
- အထွေထွေကျန်းမာရေးပိုကောင်းလာခြင်း၊
- ဓမ္မတာ ပိုမှန်လာခြင်း၊
- မမျိုးဥကြွေ မှန်လာခြင်း
- သားသမီးရရန် ပိုလွယ်ကူလာခြင်း
- ကိုယ်ဝန်ဆောင်စဉ် ကျန်းမာရေးပြဿနာများ နည်းပါးခြင်း
- မွေးဖွားရ လွယ်ကူခြင်း
- ကလေးတွင် မွေးရာပါချို့ယွင်းချက်ပါနိုင်ချေနည်းပါးခြင်း
စသည့် အလွန်ကောင်းမွန်သော အကျိုးကျေးဇူးများ ရရှိနိုင်ပေသည်။
# # #အကယ်၍ လိုအပ်လို့ ဖြန်ပြွန်သန္ဓေသားနည်း(IVF) သုံးရမည် ဆိုရင်လဲ ကိုယ်ခန္ဓာအလေးချိန်မှန်ကန်တဲ့အတွက်-
- မမျိုးဥနှိုးဆွဆေး လျော့ထိုးရခြင်း
- မမျိုးဥ ပိုထွက်ခြင်း
- ကိုယ်ဝန်ရရှိအောင်မြင်နိုင်ချေ ပိုများခြင်း
- ကုန်ကျစားရိတ်ပိုသက်သာခြင်း စတဲ့ အကျိုးများရရှိနိုင်မှာ
ဖြစ်ပါတယ်။
# # # # ဒုတိယနည်းဖြစ်တဲ့ ပိန်ဆေးကတော့ ဘေးထွက်ဆိုးကျိုးများ ရှိနိုင်တဲ့အတွက် ကျွမ်းကျင်ဆရာဝန်နဲ့တိုင်ပင်ပီးမှ သောက်သင့်ပါတယ်။
# # # # တတိယနည်းကတော့ BMI >40ကျော်သွားတဲ့ ခင်သန္တာသက်ချိုပြုံး အတွက်ကတော့ Bariatric Surgery လို့ ခေါ်တဲ့ နည်းနဲ့ခွဲစိတ်ကုသနိုင်ပါတယ်။
# # # # # အချုပ်အားဖြင့် တဖက်က “ဘယ်လောက်ဝဝ ချစ်ပါတယ် လို့” ပါးစပ်က တသွင်သွင်ပြောပီး တဖက်ကလည်း နည်းပရိယာယ် ကြွယ်ဝစွာဖြင့် မဟာပုရိသ ယွကျားများက ကိုယ်တိုင်ပူးပေါင်း ဆောင်ရွက် ဝိတ်ချစေခြင်းဖြင့် ပျော်ရွှင်ချမ်းမြေ့သော မိသားစုဘဝ
ပိုင်ဆိုင်နိုင်မှာ ဖြစ်ပါကြောင်း😍😍😍😍😍😍
ဖိုတို- အင်တာနက်
