- دكتوراه في علم النفس التربوي
- ماجستير إرشاد نفسي
- ليسانس آداب قسم علم نفس
- عضو الجمعية المصرية للمعالجين النفسيين
- عضو المعهد العربي للصحة النفسية
-دبلومة العلاج المعرفي السلوكي الإنتقائي متعدد الأبعاد
- دبلومة العلاج الجدلي السلوكي المعياري لاضطرابات الشخصية …
- حاصلة علي برنامج علاج نفسي تكاملي لاضطرابات كرب ما بعد الصدمة ( علاج معرفي سلوكي، وعلاج جدلي سلوكي، وعلاج بالتقبل والالتزام)
- العلاج المعرفي السلوكي متعدد الأبعاد للاكتئاب الأساسي
- العلاج المعرفي السلوكي متعدد الأبعاد لاضطراب القلق العام والرهاب الاجتماعي
- العلاج المعرفي السلوكي متعدد الأبعاد لعلاج الوسواس القهري
- دبلومة الإرشاد الأسري
- دبلومة العلاج الزواجي
- مدرب تربية إيجابية معتمد
- تأليف والمشاركة في تأليف موسوعة التربية الحديثة ( 7 مجلدات )
- السعادة الزوجية ( 9 كتب )
- خبرة عملية لأكثر من 20 عام مصر / السعودية
- أخصائي نفسي ، ومعالج سلوكي..
مقر العمل : مركز تواصل للخدمات النفسية والاستشارات
التجمع الخامس - مدينة نصر
للحجز والاستعلام :
+20 111 076 7625
+20 102 403 3300
03/08/2025
🤍🤍
25/07/2025
يارب 🤲🏻
💕
25/07/2025
تخيّل طفلك اللي بتقعد تتحايل عليه وتشجعه عشان يكمل طبقه، ولا يشرب عصيره !!
في لحظة بقى بيعيط، وبيموت قصاد عينك من الجوع وانت مش قادر تديله شربة لبن !!
لما صورة طفل رضيع بينهش الجوع في جلده ولحمه، وعظمه، وبيموت بالبطىء وهو منتظر من الجماد- اللي في فمه - يحن عليه بقطرة لبن
وما يلاقيش ! يبقى عار علينا .
مات الإحساس، و تلاشت الإنسانية، وجفت ضمائر العالم العطوف ، المتحضر . !
#عْزة_تموت_جوعاً
21/07/2025
هُناك لا تُعدّ الوجبات بثلاث،
بل يُعدّ الصمود حياً في وجه الجوع ..!!
و هنا يُميتُنا العجز
ويميتنا العار أن تأكل ثلاثاً
وأخوك لا يجد لقمة واحدة
ليبقى على قيد الحياة .
#عْزة_تموت_جوعاً
18/07/2025
في زمن عمر بن الخطاب رضي الله عنه، أصابت الشام مجاعة شديدة، وبدأ الناس يموتون جوعاً فكتب أبو عبيدة بن الجراح يستنجد بالخليفة.
فقال عمر :
أين عبد الرحمن بن عوف؟!
فجاء، فقال له عمر :
إخوانك يموتون جوعاً ، فاختر لنا من مالك ما نطفئ به عنهم نار الجوع .
فأرسل عبد الرحمن بن عوف قافلة كاملة من الطعام والثياب والدواب، حتى قيل إن بعض أهل الشام بكوا من شدة الفرح لما وصلت المساعدة.
ولما شكروه، قال :
ما فعلته إلا لأني أخاف أن أُسأل عنهم يوم القيامة، فأعجز عن الجواب.
في عْزة يُحاصر الناس، يُجَوَّعون، يُطردون من بيوتهم، يُحاصرهم الموت من كل مكان
يبكون ليل نهار وأصواتهم لا تصل، لعالم أصم، أبكم، أعمى .
قال صلى الله عليه وسلم :
(من لم يهتم بأمر المسلمين فليس منهم)
اللهم فرجاً من عندك لإخواتنا، ولا تجعلنا ممن سكتوا، وخذلوا، وهم قادرون ..
ولا حول ولا قوة إلا بك .
