https://www.facebook.com/132772979922441/

Marwa Pharmacy صيدلية مروة, ديرب نجم بجوار مدرسه السويدي للغات, El-Ibrâhîmîya (2025)

14/11/2025

😅

09/11/2025

⛔⛔ ناس كتير من اللي عندها الدور بتاع اليومين دول بيجي لهم بلغم بس للاسف
عدم التعامل مع البلغم بطريقة صحيحة ممكن يخلي البكتيريا تتكاثر عليه،
وساعتها بدل ما الموضوع يبقى دور برد بسيط،
يتطور لـ التهاب رئوي أو تحتاج مضاد حيوي 😷

☁️
البلغم ده مادة لزجة وسميكة شوية، كلنا عندنا منها طبيعي.
بس لما يجيلك دور برد أو التهاب بيبقى اثقل وبيبقى في صعوبه ان الجسم يطرده

الفكرة إنك لازم تفكّه وتخليه خفيف علشان جسمك يعرف يطرده بسهولة 💪

💧 أول وأهم حاجة: السوائل!.
ليه؟ لأن البلغم عبارة عن مخاط ومية، فكل ما تزود المية في جسمك البلغم هيفك ويتحرك بسهولة.

لو ما شربتش مية كفاية، الجسم هيحاول يحتفظ بالمية للأعضاء المهمة (زي المخ والقلب)،
وساعتها الإفرازات تقل والبلغم يبقى أكثر سُمكًا 😬

> 🩵 نصيحة: اشرب سوائل دافية ، لأنها بتساعد تفك البلغم أسرع.

🫖 زي مثلا

🍋 1. الليمون الدافئ

بيساعد جدًا على فك البلغم وتنظيف الحلق.

خليك فاكر: الليمون الدافئ مش المغلي!
لو غليت الليمون، فيتامين C بيتكسر.
فاغلي المية الأول، وسيبها تهدى شوية (حوالي 70 درجة)، بعدين حط الليمون.

🌿 2. الجنزبيل (الزنجبيل)

فيه إنزيمات مضادة للالتهاب بتقلل احتقان الأغشية المخاطية.

لما تشربه، البلغم بيفك أسرع.

جرب تضيف عليه عصرتين ليمون بعد ما المية تبرد شوية… هيفرق جدًا 👌
( معاك كمان اليانسون والتيليو وورق الجوافه وورق اللبلاب)

🍲 3. الشوربه

بتقلل الالتهاب وبتساعد على خروج البلغم.

كمان شوربة الخضار أو اللحمة مفيدة جدًا لأنها سوائل دافية مليانة معادن..
في البيت، ممكن تغلي مية وتستنشق البخار (من غير ما تقرب وشك قوي).
ده بيساعد يفك البلغم جدًا.

🧂 غرغرة المية والملح

غرغرة بسيطة بـ ماء دافئ + ربع معلقة صغيرة ملح كل 4 ساعات:

بتقلل الاحتقان

بتكسر البلغم

وبتنضف الزور

بس خلي بالك
ما تزودش الملح علشان ما تلتهبش الأغشية.

وأخيرا بقي اللبان الدكر
انقع قبضه على لتر ميه دافيه وسيبها من بالليل للصبح واشرب كوبايه كل يوم قبل الاكل
حرفيا هتحس بسحر لانه مضاد قوي للالتهابات

💊 نيجى للأدوية

الكحة نوعين:
1️⃣ كحة جافة (من غير بلغم)
2️⃣ كحة ببلغم

⚠️ اوعى تاخد دواء "مضاد للكحة" وانت عندك بلغم!
لأن الكحة دي وسيلة الجسم إنه يطرد البلغم، ولو منعتها هتخليه يتراكم في صدرك.

💥 الحل: تاخد دواء "طارد للبلغم"

للكبار: في دوى اسمه أسيتايل سيستين (N-Acetyl Cysteine) بتركيز 600 مجم
بيتاخد مرتين في اليوم، وده بيساعد يسيّح البلغم بشكل ممتاز.
أول يومين ممكن تحس البلغم زاد شوية — ده طبيعي لأنه بيتفك وبيطلع.

فيه كمان أدوية تانية شوربه هتلاقيها طاردها ومذيبه للبلغم

🧒 الأطفال أقل من 6 سنين لازم يستشيروا الطبيب قبل أي دواء بلغم أو كحة.

🧫 إمتى تحتاج مضاد حيوي؟
لو البلغم بقى:

لونه أصفر أو أخضر

ومعاه سخونية أكتر من أسبوع

أو الوضع مش بيتحسن

يبقى لازم تروح للدكتور يحدد لك العلاج المناسب لحالتك

لو طبقت النصايح دي هتحس بفرق كبير جدًا 💪

بحبكم في الله

18/10/2025

1. الكورتيزون مش دايمًا وحش!
الناس فاكرين إنه بيدمر الجسم، بس الحقيقة إن الجرعة الصغيرة ولمدة قصيرة ممكن تنقذ حياة، زي في الحساسية الشديدة أو أمراض المناعة.

2. المضاد الحيوي ملوش أي علاقة بالبرد أو الفيروس!
يعني لما الدكتور يقولك "مافيش داعي لمضاد"، هو مش بخيل الفيروسات مش بتتأثر بالمضادات أصلًا.

3. دواء الباراسيتامول (بانادول – سيتال) موجود في أكتر من 200 دواء تاني!
يعني ممكن تاخدي نوعين مختلفين من غير ما تعرفي إن فيهم نفس المادة وتعملي تسمم كبدي وانتِ مش واخدة بالك

4. فيتامين C مش بيعالج البرد!
هو بس ممكن يقلل شوية من مدة الأعراض لو اتاخد بانتظام قبل ما تمرضي، لكن بعد البرد ما يبدأ… ملوش تأثير كبير.

5. أدوية الكحة "ما بتوقفش الكحة" فعلًا!
هي بس بتخلي الكحة ألطف أو أسهل في الطرد، لكن الجسم لازم يكح علشان يخرج المخاط.

6. المسكنات زي البروفين والفولتارين ممكن تأذي الكلى لو اتاخدت كتير!
خصوصًا مع قلة الميه أو عند اللي عندهم ضغط عالي.

7. الأدوية اللي بتتحط تحت اللسان (زي النيتروغليسرين للقلب) بتشتغل في ثواني،
عشان بتروح على الدم مباشرة من غير ما تعدي بالكبد.

8. اللبن مش بيمنع مفعول الدوا زي ما الناس فاكرة!
بس في أدوية معينة بس اللي بتتأثر بالكالسيوم، زي بعض المضادات الحيوية (التتراسايكلين)

9. أدوية الحساسية (زي تلفاست وزيرتك) مش لازم تسبب نوم!
في منها جيل جديد مبيعديش للمخ، فبتخليك فايق وعادي جدًا تسوق أو تشتغل وانت واخداها.

10. المسكنات اللي فيها كافيين (زي بانادول إكسترا) مش بتزود المفعول بس،
لكن كمان بتخليكي تصحي وتفوقي شوية لأن الكافيين بيمنع الإحساس بالخمول اللي بيجي مع الألم.

11. فيتامين د مش مجرد "فيتامين"،
هو في الحقيقة هرمون بيلعب دور في المناعة، المزاج، العظام، والهرمونات التانية كمان!

12. أدوية الحموضة لو استخدمتيها كتير ممكن تسبب نقص فيتامين ب12 والمغنيسيوم!
لأنها بتقلل حمض المعدة اللي بيساعد في امتصاصهم.

13. في أدوية بيزيد مفعولها لو اتخدت بالليل!
زي أدوية الكوليسترول (الستاتينز) لأنها بتشتغل أحسن وقت الجسم بينتج الكوليسترول أثناء النوم.