16/07/2025
الشخص اللي بيحب بشكل مندفع 😍
أو مُبهر أو مبالغ فيه من أول العلاقة
غالبًا هو نفسه الشخص اللي ممكن
يقلب عليك غضب، وعصبية،
واحتمال كره بنفس الحِدة
مع أول تقصير أو غلطة ولو صغيرة .
في أي علاقة زواج / صداقة / ….
مهم أوي تختار الناس اللي عندهم
اتزان نفسي وعاطفي، واللي عقلهم سابق
مشاعرهم بخطوة ، مش العكس .
الاندفاع في الحب مش دليل أبداً
على عمق إحساس الحب
أحياناً بيكون علامة على عدم النضج الانفعالي
والطفولة النفسية !
وده اللي بيخلي العلاقة معرضة للتقلبات الكتيرة والشد والجذب ، و الهجر، والإهمال، والانهيار، والصدمات .
ما تنبهرش بالعاطفة القوية
قبل ما تشوف البلوى اللي وراها إيه 😎 !!
واللي ما يعرفش يتحكم أو يدير مشاعره، غالباً مش هيعرف يتحكم في تصرفاته، وهيلاقي ألف مبرر لأذاه أو إهماله أو هجره ليك وباسم الحب . 🌸
#سيكولوجيا
09/07/2025
و اعلم أنه ليس من المرؤة أن تُقحم أنفك
في وجع مُبتلى أو متألم
أو تكن سبباً في زيادة كسره
أو تضع ثقل يديك رابتاً على الجرح
فتفتحه من جديد
حتى وإن تظاهرت بثوب البراءة و النُبل
فهذا والله فِعل الأندال
و إذا أردت أن تكون مُعلماً فكن رحيماً أولاً
ولا تكن عوناً للشيطان على أخيك حال ضعفه
أو صدى للأذى باسم العدالة
ولا ظلًا للشر باسم الحكمة، والموعظة الحسنة .🌸
ُني
#سيكولوجيا
08/07/2025
أكتر حد ممكن يإذيك، هو النسخة الضعيفة منك انت شخصياً ..
اعرفها ، و ارحم ضعفها، وسامحها ..
عشان تصح، وتقف على رجلك ..
بس اوعى تديها مفاتيح القيادة .🌸
#سيكولوجيا
08/07/2025
مفيش مبرر للكذب لكن ممكن يتفسّر !!.
وخاصة وقت الصدمات الكبيرة، زي فقد بيت، علاقة، وهوية كنتِ مستثمرة فيها أغلب سنين عمرك !!.
الإنسان أحيانًا ما بيقدرش نفسيًا يواجه الفراغ اللي بيسيبوا الفقد،
فيدور - لا شعورياً- على خطة تعويضية تنقذه من الألم ومشاعر الفقد .
يدوّر على قيمة بديلة… وهوية جديدة تنقذه من الغرق
خصوصًا لو خسر أهم انجاز في حياته ( العيلة والبيت والأولاد …. )
في حالة التحليل النفسي يقرأ سلوكها الأخير كآليتين دفاعيتين مشهورين جداً في التحليل النفسي :
1. ( التعويض )
فجأة بتتكلم على نفسها كفنانة ومُبدعة ونشوفها بتنسب لنفسها أعمال غيرها ولا مش من صنع إيديها .
مش لمجرد لفت الانتباه،
لكن النفس هنا بتحاول تقول:
أنا لسه ليا قيمة ولازمة وأنا مش ضحية انفصال،
أنا كمان صاحبة رؤية وعندي موهبة وفن، وهوية وتأثير
حيلة التعويض بتشتغل لما الشخص يحس فجأة إنه صِغُر،كأنه ما بقاش يساوي حاجة.
فيبدأ ينفخ نفسه قدام العالم علشان “يعيد القيمة المفقودة حتى لو بالحيل، أو بالادّعاء، أو حتى بالكذب . .
2. تاني حيلة (التقمّص)
بدأت تتقمّص صور وإبداعات غيرها
تنسبهم لنفسها وبتعيش جواهم، وتعرض فنهم كأنه فنها خاصة إن كل صورة اختارتها كانت بتحكي شيء يخصها، أو يمسّها، أو يعبّر عن وجع هي مش قادرة تحكيه قدام الكاميرات .