14. الكبسولة مش دايمًا لازم تتبلع!
في أنواع مخصوصة تتفتح ويتاخد محتواها (زي أدوية الأطفال أو اللي عندهم صعوبة بلع)،
بس مش كلها ينفع كده، في أنواع لو اتفتحت تبطل شغلها أو تبقى سامة!

15. فيتامينات الحمل مش مجرد "مكملات"،
دي بتقلل فرص العيوب الخِلقية في الجنين بنسبة ضخمة لو اتاخدت من قبل الحمل بشهرين.

16. لما تاخدي دوا وتكتبي عليه "SR" أو "XR" أو "CR"،
ده معناه إنه ممتد المفعول، يعني مينفعش تقسميه نصين وإلا المفعول كله يبوظ!

17.
الأسبرين بيتاخد بجرعة صغيرة جدًا (75 - 100 مجم) عشان “يمنع الجلطات”
بس نفس الدوا بجرعة كبيرة ممكن يسبب نزيف في المعدة
الفرق بين العلاج والسم... الجرعة!

18.
دواء الكحة للأطفال؟ أغلبهم ممنوع تحت ٦ سنين!
لأن الجسم لازم يكح عشان يطرد المخاط، والدوا ساعات بيمنع ده وبيخنق الطفل أكتر

19.
المضاد الحيوي مش لازم تخلص الكورس كله لو الدكتور قالك توقف!
القاعدة القديمة دي اتغيرت… لأن الإفراط في المضادات هو اللي عمل بكتيريا خارقة مش بتموت

20.
الحقن العضل مش دايمًا أقوى من الأقراص!
في أدوية كتير بتمتص من المعدة أحسن وأسرع من الحقنة نفسها

16/10/2025

مش كل مضاد حيوي شراب لما يتحل يتحط في التلاجة❎

💊 في مضادات حيوية لو اتحطت في درجة حرارة منخفضة بتكوّن crystals (بلّورات)
وده يخلي الدوا يكون غير ذائب جيدا وغير متوزع بالتساوي وده يؤثر علي الجرعة 👎
🔹 الأمثلة الأشهر:
Zisrocin&Unizithrin (Azithromycin suspension)
Suprax (Cefixime suspension)
Maxdinir (Cefdnir suspension)
Klacid (Clarithromycin suspension)

📌 القاعدة:
احفظهم في درجة حرارة الغرفة (حتى 25°C)
وتخلص منهم بعد 7 أيام من التحضير.

24/09/2025

🧠 سبازموفين vs سبازموفري
- تعالى نعرف الفرق ببساطة لأن بيحصل لخبطة بينهم:
____
1️⃣ سبازموفين (Spasmofen):

- تركيب: Ketoprofen (مسكن قوي ومضاد التهاب) + Hyoscine (مضاد للتقلصات).

- الاستخدام: للمغص بأنواعه وأي تقلص عضلي شديد.

- ممنوع في الحمل لأنه:
▪️ الـKetoprofen (NSAID) ممكن يعمل غلق مبكر للقناة الشريانية عند الجنين، يقلل السائل ويزود خطر النزيف.
▪️ الحقنة فيها Benzyl alcohol اللي ممكن يضر الجنين وحديثي الولادة.

- يتاخد عضل فقط ومينفعش يتخلط مع أدوية تانية.
____
2️⃣ سبازموفري (Spasmofree):

- تركيب: Tiemonium (مضاد للتقلصات).

- الاستخدام: للمغص البسيط أو المتوسط (كلوي – معوي )

- أكثر أمانًا نسبيًا في الحمل (لكن لازم تحت إشراف طبي).

- ممكن يتاخد عضل أو وريد، ويتخلط مع أدوية تانية من غير مشاكل.
____
🧠 الخلاصة:

- لو مغص شديد وأنت مش حامل → سبازموفين حل قوي.

- لو مغص أبسط أو في حالة الحمل → سبازموفري بيكون الاختيار الأكثر أمانًا.

20/09/2025

⭕️ لماذا لا يٌنصح بتناول المضاد الحيوي Ciprofloxacin مع فوار المستخدم للأملاح Epimag في الوقت نفسه⁉️

☑️ تناول دواء Ciprofloxacin من فئة الــ Fluoroquinolones مع فوار المستخدم للأملاح
Epimag
الذي يحتوي في تركيبته على Magnesium citrate لذلك يقوم المغنسيوم بالارتباط بـ Ciprofloxacin في الجهاز الهضمي و هذا بدوره يقلل الامتصاص بنسبة ممكن توصل لـ 90٪ .

☑️ يعني كأنك لم تأخذ المضاد الحيوي من الأساس.

☑️ لكن كيف نتصرف لو المزيض بحاجة للدوائين⁉️

☑️ إذا اخذت السيبروفلوكساسين الاول :
💢أنتظار بعدها ساعتين وخذ الإبيماج وهذا الأفضل.

☑️و إذا أخذت الإبيماج الأول:
💢أنتظار بعدها 6 ساعات وبعدين خذ السيبروفلوكساسين.

☑️ نصيحة لك كصيدلي :
💢دائمًا اسأل المريض لو بيأخذ أي مكملات فيها كالسيوم أو ماغنسيوم أو زنك أو حديد، لأنهم كلهم بيعملوا نفس التداخل مع السيبروفلوكساسين ومع أدوية ثانية في نفس العائلة مثل:
☑️Levofloxacin .
☑️Norfloxacin .
☑️Ofloxacin .

25/08/2025

جالك الصيدلية راجل لسة خالع ضرسه وبيقولك يا دكتور أنا مكان الضرس هيموتني من الألم أرجوك محتاج أي مسكن يشتغل بسرعة، فرحت أنت جه على بالك مادة Diclofenac بس احترت يا ترى أطلع ديكلوفيناك صوديوم ولا بوتاسيوم؟
_______
تعال نتكلم في شوية معلومات شيقة ونفهم ايه الفرق بينهم وعلى أساسه نفهم ليه في أشكال كتير منهم في الصيدلية ☕️

🔶️ أولا لازم نعرف أن الامتصاص بتاع الديكلوفيناك كمادة فعالة بيكون سريع، وبيزيد بشكل مباشر مع الجرعة، ولكنه يظل امتصاص متقّلب، وعشان الامتصاص سريع فبيطلع من الجسم بسرعة، ودة بيخلي المريض محتاج ياخد جرعات كتير في اليوم، ودة بيخلي نوع الملح و شكل الجرعة عوامل مهمة جدًا في النتيجة العلاجية.

❇️ Diclofenac potassium
العلماء وجدوا أن ملح البوتاسيوم بيذوب بسرعة في الماء ودة بيخليه يمتص بسرعة في الجسم ⬅️ فبيديك مفعول أسرع لتسكين الألم، عملوا تجارب كافية بخصوص الموضوع دة.

↩️ عشان كدة هتلاقي أشكاله في الصيدلية immediate release أو فوارات أو Gelatin Capsules.

▪︎ وعشان هو سريع الامتصاص هتلاقي أنه بيستخدم لحالات الألم المحتاجة تأثير سريع: زي ألم حاد acute pain أو ألم البريود Dysmenorrhea أو الصداع النصفي migraine وغيرهم.
__________________
✴️ Diclofenac sodium
أما ملح الصوديوم فهنا الامتصاص أبطأ من البوتاسيوم، لذلك قالولك دة هينفع أكتر في حالات الألم اللي بيطول معانا شوية، وكمان الامتصاص السريع كان له مشاكل انه بيأثر على المعدة ويعملها تهييج وألم، فراحوا العلماء في أواخر التمانينات قالولك طيب ماحنا ممكن نعدل في شكل القرص ونخليه يُمتص بشكل أبطأ وكمان اخلي الامتصاص مش في المعدة، هنخليه في الامعاء small intestine عشان نقلل التأثير على المعدة.