التقمّص بيحصل لما الشخص يفقد صورته القديمة اللي بيتعكز عليها :
زوجة السوبرستار ، واللي الناس بتهاجمها حتى أولادها
فيبدأ يلبس صورة حد تاني شايفه قوي، مبدع، محبوب، ناجح علشان يقنع نفسه لا شعورياً :
أنا دي ، أنا لسه أستحق النجاح والشوفان
“أنا فقدت بيتي، وزوجي، وأبويا و اللي اسمي كان متشال بيه فهعيش نفسية فنانين تانيين مبدعين وأصدق ان أنا هما
وأقدّم ده للعالم كجزء من حكايتي اللي محدش يعرفها، ولا عمره فهمهاو خاصة الجزء اللي خلف الأبواب المغلقة ..
#الخلاصة:
انت مش انت وانت جعان
وانت كمان مش انت وانت موجوع
أو مصدوم، أو مكتئب أو مكسور ..
في وقت الانهيار أو الصدمة ، ممكن النفس تخلق شخصية مزيفة أو هجينة هدفها الوحيد : النجاة بأي تمن بغض النظر عن العواقب الوخيمة .
ممكن وقتها تتخلى عن منظومة القيم زي الصدق، العدالة، والأصالة ونسب الحق لأصحابه …
مش لأنها شريرة، ومتعمدة الأذى والإساءة لغيرها من أصحاب الحقوق
وهنا مش ببرر الكذب ، الكذب خطأ فادح
لكن كمان مش دايمًا سببه خبيث أو نية عدوانية .
أحياناً بيكون نداء استغاثة من نفس بتغرق،
وبتتعلّق بأول طوق نجاة ،
وحتى لو الطوق نفسه هيغرقها أكتر زي ماحصل .
للمرة الأخيرة:
التحليل النفسي ما بيبرّرش السلوك ، هو بيفكّكه ويفسره علشان نفهمه .
مها غلطت فعلا لكن كمان اعتذرت :
ومش من المرؤة إننا نجلد حد واقع،
فاقد، ومضروب، وبينزف…
يا ملايكة ياللي ما بتغلطوش . !!!
#سيكولوجيا
05/06/2025
أسأل اللهَ العظيم ..
في هذا اليوم *يوم عرفه*
أن يبلغنا و إياكم أطيب معايش الدنيا ، و أعلىٰ منازل الجنة ،
و أن يجعلنا و إياكم ممن طال عمره ، و حسن عمله ، و بورك له في رزقه، وصحته، و ماله ، وولده ، و كتبه الله من السعداء في الدارين
و اجعلنا يا رب ممن تباهي بهم ملائكتك …
و ممن قلت فيهم :
*اني غفرت لهم*
يارب 🤍🤍
23/05/2025
( إنهم فتية آمنوا بربهم وزدناهم هدى )الكهف 13
هم بدأوا بالإيمان، والله سبحانه تولّى الزيادة ...
يعني النية والقرار جاي من القلب،
وخطوة منك ، وربّنا بيكمله بالهداية والتوفيق .
- ابدأ بخطوة واحدة ناحية التعافي، أو النمو وربنا هيعينك تكمل ..
ربنا مش بيطالبنا بالكمال، لكن بيطالبنا بالصدق في البداية .
- تبدأ رياضة ولو بالمشي
- تبدأ تنام نوم صحي
- تبدأ تاكل أكل صحي
- تبدأ تدون مشاعرك، وأفكارك
- تبدأ تواظب على الصلاة
(ولو صلاة في اليوم ثم اتنين لحد ما يبقوا خمس صلوات )
- تبدأ تصوم ولو يوم في الشهر
- تبدأ بقراءة ولو صفحة يومياً من القرآن
- تبدأ تخصص ولو دقيقة دعاء
- تبدأ تمارين التنفس العميق
- تبدأ تقلل عادات مؤذية زي التدخين والسهر والوجبات السريعة، … الخ
- تبدأ تشرب مياة كافية وتمنع الأكل بين الوجبات
- تبدأ تحاول تبعد عن أي عادة أو سلوك يحسسك بعده بالذنب أو الخزي ..
Be the first to know and let us send you an email when Faten Omara - فاتن عمارة posts news and promotions. Your email address will not be used for any other purpose, and you can unsubscribe at any time.