↩️ ومن هنا طلعوا لينا Dosage form عبقرية، سموها (enteric-coated) فالطبقة المغلفة المحاوطة للمادة الفعالة بتكون مقاومة لحمض المعدة ⬅️ فالقرص يفك ويمتص في الأمعاء في PH أعلى. (non ionized form)

▪︎ هنا أنا تفاديت الاحتكاك المباشر للمعدة أة ولكن يظل الدواء ممكن يعمل مشاكل في باقي الجهاز الهضمي بداية من الأمعاء ودي مشكلة العلماء لسة بيحلوها.

↩️ وفي التسعينات طلعوا العلماء بشكل جديد تاني للديكلوفيناك الصوديوم (Extended-release XR) أو sustained release SR زي Voltaren SR اللي في السوق، ودة مصمم مخصوص عشان يخلي الدواء يطلع ببطء على فترات خلال اليوم، ودة بيخلي الاستخدام جرعة واحدة بس يوميًا (100 mg) ودة مناسب لمرضى الالتهابات المزمنة زي الروماتويد والتهاب المفاصل العظمي.

↩️ أما على مستوى ال topical use فعندك ال FDA مصرحة فقط ب Diclofenac sodium فقط في صورة gel حتى الآن.

📝 أما بالنسبة لنقطة تأثيرهم على الضغط فالاتنين متساويين لأن الضغط هيأثر فيه مادة ال Diclofenac مش الملح أبدا.

▪︎ أخرك في جرعة الديكلوفيناك سواء صوديوم أو بوتاسيوم في اليوم: 150 mg، تقسمهم على مرتين ل ٤ مرات على حسب التركيز اللي هتاخده، إلا في حالة Extended-release هنا هتاخد جرعة مرة واحدة فقط تركيز 100 mg.
___________

24/08/2025

كلنا استخدمنا الدواء دا مع مرضي الدوار والدوخه بس هل فكرت ايه الي اخد بالي منه قبل ما اوصفه ؟
عارف هو بيشتغل اذاي > عن طريق انه بينشط مستقبلات الهيستامين فبيعمل علي توسيع الاوعيه الدمويه وبيخفف الضغط جوه الـ the endolymphatic space وبيعالج الدوخه كدا بس خدت بالك دا بينشط مستقبلات H1 يعني لو مريض قرحه في المعده او ارتجاع مرئ ؟
ممكن يتعبه
لو مريض حساسيه صدر او حساسيه جلديه
ممكن يتعبه
فخلي بالك مع الناس دي لو اخدت الدواء واشتكت من الحاجات دي يبقي هو المذنب وقفه
---------------------------

13/08/2025

لو عاوزين تعرفوا الفرق بين ليمتلس ماغنسيوم و مغنسيوم بلس شوفوا البوست هيعجبكم جدا 🔥🔥

**ماغنسيوم بلس VS ليمتلس ماغنسيوم:
مين الأفضل؟**

لو بتدوري على مكمل مغنيسيوم يساعدك في النوم، تقليل التوتر، أو علاج التشنجات العضلية، فهنا مقارنة سريعة بين أشهر نوعين في السوق المصري:

# # # 🟢 **ماغنسيوم بلس**
- ✅ يحتوي على **أكسيد المغنيسيوم + جلوكونات المغنيسيوم**
- 💊 تركيز: 400 مجم أكسيد + 100 مجم جلوكونات
- 🌙 مفيد للنوم، الصداع النصفي، والتشنجات
- ⚠️ امتصاصه متوسط، لكنه مناسب للحالات العامة

# 🔵 **ليمتلس ماغنسيوم**
يحتوي على **ماغنسيوم بيسجليسنات*
- ⚡ ممتاز للطاقة، تحسين المزاج، وتقليل الإمساك السعر: أعلى من ماغنسيوم بلس

- 🌱 مناسب للناس اللي عندهم مشاكل في الامتصاص أو بيدوروا على تأثير أسرع

---

💡 **الخلاصة**:
- لو محتاجة دعم للنوم أو علاج التشنجات: جربي **ماغنسيوم بلس**.
- لو بتدوري على امتصاص سريع وتأثير قوي على المزاج والهضم: اختاري **ليمتلس ماغنسيوم**.

01/08/2025

ماهو_الفرق_بين_Ceftriaxone_والـ_Cefotaxime_المعروف_تجاريا_بالـ_Claforan_كلافوران.

هناك_بعض_الفروقات_و_هي:
1⃣ الـ Ceftriaxone يمتلك longer half life لذلك يعطى مرة باليوم او مرتان اما الCefotaxime يعطى مرتان في اليوم.
2⃣ الـ ceftriaxone يطرح عن طريق الكبد بينما الـ Cefotaxime يطرح عن طريق الكلى.
3⃣ في حالة وجود مشكلة في كلا العضوين مثلا renal failure يفضل اعطاء السفترياكسون لتجنب Toxicity عند اعطاء الـ Cefotaxime وبالعكس في حالة وجود مشكلة في الكبد hepatic failure يفضل اعطاءه والـ Cefotaxime لنفس السبب.
4⃣ في حالة وجود عدوى او التهاب في كلا العضوين مثلا UTI يفضل اعطاء الـ Cefotaxime نظرا لزيادة تركزه في الUrine لمحاربة العدوى لفتره اطول اما في حالة وجود عدوى في الكبد او المرارة يفضل اعطاء الـ ceftriaxone.

31/07/2025

شوية المكسرات دول على الفطار... هيفرقو معاك اليوم كله لحد اخره
لا هتجوع
و هتركز
و هيديك نشاط عجيب
غنى بالاوميجا ٣
و الدهون الصحيه
و فيتامينات كتيره و عجيبه
و خصوصا لو مع كباية قهوه 😍😍

29/07/2025

♦️3 ادوية مشهورين في توسيع الشعب الهوائية بنستخدمهم في عمل جلسات #النيبولايزر وهم:

🔷اول دواء (Atrovent) اتروفنت
🔷تاني دواء (Farcolin) فاركولين
🔷تالت دواء (Pulmicort ) بلمكورت

كلهم بنستخدمهم في حالات الـ (bronchial asthma) الربو القصبي علشان بيعمل (bronchial dilatation) توسع الشعب الهوائية

#خدبالك:
💠 #دواء ( ) اتروفنت
• من ادوية (anticholinergic drug) مضادات الكولين ومش بيسبب زيادة في ضربات القلب وعشان كده هو امن اكتر من الفاركولين
•ولازم ثبت الماسك علي العيان كويس وخلي بالك بلاش البخار يدخل في عين العيان عشان بيعمل (blurred vision) تشوه في الرؤية وبيأثر علي العين

💠 #دواء ( ) فاركولين
• يفضل عدم استخدامه مع مرضي القلب عشان بيزود ضربات القلب و بيعمل رعشة مع بعض الناس

💠 #دواء ( ) بلمكورت
• خلي بالك منه عشان حساس للضوء وبيترج قبل التحضير ومينفعش يتركن اكتر من ربع ساعة وهو مفتوح
• وبيمنع حدوث ( inflammatory) اللتهابات وبالتالي بيقلل عدد مرات حدوث الـ ( asthma)

Marwa Pharmacy صيدلية مروة

14/11/2025

09/11/2025

18/10/2025

16/10/2025

24/09/2025

20/09/2025

25/08/2025

24/08/2025

13/08/2025

01/08/2025

31/07/2025

29/07/2025

Address

Website

Alerts

Shortcuts

Share

Category